дома блог страница 1574

Зеленски по посетата на јужниот фронт: “Победата е неминовна”

По враќањето од фронтот на југот на земјата, украинскиот претседател Володимир Зеленски денеска изјави дека неговите војници не се сомневаат во победата против Русите.

Зеленски, кој ретко излегуваше надвор од главниот град Киев од почетокот на руската инвазија, вчера за прв пат го посети Миколајев на југ.

Никому нема да го дадеме југот, ќе вратиме се, а морето ќе биде украинско, ќе биде безбедно“, се наведува во видеото што Зеленски го објави на Телеграма при враќањето во Киев.

Зеленски ги посети украинските војници и им се заблагодари за нивната „херојска служба“ во борбата против руските сили поддржани на исток од областа на анектираниот Крим.

„Важно е да сте живи. Се додека сте живи, постои силен украински ѕид кој ја штити нашата земја“, им рекол тој на војниците.

Еве што пишуваат светските медиуми за вчерашниот протест на ВМРО-ДПМНЕ

Илјадници поддржувачи на најголемата опозициска партија ВМРО-ДПМНЕ се собраа во центарот на главниот град на Македонија, Скопје и побараа предвремени паралемнтарни избори две години пред нивниот термин, вака странските медиуми го пренесуваат вчерашниот голем протест на ВМРО-ДПМНЕ.

Радио телевизија Србија информира дека огромен број граѓани поведени од ВМРО-ДПМНЕ синоќа протестираа во Скопје и побараа одржување на вонредни парламентарни избори.

Целта е да се победи и казни владеачката СДСМ, порача лидерот Христијан Мицкоски и најави дека борбата ќе продолжи секаде-во парламентот, на улиците, во градовите и селата, пренесува РТС.

Лидерот на ВМРО-ДПМНЕ рече дека на протестот, кој го нарече величенствен собир се собрале неколку илјади луѓе за да си ја вратат слободата на Македонија и дека народот е на нозе бидејќи сака борбата да се избори за својата Македонија, пренесува Н1.

Илјадници поддржувачи на најголемата опозициска партија ВМРО-ДПМНЕ се собраа во центарот на главниот град на Македонија, Скопје и побараа предвремени паралемнтарни избори две години пред нивниот термин, објави abcnews.

И ВОА пренесе дека илјадници поддржувачи на опозициската ВМРО-ДПМНЕ излегоа во саботата навечер во центарот на главниот град Скопје и бараат предвремени избори.

Повеќе од сто илјади луѓе излегоа на улиците во Скопје, главниот град на северна Македонија, соопшти В4НА.

Странскиот медиум наведува дека демонстрантите излегоа на улиците да протестираат против социјалдемократската влада, демонстрациите ги предводеше конзервативната демохристијанска партија ВМРО ДПМНЕ и лидерот Христијан Мицкоски.

„Мицкоски посочи дека има итна потреба од избори поради зголемената инфлација, корупцијата во државата и владиниот криминал, како и застојот на земјата во евроинтеграциите.

На земјата и се заканува вето од соседна Бугарија во преговорите за пристапување во ЕУ, додека владата целосно потфрли во економските реформи. Анкетите покажуваат убедливо раководство на опозицијата, но премиерот Ковачевски избегнува избори“, пренесува споменатиот медиум.

Во прилепско возило пронајдени 26 мигранти од Сирија

По целосно документирање на случајот ќе биде поднесена соодветна пријава.

На 18.06.2022 во 21.00 часот на автопатот Гевгелија –Скопје, на наплатна станица Смоквица, полициски службеници од Полициската станица за граничен премин „Богородица“ ги лишиле од слобода Д.С.(20) и М.И.(36), двајцата од Велес.

При преглед во товарно возило „цитроен“ со прилепски регистарски ознаки, кое го управувал Д.С., а сопатник бил М.И., биле пронајдени 26 лица илегални мигранти од Сирија. Тие биле приведени во полициска станица, а мигрантите биле спроведени во Транзитен центар „Винојуг “ во Гевгелија.

Врие како во котел пред Влада: Погледнете колку народ има на пpoтecтот на ВМРО-ДПМНЕ (Фото галерија)

Под мотото “Премногу е”, ВМРО-ДПМНЕ вечерва одржува масовен протест пред Владата на Република Македонија.

Од партијата најавија 80.000 граѓани кои ќе присуствуваат на протестот, а според фотографиите оваа бројка изгледа точна.

