дома блог страница 1491

(Видео) Марија Шерифовиќ направи инцидент сред Белград

Српската пејачка Марија Шерифовиќ сериозно ја изнервирала една вест која ја добила дека не можела да ја скрие нервозата ниту на јавно место.

На социјалните мрежи се шири видео на кое се гледа како Марија Шерифовиќ вреска на улица во Белград, пред автомобил запрен на сред пат.

Потоа извикувајќи сочни пцовки, Марија се приближува до својот автомобил и го удира со тупаница. До неа има жена која се обидува да ја смири.

„Одговори ми“, се слуша кога Марија влегла во автомобилот.

Твитерџиите веднаш почнале да шпекулираат зошто Марија вака се однесувала во јавност, а се` објаснила и пејачката.

Иако на социјалните мрежи се шират разни теории на заговор, за што всушност, станува збор, Марија за „Блиц“ ја опиша ваквата ситуација.

– Иако никого не треба да засега, добив некои приватни лоши информации. Единствено на кого треба да му се извинам е мојот автомобил и доколку разбудив некого – изјавила Марија ексклузивно за „Блиц“.

ЕУ ќе им воведи визи на Русите: “Несоодветно е руските туристи да шетаат низ нашите градови”

Министрите за надворешни работи на ЕУ планираат да ја донесат оваа одлука на дводневниот состанок во Прага кој започнува утре, пишува Фајненшл тајмс повикувајќи се на три извори кои учествувале во разговорите, пишува Инфомакс.

„Несоодветно е руските туристи да шетаат низ нашите градови, покрај нашите пристаништа. Мораме да испратиме сигнал до руското население дека оваа војна е неприфатлива,“, изјавил висок претставник на ЕУ.

Планот за суспендирање на договорот од 2007 година предвидува укинување на повластениот третман за Русите кога аплицираат за сите визи за ЕУ.

„Ние сме во исклучителна ситуација и тоа бара исклучителни чекори. Сакаме да излеземе подалеку од суспензијата на визните олеснувања“, изјавил висок европски функционер.

Финска, Полска и балтичките земји кои граничат со Русија соопштија дека се подготвени да ги спречат Русите да влегуваат на нивната територија со туристички визи, наведувајќи ги исклучоците за националната безбедност од Шенгенскиот договор.

„Навистина се надевам дека ќе се најде заедничко европско решение за тоа како значително да се ограничи протокот на руски туристи во Европа“, изјавил литванскиот министер за надворешни работи Габриелиус Ландсбергис.

Совршено организираниот прилепски турнир ги додели наградите на најуспешните ракометари: РК Прилеп го освои второто место (Видео)

Српскиот клуб Дубочица е победник на седмиот Меморијален ракометен турнир „Миле Нешковски“ во Прилеп. Во финалето тимот од Лесковац со 36:24 беше подобар од домашниот Прилеп.

На турнирот во Прилеп овие два дена покрај домаќините и тимот од Србија, гостуваа и РК Паок, РК Мулти Есенс, РК Струга и РК Скопје.

Доделувањето на наградите од турнирот одеше во живо на јутјуб каналот од РК Прилеп каде за најдобар голман на турнирот бепе прогласен Ѓорѓи Ерманоски од Мулти eсенс, најдобар стрелец со 25 гола е Давор Шокоски од РК Прилеп, а за најдобар играч беше избран Марко Радуловиќ од Дубочица.

Секоја чест за организаторит и се надеваме дека овој турнир во иднина ќе предизвикува уште поголемо внимание и ќе има уште повеќе заинтересирани екипи од странство.

(Урнебесено видeо) Арачиновец се јавува во Т-Моbile oти нема стpyja

Едно старо, ама златно видео… Како да не било пред 10тина години, туку како вчера да се случило.

Во среда молебен канон за благослов на новата школска година во црквата Св. Петка во Прилеп

Почитувани родители и ученици, на 31.08.2022 година (среда) во храмот „Св. Петка“ – Точила, ќе се служи молебен канон за благословување на новата училишна година со почеток во 08:00 часот.

„Оставете ги децата да доаѓаат кај Мене… зашто на таквите е Царството Божјо“ (Марко, 10, 14) – информираат од црковниот храм.

