дома блог страница 1495

Овоштарите во тешка состојба, денеска блокада на патот Битола – Ресен – Охрид

Овоштарите од Преспа утре од 10 до 12 часот ќе одржат протестен собир на местото викано „Макази“ и ќе го блокираат регионалниот патен правец Битола – Ресен – Охрид.

Во изјава за МИА, членот на организацискиот тим Љубе Пампулевски истакна дека протестот е неизбежен затоа што Министерството за финансии не ги исплаќа преземените обврски кон преспанските овоштари.

-Протестот го организираме затоа што се уште не е исплатен надоместокот за предизвикана штета од невреме град и мраз во зимски услови од 2016 година, дел од 2017 година и 2018 година врз овошните насади. Веднаш сакам да истакнам дека ние имаме одлична соработка со Министерството за земјоделство, шумарство и водостопанство и ресорниот министер, но и покрај одлуката на Владата, за жал Министерството за финансии и по изгласаниот ребаланс во јуни, сепак овоштарите не ги добиваат своите пари, изјави Пампулевски.

Овоштарите од Преспа бараат итна средба со премиерот Ковачевски и министерот Бесими за надминување на проблемот во пресрет на бербата на јаболката која почнува за еден месец.

-Овоштарите се во тешка состојба. Имаме кредити кон домашните банки, извршители често се пред нашите врати, а дополнително на тоа се зголемуваат трошоците за енергија, нафта и нафтени деривати, земјоделски ѓубрива, како и други финансиски проблеми кои единствено можеме да ги решаваме доколку Министерството за финансии ги исплати средствата, нагласи Пампулевски.

Апокалиптични сцени од Кавадарци по обилниот дожд (Видео)

Територијата на општина Кавадарци вчера во попладневните часови беше зафатена со силен дожд од околу 40 литри на метар квадратен, а планинскиот дел на општина Кавадарци бил зафатен со град и дожд, информираат од Центарот за управување со кризи (ЦУК).

Од Територијалната противпожарна единица пак, во изјава за МИА, истакнале дека повеќе пожарникари вечерва испумпуваат вода од неколку критични места во градот, како резултат на поројните дождови.

– По интензивниот ветер и пороен дожд кои вечерва ги зафати Кавадарци и околните места, на терен веќе неколку часа интервенираат службите од Мој Општинар, ТППЕ Кавадарци и ЈП Комуналец. Се работи на интервенција и санирање на одводи, подрумски простории и наноси од големото количество на дожд. Граѓаните кои имаат било каква потреба од интервенција, можат да се јават во Кол центарот на Општина Кавадарци на бројот 13-300, соопшти градоначалникот Митко Јанчев на социјалните мрежи, јаде објави и снимки од штетите по обилниот дожд.

Кавадарци и Неготино беа општините кои и пред неколку дена беа зафатени од невреме. Во Кавадарци имаше поплавени подрумски простории, а во Неготино неколку куќи беа со оштетени кровови.

Владата денеска ќе пpoгласи кpизна cocтojба

Владата денеска се очекува да донесе одлука за прогласување на кризна состојба за електричната и топлинската енергија која ќе важи од 1 септември. Од почетокот на септември стапуваат на сила и мерките за штедење на електрична енергија кои ќе важат до крајот на март следната година.

Надлежните институции уверуваат дека струја ќе има во престојниот зимски период и дека рестрикциите не се опција ако се оди според планот на Електростопанство на Северна Македонија. Компанијата, како што неколкупати досега изјави генералниот директор Васко Ковачевски, работи со максимален капацитет и во функција ќе бидат ставени сите расположливи капацитети.

Министерот за економија Крешник Бектеши неодамна изјави дека се разговара и со министерствата за енергетика на Србија и Бугарија за да нема запирање на прекуграничните капацитети и проблеми со снабдувањето на потрошувачите на слободниот пазар.

