дома блог страница 1534

Ежење! Младите македонски кошаркари покажаа како се пее државната химна (Видео)

Многу емоции и пркос кај македонските кошаркарски репрезентативци до 20 години пред победата на мечот со Австрија кој го добија со 90-54.

Ова е вистинска емоција и љубов кон татковината:

Ги освои срцата на илјадната публика, а таа му возврати со ѕвездено небо: Лозано блескаше на фестивалската сцена на “Пиво Фест” (Фото галерија)

Македонскиот шармер Влатко Лозаноски синоќа имаше извонреден настап на “Пиво Фест” во Прилеп.

Илјадната публика уживаше во неговите најголеми музички хитови и пееше во еден глас со него.

Едноставен со блескав глас и секогаш сакан од публиката. Тоа се докажа и синоќа, кога Лозано по којзнае кој пат ги освои срцата на публиката, а таа му возврати со ѕвездено небо.

Ќумбев: “Денешново пpeдaвcтво ќе ви виcи над глава, ќе немате мир и ќе изгубите кaтacтpoфално на следните избopи”

Поранешниот македонски фудбалер, Панче Ќумбев на Фејсбук се огласи во врска со вчерашното прифаќање на францускиот предлог од страна на Собранието и Владата.

– Јас Панче Ќумбев сум роден Македонец, од татко Македонец,од дедо Македонец од прадедовци Македонци.

Како поранешен спортист секоја минута на зелениот терен ја имам поминато како Македонец,секаде во светот сум ја преставувал Македонија најдобро што можам и умеам.Во сите мои интервјуа и изјави за странски медиуми со гордост сум потенцирал дека сум Македонец.

Така сум роден,така живеам така и ќе умрам, како Македонец и ништо друго.Ништо на светот,никакви договори и предавници нема да го сменат она што сум и она што се моите деца.

Денешното предавство на сопствениот народ ќе ви виси над глава,ќе немате мир. На следните избори ќе изгубите катастрофално а оние што треба да дојдат на ваше место ако не ве осудат за национално предавство ќе ги сметам за ваши соучесници во продавањето на мојата родна земја.

Да живее мајка Македонија и сите Македонци, напиша Ќумбев на Фејсбук.

ЛИНК од објавата.

Пендаровски исвиркан во родниот Галичник: Предавник, не продадовте на Бугарија (Видео)

На социјалните мрежи се појави видео од Галичката свадба каде што присуствуваат членови на Владата и претседателот Пендаровски.

На видеото може да се види и слушне дека граѓаните ги иссвиркаа властите, а се слуша и “никогаш северна само Македонија”.

Во текот на вчерашниот ден Собранието ги изгласа заклучоците за францускиот предлог, а Владата на вонредна седнца го прифати предлогот.

Претседателот Пендаровски го поздрави ваквиот чекор, а честитки стигнаа и од Европската Унија.

Денеска Бујар Османи во Бугарија го потпиша Протоколот со Бугарија, а бугарската МНР Генчовска изјави дека Бугарија не го прифаќа македонскиот јазик и вистински преговори со ЕУ ќе почнат после промена на Уставот за внесување на Бугарите во истиот.

(Видео) Авион кој полетал од Ниш се срушил во Грција: Објавени застрашувачки снимки од очевидци

Авион од типот „Антонов 12“ кој синоќа полетал од Ниш се запалил во воздух, а потоа се урнал во поширокото подрачје на градот Кавала во Грција.

Во товарниот авион во сопственост на украинската компанија за карго транспорт „Меридијан ер карго“ во моментот на несреќата имало осум членови на екипажот.

Министерот за одбрана Небојша Стефановиќ денеска на вонредна прес-конференција изјави дека во авионот имало 11,5 тони opужје „валир“ и дека крајната дестинација е Бангладеш.

– Авионот полета во 20.40 часот. Нарачателот беше Министерството за одбрана на Бангладеш и летот имаше рута. Почна од Србија, а ги имаше сите соодветни дозволи. Загинатите не се државјани на Србија. Стануваше збор за осветлувачки минофрлачки мини и училишни мини – рече Стефановиќ на прашањето што превезувал авионот.

Генчовска открива детали од протоколот кој денеска го потпиша со Османи: Еве што не’ очекува

Министерката за надворешни работи на Бугарија, Теодора Генчовска нагласи и дека нема промена во т.н француски предлог и дека преговарачката рамка е таква каква што ни е дадена.

