дома блог страница 1496

Големо зголемување на цената на дизелот од полноќ

Со оваа одлука се врши зголемување на малопродажните цени на нафтените деривати во просек за 1,31% во однос на малопродажните цени на нафтените деривати утврдени согласно одлуката за утврдување на највисоки малопродажни цени на нафтените деривати и горива за транспорт на Регулаторната комисија за енергетика и водни услуги на Република Северна Македонија од 22.08.2022 година.

Имајќи ги предвид влијанијата на овие елементи во формирањето на цените на нафтените деривати според Методологијата, како и одредбата дефинирана со член 8 став (3) од Правилникот за формирање на највисоки малопродажни цени на одделни нафтени деривати и горива за транспорт, малопродажните цени на нафтените деривати согласно Методологијата за формирање на цените, се зголемуваат во просек за 1,31%.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС, не се менуваат, односно остануваат на исто ниво како што биле утврдени со одлуката за утврдување на највисоки малопродажни цени на нафтените деривати и горива за транспорт од 22.08.2022 година и со тоа, малопродажната цена на ЕУРОСУПЕР БС-95 изнесува 89,00 ден/лит, малопродажната цена на ЕУРОСУПЕР БС-98 изнесува 91,50 ден/лит, додека малопродажната цена на Мазутот М-1 НС изнесува 51,686 ден/кг.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемуваат за 3,00 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 22.08.2022 година и со тоа малопродажната цена на ЕУРОДИЗЕЛ (Д-Е V), изнесува 96,50 ден/лит, додека малопродажната цена на Екстра лесното масло за домаќинство (ЕЛ-1), изнесува 93,00 ден/лит.

Фатен прилепчанец како оперира во зграда: Укpaденото вратено на сопствениците

На 24.08.2022 во 01.45 часот во зграда на бул.„Гоце Делчев“ во Прилеп, полициски службеници СВР Битола – Полициска станица Прилеп го лишиле од слобода Д.Д.(34) од Прилеп.

Тој бил затекнат при извршување тешка кражба во зградата и кај него биле пронајдени одземените предмети, кои биле вратени на сопствениците.

Тој бил задржан во полициска станица и по документирање на случајот ќе следува соодветна пријава.

Нестабилно време и денеска, врнежите ќе кулминираат утре

Времето претпладне ќе биде со сончеви периоди. Попладне, во вечерните и ноќните часови нестабилно, на повеќе места со пороен дожд и грмежи. Локално ќе има појава на невреме со пообилен дожд за кратко време, силни електрични празнења, силен ветер и услови за појава на град, соопшти Управата за хидрометеоролошки работи.

Минималната температура ќе биде во интервал од 13 до 19 степени, а максималната ќе достигне од 24 до 30 степени.

Во Скопје времето ќе биде претпладне сончево со мала до умерена облачност. Доцна попладне и во вечерните часови променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со интензивен пороен дожд, силен ветер и електрични празнења. Минималната температура ќе се спушти до 17 степени, а максималната ќе достигне 28 степени.

И утре ќе се задржи променливо облачно, посвежо и нестабилно време, на повеќе места во попладневните и вечерните часови со пороен дожд и грмежи. Локално ќе има поинтензивни процеси во форма на невреме со пообилен дожд за кратко време, силни електрични празнења, силен ветер и појава на град. Во петок и за време на викендот ќе преовладува сончево време со пораст на дневната температура, а попладне ќе има услови за изолирана појава на нестабилност со пороен дожд и грмежи, информираат од УХМР.

Заврши отстранувањето на диво поставените гаражи кај поранешен ЈАТ во Битола (Фото)

Општина Битола информира дека заврши акцијата за остранување на диво поставените гаражи и објекти во просторот зад зградата кај поранешен ЈАТ.

Битолските јавни претпријатија на терен деновиве ги отстрануваа објектите и го расчистуваа теренот, подготвувајќи го за натамошно урбано уредување на просторот.

-Акцијата за отстранување на диво изградените гаражи и објекти во градот и натаму ќе се спроведува од страна на општина Битола.

Бидејќи станува збор за многу локации и многу барања од страна на жителите на поголеми населби во градот, да се стави конечно ред со диво изградените гаражи и објекти, се утврдува редоследот на постапување.

Исто како и кај гаражите зад зградата кај поранешен ЈАТ, така и за следната интервенција, јавноста ќе биде известена, а претходно и сопствениците на диво изградените гаражи, со цел да ги отстранат предметите кои што ги чуваат во нив – стои во соопштението на општина Битола.

Земjoтpec утрово ја стpece Македонија

Земјотрес со локална магнитуда од 2,9 степени по Рихтер е регистриран утрово во 7 часот и 34 минути на 115 километри источно од Скопје, кој потекнува од епицентралното подрачје Пехчево, соопшти Сеизмолошката опсерваторија при Природно-математичкиот факултет.