Во очекување на престојната зима, за која оценките се дека ќе биде најтешка во последните 70 години, Владата на 16 август донесе пакет мерки за штедење на електрична енергија кои треба да стапат на сила од 1 септември.

Со нив, државните институции имаат конкретни задолженија кои мора да ги почитуваат како што се исклучување на декоративното осветлување на фасадите на јавните објекти и културните споменици, да не се користат сијалици кога има доволно светлина, климите да се местат не пониско од 27 степени во сезона на ладење и не повисоко од 20 степени во сезона на греење, да се заменуваат старите сијалици со шделиви и да се исклучуваат компјутерите.

Во пакетот мерки за штедење има и препораки до граѓаните и компаниите. Со пакетот мерки за штедење се очекува заштедите да бидат до 15 проценти.

(Видео) Во случај да не преврне до утре

Ситуацијата е алармантна, па доколку не преврне до утре, ова ќе биде единствената опција.

Инструкциите можете да ги најдете во видеото подолу:

ФГ

(Видео) ООУ “Климент Охридски” Прилеп лидер и пример како се работи за децата и колективот

Како во светот на бајките. Децата во основното општинско училиште “Климент Охридски” од Прилеп добија ултра модерни тоалети, украсени со ликовите од цртаните филмови

-Со посебна чест и гордост објавувам видео од комплетно уредените ултра модерни тоалети во ООУ “Климент Охридски”Прилеп.

Посебно макотрпен проект,заборавен од времето на минатиот век.

Посебна благодарност за донацијата за комлетното сензорно осветлување на истите тоалети од фирмата Диадема од Прилеп.

Со овој проект,завршува комплетната реконструкција на сите тоалети во кругот на училиштето. Се надевам со тек на времето нашето училиште ќе биде едно од најубавите во Македонија – напиша директорот на училиштето Ахил Јаков на својот Фејсбук профил.

402 одобрени барања за субвенции за велосипед: Еве кои прилепчани добија надомест на дел од трошоците за купување велосипед

Врз основа на предлогот на Комисијата за спроведување на постапка за субвенционирање /надоместување на дел од трошоците на граѓаните на подрачјето на Општина Прилеп за купување на велосипеди за 2022 година, а во согласност со Јавниот повик од 2022 година, „Правилникот за користење на финансиски средства од буџетот на Општина Прилеп за субвенционирање / надоместување на дел од трошоците на граѓаните на подрачјето на Општина Прилеп за купување на велосипеди“ со број 09-595/31 од 15.03.2021 година (Службен гласник на Општина Прилеп бр.3/2021) и Одлуката за определување на максимален износ за доделување на поединечна субвенција/надомест на дел од трошоци на граѓани на подрачјето на Општина Прилеп за купување на велосипеди за 2022 година Број 09-1958/4 од 08.06.2022 година (Службен гласник на Општина Прилеп бр.6 од 08.06.2022 година),  Општина Прилеп објавува Финална листа на баратели кои ги исполниле, односно не ги исполниле критериумите субвенционирање / надоместување на дел од трошоците за купување на велосипед за 2022 година.

Од вкупно пристигнатите 415 барања, 402 баратели ги исполниле критериумите, додека 13 баратели не ги исполниле критериумите за надомест на дел од трошоците за купување велосипеди за 2022 година.

Листа на баратели кои ги исполниле условите – преземи

Листа на баратели кои НЕ ги исполниле условите – преземи

Едриличарска авантура на Аеродромот во прилепско Мало Коњари – Еве што ќе се случува

Едриличарството е врвен авантуристички спорт, кој бара од пилотот да ја користи моќта на природата за да може едрилицата да остане во воздух подолго. За жал овој спорт не е доволно развиен во нашата земја. Постојат многу мал број на клубови во нашата земја кои активно функцинираат, како и мал број на пилоти, особено меѓу младите. Токму поради тоа, Параглајдерскиот клуб Sky Riders од Прилеп, во партнерство со клубовите Fly Dardania од Приштина, Аеро клубот Наша Крила од Параќин и Центарот за иновации и развој Инос преку реализација на проктот “Bird’s Perspective from Balkan Clean Sky” кој е финансиски поддржан од Western Balknas Fund  ќе се обидат да го промовираат овој спорт особено помеѓу младите со цел да се зголеми нивниот интерес за истиот. Во таа насока на 02, 03 и 04 Септември 2022 година ќе организираат Едриличарски камп на Спортскиот аеродром во Мало Коњари.

