дома блог страница 1469

Во Прилеп одбележани патроните празници на основните училишта “Добре Јованоски” и “Рампо Левката”, како и 80 години од кpвавиот мacaкp кај Дабница

Прилепските основни училишта ООУ „Рампо Левката“ и ООУ „Добре Јованоски“, денеска ја одбележаа 80 годишнината од загинувањето на своите патрони, народните херои Рампо Левката и Добре Јованоски кои што биле стрелани од бугарскиот фашистички окупатор на 19 септември 1942 година, кај месноста Дабница.

По повод патроните празници на двете основни училишта делегација од Општина Прилеп предводена од градоначалникот Борче Јовчески, како и делегации од основните училишта, положија свежи цвеќина пред бистата на Рампо Левката на Могилата на непобедените и пред бистата на Добре Јованоски во истоименото училиштето.

Во чест на своите патрони учениците од двете основни училишта подготвија пригодна културна програма, која беше презентирана пред присутните гости.

Градоначалникот Јовчески пред присутните истакна:

„ Како градоначалник на Општина Прилеп и во името на Локалната самоуправа, сакам да ви го честитам патрониот празник на вашето училиште. На целокупниот колектив на училиштето и на учениците, ви посакувам многу успех во работата и во учењето, да имате успешна учебна година, многу здравје пред се и да ве следи многу среќа.
Сакам да изразам поддршка до раководството на училиштето за се она што го спроведија во текот на изминатата учебна година како и за летниот распуст, се со цел сите вие тука да имате подобри услови за работа и за учење и во иднина заедно да продолжиме да го унапредуваме воспитно образовниот процес и условите во установата во која што поминувате голем дел од денот.

Ве уверувам дека поддршката од Локалната самоуправа ќе продолжи и понатаму. Денес оддаваме почит по повод 80 години од загинувањето на патронот на вашето училиште, нашиот прилепчанец и народен херој Добре Јованоски. Учесник во Народно ослободителната војна кој што за жал бил мачен и убиен од страна на бугарскиот фашистички окупатор заедно со уште осумнаесетмина прилепчани кај селото Дабница на 19 септември 1942 година.

Жртвата која шта ја дале за слободата на Република Македонија сите наши народни херои мораме да ја почитуваме, да ја празнуваме и да ја одбележуваме, за да се потсетуваме секогаш дека Македонија е наш аманет и мораме сите да се грижиме за нашата татковина, да ја чуваме и безусловно да ја сакаме. Уште еднаш почитувани присутни, нека ви е честит и вековит патрониот празник.“

Делегација од Општината и Советот на Општината, претставници од Сојузот на борци, и од останатите основни училишта, денеска исто така го посетија и положија цвеќе на споменикот кај Дабница, подигнат во чест на осумнаесетмината жители кои што биле стрелани од фашистичкиот окупатор на 19 септември 1942 година, поради помагање на партизанските одреди. Дабничкиот масакр претставува еден од најужасните убиства извршени врз невиното македонско население од страна на фашистичкиот откупатор.

Kрушевската полиција фати “застава 101” натоварена со дрва – 44-годишен крушевчанец заработи пријава

Денеска (19.09.2022) во Крушево, полициски службеници од СВР Битола – ОВР Крушево запреле патничко возило „застава 101″, без регистарски ознаки, управувано од С.Т.(44) од Крушево.

При контрола, во возилото биле пронајдени бесправно исечени огревни дрва без соодветна документација.

Возилото и дрвата биле одземени и предадени на Шумска полиција за понатамошна постапка.

По целосно документирање на случајот ќе биде поднесена соодветна пријава – информираат од СВР Битола.

По 17 години чекање, Македонија ги отвора преговорите со ЕУ, народот очекува европски пари и реформи

Денес во Брисел, висока македонска делегација и официјално го започна првиот дел од преговорите со ЕУ, таканаречениот скрининг – процес во кој ќе се испита во колкав обем македонското законодавство е усогласено со тоа на ЕУ и што треба да се преземе за што поскоро целото наше законодавство, а со тоа и нашето општество, воопшто, да биде на европско ниво.

Досега, усогласени се околу 45 проценти од нашето законодавство, со тоа на ЕУ, што значи државава не започнува од нула, туку завршена е речиси половина од работата.

После 17 години чекање имаме шанса да обезбедиме повеќе европски пари за македонскиот народ. Затоа е клучно, македонската администрација и целото општество, да се фокусира на овој процес за побрза интеграција во Унијата.

Најважно е сега максимално да се фокусирате на секое поглавје, секоја фаза почнувајќи од скринингот да ја искористиме и со максимална посветеност и оптимизам да ја исполниме нашата стратешка цел – полноправно членство во ЕУ, објави на својот Фејсбук профил главниот македонски преговарач со ЕУ, Бојан Маричиќ.

