дома блог страница 1471

Рација на МВР во дури 308 угостителски објекти изминатата ноќ – Еве што пронашле

На 17.09.2022 во периодот од 00.00 до 04.00 часот беше спроведена акциска контрола во угостителски објекти на територија на Република Северна Македонија, при што биле контролирани 308 угостителски објекти.

При контролата, приведени се две лица во Куманово затоа што кај нив била пронајдена дрога. Во 00.20 часот, полициски службеници од СВР Куманово го лишиле од слобода М.Д.(22) од Куманово затоа што кај него бил пронајден и одземен амфетамин. Додека, во 02.05 часот полициски службеници од СВР Куманово го лишиле од слобода С.Т.(30) од Гевгелија затоа што кај него бил пронајден и одземен кокаин. Исто така, во еден угостителски објект во Куманово бил затекнат малолетник кој бил послужен со алкохол.

При контрола во угостителски објект во Тетово во 00.15 часот од слобода бил лишен Х.С.(28) од с.Мала Речица, тетовско, затоа што физички нападнал полициски службеници кои вршеле службени дејствија. По целосно документирање на случаите против лицата и правните субјекти ќе бидат поднесени соодветни поднесоци.
Исто така, при контролата биле констатирани и повеќе прекршоци по Законот за прекршоците против јавниот ред и мир кои соодветно биле санкционирани.

Поскапуваат и млечните продукти!

Поскапуваат дел од млечните производи од следната недела. Вакво предупредување добиле дел од трговците. Дел од млекопроизводителите за Телма потврдија дека од понеделник  млекото ќе има нова повисока цена.

За колку точно ќе се зголеми не се знае, а причината за растот се скапите енергенси.

„ВО СИТУАЦИЈА КОГА ИМАМЕ КОНТИНУИРАН БРАН ПОСКАПУВАЊА ВО СИТЕ ПРОИЗВОДНИ СЕГМЕНТИ, ПОЧНУВАЈЌИ ОД ПРИМАРНОТО МЛЕКОПРОИЗВОДСТВО И ЗГОЛЕМУВАЊЕТО НА ЦЕНАТА НА ДОБИТОЧНАТА ХРАНА, ШТО СЕ ОДРАЗИ СО ЗГОЛЕМУВАЊЕ НА ОТКУПНАТА ЦЕНА НА МЛЕКОТО ЗА 40% САМО ОД АВГУСТ ЛАНСКАТА ГОДИНА ДО ОВОЈ АВГУСТ, КАКО И ПОВЕЌЕКРАТНИОТ РАСТ НА ЦЕНИТЕ НА ЕНЕРГЕНСИТЕ, БИМИЛК КАКО ОДГОВОРНА КОМПАНИЈА И НАЈГОЛЕМ ПРОИЗВОДИТЕЛ НА МЛЕКО И МЛЕЧНИ ПРОИЗВОДИ ВО ТЕКОТ НА ЦЕЛИОТ ПЕРИОД ОД ПОЧЕТОК НА КРИЗАТА ИМА НАПРАВЕНО НЕОПХОДНИ КОРЕКЦИИ НА ЦЕНАТА НА СВОИТЕ ПРОИЗВОДИ.И НИЕ КАКО ОСТАНАТИТЕ ВО ИНДУСТРИЈАТА ГИ ОЧЕКУВАМЕ НАЈАВЕНИТЕ МЕРКИ ЗА ПОДДРШКА НА БИЗНИС СЕКТОРОТ ЗА ДА ОВОЗМОЖИМЕ ПОИЗЕДНАЧЕНА ПОЗИЦИЈА ВО ЛАНЕЦОТ НА МЛЕКОПРОИЗВОДСТВО“, СЕ ВЕЛИ ВО ДОПИСОТ ОД БИМИЛК, пренесе ТЕЛМА.

Има најави дека ќе поскапат и сирењето, кашкавалот и јогуртот.

