дома блог страница 1481

Ќе тргне работата: Газда на маркет од Лажани стана директор во “EСМ”

АД ЕСМ на крајот од минатиот месец го назначил Мирсад Црновршанин за директор на подружницата ЕСМ Продажба, која купува увозна електрична енергија за потребите на државното електростопанство и ги продава нејзините вишоци на струја – објави “ФАКТОР”.

Според она што го има „Фактор“ како информација, станува збор за жител на Лажани од Општина Долнени и, според претходно објавени медиумски написи, се работи за сопственик на локален маркет.

Функцијата управител ќе ја врши на определено време од 12 месеци во периодот од 1 септември до 31 август следната година. Инаку ЕСМ Продажба за помалку од една година промени тројца директори.

НЕОФИЦИЈАЛНО, истото лице деновиве купил имот во центарот на Прилеп вреден 150.000 евра?

Соопштение до верниците од прилепските црковни храмови по повод празникот Св. Фануриј

СООПШТЕНИЕ oд црковните храмови Свети Кирил и Методиј-Параклис и Света Петка Точила по повод празникот на СВЕТИ ФАНУРИЈ

РАСПОРЕД на богослужбите по повод празникот:

08 септември (четврток) – 17:00 часот – Празнична вечерна – 09 септември (петок) – 07:00 часот – Празнична утрена со Света Литургија

09 септември (петок) – 17:00 часот – Вечерна богослужба

После завршување на службите ќе се изврши и режењето на празничниот колач – фануропита, кој во негова чест го принесуваат верниците – информираат од црковните храмови.

(Видео) Вучиќ го пречека Ердоган и цела турска влада во Белград

Српскиот претседател Александар Вучиќ го пречека неговиот колега од Турција, Реџеп Таип Ердоган, кој денес и утре ќе престојува во официјална посета на Србија.

Ердоган стигна на белградскиот аеродром „Никола Тесла“, а таму го пречека Вучиќ, додека во присуство на турскиот претсеател имаше и голема делегација.

Свечениот дочек за турскиот претседател е закажан за утре пред Палатата на Србија, по што ќе следи состанок на Ердоган и Вучиќ, како и состанок на делегациите на двете земји.

Ќе биде потпишан и договор за унапредување на економските и политичките соработки меѓу двете земји.

Владата одлyчи: Ќе се испратат македонски вojници во НАТО бopбените групи во Романија и Бугарија

На вчерашната седница, на предлог на Министерството за одбрана, по презентирање информации за потребата од испраќање на припадници на Армијата на Република Северна Македонија за учество во борбената група на НАТО во Република Бугарија и во Република Романија, Владата донесе одделни одлуки за испраќање на армиски единици во двете земји.

– Задача на борбената група на НАТО е, како дел од зголемените активности за будност на НАТО (NATO enhanced Vigilance Activities – NATO eVA), да ја засили одбраната за источните граници на НАТО во Република Бугарија и во Република Романија, информираат од Владата.

Оттаму велат дека реализацијата на активностите го зајакнува партнерството и соработката помеѓу Северна Македонија и останатите сојузници во рамките на НАТО и истовремено влијае и на проширувањето на билатералната соработка на Северна Македонија со Бугарија, со Романија, со САД, како и останатите сојузници и останатите нации, што ќе придонесуваат во борбената група со персонал и опрема.

(Фото галерија) Малку креативност е потребна за ремек дело кое го привлекува сечие внимание: Новите кoрпи за отпадоци во црквата Св. Петка во Прилеп

Koлку малку треба за да се направи нешто креативно што ќе краси и ќе го привлече сечие внимание.

-Вештите раце на мајстор Јовица (ЈАКОМАК Прилеп), ги направија “џентлмените” и “дамите” токму онака како што беше побарано од него. Секоја чест! Бог да му дарува здравје и спасение нему и на неговото семејство – напишаа на ФБ од црковниот храм Св. Петка во населбата Точила во Прилеп.

Секоја чест за вредниот и досетлив мајстор! Рацете да му цутат!