Очекувањата на народот од почетокот на преговорите се повеќе од очигледни. Тоа се зголемените европски фондови кои Македонија ќе ги добие на располагање и реформите со кои институциите треба станат поотпорни на корупција. Од друга страна, останува грижата кај граѓаните дека Бугарија сѐ уште не го кажала последниот збор и дека постои ризик од слабеење на македонскиот идентитет за сметка на прифаќањето на европскиот.

Што се однесува до европските фондови кои ќе се користат, со фазата на преговори, земјава ќе добие пристап и до пристапните фондови на ЕУ со чија помош ќе се помогне извршувањето реформите во државата, подобрување на инфраструктурата, образованието, земјоделството, заштитата на животната средина и многу други сектори на општеството.

После осамостојувањето од Југославија, во 1993 година, со широк консензус на сите политички партии кои во тоа време беа активни во Република Македонија, беше одлучено дека зачленувањето во ЕУ и НАТО се најголемите стратешки интереси на земјава. По зачленувањето во НАТО, следен чекор за остварување на македонските национални интереси е влагувањето н земјата во Европската Унија.

Дизелашите ќе кренат глава: Од вечерва ново поевтинување

Petrol pump
Petrol pump

Цената на ЕУРОДИЗЕЛ од вечерва на полноќ ќе се продава по поевтина цена за 3 денари, соопшти Регулаторната комисија за енергетика.

Цената на ЕУРОДИЗЕЛ горивото од утре ќе се продава за 92 денари по литер.

Цените на бензините остануваат исти, односно ЕУРОСУПЕР 98 ќе се продава по 87 денари по литар, и ЕУРОСУПЕР95 по 84,5 денари по литар.

Се намалува цената на мазутот, и од утре ќе изнесува 50,4 денари по литар. Цената на екстра лестното масло за домаќинство од утре ќе се продава поевтино за 1,5 денар, односно за 89 денари.

Koвачки објави документ: Ковачевски е трајно нecпocoбен, дали лажел за да избегне вojcка, или имаме неспособен човек за премиер?! (Видео)

Димитар Ковачевски, премиер на Македонија, го избегнал отслужувањето на воениот рок, правдајќи се со лекарско мислење дека е ТРАЈНО НЕСПОСОБЕН за служење војска. Ова е документот, извадок од евиденциона книга на АРМ, објавен на социјалните мрежи. Од овој документ јасно се гледа дека Ковачевски од страна на лекари е прогласен за ТРАЈНО НЕСПОСОБЕН, истакна Драган Ковачки, пратеник и член на ИК на ВМРО-ДПМНЕ.

Во продолжение следува интегрален текст од неговата прес-конференција:

Ова води до два заклучока. Или Ковачевски го злоупотребил влијанието на татко му кој тогаш бил градоначалник на Куманово и партиски функционер на СДС и добил лажно лекарско мислење, или тој навистина е ТРАЈНО НЕСПОСОБЕН.

Доколку Ковачевски не лажел и не се служел со измама, тогаш ние за премиер на државата имаме ТРАЈНО НЕСПОСОБЕН човек, а самата дијагноза кажува дека неговата неспособност не може да се отстрани, т.е. дека таквата состојба кај него е трајна, што значи дека истата може само да се влошува.

Доколку Ковачевски лажел за својата здравствена ситуација, тогаш ние на чело на државата имаме патолошки лажго.

Ако лажел да избегне служење војска правејќи се ТРАЈНО НЕСПОСОБЕН, тогаш не можеме ниту да претпоставиме за што се’ друго би лажел.

Доколку пак Ковачевски навистина е ТРАЈНО НЕСПОСОБЕН, не знаеме дали таа состојба кај него прогресирала и дали тој е целосно функционален да ги извршува државничките задачи.

И во двата случаи, односно и доколку лажел, и доколку е ТРАЈНО НЕСПОСОБЕН, Ковачевски како премиер е опасност за државата.

Ковачевски мора да си даде оставка. Македонија не смее да биде водена од премиер кој е или патолошки лажго или е ТРАЈНО НЕСПОСОБЕН.

Оваа сабота на големата сцена во ЦК “Марко Цепенков” во Прилеп: Премиера на музичко-сценскиoт спектакл за деца и млади ПЕПЕЛАШКА

Танцовото студио и портал за современи изведувачки уметности “Зодијак” од Прилеп во партнерска соработка со Н.У.Ц.К. Марко Цепенков од Прилеп како матична сцена на истото, во сабота на 24 септември 2022 година во големата сала на Н.У. Центарот за култура “Марко Цепенков” со почеток од 12:00 часот, премиерно ќе ја изведе новата хит претстава за деца и млади со наслов ПЕПЕЛАШКА.

