дома блог страница 1575

Ламбе Алабаковски: Народе мој Ви благодарам за Вашата искрена поткрепа! Ве љубам од длабочината на срцето и душата!

Пејачот Ламбе Алабаковски на социјалните мрежи се заблагодари за поддршката која му ја дадоа граѓаните.

Против него се води постапка за палењето на контроверзниот бугарски клуб „Ванчо Михајлов“ во Битола. Алабаковски се заблагодари за поддршката која ја доби и од народот и од многу јавни личности, а и преку протестот во Битола.

„Народе мој Ви благодарам за Вашата искрена поткрепа! Ве љубам од длабочината на срцето и душата!, пишува тој.

(Видео) Филмско апceње кај патарината Сопот: Падна 19-годишен дилep од Кавадарци

На 17.06.2022 на наплатната станица Сопот на автопатот „Пријателство“, полициски службеници од Одделот за криминалистичка полиција при МВР – Сектор за недозволена трговија со дpoга, opyжje и опacни матepии во содејство со СВР Велес – Одделение за недозволена тpговиja со дpoга го лишиле од cлобода Д.Г.(19) од Кавадарци.

По претходно добиена cyдcка нapeдба, било запрено возилото „фолксваген поло“ со кавадаречки регистарски ознаки, кое го yпpaвyвал и при личен претpec кај него биле пpoнajдени и одземени околу 100 гpaма kokaин и пapи.

Исто така, при пpeтpec во неговиот дом во Кавадарци, извршен со судска нapeдба, биле пронајдени пapи во различни апоени и валути за кои постои сомнение дека потекнуваат од кpивичното дело.

Тој бил пpиведен во полициска станица и по целосно документирање на случајот против него ќе биде поднесена пријава по член 215 од Кривичниот законик.

Голем протест на ВМРО-ДПМНЕ вечерва во Скопје

ВМРО-ДПМНЕ вечер во Скопје ќе одржи протест за промени преку кој повторно ќе испорача барање за одржување предвремени парламентарни избори.

Протестот е најавен со почеток во 20 часот пред зградата на Владата.

Опозициската партија подолг период инсистира на одржување избори, а во Собранието спроведува и активна блокада на активностите.

Одлуката за протестот ја донесе Извршниот комитет на ВМРО-ДПМНЕ на 17-ти минатиот месец, упатувајќи критики до власта за неспособност за соочување со економската и финанансиската криза придружена со постојат пораст на цените и висок процент на инфлација, зголемување на јавниот долг, неефикасна и неодговорна дипломатија за формален почеток на пристапните преговори со ЕУ…

Лидерот на партијата Христијан Мицкоски вчера во видео обраќање по повод роденденот на партијата истакна дека го одбележуваат во знакот на промени. – Испраќам порака на обединување против лошата власт и владата која ги загорчува животите на илјадници луѓе, рече Мицкоски.

Премиерот Димитар Ковачевски, пак, за утре најави средба на коалициските партнери кои се дел од Парламентот и од Владата, на која рече дека меѓу другото ќе се реафирмира ставот за одржување редовни избори во 2024 година заедно со претседателските.

Според Ковачевски, тоа ќе биде позитивна средба на која, како што кажа, граѓаните ќе се уверат дека има владејачко мнозинство и Влада која се грижи за животниот стандард на граѓаните и обезбедување на се она што треба една Влада да го обезбеди во услови на најголема криза. Тоа, вели, е различно од тоа што го прави опозицијата, бидејќи, како што рече, „таму единствено гледаме деструкција и блокирање“.

Прилепското вино “Сарика” го освои Балканот

На островот Саламина – Грција, оваа година се одржа 11-тиот Balkan International Wine Competition (BIWS).

На натпреварот учествувале рекорден број примероците од повеќе од 1.000 вина од 280 винарии од сите балкански земји.

Виното Сарика Бело од семејната винарија Сарика од Прилеп, се закити со бронзен медал.

