дома блог страница 1447

Каков татко таков син: Матеј Чатлески по втор пат ДРЖАВЕН ПРВАК на Македонија – Прилеп има на што да биде горд! (Фото)

Вчера во Скопје се одржа 28. Државно првенство во бокс за деца, кадети, јуниори и сениори, каде публиката уживаше во 16 финални борби.

Шест финалиња се одржаа во сениорска конкуренција, во јуниорска четири, а шест имаше и во кадетска конкуренција.

Боксерскиот клуб АС од Прилеп кој моментално е лидер на табелата во детската бокс лига, на ова првенство освои 8 медали (1 златен, 4 сребрени и 3 бронзени).

Со медали се закитија: Матеј Чатлески освои злато и по втор пат стана државен првак на Македонија, Теодор Тошески, Максим Стојаноски, Марко Петрески и Демир Демиров се закитија со сребрени медали, а бронзи освоија Стефан Иваноски, Николче Соколоски и Мануел Абдуловски.

Ова е огромен успех за боксот во Прилеп, а клубот на Чатлески докажа уште еднаш дека го има главниот збор на бокс сцената во Македонија.

Особено за пофалба е успехот на младиот Матеј Чатлески, кој е трета генерација во семејството Чатлески што се занимава со овој спорт. Матеј очигледно го наследил талентот од својот татко Дарко Чатлески, но и техниката и тактиката од неговиот дедо Ѓорѓи Чатлески.

Честитки за постигнатите успеси за сите АСОВЦИ, и им посакуваме уште поголеми успеси во иднина.

Наскоро и видеа од одличните борби на прилепските боксери.

Вистински спортски спектакл: 385 натпреварувачи, 43 клубови, 7 држави – Прилеп викендов беше центар на џудото (Фото галерија)

На 09.10.2022 во Прилеп, во спортска сала на СОУ “Ристе Ристески Ричко” Прилеп, во организација на ЏК Сеишин -Прилеп се одржа 12-ти Меѓународен Турнир во џудо “ПРИЛЕП ГРАД ХЕРОЈ-2022 – ЦЕВИТАНА КУП”.

На овој Турнир учество зедоа вкупно 385 nатпреварувачи од 43 клубови од 7 држави: Македонија ( 14 клубови), Грција (11 клубови), Црна Гора (6 клубови), Србија (4 клубови), Бугарија (4 клубови), Албанија (2 клубови) и Косово (2 клубови).

Организаторот имаше обезбедено спортска сала која беше поставена според сите протоколи за натпревари од овој вид, која за волја на вистината беше исполнета до последното место. Борбите се одвиваа на 4 џудо борилишта, а правдата ја делеа џудо судии од нашата држава и странство.

На големо задоволство на клубот организатор, по двегодишна пауза поради ковид пандемијата, овој турнир се врати на голема врата и ќе биде запомнет како еден од најголемите спектакли кои досега се случиле во нашиот град.

Согласно сумираните резултати од натпреварувачката комисија, за најуспешни клубови по возрасни категории и добитници на пехари се: Помлади пионери-ки: ЏК Преспа Ресен, Помлади пионери: ЏК Бор Србија, Пионери: ЏК Црногорац Цетиње, Ц.Гора, Пионерки: ЏК Сакура Катерини Грција, Кадети: ЏК Велико Градиште Србија, Кадетки:ЏК Сакура -Катерини Грција.

Севкупен победник на овој турнир според бројот на освоени медали е Џудо Клубот Сакура Катерини од Грција.

Инаку за сите натпреварувачи кои освоија места на пиедесталот, организаторот имаше обезбедено награден фонд од дипломи, медали и посебна награда за прваците во секоја тежинска категорија – парфем.

За да се штеди cтpyja Владата размислува да го продолжи летното сметање на времето

– Министерството за економија доби задолжение од Владата да ги разгледа можностите околу евентуално продолжување на примената на летното сметање на времето, со цел дополнителни заштеди во општата потрошувачка на електрична енергија, информираше вчера вечер владината прес-служба по 88. седница на владиниот кабинет.