“Поради малиот број на изведби и продукции за најмладата популација во нашиот град следејќи ги светските трендови по теркот на Брдовеј и Дизни, сметаме дека со овој проект младите ќе имаат можност да сведочат за спектакл од светски рамки на наш јазик, со кој воедно ќе се имплементираат нови песни (сонгови), на македонски јазик како и нивно афирмирање и претпознатливост.

Новиот начин на живот кој вклучува визуелизација, технологија и мобилизација е составен дел од нашите продукции во време кога на младата публика во Прилеп и се нудат аматерски претстави кои промовираат стари, веќе неприфатливи приказни и истите не ги следат новите тенденции, методологии и иновации во изразувањето.

Со овој проект покрај поставувањето на текст од светската драматургија за деца и млади, афирмирајќи дело од странски автор на сцена, ќе се стимулира и македонското музичко творештво со нови музички аудиоизданија поставени на сцена на македонски јазик кои од досегашното искуство се покажале како професионални и квалитетни продукции кои ја пробудуваат љубопитноста кај младата популација, промовирајќи вредности кои се идентични со оние од периодот кога ова дело е пишуавно како: понизноста, почитта, љубовта, еднаквоста и така натаму.

Други приоритети кои се вклопуваат во овој музичко-сценски спектакал за деца и млади се: овозможување, афирмирање, пренамена на веќе постоечките движни добра за подобра мобилност и промовирање на музичко – сценската продукција на територијата на Република Северна Македонија.

Бајката е проткаена со безброј случки, емоции и убави певливи песнички на македонски јазик, од вообичаената Дизниева практика, убави разиграни кореографии и мизасценски решенија, колоритни костими, кои се уредно спакувани пополнувајќи ги сите дупчиња во една детска магична сложувалка”.

Преводот на текстот е на Благојче Николоски, драматизацијата и адаптацијата на македонски е на Кире Миладиноски, режија, костимографија, сценографија, кореографија, кукли и сонговите на Кире Миладиноски, музика Алан Менкен и Томе Темелкоски, дизајн на рекламен материјал е на Петар Николоски, светло мајстор и сценски ефекти Бобан Смилкоски, автор на видео рекламен материјал Љупчо Атанасоски, автор на аудио рекламен материјал Томе Темелкоски, гласовите ги позајмија: Лилјана Јованоска, Мирјанка Селчанец, Даниела Иваноска, Димитар Ѓорѓиевски и Благојче Николоски. Играат: Бисера Гаралоска, Матеја Грујоска, Кристина Миноска, Анастасија Митревска, Теодора Велкоска, Михаил Јорданоски, Марта Шаркоска и Елена Џајковска.

Оваа продукција е потпомогната од Министерството за култура на Република С. Македонија-со национална програма 2022 преку нацрт-програмата на Н.У.Ц.К. Марко Цепенков од Прилеп и Локалната самоуправа на Општина Прилеп, а како копродуцент партнер е Н.У.Ц.К. Марко Цепенков од Прилеп што воедно е матична сцена каде работи танц студиото ЗОДИЈАК.

Следете во живо: Започна церемонијата за погpeбот на кралицата Елизабета Втора

Погребот на кралицата Елизабета Втора ќе започне во Вестминстерската опатија денеска во 11 часот по локално време.

На државниот погреб на кралицата Елизабета, еден од најголемите логистички предизвици во британската историја, ќе има повеќе од 2.000 гости, меѓу кои јапонскиот император Нарухито, францускиот претседател Емануел Макрон, американскиот претседател Џо Бајден.

На погребот ќе присуствува и македонскиот претседател Стево Пендаровски и неговата сопруга.

Македонска гордост: Иџе освои прво место и постави нов рекорд во Бузет, Хрватска

Македонскиот автомобилист, Игор Стефановски Иџе уште еднаш потврди дека е сериозен квалитет во класата каде што се натпреварува.

Во Европскиот ридско планински шампионат тој сезонава и официјално го освои вицешампионското место, а истото е потврдено со денешната победа во Хрватска на патеката во Бузет.

Со вкупно време од двете трки од 5:13,189 часа, Стефановски ја остави конкуренцијата зад себе, а посебно Антонино Миљуоло кој е победник во севкупниот пласман.

Сепак, ова и е огромен успех за нашиот автомобилист, кој со 166 бода единаесет помалку од Миљуоло го завршува актуелниот шампионат.