Сопственик на оваа мала успешна винарија е нашиот сограѓанин Гоце Станоески, за кого ова не е прв успех. Во февруари годинава во конкуренција од 144 мостри од вина и ракии, тој освои прво место за најдобра ракија и ги победи и кавадарчани и неготинчани, во рамки на манифестацијата “НЕДЕЛА НА ВИНОТО 2022” – Натпревар во најдобро вино и ракии, кој го организираше општина Неготино.

(Фото) Пачешкоски и Талевски во најмалата сала раскажуваа како се живеело преубаво денеска?

Во салата на киното “Мис Стон”, СДСМ вечерва одржа трибина со членството насловена како “Политики за подобра сегашност и безбедна иднина”.

Говорници на трибината беа претседателот на ОО СДСМ Прилеп, Зоран Пачешкоски и пратеникот Миле Талевски, кои зборувале за тоа како Владата предводена од СДСМ преземала активни мерки за надминување на последиците од кризата и зачувување на животниот стандард на граѓаните.

-СДСМ работи за граѓаните, а ДПМНЕ кочи, блокира и одмага. Во моменти кога на граѓаните им треба помош, Мицкоски ги кочи процесите и ги блокира закони во Собранието. Таквото антидржавно и антинародно однесување ќе биде казнето.

Додека Владата предводена од СДСМ го штити стандардот на населението и ги враќа парите кај граѓаните, градоначалниците од редовите на ДПМНЕ трошат раскалашено и ги зголемуваат цените на локалните услуги.

Зголемувањето на сметките за вода, за паркинг, на комуналните такси и услугите на Домот за стари лица во Прилеп, е доказ дека градоначалникот на Прилеп, Борче Јовчески ги излажаа граѓаните на Прилеп.

#СДСМ останува на страната на граѓаните. Во кризни времиња ја кренавме минималната плата на 18.000 денари, а просечната плата на 30.000 денари. За 300 отсто ја зголемивме и социјалната помош, воведовме и социјална пензија. Се обезбедуваат пари за субвенции во земјоделието, средства за подобрување на државото зравството и за инфраструктурата.

Имаме план и за справување со сите нови предизвици. Со СДСМ граѓаните се безбедни, се дел од поентите изнесени на вечерашната трибина со граѓаните на Прилеп.

Имаме план и за справување со сите нови предизвици. Со СДСМ граѓаните се безбедни, се дел од поентите изнесени на вечерашната трибина со граѓаните на Прилеп. – стои во соопштението од владеачката партија.

Повеќе фотографии од настанот погледнете ТУКА

Компанијата “Кожувчанка” и Фондацијата “Никола Јанчев” со нова милионска донација каде што е најпотребно (Фото)

Секој ден посакуваме да е ваков, среќен, каков што е денешниот за пациентите на Универзитетската клиника за Гастроентерохепатологија.

Денес, Фондацијата Никола Јанчев донираше нова генерација ултразвучен апарат за рано детектирање на промени кај црниот дроб, со можност за еластографија, на клиниката при ЈЗУ Клинички центар “Мајка Тереза” Скопје.

Во износ од 2.300.000 ден. ова е уште една од многуте донации која вреди почит кон Фамилијата Јанчеви кои важат за хуманитарни луѓе што водат општествено одговорни компании.

Имено, Фондацијата Никола Јанчев е основана од актуелниот Градоначалник на Општина Кавадарци, г-динот Митко Јанчев кој важи за еден од најпосветените во работата за добро на своите сограѓани, а неговата сестра, г-ѓа Јанинка Чупаркоска е Генерален менаџер на Компанијата Кожувчанка, која со право ја носи титулата – Општествено одговорна компанија. Фондацијата го носи името на нивниот покоен татко кој заедно со брат му ја основаат Кожувчанка од Кавадарци во 1995-та година.

Денес, Фамилија Јанчеви, ги познаваме по нивната способност и напорна работа која ги води до успех и по многуте хуманитарни активности на секое поле.

Јанчеви ја препознаваат потребата од помош и секогаш реагираат со донации за подобро утре на ова наше општество!

