дома блог страница 1473

Лидл распиша оглас – бара работници од Македонија

Меѓународниот ланец на супермаркети „Лидл“ објави конкурс за вработување. Се бараат продажен специјалист, сметководител, бренд стратег, специјалист за човечки ресурси.

Како што може да се види од огласот, се бараат универзитетски образовани луѓе кои ќе ги постават темелите на команијата во Македонија, како во однос на рекламирањето на „Лидл“ , така и во однос на избор на кадар што ќе работи во маркетите.

Од „Лидл“ се уште не открија детали колку продавници ќе има во Македонија и каде ќе бидат лоцирани. Единствено што официјално беше објавено е дека компанијата се интересирала за локација во скопска Кисела Вода.

„Лидл“ работи со околу 11.200 продажни објекти во 32 земји ширум светот, вработувајќи повеќе од 310.000 луѓе на глобално ниво.

(Видео) Спасувачка акција во близина на манастирот “Tрескавец”: Две девојки пропаднале во пресек од карпа

Денеска, успешно се реализираше акција на спасување на две туристки од Полска кај макастиркиот комплекс „Трескавец“, паднати во пресек од карпа над провлија координирани преку дежурните оперативци во Центарот за управување со кризи на Единствениот телефонски број за итни повици на ЦУК – 112, во содејство со Дежурниот оперативниот центар (ДОЦ) на ЦУК и Регионалниот центар за управување со кризи (РЦУК) Битола, а во координција со РЦУК Прилеп со надлежните институции за вакови случаи од Системот за управување со кризи.

Успешната спасувачка акција конкртно и брзо ја реализирал Дарко Недановски со колегата Иван Атанасовски, инаку членови – доброволци од спелеолошкиот клуб „Златоврв“ од Прилеп. Недановки е познат и по многу спасувачки и истражувачки акции во земјава и странство и е држвен рекордер во спуштање во длабочина, а е и претседател на Спелолошката федерација на Македонија

Конкретно, во 16:00 часот двете туристки – млади девојки од Полска, од локација кај манастирот „Трескавец“, преку Единствениот телефонски број за итни повици на ЦУК – 112, побарале помош бидејќи при движење надолу од манастирот кон градот, паднале во процеп на стрмна карпа над провалија и биле во опасност да се повредат, а едната од нив се држела за карпа. Тие биле дел од поголема група туристи и биле заостанати од групата којашто се враќала од посетата на македонскиот прекрасен и познат манастирски комплекс, информираат од ЦУК за Прес 24.

Известени сме дека покрај доброволното друштво „Златоврв“ од Прилеп, на терен излегла екипа и од ТППП Прилеп (4 пожарникари со 1 теренско возило) од 16.10ч. За настанот биле известени и ДЗС – Прилеп и МВР (ЦИК- Битола).

На крај на извештајот, РЦУК – Битола извести дека двете девојки – туристки од Полска кај „Трескавец“, се пронајдени и извлечени во 17:15 часот од доброволното друштво „Златов врв“ од Прилеп и дека се во добра здраствена состојба. Недановски извести дека само на рацете имале неколку гребнатини.

Директорот на “Пазари”- Прилеп: Ќе бидеме приморани да ги зголемиме цените на нашите услуги (Видео)

После вчерашната последна дебата за решавање на проблемот со високите сметки на електрична енергија одржана во хотелот „Континентал“ во Скопје организирана од страна на Здружението на даватели на комунални услуги АДКОМ во кое што и ние како Јавно комунално претпријатие сме член, а на која што дебата имаше и претставници од Владата на Република Македонија како и претставници на Регулаторната комисија за енергетика поточно директорот Марко Беслимовски, чувствувам морална обврска да ги известам нашите граѓани и нашите коминтенти дека не добивме конкретен предлог за решение на нашите проблеми – истакна на денешната прес конференција директорот на ЈКП Пазари Прилеп, Игор Крстески.