„ГРАЃАНИТЕ БИ ТРЕБАЛО ДА ОЧЕКУВААТ, ПО БЛАГ РАСТ НА ЦЕНИТЕ. ТРЕБА ВО ОДРЕДЕНИ СИТУАЦИИИ ДА СТРАВУВАМЕ. ВЕЌЕ СЕ НАВИКНАВМЕ, НО НЕ ОЧЕКУВАМ НЕШТО СТРАШНО ИЛИ НЕКОЕ АПОКАЛИПТИЧНО СЦЕНАРИО ДА НИ СЕ СЛУЧИ, НО ДЕКА ОВАА ЗИМА ЌЕ БИДЕ ТЕШКА“, ВЕЛИ ЗА ТЕЛМА ПРОФЕСОРОТ АБИЛ БАУШ.

Растот на цените на производите ја вивна и инфлацијата. Според статистиката во август годинава достигна речиси 17 проценти. Според Бауш постепена стабилизација би имало дури во 2024 година.

Млечните производи како сирењето и кашкавалот веќе имаа неколку поскапувања. Килограм сирење и килограм кашкавал, со уште повисоки цени, ќе станат луксуз за македонските граѓани!

Што се случува со светот: После Ерменија и Азербејџан, уште две поранешни советски републики започнaa вojна

По интензивните борби во петокот, ниту Киргистан ниту Таџикистан не пријавија големи инциденти во текот на ноќта, што укажува дека се држат до договорот за прекин на огнот, освен што киргистанската гранична полиција соопшти дека едно од нивните села накратко било гранатирано.

Двете поранешни советски републики се спротивставија на нивните граници оваа недела, обвинувајќи се меѓусебно дека користеле тенкови, минофрлачи, ракетна артилерија и беспилотни летала во нападите врз пограничните населби.

Граничните прашања во земјите од Централна Азија претежно датираат од советската ера кога Москва се обиде да го подели регионот помеѓу групи чии населби често се наоѓаа меѓу оние на другите етнички групи.

Киргистан, кој објави 24 мртви и десетици ранети во петокот, објави дека пограничното село било гранатирано со минофрлачи пет минути рано наутро во саботата, по инаку мирната ноќ.

Таџикистан не даде официјална изјава за бројот на жртвите, но безбедносни извори соопштија дека најмалку седум лица загинале во петокот. Таџикистанската гранична полиција во петокот соопшти дека киргистанските хеликоптери и беспилотни летала нападнале неколку таџикистански села.

Безбедносните служби на Таџикистан соопштија дека началниците за безбедност на двете земји денеска ќе ги продолжат разговорите за да се реши конфликтот. (МИА)

Османи: Русија се меша во политиката во Северна Македонија

Шефот на дипломатијата Бујар Османи денеска во одговор на прашање на брифингот со новинарите, потврдно одговори дека има сознанија и индиции за руско влијание врз политичкиот живот во земјава преку одредени извори за финансирање.

– Во рамки на оваа информација произлезена од Стејт департментот немаме дополнителни информации во однос на случувањата во нашата држава, но од нашите анализи од нашите инстиуции има такво нешто и тоа е комуницирано и констатирано во неколку наврати, дека има обиди за такво вмешување во партиско-политичкиот живот во Република Северна Македонија, но тие прашања ќе ви ги одговорат инстицутиите што се надлежни за тоа, одговори Османи.

Тој, меѓутоа, во текот на брифингот одговарајќи на прашање за најавите на Левица за распишување нова иницијатива за референдум, одговори дека негов личен став е дека тие не се македонска партија, туку, како што рече, партија во функција на руската пропаганда за да го свртат македонскиот народ против ЕУ и САД.

-Мислам дека на државата нема да и направат многу штета затоа што има поширок консензус за правците по кои таа се движи, но на народот што го претставуваат може да му направат многу штета обидувајќи се да го свртат против вредностите што ние ги споделуваме. Не треба да паднеме на таа пропаганда која делумно е стимулирана и финансирана и има многу лоши и зли намери, прво кон сопствениот народ, а потоа и кон другите граѓани и кон државата, вели Османи.

Северна Македонија во неколку наврати досега прогласи 11 руски дипломати за персона-нон-грата.

Експертот Џош Рудолф од Германскиот Маршалов фонд во интервју за српската редакција на Гласот на Америка ги коментира последните наводи дека Русија потрошила најмалку 300 милиони долари за да влијае врз политиката во повеќе од дваесетина земји од 2014 година, според нов декласифициран извештај на американските разузнавачки агенции, кој предупредува дека официјален Кремљ не завршил со плановите – со пари да изврши влијание.