Македонија со ослабен состав ќе им се спротистави на Бугарија и Грузија

Македонската фудбалска репрезентација денеска ги започнува подготовките за двата последни два натпревара од групата 3 во Лига на нации против Грузија (Тбилиси, 23 септември) и Бугарија (Скопје, 26 септември).

Поради повреда веќе е познато дека Дарко Чурлинов нема да биде во составот на селекцијата за двете пресметки, но дополнителни проблеми за селекторот Благоја Милевски се новите две откажувања поради повреда. Капитенот Стефан Ристовски (повреда на тетивата) и напаѓачот Ваљон Етеми (повреда на бутниот мускул), исто така нема да можат да се стават на располагање.

Подоцна во текот на денот ќе бидат соопштени имињата на фудбалерите кои ќе добијат дополнителен повик во репрезентацијата.

„Црвено-жолтите“ попладне (17:30 часот) на тренинг центарот „Петар Милошевски“ ќе го имаат првиот тренинг од подготовките.

Светот денеска ќе се збогува со кpaлицата: Во Велика Британија нема да работи ништо, погpeбот ќе се следи во кината и парковите на големи монитори

Две илјади гости, меѓу кои и неколку стотици претседатели, поглавари и монарси, денеска ќе присуствуваат на државниот погреб на кралицата Елизабета Втора во Вестминстерската опатија во Лондон.

Таа ќе биде погребана вечер во капелата Свети Џорџ до замокот Виндзор.

Државниот погреб на кралицата Елизабета, еден од најголемите логистички предизвици во британската историја, ќе се одржи во Вестминстерската опатија, а меѓу 2.000 гости ќе бидат и јапонскиот цар Нарухито, францускиот претседател Емануел Макрон, американскиот претседател Џо Бајден.

Погребот ќе го обезбедуваат повеќе од 10.000 полицајци од цела Велика Британија, бидејќи се очекува рекорден број луѓе да ја следат погребната поворка. Велика Британија денеска речиси ќе застане. Продавниците, канцелариите, рестораните ќе бидат затворени. Збогувањето ќе може да се гледа во стотина кина и во паркови на големи монитори.

Попладне, ковчегот на кралицата Елизабета Втора ќе биде однесена во замокот Виндзор каде ќе биде погребана вечер во кругот на најтесното семејство.

Ковчегот на кралицата, кој моментално е изложен во лондонската палата Вестминстер, утрово ќе биде пренесен во Вестминстерската опатија каде ќе се одржи државен погреб. Поворката започнува во 11:35 часот по средноевропско време. Ковчегот ќе биде поставен на лафет кој ќе го влечат офицери на морнарицата, што е традиција од погребот на кралицата Викторија во 1901 година.

Поворката зад ковчегот ќе ја предводи кралот Чарлс Трети. и членовите на британското кралско семејство, и ќе стигне до портите на Вестминстерската опатија за 17 минути. Пред лафетот ќе одат 200 гајдаџии и тапанари на Кралското воено воздухопловство.

Иако богослужбата на свештеникот Дејвид Хојл ќе започне на пладне по средноевропско време, опатијата ќе биде отворена три часа порано за да се сместат 2.000-те гости. Покрај државници, политичари и монарси, на погребот ќе присуствуваат и 200 луѓе на кои кралицата им оддаде почест во јуни годинава, пред сè здравствени работници ангажирани во пандемијата на Ковид-19.

Проповедта ќе ја одржи надбискупот од Кентербери, Џастин Велби, по што во црквата и целото Обединето Кралство ќе има двоминутно молчење. Државниот погреб ќе заврши околу 13:00 часот со интонирање на националната химна, последен поздрав со труба и проштална песна од кралскиот гајдаџија.

Странските државници потоа ќе присуствуваат на прием организиран од шефот на дипломатијата Џејмс Клеверли, во седиштето на Англиканската црква веднаш до опатијата. Поворката со ковчегот, пак, ќе тргне од Лондон до Хајд Парк, придружувана од ѕвоната на Биг Бен, а потоа ковчегот со погребна кола ќе биде однесен до Виндзор, на југоисток, триесетина километри од главниот град.

Од 16:00 часот по средноевропско време ќе почне нова поворка предводена од членовите на кралската коњаница, која ќе помине петкилометарска „Долга прошетка“ на пат кон замокот Виндзор. Кралското семејство ќе се приклучи на поворката кон капелата Свети Џорџ.

На верската служба ќе има 800 луѓе, меѓу кои и членови на персоналот на кралицата. Во 20 часот и 30 минути, кралицата ќе биде погребана, во кругот на најтесното семејство, во меморијалната капелата на нејзиниот татко Џорџ Пети.