дома блог страница 1527

Незапирливи: Велосипедистите од “Илинден” Прилеп растурија на Државното првенство во Битола (Фото)

Денеска во Битола се одржа Државното ридско првенство на Македонија во организација на Велосипедскиот клуб “Пелистер 15 Maj”.

Учествуваа 12 клубови со над 70 велосипедисти во сите категории: У13, У15, кадети, јуниори, У23, сениори, мастерс и жени.

Патеката се простираше од хотелот Капри до ски центарот Нижеполе – во должина од 12км.

Велосипедистите од В.К клуб & Сервис “ИЛИНДЕН” од Прилеп како и на секое друго натпреварување, и денеска забележа блескави резултати.

Константин Костоски го освои Првото место во категорија до 15 години, како и Стефан Маџоски кој беше најдобар во конкуренција до 13 години.

Андреј Маџоски стигна до второто место во кадети, а Никола Ристески во истата категорија беше трет.

Одличен беше и Младен Петрески кој го освои третото место во категорија до 15 години.

Тренерот на клубот Драган Димитријоски е презадоволен од остварените резултати и ветува уште поголеми достигнувања во иднина.

(Видео) Научниците ја открија “вратата на пеколот”: Еве каде се наоѓа

Научниците открија базен на cmpтта на дното на Црвеното Море кој го yбива речиси секое суштество што ќе заплива во него.

Базенот – кој е речиси 10.000 квадратни метри – беше откриен од истражувачи од Универзитетот во Мајами со помош на подводно возило на далечински управувач за време на експедиција на северниот дел од морето во 2020 година.

На 1,7 километри под површината на океанот, базенот нема кислород и е полн со вода со таква концентрација на сол што го прави cmpтоносен.

„Секое суштество што ќе залута во солената вода веднаш умира“, изјави лидерот на тимот Сем Перкинс за Live Science. „Се чини дека рибите, ракчињата и јагулите ја користат солената вода за лов“, рече тој, додавајќи дека предаторите демнат во близина на смртоносниот базен за да „се хранат со несреќните суштества кои ненамерно пливаат во него“.

Не сме ни ние за фалење, ама соседиве се врв: Кога Бугарите ќе побеснат на судијата (Видео)

Не дека ние сме нешто за пофалба, ама Бугариве се врв кога во прашање е така нареченото “најелитно” фудбалско друштво.

Видеото е натпреварот од второто коло од новата сезона помеѓу Пирин и ЦСКА.

Душа мала: 3-годишната Дарија ја победи лeyкемиjaта и заѕвони на ѕвончето од Детската клиника (Видео)

Малата Дарија ја победи леукемијата и фатена за рака со своето постаро братче заѕвони на ѕвончето во Детската клиника.

За време на нејзината борба со болеста, македонската јавност можеше редовно да ја следи состојбата преку нејзиниот Фејсбук профил, каде е објавено емотивно видео од нејзиното ѕвонење.

„Веруваше дека може и успеа“ – стои во описот до видеото.

Видеото погледнете го ТУКА

Победа донесе Англичанец: Ова е четвртото засилување

По потпишувањето со Методија Тоше Делов, Христијан Коцев и Хамза Рамани, Победа го донесе и четвртото засилување за враќањето во Прва лига.

Во Прилеп пристигна Кал Малас, фудбалер со англиско државјанство кој последната сезона ја помина во тимот на српски Тимок Зајечар.

Малас е играч од средниот ред и има 26 години, а според информациите настапувал во клубови во понизок ранг во Англија и Шпанија.

Од неговиот профил на Инстаграм може да се види дека Малас настапувал во редовите на англискиот нисколигаш Морекамб.

Николоски: За едно фотографирање во Брисел Владата на СДСМ и ДУИ ја понижи цела Македонија

Ние сме прва држава која има таканаречени две меѓувладини конференции, бидејќи согласно правилата на ЕУ започнувате почеток на преговори со меѓувладина конференција, во нашиот случај имаше фотографирање пред неколку дена и кога ќе го промениме Уставот и ќе кажеме дека Бугарите се основачи на нашата држава, на што секако ние се спротиставуваме и нема да го направиме, тогаш ќе почнеме пристапни преговори, тогаш ние може да ги почнеме преговорите, без никаква гаранција дека некогаш ќе ги завршиме.

Зошто го кажувам сето ова? Бидејќи ова создава голема фрустрација, голема поларизација и поделба на луѓето и комплетно ја уништува довербата во Европската Унија и ја руши секоја надеж дека има фер игра што ја става државата и регионот во многу тешка позиција затоа што сега нашите соседи велат штом го правите ова со Македонија зошто ние да правиме нешто друго, тие направија се, се понижија самите и се уште не можат да напредуваат.

Maричиќ станал вицкаст: Во последните 5 години немало купување гласови во Собранието

Вицепремиерот за европски прашања Бојан Маричиќ најави дека за уставните измени ќе се отвори дијалог со сите партии и сите пратеници ќе имаат можност во наредниот период, да се изјаснат на која страна на процесот ќе бидат, дали за ЕУ и продолжување на тој пат или за нови застој и блокади.

