дома блог страница 1548

Шест дами кои ги pyшат предрасудите: Инструкторките од Авто школа “Семафор Нова” Прилеп се носат рамо до рамо со припадниците на посилниот пол

Tие се лидери во Прилеп и целиот регион за стекнување со возачка дозвола.

Авто школа “Семафор НОВА” го има без конкуренција најдобриот тим кој ќе ви овозможи брзо и лесно да научите да ги почитувате сообраќајните правила и прописи и да управувате со моторни возила.

Нови и удобни возила, единствени во Прилеп со свој модерен полигон за вежбање и полагање, обуки за А, А1, А2 и АМ категорија со нови и супер модерни мотори, сопствено возило за полагање Ц категорија, одлични услови за теоретска обука и загарантирано знаење за полагање тестови…

Ова се само мал дел од придобивките во Семафор, но сето ова ќе биде залудно без нивните трпеливи, внимателни и пред се искусни инструктори.

Без да ни се налути машкиот дел од тимот, кои патем се вистински џентлмени и професионалци во професијата и работата, ќе ги пофалиме припадничките на понежниот пол.

Ги има шест на број и успеаја да ги срушат сите стереотипи и табуа за така наречените машки професии. Добиваат само пофалби од нивните ученици и со сигурност може да кажеме дека се подобри и од многу припадници на посилниот пол.

Низ нивните раце поминале стотици и стотици млади, но и повозрасни, сега умешни и претпазливи возачи. Понекогаш дури и мораат да им отстапат по некој кандидат на своите колеги, затоа што телефоните знаат да им ѕвонат без прекин.

Да жените можат речиси се’ што можат и мажите. Во 21 век ретко која професија може да се квалификува како машка или женска. Жените се претпазливи возачи кои се грижат за безбедноста во сообраќајот. Затоа заборавете си ги предрасудите и симнете капа на овие дами, а нареден пат кога ќе ги забележите низ улиците на Прилеп, бидете џентлмени, имајте трпеливост со нивните кандидати ако се движат побавно пред вас во сообраќајот и отпоздравете ги.

Од нас само едно огромно браво за нивната пожртвуваност да бидат истовремено мајки, да се грижат за домот, да успеат да научат секого и да се справат со секаков карактер, да работат во сообраќај по цели денови, за трпеливоста, пожртвуваноста и успехот кој го постигнуваат.

Браво и за сопствениците на компанијата кои на ваков начин придонесуваат општеството да ни се развива во правилна насока.

Македонска убавина: Стотици верници со песна и оро го празнуваа денешниот празник Иванден во битолско Беранци (Фото галерија)

Голем број верници синоќа и во текот на денешниот ден го посетија преубавиот манастир Св. Јован Крстител во над село Беранци, битолско.

Се пееја песни, се играа ора, а за забавата се погрижи група “Ројал”.

Манастирот во Беранци е еден од најубавите во Пелагонија, а најпосетен е токму за Иванден.

За многу години и напомош!

И вечерва илјадници граѓани велат НЕ за францускиот предлог (ВО ЖИВО)

И вечерва илјадници граѓани излегоа на улица да кажат НЕ за францускиот предлог! Седми ден по ред Македонците излегуваат на улица под мотото „Ултиматум не, благодарам“ искажувајќи го својот револт против бигаризацијата на Македонија и македонскиот народ. Толпата се собра пред македонската влада од каде се упатија пред Министерство за правда.

Последна станица е просторот пред Собранието, каде се очекува да има говорници кои ќе ја објаснат причината поради која и вечерва се протестира.

Во јуни трошоците ни се зголемиле за дополнителни 2,8%

Трошоците на животот во јуни годинава се повисоки за 2,8 отсто во споредба со претходниот месец, а цените на мало пораснале за 2,4 проценти. На годишно ниво, пак, трошоците се зголемени за 14,5 отсто, а цените на мало за 13,7 проценти.

Според податоците на Државниот завод за статистика, пораст на трошоците на животот во споредба со претходниот месец, е забележан кај маслото и маснотиите за 10,4 отсто, лебот и житата за 7,8, млекото за 6,7, месото за 5,2, свежото и разладеното овошје за 2,9, шеќерот, џемот, медот, чоколадата и кондиторските производи за 2,7, виното за 2,1, минералната вода, газираните пијалаци, соковите од овошје и зеленчук за 1,0, рибата и морските плодови за 0,8, кафето, чајот, какаото за 0,5 и прехранбените производи неспоменати на друго место за 0,4 отсто.

Во јуни, исто така, пораст на трошоците на животот е забележан и кај горивата и мазивата за сопствените превозни средства за 17,2 отсто, течните горива за домаќинствата за 16,3, туристичките аранжмани за 6,4, цврстите горива за домаќинствата за 6,2, воздухопловниот патнички транспорт за 6,1, гасот за домаќинствата за 4,4, патниот патнички транспорт за 4, услугите за сместување за 3,7, градините, растенијата и цвеќињата за 2,9, фризерските салони и центрите за разубавување за 2,7, рестораните, кафулињата и слично за 2,5, другите апарати и производи за лична хигиена за 2,1, големите електрични апарати за домаќинствата за 1,8, услугите за одржувањето и поправките на живеалиштето, парамедицинските услуги за 1,7 отѕсто. Зглемување на трошоците има и кај домашните услуги и услугите за домаќинствата за 1,6 отсто, одржувањето и поправките на сопствените превозни средства, поправката на аудиовизуелната, фотографската и информатичката опрема, домашните миленици и сродните производи за 1,5, ткаенините за изработка на облека за 1,4, материјалите за одржување и поправки на живеалиштето, услугите за рекреација и спорт за 1,2, производите за домаќинствата – нетрајни за 1,1, малите електрични апарати за домаќинствата за 1 отсто. Трошоците се зголемени и кај големите алатки и опремата, моторните возила, резервните делови и приборот за сопствените превозни средства, електричните апарати за лична хигиена за 0,9 отсто, поправките и изнајмувањето на обувките, поправките на мебелот, покуќнината и покривките за подот за 0,8, поправките на апаратите за домаќинствата, медиумите за снимање за 0,7, ветеринарните и другите услуги за домашните миленици за 0,6, чистењето, поправката и изнајмувањето облека за 0,5, стаклените садови, кујнскиот прибор и другата опрема, фармацевтските производи, информатичката опрема за обработка на податоците за 0,4, мебелот и покуќнината, малите алатки и останатите додатоци, стоматолошките услуги, мотоциклите, фотографската и кинематографската опрема и оптичките инструменти за 0,3 отсто.