Прес конференцијата во целост ја пренесуваме во продолжение:

Притоа сакам да нагласам дека и ние како ЈКП Пазари – Прилеп и покрај сите мерки кои ги спроведуваме за намалување на потрошувачката на електрична енергија се соочуваме со драстично зголемување на сметките за електрична енергија.

Електричната енергија за нас е основен енергенс без кој целосно би се нарушило нормалното работење на пазарот.

ЈКП Пазари не сака и не смее да си дозволи да не ја вклучи електричната помпа и да не го испере пазарот на овошје и зеленчук после пазарниот ден.

ЈКП Пазари и покрај енормното поскапување што ни се случува не сака и не смее да си дозволи да не набави доволно дезинфекциони средства и темелно не го испере пазарот за сирење после пазарниот ден. Замислете само како би изгледало доколку тоа би се случило. Би се ширела непријатна миризба до центарот на Прилеп, а пазарот би бил извор на зарази.

ЈКП Пазари исто така не сака да си дозволи исклучување на осветлувањето во пазарот. Притоа сакаме да нагласиме дека се работи за осветлување на 5.000 метри квадратни пазарен простор секој ден освен во недела.

Кон сето ова кога ќе го додадеме фактот што ЈКП Пазари работи со ценовник за своите услуги кој практично и да не отстапува многу од ценовникот на услугите донесен во 2004 година, можете сами да заклучите какви надчовечки напори вложуваме за обезбедување на нормално работење на претпријатието.

Ако кон оваа ситуација на енормно покачување на овој енергенс, се додаде отсуството на поддршка од страна на Централната кон Локалната власт, вклучително и поддршката на Јавните претпријатија од страна на Централната власт, се чини дека ЈКП Пазари како и сите други јавни претпријатија од градов и од Македонија, ќе бидеме приморани да бараме излезни решенија, кои вклучуваат и корегирање на постојните цени, односно ќе бидеме приморани да ги вклучиме во цената на нашите услуги новите пазарни вредности на енергенсите.

Почитувани сограѓани. Ова е уште еден случај каде се потврдува незаинтересираноста на Владата за решавање на проблемите што се во интерес на граѓаните. Дали ова се прави намерно при што се сака да се прикажат јавните претпријатија како помалку успешни или неуспешни, се со цел да се остварат политички поени, ве оставаме сами да донесете заклучоци?!

Притоа уште еднаш сакаме да ве информираме, дека што и да биде преземено од наша страна со цел прилагодување на конкретната ситуација, во прв план ќе бидат интересите на нашите коминтенти и граѓаните на нашата општина. Ви благодарам.

Радикални промени кај земјоделските субвенции – вложените пари да обезбедат значително поголем ефект

Деновиве се претстави нов систем за субвенционирање кој треба да почне да се применува од 1 јануари 2023 година. Ќе има авансни исплати од 30 проценти пред да завршат административните проверки од Платежната агенција.

Во првичната верзија на новиот модел на субвенционирање се предлага разграничување меѓу неврзаните и врзаните директни плаќања. Тоа значи дека кај растителното производство, земјоделците ќе добиваат основни директни плаќања за површината што ја обработуваат, без оглед што произведуваат и во колкава количина. Дополнителни парични средства ќе се исплаќаат само за некои земјоделски култури кои државата заедно со земјоделците ќе ги оценат дека се со стратешко значење. Овие дополнителни исплати ќе бидат условени од прикажување на доказ за продажба на земјоделските производи на регистриран трговец или производител. Вака ќе се намали сивата економија и ќе се оневозможи исплата на некој што, на пример, не го работи лозјето, а го користи за да добива субвенции, примиер што го почочи министерот за земјоделие Николовски.

Кај сточарското производство се предлага исплатата да се однесува по грло, за основно стадо, а се предлага сите исплати да бидат по количина, со што овозможуваме олеснети административни постапки, почести и брзи исплати на субвенциите, но и полесна можност за дополнување на програмата во зависност од потребите. На пример,кај сточарството ова би значело исплатата за сесекој литар предадено млеко да се врши секој месец. На овој начин, стремежот е целото домашно прооизводство да се преработи во домашната преработувачка индустрија.