Свој говор пред граѓаните ќе има лидерот на партијата Христијан Мицкоски.

Следете го во живо големиот пpoтecт на ВМРО-ДПМНЕ под мотото “Премногу е”

Следете го во живо вечерашниот протест на ВМРО-ДПМНЕ под мото Протест за промени, затоа што премногу е.

На протестот говор ќе има и лидерот на партијата Христијан Мицкоски.

Истиот е закажан за 20 часот, а се очекуваат и над 80 илјади македонски граѓани од целата држава.

Опacно се ниша тотемот на Комерцијална банка во центарот на Прилеп: Апел за да не биде прекасно (Видео)

Опасно се ниша тотемот кој ја покажуваше температурата, датумот и точното време на Комерцијална банка на плоштадот “Александрија” во центарот на Прилеп.

Тотемот веќе подолго време не е во функција, а со цел да не биде прекасно и да не падне врз некое од децата кои редовно играат и трчаат низ тревниците, апелираме истиот или да се санира, или да се отстрани.

10 фестивали, уметници од 20 земји – Започнува Битолското културно лето

Градоначалникот на општина Битола, Тони Коњановски, на денешната прес конференција информираше за Битолското културно лето, кое започнува утре, со Концерт на Каролина Гочева во Хераклеја и ќе трае до 31 август. Оваа година, БИТ ФЕСТ воведува нов концепт на културно лето, кое истовремено ќе ги поврзува традицијата и современите достигнувања во културниот свет.

„Содржините кои се дел од оваа програма даваат концепт на издигнување на фестивалот на повисоко естетско ниво со почитување на професионализмот, креативноста и повисоките критериуми и норми на уметничка изведба од страна на авторите и изведувачите кои ќе земат учество на Бит Фест. Фестивалот заслужено добива шанса да биде идентитетски силен и да претставува предизвик и за уметниците и за публиката.

Во следните 64 денови, на повеќе просторни сцени во градот на кои како дел од БИТ ФЕСТ ќе се одржуваат 10 фестивали, со гостувања на уметници од над 20 земји од светот, Битола низ автентичен културен израз, ќе ја промовира македонската уметност, култура и традиција пред домашната и странска публика, градејќи и цврсти меѓународни врски, за нови можности за културен напредок на градот.

Утревечер, започнуваме со најголемите македонски хитови на нашата битолчанка Каролина Гочева, со концерт во Хераклеја, а на 31 август ќе завршиме повторно со македонски хитови во изведба на групата „Меморија“.

Во тој период од 19 јуни до 31 август, ќе проследиме квалитетни програмски содржини, меѓу кои на 21 јуни на 10 сцени, ќе го славиме франкофонскиот Празник на музиката или „Солстис“ за убав почеток на летните денови, а следниот ден ќе имаме можност да го проследиме концертот на „Марко Виденовиќ – СЕПТЕТ“. Продолжуваме со програмата на Битола отворен град, а на 25 јуни ќе го отвориме Битола Шекспир Фестивал, каде имаме гостување на театри од Полска, Албанија, Италија, Бугарија, Црна Гора. Дополнително, театарската програма ја збогатуваме со гостување на Македонски народен театар и претставата „Народен непријател“, како и гостувања на тетовскиот и велешкиот театар. За најмладите, оваа година Интернационалниот детски театарски фестивал „Битолино“, носи гостувања на театарски претстави од Македонија, Италија, Швајцарија, Полска, Чешка, Иран и Турција, а од филмската уметност во Киното Манаки, ќе следува недела на проекции на детски филмови.

Дел од музичката и музичко сценската уметност на БИТ ФЕСТ, се и виолинистите Владимир Костов, Ана Контраденко, Марко Поп Ристов, сопранот Весна Гиновска Илкова, а под наслов „Со лезет за Битола“ ќе настапат светски познатите, македонски оперски пејачи Ана и Игор Дурловски.

Традиционално, „Со песни за Битола“, продолжуваме со „Незаборав“.

За љубителите на џез – културата, го имаме Интернационалниот „Џез Фабрика Фестивал“, а „Балкан Гала фестивалот“ на Камерниот оркестар на Битола, ќе биде исполнет со поп и рок симфонија.

Музиката и традицијата, продолжуваме да ги негуваме преку Локум фест, а меѓу богатите содржини за време на фестивалот „Илинденски денови“ на БИТ ФЕСТ е и гостувањето на ансамблот за македонски народни игри и песни „Танец“ и Влатко Стефановски.

