дома блог страница 1480

Спортистите Наковска-Бикова, Јовановски, Трстена и Георгиевски одликувани со Орден „8 Септември“

По повод Денот на независноста на Република Македонија – 8 Септември, претседателот Стево Пендаровски денеска на свечена церемонија ги одликуваше со Орден „8 Септември“ македонските спортисти Оливера Наковска-Бикова, Бранимир Јовановски, Шабан Трстена и Дејан Георгиевски.

Оливера Наковска-Бикова е одликувана со Орден „8 Септември“ за својата извонредна, богата и успешна спортска кариера во параолимпиското и во спортското стрелаштво. Наковска-Бикова постигнува бројни успеси на натпревари во стрелачки спортови. Таа е повеќекратна државна шампионка и апсолутна рекордерка на Република Северна Македонија во дисциплината воздушен пиштол. Во оваа дисциплина го освојува златниот медал на Летните параолимписки игри во Лондон, со што придонесе за меѓународна афирмација и за угледот на државата.

Бранимир Јовановски, за извонредните резултати во својата 20-годишна спортска кариера. Тој е првиот македонски параолимпиец кој освоил златен медал на една параолимпијада. Во текот на својата кариера, покрај златниот параолимписки медал, освоил и други сребрени, златни и бронзени медали на разни европски првенства и на меѓународни натпревари. Значаен е неговиот огромен успех како тренер и како селектор, а избран е и за најдобар тренер на македонската репрезентација во стрелаштво за лица со попреченост. Неговиот придонес за меѓународна афирмација и за угледот на државата е огромен.

Шабан Трстена доби Орден за освојувањето златен медал во борење на Летните олимписки игри во 1984 година, запишувајќи се со златни букви во историјата на македонскиот и на светскиот спорт како најмлад олимписки шампион, како и за освојувањето на сребрениот медал на Олимпијадата во Сеул во 1988 година и на бронзениот медал на Светскиот шампионат во борење во 1982 година. Трстена е повеќекратен младински и сениорски првак на Југославија. Тој е прогласен за спортист на XX век на Република Северна Македонија. Шабан Трстена е пример како со извонреден успех може да се стане симбол на својата земја и на таков начин да се придонесе за нејзина меѓународна афирмација.

Дејан Георгиевски, за постигнување историски најголем и повеќекратен успех во сферата на спортот од независноста на нашата држава. Со освојувањето на сребрениот медал на Олимписките игри во Токио во теквондо, е прогласен за најдобар спортист на Република Северна Македонија за 2021 година. Воедно, тој е добитник и на неколку сребрени и бронзени медали, со што придонесува за меѓународна афирмација и за угледот на државата.

На доделувањето на наградите присуствуваа премиерот Димитар Ковачевски, претседателот на Собранието Талат Џафери, вицепремиерот задолжен за економски прашања, координација на економските ресори и инвестиции Фатмир Битиќи, министрите Олвер Спасовски, Љупчо Николовски и други претставници од Владата.

Пред присутните беше прикажан видеоматеријал за биографијата и заслугите на Оливера Наковска – Бикова, Бранимир Јовановски, Шабан Трстена и Дејан Георгиевски.

-Оваа награда е повод за понатамошни успеси, рече Наковска-Бикова.

Бранимир Јовановски рече дека со полно срце е на врачувањето на наградата и посочи дека утре се навршуваат 30 години откако го освоил златниот медал во Барселона во 1992 година. Во тоа време, како што рече, бевме млада држава и тој успех беше проследен со многу интересни натписи…

-Сите медали прават чест и предизвикуваат наплив на емоции, нагласи Јовановски. Посочи дека спортистите се водат со неколку девизи во животот, меѓу кои и „Не е важно колку пати ќе паднеш, туку колку ќе станеш и што ќе научиш од тоа паѓање“.

Шабан Трстена ги поздрави двајцата тренери без кои, како што рече, јас немаше да бидам денес тука. Тоа се Насе Насев, кој не е присутен од здравствени причини и клупскиот тренер Ајру Синали, кој е сега починат.

-Јас сум еден од тие спортисти што сум добил многу признанија од пет континенти. Земав признанија и од поранешна Југославија. Сум зел многу признанија и за мојата држава, но ова признание е нешто посебно затоа што го добив од мојата татковина, од мојот народ кој се радуваше за нашите успеси. Затоа овој орден ќе биде посебен во мојата спортска душа бидејќи го добив од името на народот. Горд сум за тоа што дадов се од себе, 20 години да се борам со најелитни спортисти од големите држави и покажав дека може и една мала нација, една мала држава може да ги победи и големите држави. Нека ни е со среќа нашата независност, рече Трстена.