Според податоците на Опсерваторијата, интензитетот на земјотресот е III степени според Европската макросеизмичка скала.

Земјотресот бил почувствуван од населението во Пехчево, Берово и околината.

Каква е таа власт која не носи радосни вести: Од Нова година повторно пocкапyвање на cтpyjaта, вели Ковачевски

Цената на струјата по Нова година ќе се зголеми, но тоа ќе биде благо. Ова за ТВ 24 го соопшти првиот човек на ЕСМ, Васко Ковачевски.

„Минатата грејна сезона успешно ја пребродвиме. Но кризната состојба понатаму продолжува и пред нас следи тешка зима. Согласно законот во декември треба да се донесеме одлука за нова цена на струјата за следните 6 месеци. Сигурно е дека ќе има поскапување но тоа ќе биде благо поскапување“, истакна Ковачевски.

(Фото галерија) Време е да се посветите на себе си и вашиот изглед – конечно реквизити за вежбање по најниски цени кај нас!

За прв пат во Македонија целосна понуда на реквизити за пилатес.

Грижата за здравјето и телото нема цена, а само сега имате можност да набавите реквизити по најниски цени и да си посветите доволно внимание.

Спортските реквизити на USR се со одличен квалитет и се пристапни до сечиј џеб. Достапни се за прв пат кај нас во Македонија и сега е најлесно да ги добиете.

Се што треба да направите е да ги контактирате на нивната Фејсбук фан страна и да си нарачате. Доставата е за 2-3 дена во било кој дел од државата, а за квалитетот ќе кажете откако ќе ди добиете.

Еве го лекот за справување со стресот, напнатоста и болките во грбот, зглобовите, како и патот до зацврстено и силно тело.

Погледнете ја целосната понуда на USR на линкот во продолжение:

Ajде аирлија: Во четврток ќе биде прогласена нова енергетска кризна состојба

Владата в четврток се очекува да прогласи кризна состојба за електричната и топлинската енергија.

Според информациите во медиумите потврдени од владни извори, одлуката ќе стапи на сила од први септември.

Оваа одлука беше најавена од страна на министерот за економија Крешник Бектеши на последната прес-конференција со директорот на АД ЕСМ, Васко Ковачевски.

Од следниот месец на сила ќе стапат и препораките за штедење на електрична енергија.

Прилеп не доби ништо од Владата овие 5 години – Арачиново денеска доби 1.1 милион евра!

Владата на денешната седница одобри 1,1 милиони евра со кои ќе се санира каналoт за отпадни води во општина Арачиново, објави првиот вицепремиер Артан Груби.

Владата усвоила одлука за спроведување постапка за јавна набавка за регулирање на одводниот канал во оваа општина.

„Исклучително важна инвестиција во вредност од околу 66 милиони денари во служба на квалитетниот живот на жителите на Арачиново“, објави министерот за политички систем.

Владата на денешната седница, по предлог на министерот за животна средина и просторно планирање Насер Нуредини, ги усвои Информацијата за повеќегодишната јавна набавка за финансирање на активностите за изградба на фекална канализација во населеното место Страчинце, Општина Гази Баба, Информацијата за финансирање на активностите на Проектот – Регулација на дел од Ободен канал во населено место Арачиново, Општина Арачиново, како и Информацијата за финансирање на активности за реконструкција на системот за водоснабдување Богданци.

Овие проекти се дел од инвестициската програма на Министерството за животна средина и просторно планирање (МЖСПП), во делот за финансирање проекти за водоснабдување и изградба на примарна и секундарна канализација и се во согласност со стратешките приоритети на МЖСПП за развивање современа и функционална водоводна инфраструктура, заштита на животната средина и подигање на степенот на социјален развој и квалитет на живот во сите општини во нашата држава.

Покрај тоа, прифатено е барањето на Министерството за земјоделство за надомест на штета на земјоделците од поплавите во 2016, 2017 и 2018 година во вкупен износ од 10% од претрпената штета.

„За брзо време ќе започне и процесот на исплата на предвидените средствa“, додава Груби.

Викендов во Прилеп по седми пат ќе се одржи меморијалниот турнир “Миле Нешкоски” – Ова е распоредот на натпревари

Ракометниот клуб Прилеп ја продолжува традицијата и ова лето ќе го организира меморијалниот турнир во чест на прерано починатиот „Миле Нешкоски“.

Турнирот летово ќе се одигра по седми пат, а истиот ќе се одржи од 26-28 август.

Прилеп во улога на домаќин ќе пречека уште пет екипи кон крајот на август, а и оваа година турнирот ќе има меѓународен карактер.

Ќе видиме и ново домашно име. Екипата на Мулти Есенс, новиот ракометен проект на Алкалоид ќе настапи на овој турнир на кој ќе бидат уште и екипите на Струга и на Скопје 2020.

Дубочица од Србија и грчиот ПАОК ќе бидат гостите од странство.

жж