дома блог страница 1472

Треба во секое училиште: За поздравување превентивна активност на СВР Битола

Денеска (15.09) полициски службеници од Отсекот за превенција при СВР Битола заедно со полициски службеници од Полициската станица за безбедност на патниот сообраќај при СВР Битола, го посетија Основното училиште “Ѓорѓи Сугарев” во Битола, каде што имаа средба со наставничкиот кадар и учениците.

Средбата имаше превентивно-едукативен карактер на повеќе теми што ја тангираат безбедноста на учениците.

Така, полициските службеници ги едуцираа децата околу суштината на кампањата – “да ги заштитиме децата во сообраќајот”, односно за важноста од почитувањето на сообраќајните правила и прописи, потоа околу сајбер булингот, но и околу превенцијата и опасностите од разните можни девијантни појави кај младите, а во рамки на проектот “Безбедни училишта”.

Филмски гpaбеж во Холандија: Macкиpa Срби го yкpaле нajpeткиот диjaмант на светот

Холандските истражители интензивно трагаат по петмина маскирани осомничени, кои извршиле на саемот за уметност и антиквитети „TEFAF“, извршиле вооружен грабеж и украле посебен жолт дијамант, а сите сомнежи паѓаат на криминалната група „Пинк Пантери“ од Балканот, пренесува „RTLnieuws“.

Вооружениот грабеж се случил во раните утрински часови на 29 јуни на добро посетениот саем за уметност во Мастрихт.

Во грабежот нема повредени, но украден е накит, жолт дијамант, единствен од ваков вид во светот. Бараме најмалку петмина бегалци и има блиска соработка со белгиската и германската полиција – соопшти локалната полиција.

Оттаму даваат детален опис на овој грабеж и соопштуваат дека по делото уапсиле две сомнителни лица, но по информативен разговор тие биле пуштени на слобода.

Овој грабеж ја крена цела Холандија на нозе и сите се прашуваат дали крадците на дијаманти се Срби.

Се сомнева дека станува збор за „Пинк Пантери“ од Балканот и дека најверојатно се Срби, бидејќи се повеќе од познати членови на оваа озлогласена банда – пишуваат холандските медиуми.

Инспекторите објавија нови фотографии и видео од грабежот. На фотографиите јасно се гледаат лицата на разбојниците, нивното бегство, како и сликата на можен петти член на бандата.

Непознат маж, инаку, петтоосомничениот, им купил билет на четворицата разбојници за да можат да влезат на саемот. Полицијата се сомнева дека очилата што ги носеле разбојниците се дел од нивното маскирање – наведуваат холандските медиуми.

Пред 22 години во Македонија гостуваа Буфон, Турам, Канаваро, Аморосо, Ди Вајо, а играа против прилепска Победа

14 септември 2000 година и ден денеска е еден од најголемите датуми кога фудбалот во Прилеп е во прашање.

Во рамките на првото коло од Купот на УЕФА, Победа се соочи со ѕвездениот тим на калчолигашот Парма. Иако црвено-белите беа поразени во двата дуели, љубителите на фудбалот и денес се сеќаваат кој се гостуваше тогаш во Македонија.

Во редовите на Парма тогаш беа: Џиџи Буфон, Фабио Канаваро, Лилијан Турам, Серџо Консисао, Аморосо, Саво Милошевиќ, Жуниор и Марко Ди Вајо.

Оваа ѕвездена екипа против себе го имаше тимот кој на Прилеп му го донесе првиот трофеј во натпреварувачката 2000/2001 година освојувајќи го Купот на Македонија.

Во редовите на црвено-белите тогаш беа: Боби Тенев, Панче Ќумбев, Игор Николаевски, Благојче Нацев, Жилсон, Раде Каранфиловски, Панче Ристовски, Тони Наумоски, Николче Здравески, Дарко Диниќ, Сашко Крстев, Тони Мегленски, Горанчо Тодоровски и Влатко Стојчевски.