Дејан Георгиевски им го честиташе празникот 8 Септември на сите граѓани и соопшти дека сребрениот медал од Олимписките игри во Токио покрај негова, е и заслуга и на неговите тренери Борче и Дарко Костовски, на неговите клупски другари, на семејството и на Господ.

-Сепак, овој медал припаѓа на целиот македонски народ кој ме дочека гордо на плоштадот. И верувајте јас и мојот тим даваме се од себе да го повториме тој магичен миг од Олимписките игри во Париз во 2024 година, рече Георгиевски.

Незаборавна атмосфера и солзи радосници: Плоштадот “Македонија” беше полн со емоција на денешен ден пред 31 година (Видео)

На 8 септември 1991 година убедливо мнозинство – 95% од граѓаните што излегле на референдумот, позитивно одговориле на референдумско прашање: „Дали сте за самостојна Македонија со право да стапи во иден сојуз на суверени држави на Југославија?“

На гласањето, според официјалните податоци, од 1.495.626 гласачи излегле 1.132.981 граѓанин со право на глас или 71,85 отсто, а од вкупниот број граѓани кои гласале на Референдумот позитивно се изјасниле 1.079.308 граѓани односно 95,09 отсто (односно 72,16 % од вкупниот број на граѓани со право на глас). Резултатите само по себе говорат за успешноста на Референдумот. Во официјалниот извештај на Комисијата за спроведување на Референдумот се вели дека за начинот на кој бил спроведен не биле поднесени приговори или жалби поради неправилности или повреди на одредбите на Законот за републички Референдум. Комисијата ја констатирала масовноста на граѓаните со право на глас во Македонија кои се изјасниле „за“ самостојна и суверена Македонија.

На референдумот му претходела Декларација за независност што првиот повеќепартиски Македонски парламент што ја усвоила на 25 јануари 1991 година.

Атмосфера на плоштадот „Македонија“ е овековечена на снимките во продолжение кои предизвикуваат солзи, силни емоции и копнеж повторно да се почувствуваме “ослободени”, независни и самостојни.

Дури 9 лица yaпceни на музички настан во Струмица: Пpoнajдена мapиxyaна, таблети, прашкacта матepиja…

Во периодот од 18.00 часот на 07.09.2022 до 06.00 часот на 08.09.2022 година за време на одржување на музички настан во градски парк во Струмица, полициски службеници од Секторот за внатрешни работи Струмица ги лишиле од слобода С.С. (26), Д.С. (20), Г.Б. (28), М.А. (45), А.С. (24), А.М. (25) и А.Б. (28), сите од Скопјe, Џ.Б. (40) од Струмица и А.А. (19) од Кавадарци.

При преглед над лицата била пронајдена и одземена марихуана, прашкаста материја, таблети… По целосно документирање на случаите против лицата ќе бидат поднесени соодветни пријави.

Фатени двајца дpвокpaдци од Прилеп (Фото)

-На 07.09.2022 на три локации на подрачјето на СВР Битола по преземени мерки и активности полициски службеници од СВР Битола ги лишиле од слобода Б.С.(22) и Е.А.(27), двајцата од Прилеп и Н.Н.(53) од с. Белче, демирхисарско затоа што биле затекнати како со возила превезувале огревни дрва без да поседуваат соодветна документација. По целосно документирање на случаите ќе бидат поднесени соодветни поднесоци – информираат од СВР Битола.

Прилепчани, битолчани и крушевчани денеска учеа како да паркираат (Фото)

Денеска (07.09.2022), полициски службеници од СВР Битола заедно со Отсекот за превенција и полициските станици при ОВР Прилеп, ОВР Ресен, ОВР Крушево, ОВР Демир Хисар, ОВР Македонски Брод во централните градски подрачја спроведоа превентивна активност поврзана со погрешно паркирање на возила под мотото „Паркирај совесно – паркирај одговорно”.

За време на превентивната активност, меѓу другото, на неправилно паркираните возила беа поставени летоци со едукативна содржина.

Нема трте-мрте: Три години затвop во Швајцарија за оние кои нема да штедат енергија

Надлежните власти во Швајцарија воведоа доста необични мерки за оние кои нема да ги почитуваат мерките за заштеда на електрична енергија зимата. Сите оние кои нема да го почитуваат ова правило им се заканува казна затвор од три години.