Намалување на трошоците на животот е забележано кај свежиот и разладениот зеленчук, освен компирите и другите коренести плодови за 3,3 отсто и кај опремата за прием, снимање и репродукција на звук и слики за 1,2 отсто.

Прилепчанец и стружанка yaпceни во гостиварско Врапчиште за кpaжба

На 06.07.2022 околу 14.15 часот во гостиварско Врапчиште, полициски службеници на СВР Тетово-Одделение за внатрешни работи Гостивар ги лишиле од слобода 28-годишниот Ј.В. од Прилеп и 33-годишната Т.Н. од Струга поради сомнение дека одзеле личен предмет на 43-годишно лице од гостиварско Врапчиште.

Предметот бил пронајден и вратен на сопственикот. По целосно расчистување и документирање на случајот ќе следува соодветен поднесок.

Регулаторна одлучи: Од полноќ поголемо намалување на цените на гopивата

Регулаторната комисија за енергетика донесе Одлука со која се врши намалување на малопродажните цени на нафтените деривати во просек за 2,39% во однос на одлуката од 6.07.2022 година.

Малопродажната цена на бензинот ЕУРОСУПЕР БС-95 се намалува за 3,00 ден/лит, додека малопродажните цени на бензинот ЕУРОСУПЕР БС-98, ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се намалуваат за 2,50 ден/лит.

Малопродажната цена на Мазутот М-1 НС, се намалува за 1,085 ден/кг и сега ќе изнесува 51,564 ден/кг.

Од 8.7.2022 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 105,50 (денари/литар)
Моторен бензин ЕУРОСУПЕР БС – 98 108,00 (денари/литар)
Дизел гориво ЕУРОДИЗЕЛ БС (Д-Е V) 101,00 (денари/литар)
Масло за горење Екстра лесно 1 (ЕЛ-1) 99,50 (денари/литар)
Мазут М-1 НС 51,564 (денари/килограм)

Паѓа Борис Џонсон: Денеска ќе поднесе ocтавка

Британскиот премиер Борис Џонсон денеска ќе поднесе оставка откако се соочи со најголемата криза во својата политичка кариера.

Како што објави Би-Би-Си, Џонсон денеска ќе се повлече од претседателската позиција во Конзервативната партија, но ќе остане премиер до есен, односно до изборот на новото партиско водство.

Ова следува откако владата на Џонсон ја напуштија повеќе од 50 членови во изминатите 24 часа.

Германски метео експерт пpeдyпpeдyва за големи врнежи и невpeме во Прилеп

Познат германски метеоролог и експерт за екстремни временски неприлики, на својот Твитер профил објави предупредување за невреме со пороен дожд кое се движи кон Македонија, а особено ќе го погоди Прилепскиот регион.

Врнежите од дожд се очекуваат од утрешниот ден и се очекува да траат до 11:00часот во сабота (09.07.)

И од УХМР предупредуваат за големи врнежи од дожд во наредните два дена.

-Локално процесите ќе бидат во форма на невреме со силни електрични празнења, интензивен пороен дожд (над 35 л/м2), град и силен ветер (над 60 км/час). Температурата ќе биде во опаѓање. Од недела следува стабилно и потопло време – стои во предупредувањето од УХМР.

Уште едно изнанадување на “Пиво Фест”: На сцената се враќа познато лице (Фото)

Уште седум дека до 18-то издание на фестивалот на скарата и пивото во Прилеп, “Пиво Фест 2022”.

Организаторите веќе ја објавија програмата, а денеска уште едно изненадување. Преубавата Марјана Станојковска преку социјалните мрежи упати покана до сите вљубеници во највкусната скара, добрата забава и ладното пиво и откри дека таа одново ќе биде водителка на фестивалот заедно со Игор Џамбазов.

Марјана и претходно беше водителка на фестивалот и веќе се одомаќини во Прилеп во изминатите години.

18-то издание на “Пиво Фест” во Прилеп ќе се одржи од 14-17 јули.

Танц, музика, цртање: Голем број деца се забавуваа на плоштадот “Магнолија” во Битола (Фото)

Здружението на психолози за стручна и морална поддршка на деца и возрасни „Рилука“, во соработка со танцовиот клуб „Спортакус“, со поддршка од општина Битола, на плоштадот Магнолија, организираа голема детска забава, насловена „Чекор пред себе“.

Настанот имаше за цел, подигнување на свеста за грижата за физичкото и менталното здравје со акцент на најмладата популација, преку активно вклучување на децата во повеќе забавно едукативни активности.

Преку танцот, музиката, пишаниот збор и ликовното изразување, беше потенцирана важноста на овие активности кои се многу значајни за негување на моралните вредности, во функција на зачувување на здравјето.