Американскиот виш претставник запознаен со разузнавачките податоци, рече дека земјите што се опфатени во напорите за тајно финансирање на Русија ги вклучуваат Албанија, Босна, Црна Гора, Белгија и Мадагаскар. Иако, не се споменува во извештајот, тој ја наведе Северна Македонија, наведува „Гласот на Америка“.

– Кога земјите прават планови за влез во НАТО како што видовме во случаите со Црна Гора и Северна Македонија, особено во случајот со Северна Македонија, имаше грчки олигарх со врски со Русија, кој ги финансираше протестите против промена на името на Северна Македонија и тоа го правеше и на двете страни на границата. Американската влада им ги пренесе на официјална Атина сознанијата и ги охрабри при што преземаа акција и објавија информации за тоа, вели Рудолф.

Министер и лидер на партија се повлекува од политиката?

Министерот за локална самоуправа и лидер на ЛДП, Горан Милевски планира да се повлече од функциите, а, според информации на Фокус, размислува и за целосно повлекување од политиката.

Како што неофицијално дознава порталот, тој прво ќе се повлече од министерската функција, додека партиската функција ќе ја извршува до следниот редовен конгрес, што треба да се одржи до крајот на годинава.

Неофицијално, најсериозен кандидат за нов лидер на либералдемократите е потпретседателката Моника Зајкова, која е еден од двајцата пратеници на ЛДП, заедно со Боби Мојсоски.

Иако Милевски и пратениците Зајкова и Мојсоски имаа различен став во однос на таканаречениот француски предлог, партиски извори велат дека дискусиите за трансфер на власта во партијата се водат во конструктивна атмосфера, без тензии и конфликти.

Целата вест прочитајте ја на ФОКУС

Жител на прилепско кpaдел од трансформатор – потоа признал уште 13 други кpaжби

На 14.09.2022 во 14.50 часот на ул.„Филип Втори Македонски” во Битола, полициски службеници од Криминалистичка полиција и Полициска станица за безбедност на сообраќајот при СВР Битола го лишиле од слобода Х. В (52) од с. Канатларци, прилепско. Тој бил затекнат при извршување тешка кражба од трансформатор.

Одземените предмети биле пронајдени и вратени на сопственикот. Кај него биле пронајдени предмети кои потекнуваат од други кривични дела, кои, исто така, биле вратени на сопствениците.

Лицето било приведено во полициска станица и во службен разговор признал уште 13 кривични дела „тешка кражба“.

По целосно документирање против него ќе биде поднесена соодветна пријава.

Прилепчанец со ампyтиpaна нога почина на клупа пред прилепската Болница, откако вчера бил иcфpлен од установата?

51-годишниот прилепчанец Горан Димески, утринава е пронајден мpтов на клупа пред прилепската Болница, откако вчера, по едномесечно лекyвање на ампyтиpaната нога во Болницата, бил иcфpлен од установата. Семејството на сега веќе починатиот Горан, кој инаку бил бездомник, обвинува за негрижа и најавува тyжба пpoтив Болницата – oбјави “АЛФА ТВ”.

„Вчера, дојдов да го посетам брат ми сабајлето и слеговме долу, тој е со ампутирана нога, слеговме долу со количката, го истуркав да пиеме кафе, излеговме во дворот. Едно време дојдоа некои личности ко боди-гарди, и во униформа и без униформа, дојдоа и ги фрлија ранците од брат ми. Не видов јас ни кога пакувале, ни што спакувале, ни што имало во ранците, и му рекоа – ти, да те нема од Болницава. Зошто како – не знам“, – вели за “АЛФА ТВ” Зоран Димески, брат на сега починатиот Горан.

Бидејќи раната на ампутираната нога крварела и гноела, а имала и оток со болки, Зоран побарал лекувањето да биде продолжено. Но, кај службите во Болницата не наишол на разбирање и не му било дозволено повторно да влезат. По ова, тој побарал помош и од социјалните служби кои исто така процениле дека пациентот не е за домашно лекување. Ама, ни тоа не помогнало, па пациентот останал на една од клупите, со надеж дека некој ќе се смилува и повторно ќе го врати на Ортопедското одделение.