“Топли поздрави” од Медведев: Цената на гасот ќе се искачи до 5000 евра до крајот на годинава

Заменик-претседателот на Советот за безбедност на Русија, Дмитриј Медведев ја зголеми својата прогноза за цените на бензинот, сега верува дека до крајот на годината може да се искачи на пет илјади евра за илјада кубни метри, додека претходно претпоставуваше дека е до четири илјади.

„Во врска со поскапувањето на гасот на 3.500 евра за илјада кубни метри, треба да ги зголемам прогнозните трошоци на 5.000 евра до крајот на 2022 година“, напиша тој на својот канал Телеграм.
Политичарот ја заврши објавата со англиската фраза „со топли поздрави“ – „со топли желби“.

Цените на берзата на гасот во Европа се приближија до рекордни нивоа во позадината на ограничените испораки на сино гориво од Русија, покажуваат податоците на лондонската берза ICE и операторите за пренос на гас. Цената за порамнување на фјучерсите на гас за септемвриска испорака (според TTF) изнесуваше 3.507,3 долари на последниот трговски ден во неделата – 26 август, што беше рекордна вредност за целиот период на работа на гасните центри во Европа – од 1996 година. Бројката за неделата се зголеми за околу 1.000 долари, или за речиси 40%. Во исто време, цените на гасот во петокот во моментот достигнаа 3.525,9 долари и направија уште еден чекор кон ажурирање на историскиот максимум од 3.892 долари.

Италијанска драма во Турција: Балотели го налути Монтела, па тој тргна да се пpecмета со него (Видео)

Адана Демирспор победи со минимални 1:0 на натперварот против Умранијеспор, но ова не беше главна вест од фудбалскиот натпревар кој се одигра во најсилната лига на Турција.

Саботната пресметка од Суперлигата заврши со тензија меѓу двајца членови од домашниот табор, односно меѓу тренерот Винченцо Монтела и напаѓачот Марио Балотели.

И покрај победата, двајцата имаа што да си порачаат еден на друг и очигледно е дека имаше одредено недоразбирање, па на крајот останатите членови мораа да спречуваат и физичка пресметка.

Балотели му довикна нешто на својот тренер, по што беше јасно дека Винченцо е крајно изнервиран и беше сопрен за да не дојде до блиска средба со напаѓачот.

За Адана ова беше трета победа од стартот на сезоната, па го зазема изненадувачкото второ место на табелата во овој момент.

Руската амбасада се поклони пред споменикот во Здуње во чест на седумте партизани од Петтата Прилепска и Шестата Поречка бригада (Фото)

Делегација на Руската Амбасада во Македонија денеска положи свежо цвеќе на споменикот на загинатитие партизани од Петтата Прилепска и Шестата Поречка бригада во селото Здуње.

– Денес, заедно со жителите на селото Здуње делегациjата на Руската Амбасада предводена од Заменик-шефот на мисиjата Владимир Дjаков им оддаде почит на седумте партизани од Петтата Прилепска и Шестата Поречка бригада, кои загинаа во битката за ослободувањето на селото пред 78 години. Меѓу паднатите е и нашиот сонародник по име Василиј.

Вечна им слава на храбрите херои!, напишаа од амбасадата во објава на Фејсбук.

5 одиграни кола, 5 погодоци на Миовски: Навивачите на шкотски Абердин го развиорија македонското знаме

Бојан Миовски игра во топ форма во Шкотска, запиша нови два гола, Абердин го победи Ливингстон со 5-0 во натпревар од 5. коло.

Миовски погоди за 1-0 од пенал вово 41. минута, а потоа се запиша во листата на стрелците и за 4-0 во 63. минута.

Македонскиот репрезентативец е веќе хит кај навивачите на Абердин, сега поддршка од фановите со македонско знаме на трибините:

62-годишен возач на сканија се здоби со тешки повpeди откако yдpил во тунелот на патот Прилеп-Градско

На 28.08.2022 околу 01.30 часот на патот Градско-Прилеп, товарно моторно возило „сканија“ со скопски регистарски ознаки, yпpaвyвано од Ѓ.Ј.(62) од Кавадарци yдpило во тyнел.

Во нecpeќата со тешки телecни повpeди се здобил возачот Ѓ.Ј. кои му биле конcтатирани во Општа болница Кавадарци.

Увид на местото на настанот извршила екипа од Полициска станица Кавадарци – информираат од МВР.