Програмата за рурален развој треба да прерасне во Инвестициска програма, што се поклопува со новата седумгодишна програма ИПАРД, со која на располагање ни се 97 милиони евра, а заедно со кофинансирањето ќе значат 210 милиони евра инвестиции во земјоделскиот сектор.

Во Програмата за рурален развој останува поддршката за млад земјоделец и за руралните жени, а новина е поддршка за бизнис-план до 10.000 евра, која може да ја искористат регистрираните земјоделци за проширување на нивната дејност.

Од министерството најавуваат дека интензивно ќе се работи на развој на земјоделските задруги за да може производителите да работат здружено и заедно да бараат пласмани.

За проблемите со малиот интерес за осигурување на земјоделското производство, прстот вперен кон осигурителните компании. Иако државата субвенционира 60 проценти од вредноста на полисите за осигурурвање интерес нема и за ова заслуни се агенциите. Затоа од 1 јануари 2024 година осигурувањето во земјоделството ќе биде задолжително, со што би требало да се надминат проблемите од климатските непогоди. Во првите три години полисите целосно ќе бидат субвенционирани, за што се преговара за пари од ФАО.

Со измените во Законот за земјоделство исто така се подготвува основа за давање под наем на напуштено приватно земјоделско земјиште. Во услови кога цел свет се бори за секој грам зголемено земјоделско производство, со цел да се прехрани човештвото, потребно е и кај нас да се обработи секоја педа распложливо земјиште и ништо да не остане напуштено и запуштено. Во законските измени се предвидува и напуштеното приватно земјоделско земјиште да може државата да го даде под наем под соодветни услови откако тоа земјиште ќе биде евидентирано дека е напуштено или не се обработува од сопствениците.

Пpиведен жител од прилепско село: Извршил обљyба врз малолетничка

На 13.09.2022, полициcки cлyжбеници од ОВР Прилеп го лишиле од cлобода А.Ш.(21) од прилепско село.

Тој се coмничи дека на влезот од селото во кое живее извpшил обљyба врз малолетничка.

Тој бил пpиведен во полициска станица и пpoтив него е поднесена кpивична пpиjaва, а од cyдиja му е одpeдна мepка пpитвop во траење од 30 дена – информираат од СВР Битола.

Во соопштението сепак од МВР не наведуваат за жител на кое прилепско село станува збор.

Се огласи натепаниот гpaдоначалник: Без пpeдyпpeдyвање влетaa и ме нападнaa

Градоначалникот на општина Арачиново Ридван Ибраими на својот Фејсбук профил објави соопштение по повод денешниот физички напад од страна на три лица.

– Почитувани жители на општина Арачиново и поширока јавност, за жал, денес 13.09.2022 година (вторник), во раните утрински часови на почетокот на работното време, за време на извршувањето на службената должност како градоначалник на општина Арачиново бев предмет на напад од група неодговорни, несвесни и бесрамни лица, кои сега се познати на органите на прогонот. Без никакво предупредување и образложение, групата веднаш влета во напад, кој прво беше вербален, а потоа и физички, што според кривичниот законик на Р.С.М. претставува тешко кривично дело – пишува Ибраими.

Тој додава дека причини за нападот се нереализирање на нивни лични и деловни барања.

– Демек со моите постапки како градоначалник им се уништиле сметките. Најпрво бараат именувањата на директорите на основните училишта да се вршат според нивните барања, без да исполнуваат никакви законски критериуми, но преку кои полесно ќе ги остварат своите цели и ќе бидат во нивна служба. Намерите на оваа група имаат лоша позадина, кои се на штета на жителите на општината, заканувајќи се и уценувајќи ги многубројните екипи кои ги извршуваат своите работни задачи, а кои се дел од разни проекти. На оваа група несвесни луѓе, како и на многу други, известувам дека целта на кандидирањето за градоначалник не беше тоа што дојдов од улица, невработен, ниту да се збогатам или да се поврзувам со валкани бизниси. Mоите и намерите на мојот персонал беа и се благородни и чисти од секаква криминална прашина – вели градоначалникот.