Така и денес, г-ѓа Јанинка Чупаркоска прими благодарност за оваа донација, а таа изјави дека секогаш, па и во време на глобална здравствена и економска криза, цел на нејзината Фамилија и Фондацијата Никола Јанчев е да помага на луѓето со поддршка онаму каде е најпотребна!

Несторовски доби три понуди од различни земји

Македонскиот фудбалер Илија Несторовски најверојатно летово ќе си замине од Удинезе, затоа што има договор до крајот на јуни, а нема да добие нов договор од клубот.

Италијанските медиуми пишуваат дека Несторовски добил три понуди од различни екипи, па наскоро треба да донесе одлука за неговата иднина.

Несторовски не се врати во посакуваната форма по повредата поради која мораше долго време да паузира надвор од фудбалските терени.

За македонскиот напаѓач се заинтересирани Лече, Вотфорд и една понуда се очекува од Обединетите Арапски Емирати, па Несторовски ќе може да бира каде ќе заигра следната сезона.

Дете за пофалба: Беше единствен учесник од општина Долнени и освои прво место на Државниот натпревар по природни науки

На 28 мај 2022г. на Природно математичкиот факултет во Скопје, се одржа седмиот Државен натпревар по природни науки за ученици од четврто одделение.

Ненад Веселиноски беше единствениот учесник од општина Долнени и освои прво место. Ненад е ученик во ООУ “Mирче Ацев” од населеното место Лажани, а негов ментор беше наставничката Весна Чатлеска.

Денеска Ненад и неговата наставничка имаа и прием кај градоначалникот на општината, Урим Ибески, кој им додели Пофалница за постигнатиот успех и вети парична награда за Ненад.

На малиот Ненад му посакуваме уште поголеми успеси во иднина, а на наставничката уште многу вакви успешни и вредни ученици.

СДСМ: “Ги намаливме цените за 10%”

СДСМ преку соопштение порача дека е посветена на заштита на стандардот на граѓаните во време на најголемата светска економска криза и помогнала со намалување на цените.

„Почитувани граѓани, почитувани новинари, Владата предводена од СДСМ е силно посветена на заштита на стандардот на граѓаните, во време на најголема светска економска криза.

Ја ограничивме трговската маржа за основните прехранбени продукти. За лебот, шеќерот и сончогледовото масло за јадење се утврдува трговска маржа до пет отсто на продажбата на мало и до пет отсто на продажбата на големо. За брашното, јајцата, оризот и тестенините, се утврдува продажна маржа до 10 отсто во трговијата на мало и големо.

Со ова ограничување на маржата, веќе има намалување до 10 отсто на крајната цена на овие производи во маркетите. Истовремено, продолжуваат засилени контроли за трговците, со цел да нема драстично зголемување на маржите и истите соодветно да се санкционираат.

Оваа одлука ќе важи до 30 септември оваа година, со можност да се продолжи до крајот на годината. По усвојувањето на ребалансот на Буџетот, следуваат мерки за поддршка на граѓаните и компаниите со цел полесно справување со последиците од кризата. Од септември 330.000 пензионери ќе добијат повисоки пензии, а зголемување на платите од 15 отсто ќе добијат вработените во образованието, детската заштита и други сектори.

Продолжуваме со вистинска грижа за стандардот на нашите сограѓани“, соопштија од СДСМ.

Лавров го “пpeceче” британскиот новинар: Не ме интересира што мисли Западот (Видео)

Рускиот шеф на дипломатијата Сергеј Лавров понекогаш е тежок соговорник, а тоа на своја кожа го почуствува Стивен Розенберг од „Би-Би-Си“.

Лавров во интервју за медиумот кажа дека Русија не извршила инвазија на Украина, туку прогласила специјална воена операција.

Розенберг кажа дека во „очите на Западот Русија е одговорна за судбината на заробените страници“, по што Лавров го пресече.

„Воопшто не ме интересираат очите на Западот. Мене ме интересира меѓународното право“, кажа Лавров.