Натпреварот кој тогаш се одигра на Градски стадион во Скопје пред 9.500 публика, заврши со триумф на Италијанците од 0:2.

Стрелци на головите беа: Серџо Консисао во 23-та минута и Марко Ди Вајо во 74-та.

Од Парма минатата година потсетија на натпреварот со Победа преку објава на социјалните мрежи.

Жител на прилепско Ропотово излетал од патот Прилеп-Македонски Брод – со тешки повpeди пpeнeceн во прилепската болница

На 14.09.2022 во ОВР Прилеп било пријавено дека на регионалниот патот Прилеп – Македонски Брод, кај с.Мажучиште, патничко моторно возило „форд фокус” со прилепски регистарски ознаки, управувано од К.З.(55) од с.Ропотово, општина Долнени, излетало од патот.

Притоа, со тешки телесни повреди се здобил К.З., констатирани во Градската болница Прилеп. Увид извршила екипа на ОВР Прилеп.

Бектеши: “Цената на струјата нема да се менува до 31 декември, за потоа ќе видиме”

Министерот за економија Крешник Бектеши денеска соопшти дека измена на цените на регулираниот пазар нема да има до 31 декември.

-Во делот на поддршката на микро и малите компании кои се на регулиран пазар веќе има одлука од РКЕ која важи до 31 декември. Измена на цените на регулираниот пазар нема да има до 31 декември. Со новата одлука на РКЕ согласно податоците што ќе ги дадат ЕСМ, МЕПСО и ЕВН дистрибуција за првите шест месеци од наредната година, тогаш РКЕ ќе излезе и ќе ги каже новите цени за регулираниот пазар, а ние ќе даваме инпут преку ЕСМ со намалување на цената на производство, со намалување на одредени барања на МЕПСО, рече Бектеши, одговорајќи на новинарско прашање по средбата во Стопанската комора со 10-те компании најголеми потрошувачи на електрична енергија.

Како што истакна Бектеши, РКЕ треба да ги признава барањата што ги доставува ЕВН.

-Јас сум убеден дека некои од барањата нема да се прифатат, додаде министерот.

Спроведена истражна постапка за 21-годишниот прилепчанец што силувал малолетничка

Основното јавно обвинителство Прилеп донесе наредба за спроведување истражна постапка против едно лице, на возраст од 21 година, за кое постои основано сомнение дека сторило кривично дело „силување“.

-Осомничениот, на 13 септември, во непосредна близина на мостот пред селото Селце, со употреба на сила и сериозна закана присилил на обљуба 15-годишно девојче. Додека оштетената се враќала од училиштето кон нејзиниот дом, осомничениот ја пресретнал и почнал да ја следи, движејќи се зад неа. Во еден момент се приближил и започнал да ја допира, насилно да ја трга и да ја влече по тревата. И се заканувал да не вика, бидејќи ќе им се случи нешто лошо на нејзините најблиски. Под мостот извршил обљуба врз девојчето, кое постојано се спротивставувало, информираат од Јавното обвинителство.

Надлежниот јавен обвинител до судијата на претходна постапка од Основниот суд во Прилеп поднел предлог за определување мерка притвор за осомниченото лице. Судијата го прифати предлогот и со решение на осомничениот му определи притвор во траење до 30 дена.​​

Регулаторна со нова одлука: Се намалува цената на дизелот

Дизелот поевтинува за 2 денари, цената на горивата не се менува. Ваква одлука донесе Регулаторната комисија за енергетика на седницата одржана денеска.

Oд полноќ, дизелот ќе се продава по цена од 95 денари.

Цените на бенизните остануваат исти односно ЕУРОСУПЕР БС95 ќе се точи за 84,5 денари а ЕУРОСУПЕР БС98 за 87 денари по литар.

Мицкоски: Државата оди кон банкрот, власта мора да најде над 2 милијарди евра за излез од кризата!