Првиот човек на Арачиново истакнува дека без разлика на природата на нападите, вербални, физички, медиумски или виртуелни, нема враќање назад од овој свет пат што го тргнавме.

Сите што сакаат да имаат корист на сметка на народот нека си го стават ова во глава. И за време на изборната кампања го дадовме нашето ветување дека НИКОГАШ нема да ги разочараме луѓето што ги претставуваме. Затоа, не престануваме да реализираме капитални проекти за жителите на општина Арачиново. Вложуваме максимални напори на секој жител да му понудиме најдобри можни услови за нормален живот. Ваквите напади на овој начин уште повеќе не зајакнуваат, а нè да не заплашат. Оттаму апелирам, прво до најблиските членови на семејството, потоа до пријателите, поддржувачите, до сите кои заедно го следат овој пат, да не станат плен на вакви ниски провокации од неодговорни, несвесни луѓе, бесрамни, кои имаат ја изгубиле животната ориентација, кои ја изгубиле целта на својот живот. Нашиот заеднички пат е „Ние му служиме на нашиот народ со достоинство и чест“. Исто така, бидејќи сега ги имаме сите докази за овој срамен случај, ги повикувам надлежните органи на обвинителството и јавниот ред да ја вршат својата службена должност и одговорните за ова тешко кривично дело да се појават пред органите на правдата и еднаш и за сите, секој што има такви криминални намери, нека ја добие заслужената казна – пишува Ибраими.

Од министерството за внатрешни работи информираа дека полициски службеници од Единицата за насилен криминал при СВР Скопје ги приведоа Р.А., Р.А. и Б.А. по претходна пријава денеска претпладне од Р.И. дека бил физички нападнат од нив во неговата канцеларија во општина Арачиново.

– Известен е јавен обвинител и во координација со ОЈО Скопје по целосно документирање на настанот, против нив ќе биде поднесена кривична пријава за кривично дело Насилство по чл.386 од КЗ – стои во соопштението испратено од МВР.

Чатлески се боксерски репрезенти од кои секој треба да учи: Синоќа одржаа тренинг со гостин од Австралија, а настанот го проследи и градоначалникот Јовчески

Прилепскиот боксерски клуб “АС” од Прилеп долги години е еден од главните спортски репрезенти на градот под Марковите Кули.

За огромните успеси на клубот најзаслужни се тренерите Ѓорѓи и Дарко Чатлески, но и нивните вредни ученици. Низ годините клубот бележи успеси како на домашен, така и на меѓународно ниво.

Вчера во клубските простории гостуваше Игор Поцев, од австралиската боксерска академија “Лајнос Ден” од Мелбурн, кој одржа тренинг заедно со Дарко Чатлески.

На настанот присуствуваше и градоначалникот Борче Јовчески, кој ја истакна поддршката на општина Прилеп.

-Синоќа ги посетив младите боксери од Боксерскиот клуб „АС“ Прилеп. На мое задоволство проследив дел од тренингот кој што го водеше гостинот, тренер и менаџер Игор Поцев од Боксерската Академија ЛАЈОНС ДЕН од Мелбурн Австралија. Поцев има направено многу успеси со неговите боксери во Австралија.

Целта на оваа соработка е размена на искуства помеѓу боксерските школи и размена на боксери со учество на борби во Македонија и Австралија.

Боксерскиот клуб “АС” од Прилеп е основан во 2001 година. Непрекинато работи до денес и е активен во сите натпреварувања. Под водство на тренерите Ѓорѓи Чатлески и Дарко Чатлески има направено одлични резултати. Во изминатите години државни шампиони во бокс се Дарко Чатлески, Александар Николоски, Стево Илиќ, Дамјан Талимче, а минатата година во кадетска конкуренција титулата ја освои Матеј Чатлески.