– Овој политички и долг разговор во РС Македонија беше насочен кон нивната јавност, но веќе појаснивме дека нема да има промена – нагласи Генчовска.

Таа потсети дека во денешниот протокол што го потпишаа двете страни има конкретни рокови за што треба да го направи Македонија. Документот, рече таа, ги вклучува четирите барања на бугарската страна – да се решат историските прашања, да се вклучат Бугарите во Уставот, да се стави крај на јазикот на омразата и Македонија да ги отвори досиејата на југословенските тоталитарни комунистички служби (УДБА).

– Навистина, денеска сите бевме сведоци на еден многу важен момент – состанок на втората меѓувладина комисија. На средбата се разговараше за тоа што е сработено во секторските политики, има пет работни групи, беше пријавен напредок и се разговараше за тоа што и кога би можело да се случи во секторите енергетика, транспорт, градежништво, култура итн. Најважниот резултат е потпишувањето на вториот протокол. Содржи исклучително амбициозни краткорочни и долгорочни мерки, кои во пракса имаат за цел да решат голем дел од отворените прашања – рече таа.

Генчовска нагласи дека овој протокол не е документ сам по себе, туку е дел од пакетот на таканаречениот „француски предлог“. Има механизам за следење на неговото спроведување и ги обврзува другите земји-членки да го следат, што според неа, е највредното од т.н француски предлог.

– Како што повеќе пати изјавивме, тоа е составен дел од пакетот на францускиот предлог, мислам на Рамката за преговори и на заклучоците на Советот. Отсега продолжуваме со работата на ниво на експертски групи со колегите од РСМ со цел подобра координација и нивните следни чекори кои се однесуваат на промена на Уставот и вклучување на Бугарите не само во основниот закон, но и во останатиот дел од законската регулатива – рече министерката Генчовска, која му се заблагодари на тимот на МНР за нивната професионална работа.

Спасен Силјаноски го развесели прилепско Ерековци (Фото галерија)

Една недела по големиот христијански празник Петровден, жителите на прилепско Ерековци празнуваат годишнина од осветувањето на тремот на црквата.

Дворот на црковниот храм Христово Воскресение беше претесен денеска да ги собере сите верници.

За забавата се погрижи неповторливиот Спасен Силјаноски.

Наздравје бричење: Потпишан протоколот меѓу Македонија и Бугарија

Во Софија денеска министрите за надворешни работи на Северна Македонија и на Бугарија, Бујар Османи и Теодора Генчовска го потпишаа билатералниот протокол по состанокот на заедничката меѓувладина комисија. Според најавите, протоколот треба да биде објавен по неговото потпишување.

Покрај министерот Османи, во состав на македонската делегација се вицепремиерот за европски прашања Бојан Маричиќ, министерката за култура Бисера Костадиновска Стојчевска, министерот за економија Крешник Бектеши, како и министерот за транспорт и врски, Благој Бочварски.

Потпишувањето на протоколот и одржувањето на состанокот на меѓувладината комисија следуваат откако вчера францускиот предлог беше одобрен од страна на Владата по усвојувањето на заклучоците во македонското Собрание.

Прилеп: 27-годишник со моторцикл yдpил во 55-годишна жена

На 16.07.2022 во 18.20 часот било пpиjaвено дека во Прилеп на ул„Мирче Ацев“, мотоцикл „Педа-Италија 125“ без регистарски таблици, yпpaвyван од А.Д.(27) од Прилеп yдpил во Е.И.(55) од Прилеп.

Во нecpeќата со тешки телecни повpeди се здобила Е.И., а со телecни повpeди се здобил мотоциклистот, конcтатиpaни во Градската болница во Прилеп.

Извршен бил yвид од yвидна екипа од Полициcката станица Прилеп – информираат од СВР Битола.

Хари Мата Хари и Сараевско пиво приредија ноќ за паметење во Прилеп (Фото/Видео)

Илјадната публика на третата фестивалска вечер на “Пиво Фест” немаше време да здивне по настапите на Лозано, “Некст Тајм”, “Супер Хикс” и Ламбе Алабаковски, затоа што веднаш после нив на сцената застана босанскиот шармер, Хари Варешановиќ и неговиот бенд.

Облечени во маички на еден од најдобрите пивски вкусови на Балканот – Сараевско пиво, гостите од Босна и Херцеговина приредија ноќ за паметење во градот под Марковите Кули.

Ова беше негов втор настап на фестивалот во Прилеп, а прв пат одржа мега концерт во 2016 година.