дома блог страница 1554

Илија Димоски го “нокаутира” Буjaр Османи

Фејсбук статус на поранешниот пратеник од ВМРО-ДПМНЕ, Илија Димоски

Отворено писмо до Бујар Османи…

Ги следам твоите настапи и одлучив да ти се обратам лично, не како на министер, туку како Илија на Бујар. Во минатото сме разговарале многу пати, знам дека нема да ме разбереш единствено само ако немаш желба да ме разбереш.

Ве познавам лично и тебе и повеќето твои соработници од ДУИ и знам дека не можете воопшто да кажете дека не ги разбирате процесите, барем не на мене, но дозволи искрено и директно и заради тебе и заради јавноста да разговараме со суштински, а не со површни маркетиншки флоскули и аргументи.

Дозволи низ еден пластичен пример на аналогија да ти објаснам какви се овие времиња за Македонците. Ќе употребам примери со Албанците како народ и нација, не за да навредам или се согласам со тие примери, туку да ти покажа и тебе и на твоите колеги што е тоа што се обидувате, заедно со СДСМ, да го покажете како нормално, а не е.
Замисли Бујар некој да ти предложи и да те пристиска, а ти, уште повеќе, да потпишеш и прифатиш дека:

Прво, Албанците во Македонија не се ист народ со Албанците во Албанија, исто како што во “Преспа” пишува дека Македонците од Македонија и Македонците од Грција немаат ништо заедничко и не се исти.

Второ, замисли да мора да прифатиш и потпишеш дека Енвер Хоџа ја создал албанската нација на вештачки начин, онака како што бугарското Собрание со својата Декларација од 2019 година тврди за Тито и Македонците.

Трето, еве помисли Бујар, како би ти било да треба да потпишеш и прифатиш дека Албанците во Македонија не смеат да го користат албанското знаме исто онака како што со Времената спогодба, а потоа и со “Преспа” забранувате и брусите онаму каде што има македонско шеснаесеткрако сонце.

Четврто, би можел ли да замислиш ситуација во која ти или некој колега од ДУИ мора да прифати и потпише дека Ѓерг Кастриот е Србин, а Хасан Приштина е Турчин, како што нам Македонците ни се случува секојдневно благодарение на промашената политика на оваа Влада, те за Гоце Делчев, те за десетици други борци за слобода на Македонија.

Петто, би се согласил ли Бујар да ставиш во меѓународен правен договор дека Албанците немаат никакво илирско потекло ниту културолошко наследство од Илирите и дека на пример Илирите се Словени, а не Албанци, исто онака како што со Преспа прифативте дека ние Македонците немаме никакво македонско потекло и дека Македонците биле Грци (види “Преспа”, член 7).

Шесто, како би ти било да правиш “мали” компромиси за албанската нација и историја со оние што секојдневно и со години наназад тврдат дека албанската нација е вештачка и создадена со албанизирање на Турци, Словени, Власи и Роми
исто онака како што секојдневно преговарате “мали” компромиси за историјата со оние кои имаат ваков однос и тврдење кон нас Македонците.

Еве вака изгледаат работите низ призмата на Македонците, доколку сакаш да погледнеш и знаеш. Ова што го напишав не го посакувам на никому, ама не сакам ниту да дозволам некој да ме убедува дека ова што им се случува на Македонците е базирано на нормални европски вредности, затоа што не е.

Застани и размисли. Затоа Бујар, Албанците во Македонија во овој случај мора да останат рамо до рамо со нас Македонците, затоа што ние Македонците сме најмал народ на Балканот, но Албанците се втор, а сите околу нас исто или слично се однесувале во историјата и кон нас и кон вас.

На еден ден престани да бидеш политичар и ќе разбереш колку многу грешиш. Застани. Се надевам дека ќе ме разбереш во добра намера и дека ќе размислиш длабоко за твоите постапки и чекори. Застанете. Прифаќањето на францускиот предлог е навреда за Македонците, но и ќе го одложи, а никако нема да го забрза евроинтегративниот процес.

Ако вашата Влада со СДСМ го прифати овој предлог ќе не навредите нас Македонците, но и ќе ја запечати секогаш шансата на Македонија да стане членка на Европската Унија.

Поздрав, Илија

Одлична вест за родителите од Прилеп чии деца се ставени на чекање: Привршува новата детска градинка во Точила (Фото галерија)

Речиси при крај е изградбата на детската градинка во населбата Точила во Прилеп. Камен темелникот за оваа градинка беше поставен во април минатата година, а ветувањата од тогашните власти беа дека ќе биде завршена со изградба до Нова година.