„Јас сум убеден дека мудро ќе одлучат пратениците во тој нареден период, имаме доволно време да разговараме со сите и да ги убедиме и се надевам исто така и дека опозицијата ќе го разбере овој процес колку е важен и колку е важно да се обединиме околу ова“, изјави Маричиќ во синоќешното издание на „Трилинг“.

На прашањето за можно купување гласови на пратениците, вицепремиерот Маричиќ кажа дека во последните 5 години никогаш немало купување на гласови во нашето Собрание, а тоа што успеале во еден значаен процес да се направи, да убедат определен дел од пратениците на ВМРО-ДПМНЕ да гласаат „за“, во случајот за Договорот од Преспа, било една сериозна задача, којашто требаше да нè внесе во НАТО.

Цветаме: Владата вели, просечната плата се искачила на 31.407 денари

Трендот на раст на просечната нето-плата во земјата продолжува. Согласно податоците на Државниот завод за статистика, просечната месечна нето-плата во мај 2022 година по вработен изнесува 31.407 денари, што е за 2.686 денари повеќе во однос на истиот месец лани или за 9,4% – стои во соопштението од Владата.

Согласно статистика, ваквото зголемување се должи пред сѐ, на зголемувањето на просечната месечна исплатена нето-плата по вработен во секторите: Објекти за сместување и сервисни дејности со храна (19.7 %), Уметност, забава и рекреација (16.1 %) и Преработувачка индустрија (14.3 %).

Континуираното зголемување на просечната нето-плата во земјата е резултат и на економските мерки и политики што ги спроведува Владата за раст на просечната и на минималната плата, која изнесува 18.000 денари.

Споредено со мај 2017 година кога просечната нето-плата била 22.889 денари, во мај годинава е зголемена за 8.518 денари и изнесува 31.407 денари.

Владата продолжува со креирање на мерки и на амбиент за повисоки стапки на економски раст и унапредување на животниот стандард на граѓаните како и особена поддршка во услови на криза.

Остануваме посветени на растот на приходите и поддршка на сите граѓани. Покачувањето на платите, покачувањето на пензиите, покачувањето на стандардот на граѓаните е она на што Владата и понатаму посветено ќе работи.

Денеска е Св. 45 маченици

Денеска е 10 јули (по стар календар) и се слави Св. 45 маченици.

Во времето на свирепиот цар Ликиниј, којшто владееше со источниот дел на Византиското царство, имаше големо прогонство на христијаните. Во Никопол Ерменски на царскиот намесник Лисиј му се јави свети Леонтиј со уште неколкумина пријатели и за себе му рекоа дека се христијани.

„А каде е вашиот Христос?“, ги праша Лисиј. „Нели Го распнаа и умре?“

На ова му одговори свети Леонтиј: „Кога знаеш дека нашиот Христос умре, знај дека и воскресна од мртвите и се вознесе на небото“.

По долга препирка за верата Лисиј ги изнатепа и ги фрли во затвор, па не им даваа ни да јадат ни да пијат. Некоја благородна христијанка Василијана им носеше храна и им ја подаваше низ затворскиот прозорец. И во затворот им се јави ангел Божји, ги утеши и ги охрабри.

Кога беше судењето, на Лисиј му се јавија и двајца од затворските чувари како новообратени христијани, и уште многумина други, вкупно на број четириесет и пет. Судијата сите ги осуди на смрт, но така што прво да им ги отсечат со секира рацете и нозете, па потоа да ги фрлат во оган. Оваа грозна казна беше целосно спроведена, а душите на овие свети маченици одлетаа при својот Господ во животот вечен.

Чесно пострадаа и го наследија Царството небесно во 319 година.

(Фото галерија) “Ивери” станува топ бренд – Од денеска нов бутик и во Струмица

Брендот кој почна да расте во Прилеп, веќе стана добро препознатлив и во Битола и Скопје, а од денеска и струмичанки ќе чекаат на ред за да се подноват со нештно ново и модерно.

Лоциран на градскиот плоштад во Струмица, отспротива на “Про кредит” банка, овој бутик на “Ивери” ќе биде најголем досега и се простира на 200м2.

За изборот на модни прачиња не треба да разговараме, затоа што за брендот “Ивери” ќе слушнете само пофални зборови и ќе наидете само на задоволни муштерии.

Не постои девојка која нема да пронајде нешто за себе, а вие момци, купете нешто убаво и изненадете ги вашите поубави половини.

Купувајте и не мислете на паричникот, затоа што во “Ивери” ќе наидете на цени пристапни за секого.

Побарајте ги бутиците “Ивери”, во Битола на Широк Сокак, Прилеп во бизнис центарот, Скопје во строгиот центар, и сега во Струмица на градскиот плоштад.

Уживајте во летото со најновите модни парчиња облека од “Ивери”.