„Така го пуштија, како терминатор, од системи го симнаа и го пуштија надвор. Јас не сакав ризик да преземам и му реков – ќе те оставам брат, овде, белки ќе се најде некој од мајка роден во оваа наша Болница…тие, не се најде никој во 30 часа некој да му излезе во пресрет…Секретарката рече ќе дојди ортопед да го види, ни дојде ни ништо“, – видно вознемирен раскажал братот Зоран.

Кога видел Зоран дека нема да успее да го врати во Болницата, извадил документ, за Горан од денеска да биде сместен во Старскиот дом, иако раната не му била заздравена, а немал ни отпусна листа. Меѓутоа, утринава Горан бил пронајден починат на клупата каде што синоќа го оставил брат му.

„Сношти го оставив, му донесов кебе, му донесов сокче, му донесов да јаде нешто и му реков – брат, да те земам дома ми е страв, гној имаше на ногата, да не направиме триста глупости. Овде стој, камери има, ќе те види некој и ќе те прибери….Сабајле се јавив да го слушнам да му кажам дека ќе дојдам да го видам, ми се јавува службено лице од МВР, ми вика да дојдиш ваму. Одам, брат ми – покријан со кебето, вели – починат е“, – вели братот Зоран.

Од Болницата пак, кратко ни рекоа дека на пациентот му била пружена сета потребна здравствена грижа, дури и подолго од што требало. Бил испуштен, бидејќи му завршило болничкото лекување, но добил препораки за понатамошно домашно лекување и преврски.

Телото е предадено на обдукција, а за смртта биле известени и сите надлежни институции. Семејството најави тужба.

Каролина Дурло за “АЛФА ТВ”

Kpивична за 42-годишен прилепчанец кој заедно со женско лице натепале свој сограѓанин

ОВР Прилеп поднесе кpивична пpиjaва пpoтив С.К.(42) од Прилеп пopaди пocтoeње ocнови на coмнение за стopeно кpивично дело „тешка телecна повpeда“.

На 14.07.2022 на ул.„Прилепски бранители“ во Прилеп, пpиjaвениот со уште едно женско лице физички го нападнале Б.М.(52) од Прилеп и му нанеле повpeди – информираат од СВР Битола.

Левица поднесе кривична пријава за Талат Џафери

Левица поднесе кривична пријава против парламентарниот спикер, Талат Џафери до Основното јавно обвинителство – Скопје.

Пријавата е поднесена поради тоа што спикерот Џафери своеволно и спротивно на Уставот, Законот и Деловникот го оневозможил спроведувањето на граѓанската иницијатива на државно ниво за собирање на 150.000 потписи за распишување задолжителен дополнителен референдум за Законот за ратификација на Договорот за добрососедство со Бугарија, велат од Левица.

Џафери се терети за дека, намерно и со умисла, преку противуставното, противзаконското и противделовничкото одбивање на уредната граѓанска иницијатива – поднесена од страна на група од 646 граѓани, на пропишаниот образец од страна на Државната изборна комисија – сторил тешко кривично дело против изборниот систем – „Спречување на избори и гласање“, казниво по чл. 158, ст. 1 од Кривичниот законик, пренесува Експрес.мк.

Од Левица сметаат дека со ова свое инкриминирано деликтно дејствие, преку злоупотреба на своите службени овластувања, пријавениот арбитрарно го ускратил врховното колективно уставно право на граѓаните, како носители на народниот суверенитет, на т.н. директна демократија, свесно спречувајќи нивно непосредно изјаснување по пат на референдум.

Мицкоски: Заедно со Арсовска тропавме по вратите на скопјани, во тоа време не зборуваше вака за мене (Видео)

Лидерот на ВМРО-ДПМНЕ, Христијан Мицкоски синоќа во дебатниот магазин „Click Plus“ на ТВ21 посочи дека заедно со градоначалничката на Град Скопје, Данела Арсовска тропале на вратата на скопјани.

Мицкоски вели дека Арсовска во тоа време не зборувала вака за него, мислејќи на денешната жестока реторика од говорницата на седницата на советот на Град Скопје.