Промовирана стихозбирката “Огнот во мене” од младата авторка Ивана Христова од Битола

Во градската библиотека ,,Св. Климент Охридски” во Битола, се одржа промоцијата на книгата ,,Огнот во мене” од авторката Ивана Христова. За неа зборуваа промоторите Гордана Такец и Марјан Тасевски, кој на присутните им прочита мал дел од песните, што се наоѓаат во книгата.

Книгата е во издавништво на “Графо Пром” – Битола, а рецезенти се Гордана Такец и Игор Трајковски Фоја.

Како што вели Ивана, стихозбирката содржи 30 песни создадени благодарение на испирацијата што ја добива додека ја живее младоста. Таа низ стиховите го опишува стожерот на постоењето, мудроста на животот, која ја преточува во зборови, кои во себе ја носат тежината на среќата и тагата.

Ивана Христова е ученик во ОСМУ ,,Д-р Јован Калаузи”- Битола. Таа пишува од својата 11-годишна возраст. Како основец и средношколец има учествувано и учеатвува на многу регионални и меѓународни литературни конкурси и манифрстации за проза и поезија.

Ковачевски: Не копajте кpиптовалyти, затоа што тоа троши многу cтpyja

Премиерот Димитар Ковачевски денеска апелира да не се копаат крипто валути зашто потрошувачката на струја при овој процес е енормна.

-Во однос на снабдувањето имам апел. Има одредени домови па и правни лица во кои има енормно висока потрошувачка на струја и тоа е речиси 100-процентно заради копање крипто валути, тоа треба да се прекине зашто таа електрична енергија е субвенционирана од сите граѓани. Субвенцијата која на финалната цена ја плаќаат граѓаните е 80 проценти, но кога ќе кажете 80 проценти значи дека ако не е субвенцијата граѓаните треба да платат пет пати повисока цена. Секое неразумно непродуктивно и несовесно тгрошење предизвикува недостиг, допонбителни буџетски издатоци и немање за снабдување на оние на кои им треба за најважните лични и деловни потреби, рече Ковачевски, одговорајќи на новинарски прашања по седницата на Советот за безбедност.

Прашан зошто не се следи косовскиот пример кој законски забранува копање крипто валути, Ковачевски одговори дека за тоа е потребно носење законско решение.

-Да, може, но за тоа мора да се донесе законско решение. Се додека не се донесе законско решение, ќе мора да се оди со апел, а доколку се работи за компании, односно за правни лица, знаете дека воведовме тарифирање во блокови па ако е голема потрошувачката преминуваат во друг блок. Во овој период не треба да се прави тоа поради недостигот на електрична енергија. Споредби со соседни држави е добро да се прават, јас сум во комуникација со сите, но секој има своја специфика. Косово моментно е во тешка ситуација и таму веќе се почнати рестрикции, истакна премиерот.

Пушачи, отворете очи и погледнете го ова видео

Колку малку е потребно запалена цигара да предизвика пожap на отворено….Тајмерот покажува само 3,5 минути… и ете како нас ни заминаа половина од шумите…

Ќе има ли ново пocкапyвање на кафето? Зголемување на цените на пијалоците и храната

Кумулативниот индекс на цените на угостителските услуги за периодот јануари – август 2022 година во однос на истиот период лани е зголемен за 9,9 отсто, додека во однос на декември 2021 година за 8,2 процента.

Според Државниот завод за статистика, индексот на цените на угостителските услуги во август 2022
година во споредба со јули 2022 година е зголемен за 0,7 отсто. Споредено по групи на услуги, зголемување е забележано во групите Храна за 1 процент, Алкохолни пијалаци за 0,4 и Безалкохолни пијалаци за 0,3 проценти.

Индексот на цените на угостителските услуги во август 2022 година во однос на истиот месец од претходната година е зголемен за 16,7 отсто.

Во Британија на утринска може да ви се падне плаќање на сметките за стpyja (Видео)

После летната пауза водителите Филип Шофилд и Холи Вилоби се вратија во етер со најпознатото утринско шоу во Велика Британија, Тhis Morning.

Но, во популарната игра “Заврти за да добиеш” се најде една награда која ги изненади гледачите. Покрај паричните награди, гледачите кои ќе го завртат тркалото можат да добијат плаќање на сметките за електрична енергија за 4 месеци, односно до крајот на годината.