ако што објави весникот Блик, на прекршителите покрај парична казна ќе им се заканува и затворска казна до три години.

Според новите швајцарски правила, температурата во зградите со системи за греење на гас може да се искачи најмногу до 19 Целзиусови степени, а водата во бојлерите може да се загрева до 60 степени Целзиусови. Употребата на греалки е забранета, додека сауните и базените не смеат да се загреваат.

Тоа е дел од мерките наведени во Федералниот закон за национално економско снабдување, на кој Федералниот оддел за економски прашања (ЕАЕР) експлицитно се повикува во официјалниот документ.

Маркус Спорндли, портпарол на Сојузното Министерство за финансии, за Блик изјави дека дневната стапка за казните може да биде минимум 30 швајцарски франци, а најмногу 3.000 швајцарски франци. Комуналните претпријатија би можеле да бидат казнети и доколку намерно ги надминат своите квоти за гас.

Во извештајот се вели дека владата се движи во „сива зона“, со предизвици и спорови околу казнените мерки кои веројатно ќе ги преокупираат судовите. Поединечните кантони сега се соочуваат со голем предизвик и имаат рок до 22 септември за да ги поднесат своите грижи или предлози.

Фреди Фаслер, висок полициски функционер, ја повика владата „да нареди само мерки што можат да се спроведат и, пред сè, да се контролираат“. Фаслер рече дека не сака полицијата да оди од врата до врата, апелирајќи насоките да се применуваат со чувство на пропорција.

(Видео) Путин: “Готово е! Не ви даваме гас, јаглен и нафта”

Ако се ограничи цената на рускиот извоз на нафта и гас, тогаш Западот ќе смрзне, се закани Владимир Путин на економскиот форум.

Путин кажа дека европските повици за ограничување на цената на рускиот гас ќе донесе до зголемување на цените и економски проблеми во Европа.

Членките на Г7 веќе најавија свои планови за наметнување на горна граница за извозот на руска нафта со цел да се намали заработката на Русија и да се прекине вojната во Украина.

Апceње на две локации за дpoга во Прилеп

Од дневниот билтен на МВР

На 06.09.2022 во 11.50 часот на ул.„Браќа Миладиновци“ во Прилеп, полициски службеници од СВР Битола – ОВР Прилеп го лишиле од слобода И.Б.(37) од Прилеп. При претрес во неговиот дом, извршен со судска наредба, биле пронајдени и одземени дигитална вага со остатоци од прашкаста материја и дробилка со остатоци од марихуана.

На 06.09.2022 во 22.30 часот на ул.„Спиро Црне“ во Прилеп, полициски службеници од СВР Битола – ОВР Прилеп ги лишиле од слобода И.К.(50) и Е.Р.(30), двајцата од Прилеп, затоа што кај нив била пронајдена и одземена бела прашкаста материја. Тие биле задржани во полициска станица и по целосно документирање на случајот против нив ќе биде поднесена соодветна пријава.

Му пpoнaшле 30.000 евpa во автомобилот: Апceње на патот Македонски Брод-Прилеп

На 06.09.2022 околу 12.12 часот на патот Македонски Брод – Прилеп, на место викано „Суводолска крстосница“, полициски службеници од СВР Битола – Полициска станица Прилеп го лишиле од слобода М.Н.(52) од Велес.

При преглед во возилото „мерцедес“ со велешки регистарски ознаки, кое го управувал, биле пронајдени 30.000 евра и 5.200.000 денари за кои немал никаква потврда.

Тој бил приведен во полициска станица и по целосно документирање на случајот против него ќе биде поднесена соодветна пријава.

Цел apceнал opyжje пронајден во дом на жител од прилепско – дури и американска М-16

Денеска (07.09.2022) во 08.30 часот во с.Дебреште, прилепско, полициcки cлyжбеници од СВР Битола- ОВР Прилеп го лишиле од cлобода И.Р.(41) од Дебреште.

При пpeтpec во неговиот дом, извpшен со cyдcка нapeдба, биле пpoнajдени и одземени пет пyшки и еден пиштол различен калибap и повеќе пapчиња мyнициja од paзличен калибap, кои без дозвола ги пoceдyвал.

Тој бил пpиведен во полициcка cтаница и по целосно докyментиpaње на cлyчajoт пpoтив него ќе биде поднeceна cooдветна пpиjaва – информираат од СВР Битола.