Објектот според тогашните најави е вреден 133 милиони денари, а ќе има капацитет за 252 деца. Според најавите градинката ќе биде модерен енергетски ефикасен – самоодржлив и прилагоден на современите стандарди за вакви установи.

Ова е добра вест за прилепчани чии деца се ставени на чекање поради исполнетоста на капацитетите во детските градинки.

Бypна ноќ за полициjaта во Прилеп: Teпачка, кpaжба, апceње…

Oд полицискиот билтен со дневни настани на МВР

-На 03.07.2022 во 02.15 часот на улица „Пере Тошев“ во Прилеп, полициски службеници од Полициската станица Прилеп ја лишиле од слобода Т.М.(18) од Битола поради постоење основи на сомнение за сторено кривично дело по член 215 (Неовластено производство и пуштање во промет на наркотични дроги, психотропни супстанции и прекурсори) од Кривичниот законик.

-На 02.07.2022 во 18.00 часот во ОВР Прилеп, Д.С.(30) од Прилеп пријавил дека, додека бил во Битола, бил физички нападнат од З.Д.

-На 03.07.2022 во 05.30 часот во ОВР Прилеп, А.В.(22) од Прилеп пријавил дека околу 00.30 часот пред угостителски објект во Прилеп бил физички нападнат од лицето Б.„Н“.

-На 02.07.2022 во 21.53 часот во Полициската станица Прилеп било пријавено дека на бензинска пумпа во Прилеп едно лице со закана кон вработените одзел пари од дневниот промет.

Се преземаат мерки за расчистување на сите случаи – информираат од СВР Битола.

Уништен детскиoт парк во Крушево до спомен куќата на Тоше (Видео)

Целосно уништен и руиниран детскиот парк на Гумење во Крушево. Прилепчанец кој денеска отишол со својата фамилија да помине еден неделен одмор, се разочарал кога наишол на ваква слика во детскиот парк.

Испокршени огради и реквизити за играње. Руинирани клупи и детски нишалки…. Каде паднало, таму останало…

Жално!

Ограбена бензиска пумпа на Макпетрол во Прилеп

На 02.07.2022 во 21.53 часот во Полициската станица Прилеп било пријавено дека на бензинска пумпа во Прилеп едно лице со закана кон вработените одзел пари од дневниот промет.

Се преземаат мерки за расчистување на случајот – информираат од СВР Битола.

Според неофицијални информации, се работи за бензиската пумпа на Макпетрол која се наоѓа на битолско џаде.

За многу години: Денеска е Свети Наум Охридски Чудотворец

Според календарот на МПЦ (Јулијанскиот календар) денеска е 20 јуни.

Денеска е Св. Наум Охридски.

Свети Наум е најблискиот соработник на свети Климент, првиот словенски епископ. Во делото на просветувањето на Словените со евангелската вистина тој учествуваше како учител, а потоа и како свештеник. Десетина години пред смртта го основа манастирот посветен на светите Архангели на Охридското езеро.

Овој манастир е денешниот Св. Наум. Свети Наум се претстави пред Бога околу 910 година, на 23 декември (по јулијанскиот календар). Со оглед на тоа што тој ден паѓа во пост, за поторжествено празнување на неговиот спомен, уште од старо време Охридската Архиепископија го установи неговиот празник за време на летото, на денешен ден.

Божиновски: “Државата ја продадовте, не успеавте Мерцедесот на Груевски да го продадете за амбулантни возила”

,,Касно е сега другарчиња од сдсм да плашите народ со вмро. Го вративте вмро и честито. Со години молчевте на кражби, на корупција на вашите, секоја критика која можеше да ве доведе до некое подобрување ја карактеризиравте ко вмрана, неутровмрана, леви димчиња и што уште не, се обидовте да ја задушите секоја критика, секој кој не мисли ко вас, продолживте со истите практики на вработување партиско, со неодговорно владеење, присили, патни трошоци, хонорарци. Државата ја продадовте, не успеавте Мерцедесот на Груевски да го продадете за амбулантни возила.

Сега е касно за да се промените. Време е да ги соберете плодовите од вашата работа. Во овоштарниците на КПУ Идризово” , пишува Божиновски.

Свештеник од Прилеп да ви каже како стојат работите: Четиво кое предизвикува морници во време кога го губиме идентитетот, јазикот и државата

Пишува: Протоереј Златко Ангелески

Во време кога го губиме идентитетот, јазикот, државата и се’ она, што не’ прави Македонци, благодарение на три банди предавнички, никогаш да не заборавиме неколку факти:

Прво: Во времето кога Колумбо пловел по морињата за да го пронајде новиот континент, македонскиот народ веќе почнал да се жртвува за Христа!

Второ: Во времето кога големиот Шекспир со мастило ги пишувал своите трагедии, Македонците своите трагедии ги испишувале со крв!