На кампот учество ќе земат околу 50 учесници од трите земји (Македонија, Косово и Србија). Тие ќе се едуцираат за основите на едриличарството, неговата историја и различни модели на едрилици, ќе се дружат со пилоти од регионот, ќе имаат можност да летатаат со едрилица и да уживаат во единственото искуство на небото кое го дава таа.

Едукативните часови ќе ги реализираат искусни пилоти од земјата, кои раскажувајќи ги своите едриличарски приказни и искуства ќе се обидат да го пробудат интересот кај младите луѓе за овој спорт. Покрај тоа, учесниците ќе дикутираат и за аерозагадувањето како голем проблем со кој се соочуваат земјите од Западен Балкан. Загадениот воздух не препознава граници, се движи по небото, труејќи не сите нас. Оттука, потребна е акција без граници и регионални заеднички напори за да се бараат решенија.

Кампот ќе биде збогатен и со акробациски перформанси со едрилица од страна на неколку пилоти, како и со летови на модели со радио контрола. Покрај тоа, со поддршка од Аеро клубот Прилеп во неделата на 04 септември на настанот ќе се приклучат и неколку воздухоплови од останатите аеро клубови од земјата. На оваа Аеро збиранка, пилотите ќе ги презентираат своите воздухоплови со демонстративни летови.

Покрај овој настан во рамките на проектот изработени се неколку видеа и информативни фотографии кои се однесуваат на едриличарството и аерозагадувањето. А во наредниот период проктниот тим ќе се обиде заедно со помош на туристичките агенции да го промовира едриличарството и како авантуристичка туристичка понуда.

Настанот ќе биде отворен и за посетители кои се заинтересирани за овој спорт, како и за сите оние кои сакаат да се запознаат со убавините на истиот. Организаторот ги поканува сите заинтересирани граѓани да се приклучат во креирањето на новата едриличарска приказна на аеродормот во Мало Коњари на 03 и 04 септември со почеток од 11:00 часот.

Врзете се … полетуваме!

Прилепските советници ќе одлучуваат по дури 44 точки во петок

Советот на Општина Прилеп на ден 26.08.2022 година (петок) со почеток во 12 часот, во големата сала на Општина Прилеп, со следниот предлог дневен ред:

Цело Арачиново пред ЕВН: На протестот се појави и градоначалникот

Денеска пред канцелариите на ЕВН во Скопје се собраа жителите на Арачиново, кои подолг период се без струја.

На протестот се појави и градоначалникот на општина Арачиново, Ридван Ибрахими и заедно со граѓаните бараат средба со надлежните на компанијата.

Околу 80 отсто од домаќинствата во селото од пред два дена немаат струја, а од ЕВН претходно информираа дека во понеделникот се случил голем дефект поради оптоварување на трафостаниците.

Апceње во Битола: Двajца битолчани фатени при купопродажба на дpoга

На 24.08.2022 ул.„Климент Охридски“ во Битола, полициcки cлyжбеници од Отсекот за недозволена тpговиja со дpoга и opyжje при СВР Битола и полициcки cлyжбеници од Полициcката cтаница Битола ги лишиле од cлобода Г.Б.(33) и И.Ј.(41), двајцата од Битола.

Тие биле затекнати при купопродажба на нapкотична дpoга и кај нив биле пронајдени и одземени прашкacта матepиja, предмети со остатоци од прашкаста материја и пари во различни апоени.

По целосно документирање на случајот против нив ќе биде поднесена соодветна пријава.