За 2018 и 2019 БК АС го освоија второто место во бокс лигата на Македонија, а оваа година го држат првото место од кои има уште 4 кола до финалните борби. Четвртото коло во месец октомври ќе се одржи во Прилеп во организација на БК АС ПРИЛЕП.

Во името на Општина Прилеп упатив благодарност за се она што го прават како спортски репрезенти на Прилеп и поддршка за сите идни активности и планови – напиша Јовчески на ФБ.

Талат Џафери ќе стане ycтавен cyдиja?

Спикерот Талат Џафери не е ниту Уставен суд, ниту уставен судија, тој треба да го толкува собранискиот Деловник, а не уставноста на иницијативата за референдумот, вели професорката по Уставно право, Гордана Силјаноска – Давкова за Пресинг ТВ.

Оваа реакција доаѓа откако синоќа претседателот на Собранието на Република Македонија, Талат Џафери, ја отфрли иницијативата за спроведување референдум за поништување на Законот за ратификација на Договорот за добрососедство, пријателство и соработка со Бугарија како неуставна.

Според Силјановска-Давкова, Џафери сега се претставува како уставен судија или како Уставен суд.

– Ако е така, па дај да го избереме Џафери наместо Љубомир Јовевски за уставен судија, вели проф. Силјановска-Давкова.

Таа е децидна дека спикерот Џафери мора да ја почитува постапката и иницијативата веднаш да ја проследи до двете надлежни собраниски комисии-Законодавно-правната и таа за политички систем. Дури и нивното мислење да биде негативно за иницијативата, таа сепак мора да се најде на дневен ред на првата наредна собраниска пленарна седница, што директно е наведено во членовите 191 и 192 од Деловникот за работа на Собранието.

Целиот текст во Пресинг ТВ

Министерството за одбрана објави конкурс за 200 нови професионални вojници

Министерството за одбрана денеска го објави Јавниот оглас за прием на 200 професионални војници на служба во Армијата на Република Северна Македонија.

Рокот за пријавување на кандидатите е 15 дена, вклучувајќи го и денот на објава.

– Согласно новите законски измени за служба во Армијата, идните професионални војници од моментот на склучување на договор ќе земаат почетна плата над 25.000,00 денари со дополнителни над 9.000,00 денари – средства за станбено обезбедување од 01.01.2023 година, појаснуваат од МО.

Условите за пријавување на лицата на јавниот оглас се да се државјани на Република Северна Македонија; да се полнолетни; да имаат завршено најмалку средно образование; да не се постари од 25 години на денот на завршување на огласот за прием и да се здравствено и физички способни.

Кандидатите за професионални војници својата пријавата може да ја поднесат по електронски пат заедно со потребните документи на следниот е-маил: [email protected] и до Одделенијата за одбрана во или блиску до местото на живеење, заедно со потребните документи.

Како што информираат од МО, во постапката за избор, кандидатите за професионални војници ќе подлежат на тестови за физичка подготвеност и на здравствени прегледи спроведени од посебни комисии.

Сончево и топло уште два дена: Еве што ни доаѓа за време на викендот

Времето денеска ќе биде сончево и потопло со мала локална облачност. Ќе дува слаб јужен, а во западните делови слаб до умерен западен ветер. Минималната температура ќе биде во интервал од 5 до 15, а максималната ќе достигне од 24 до 31 степен.

Во Скопје претежно сончево, ќе дува слаб до умерен ветер од јужен правец. Минималната температура ќе се спушти до 10, а максималната ќе достигне до 28 степени.

Според најавите од УХМР, до петок времето ќе биде стабилно со позначаен пораст на температурата. Особено топло ќе биде во четврток и петок, кога дневната температура ќе биде над просекот за овој период од годината.

Во сабота ќе има локална појава на нестабилна облачност со пороен дожд, грмежи и засилен ветер. Во недела ќе дува силен северен ветер што ќе услови значително заладување.