Трето: Во времето кога Кромвел во името на Библијата се борел за слобода во нивниот парламент, македонските јунаци пребивале низ густите шуми и кории и меѓу себе си раскажувале за тешките злосторства кои ги гледале како се случуваат врз сопствениот народ!

Четврто: Во времето кога Милтон ја напишал маестралната поема „Изгубениот рај“, Македонците веќе почувствувале дека го загубиле Рајот!

Петто: Во времето кога Ливингстон отишол во Африка со светлината на просветена цивилизација, во Македонија се’ уште управувале мрачните сили, многу помрачни од оние во Африка!

Шесто: Во времето кога философот Лок ја напишал книгата „За воспитувањето на луѓето“, Македонецот веќе се учел на воспитување од примерите на своите светли водачи и просветители!

Седмо: Во времето кога Адам Смит ја напишал книгата „За богатството на нациите“, Македонецот веќе поседувал свое богатство – цврстата вера и светата надеж за опстој!

ЗАПАМТЕТЕ! Човек да измачува човек, народ да негира народ, христијанин да биде непријател против христијанин, и тоа да се случува во XXI век, сето ова ја надминува секоја ѕверска карактеристика! Кај Индијците има едно сведоштво, дека кобрата, една од најопасните змии во Индија, никогаш нема да касни бебе, кое е во јасли!

Но, безмилосно напаѓа на човекот, кога таа е во опасност. А Европа, оваа, „цивилизиранава“, денешнава и бесрамна, распуштеницава и блудницава, со сласт и страст гледа како една фашистичко-окупаторска змија напаѓа еден кроток и мирољубив народ! Гледа и – ужива! И на какво добро можеме да се надеваме од таква Европа!?

Европа никогаш доволно не не’ познавала и уште долго време нема да не’ запознае како што треба. Но, многу поважно е самите добро да се знаеме и познаваме. Ние отсекогаш самите себе сме се потценувале, но повеќе не мораме и не смееме тоа да го правиме! Денес слободно треба да им погледнеме во очи на нашите вековни тирани и да им признаеме многу нешта и гласно тоа да им го кажеме:

Европски тирани! Ние сме мали и безначајни од мачењата и понижувањата кои вие ги правите кон другите. Во тоа сте навистина голема сила!

Европски сатрапи! Ние сме мали и безначајни во лукавствата и перфидноста, кои се ваша карактеристика. И во тоа сте навистина голема сила!

Европски голтари! Ние сме мали и безначајни кон вашите непочитувања и непризнавања на туѓите права. Ете, и во тоа сте навистина голема сила!

Но, бедни бездушници, има една работа во која вие сте многу мали, а можеби за таа работа и не знаете: Тоа е херојството – херојството во борба за слобода, херојството во одбрана на правдата, херојството во самопожртвуваноста, херојството во признавањето и почитувањето на човечките права на секој човек и на секоја нација.

Нашата борба за човечки и достоинствен опстој под ова сонце има национален и јуначки карактер, а вашата борба за наше непостоење има шпекулантски и кукавички карактер. Во тоа е разликата меѓу нас и вас! Едноставно, нашите мртви јунаци и херои се посилни од вашите живи лигушковци и полтрони! Или уште поедноставно: СО НАС Е БОГ, а со вас е стравот од нашето постоење!

MAНУ конечно има претседател како што доликува: Коцарев рамо до рамо со народот против бугаризација на Македонија

Еден од најголемите македонски и светски интелектуалци и претседател на Македонската академија на науките и уметностите Љупчо Коцарев денеска беше дел од антивладините протести пред владата.

Скромниот научник Коцарев кој е еден од најцитираните научници во светот на протестот беше во сенка на екс претседателот Иванов.

Се исплаши ли Ковачевски од бројноста на народот, па побара средба утре со Мицкоски?

По барање на премиерот Димитар Ковачевски утре во 15:00 часот ќе се одржи лидерска средба со лидерот на опозицијата Христијан Мицкоски. – дознава Радио Лидер од извори во ВМРО-ДПМНЕ.

На лидерската средба, премиерот и лидерот на опозицијата ќе дискутираат околу францускиот предлог.

На протестот од 16 јуни, Мицкоски рече дека со Ковачевски би се сретнал само за од него да побара да се оддржат предвремени парламентарни избори, така што, се очекува тоа да биде позицијата на Мицкоски утре.

Вечерва Мицкоски беше присутен на опозицискиот протест пред владата на кој присуствуваа повеќе од 50.000 граѓани, пред протестот изјави дека не е можно да не се послушаат барањата на толкав број на граѓани кои кажуваат „Не“ на ултуматумот од Бугарија и ЕУ.