Дел од официјалната програма на БИТ ФЕСТ се и автори кои професионално се докажале на ликовната сцена, а и други содржини кои верувам дека ќе го привлечат и задржат вниманието на публиката.

За првпат годинава, програмата на БИТ ФЕСТ е збогатена и со Интернационалниот филмски фестивал „Браќа Манаки“, изјави градоначалникот на општина Битола, Тони Коњановски на денешната прес конференција, заблагодарувајќи и се на стручната комисија која изврши избор на содржините за битолското културно лето, како и на директорите на националните културни институции, каде ќе се реализираат дел од културните содржини ова лето.

Официјалната програма, ќе заврши на 31 август, а на предлог на комисијата, поддржани се и апликации кои се однесуваат на културни содржини кои ќе се реализираат во Битола, надвор од програмата на битолското културно лето, до крајот на годината.

Ваквиот пристап на општина Битола, нуди простор и поддршка и за други проекти да бидат презентирани пред битолската јавност, да се потикне потенцијалот за идна соработка, но и да се отвори можност за реализација на проекти кои заради своите специфики и интересот на градот да ги поддржи, имаат потреба за дополнително време и средства за реализација.

Програма за БИТ ФЕСТ 2022

Литванија им покажа заби на Русите: Забранет транспортот на стоки до Калининград

Поминаа над 100 дена од вojната во Украина, а крајот сеуште не се гледа.

Европските држави веќе воведоа санкции кон Русија, а веста дека Литванија, во согласност со примената на санкциите против Руската Федерација, забрани транспорт на луѓе, суровини и материјали за потребите на руската енклава Калининград, целосно ја изолираше оваа област. Со ова само се долеа масло на огнот, а единствениот начин на транспорт и трансфер, храна, материјали и потреби станува поморскиот транспорт на Балтикот.

Литванија го затвори железничкиот транзит на стоки кон Калининградската област од другите региони на Русија. ЕУ забрани до 50 отсто од товарот, вклучувајќи градежни материјали, метали и други важни стоки, изјави гувернерот на Калининградската област Антон Алиханов за руските медиуми. Дали Русите ќе реагираат, останува да видиме.

Димитров се свести? Францускиот предлог е дебакл за македонската дипломатија

Предлогот на француското претседателство не носи подалеку, а не поблиску до членство во ЕУ, смета поранешниот министер за надворешни работи Никола Димитров.

-Клучното прашање е дали преку ваков договор сме поблиску до целта- членство во ЕУ. За мене, нема никакви дилеми. Со ваква рамка, ЕУ е подалеку од денес, кога се уште немаме почнато преговори, вели Димитров во изјава за Дојче Веле, по објавувањето на францускиот предлог за надминување на бугарско-македонскиот спор и отворање на преговорите со ЕУ.

Тој објаснува дека предлози за решавање на проблем меѓу две страни секогаш прво доаѓаат до засегнатите страни, но фактот, како што вели, што ваков предлог „воопшто паднал на маса веќе е дебакл за македонската дипломатија.”

-Внесувањето на бугарските барања во преговарачкиот процес, и тоа во најважниот дел – кластерот Фундаменти, ни ја става судбината целосно во рацете на Софија. Ако таа не е задоволна од што било (не само внесувањето на Бугарите во Уставот), ќе си стоиме во место или ќе нѐ вратат назад, вели Димитров.

Не знам, наведува, што е пострашно, да им верувам на нашиве дека го немаат предлогот или да не им верувам. -Ако не се во тек со предлог што се однесува на македонските маки со Бугарија, тогаш тоа е признание дека не си ја работеле работата за најважното прашање за нацијата. Ако пак го имаат, а велат го немаат, си играат со довербата на јавноста, вели поранешниот шеф на дипломатијата.

Aртан Груби се пожали: Земам 70.000 плата и ова ми е најниската досега во животот (Видео)

Мојата плата како вицепремиер е 70.000 денари, истакна во анализата на 24 Вести, министерот за политички систем и односи меѓу заедниците, Артан Груби.

„Јас како функционер земам најмала плата. Претходно сум имал повисока плата. Платата на министрите и на пратениците не е покачена со години. Тоа што ние како влада направивме е покачување на минималната плата на 18.000 денари. Сега ние ли треба да ги намалиме нашите плати“, вели Груби.