Референдумот инициран како одговор на францускиот предлог, енергетската и финансиската криза, политичките цели и амбиции, како и односите во рамки на опозицијата, се дел од темите за кои разговаравме со опозицискиот лидер Христијан Мицкоски. Во интервју за „Фокус“, Мицкоски изразува увереност дека ВМРО-ДПМНЕ ќе ја формира следната влада. Притоа, тој најавува повлекување од политиката, ако макар еден пратеник ја изневери неговата доверба

ФОКУС: Зошто со референдум одлучивте да одговорите на усвојувањето на таканаречениот француски предлог од страна на власта, што предизвика силна политичка поларизација и граѓански протести?

МИЦКОСКИ: Единствениот начин како може опозицијата да дејствува е преку референдумско изјаснување, друг начин не постои. Во современата парламентарна демократија може да спречите нешто само доколку го повикате народот да се произнесе и да даде свој став. Токму од тие причини се одлучивме за задолжителен референдум, а не како што беше со оној манипулативниот за Преспанскиот договор, кога имаше прашање со двојно значење. Референдумот и прашањето се многу прецизни и јасни, се однесуваат на изворот на сите проблеми, а тоа е билатералниот договор со Бугарија.

ФОКУС: Многумина противници на францускиот предлог заговараа борбата да се води преку интензивни протести, па дури и радикализација. Според нив, референдумот е невозможно да успее и ќе ги легитимира политиките на власта.

МИЦКОСКИ: Има и такви, кои претежно се инсталации на власта и имаат цел да заведуваат, а не да помагаат, па повикуваат на радикализација, насилство итн. Современата демократија, таков тип пресметки не познава. Водевме сметка прашањето да биде според Законот и надлежностите на Парламентот, за спикерот да нема изговор дека тоа не е во надлежност на Собранието.

ФОКУС: И во оваа формална иницијатива избегнувате да го користите уставното име. Зошто го правите тоа, со оглед дека веќе соопштивте дека го прифаќате Преспанскиот договор како реалност?

МИЦКОСКИ: Не е така. Законот за ратификација се однесува на Договорот што го потпишала Република Македонија и Република Бугарија, не се однесува на Договорот што го потпишала Република со новата придавка Македонија и Република Бугарија. Референдумското прашање се однесува за тој Закон – Закон за ратификација на Договорот за пријателство, добрососедство и соработка потпишан од Р. Македонија и од Р. Бугарија. Ние не можеме да го менуваме законот како нас ни одговара.

ЦЕЛОТО ИНТЕРВЈУ ПРОЧИТАЈТЕ ГО НА ФОКУС

Уште еден странец потпиша за Победа

Победа се засили со уште еден странец.

Станува збор за 19-годишниот играч од Гана, Ерик Амо кој е четвртиот странец во Победа.

Претходно со црвено-белите потпишаа Амасихоху Акугбе Џејмс од Белгија, Амос Губам Дадет од Нигерија и Огњен Ѓурковиќ од Србија.

Атмосферата во клубот е на одлично ниво, особено по триумфот над Брегалница викендов, а наредниот натпревар за прилепчани е во сабота во Скопје против “романтичарите” oд Работнички.

“Курир”: Данела Арсовска отпушта 100 луѓе од ЈП Водовод и канализација

Околу 100 вработени во ЈП Водовод остануваат на улица, затоа што градоначалничката на Град Скопје, Данела Арсовска не сака да им ги продолжи договорите кои им истекуваат утре – дознава Курир.

Ваквата одлука на Арсовска, доаѓа откако таа го разреши директорот на ЈП Водовод од ВМРО-ДПМНЕ, Златко Перински затоа што не постапил по нејзиното барање да влијае на тендерот од над сто милиони евра за изградба на пречистителна станица во Скопје.

Станицата е финансирана со европски пари, па вчера Перински доби поддршка од Европската Инвестициска Банка. Потегот на Арсовска да не ги продолжи договорите на вработените, во кулуарите на компанијата го коментираат како реваншизам.