На владината седница се усвоени и нов сет со антикризни мерки во вредност од 350 милиони евра за ублажување на енергетската криза и ценовниот притисок, како План за фискална одржливост и поддршка на економскиот раст со политики, препораки, мерки и индикатори.

Уaпceни тројца млади битолчани: Полициjaта им пpoнajде мapиxyaна

На 08/09.10.2022 во Битола, при извршена акциска контрола од полициски службеници од криминалистичката полиција при СВР Битола, Полициската станица за безбедност на сообраќајот и Полициската станица од општа надлежност од СВР Битола, биле лишени од слобода три лица, поради постоење основи на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурсори“ предвидено и казниво по член 215 од Кривичниот законик.

Имено, на ул.„Никола Тесла“ бил лишен од слобода Н.Т.(21) од Битола, бидејќи кај него била пронајдена и одземена марихуана и други предмети со траги од дрога. Во битолската населба Горно Оризари биле лишени од слобода М.И.(29) и А.М.(29), двајцата од Битола, затоа што кај нив била пронајдена и одземена марихуана и други предмети со траги од марихуана.

По целосно документирање на случајот против нив ќе следи соодветен поднесок.

Повисоки плати ќе има, ама идната година, вели премиерот Ковачевски

Премиерот Димитар Ковачевски денеска соопшти дека во првиот квартал од идната година повторно ќе има покачување на минималната плата.

-Идната година повторно не очекува зголемување на минималната плата, бидејќи ја сменивме методологијата. Сега влијае и зголемувањето на трошоците за живот и зголемувањето на продуктивноста, односно на БДП во државата, рече Ковачевски, одговорајќи на новинарски прашања.

Премиерот истакна дека со стопанските комори се разговара многу отворено.

-Сега не е време за финансирање профитабилност, сега е време за финансирање опстанок, како на компаниите, така и за загрижување на најранливите категории, подвлече премиерот на прес-конференцијата откако соопшти дека Владата донесе нов пакет мерки вреден 350 милиони евра.

Поддршка за македонските млекопроизводители во вистински момент

Светот се соочува со досега невидена криза во производството на храна. Климатските промени, сушата, но и војната во Украина, нанесуваат огромни удари врз земјоделството и прехрамбената индустрија насекаде во светот. Во споредбите на состојбите, најчесто се користи состојбата во светот за време на Втората светска војна.

Поскапени се репроматеријалите и сточната храна кои ги користат млекопроизводителите, со што им се нанесе тежок удари загуби, но, се чини дека во Македонија, состојбите будно се следат и се преземаат мерки за справување со кризата.

На сила е Националниот план за производство на храна преку кој се дава конкретна поддршка на земјоделците и секоја педа обработлива земја се става на располагање за обработка. Крајната цел е поголем домашен принос пред се на стратешки култури и помала увозна зависност на државата.

Во рамки на Националниот план е и интервентната мерка вредна над 140 милиони денари за финансиска поддршка на млекопроизводителите по литар произведено и предадено кравјо, овчо и козјо млеко во домашни капацитети за период од 1 октомври 2021 година до 30 септември 2022 година.

Оваа мерка е наменета за директен дотур на свежи финансиски средства кај млекопроизводителите кои се под директен удар и трпат загуби од светската криза. Исто така, Платежната Агенција уште во јуни оваа година изврши исплата кон 10.277 млекопроизводители во висина од 76,3 милиони денари за предадено млеко во период од јануари и февруари 2021 година.

Од страна на Платежната Агенција до министерството за финасии се поднесени налозите за исплата и на предаденото млеко за март, април и мај 2021 година, кон околу 6.000 корисници во вредност од 150 милиони денари.

Охрабрувачки е да се види дека во моментите кога целиот свет стравува што може да донесе денот и дали ќе се издржи ова темпо на поскапувања, македонскиот земјоделец добива директна помош од државата, која барем до некаде ќе ги ублажи маките.

Срушен peкopдот: Градоначалникот ја пpeceче најголемата велешка пита досега – еве што се беше потребно да се направи (Фото)

Градоначалникот Марко Колев заедно со претседателот и советниците од Советот на Општина Велес ја пресекоа најголемата велешка пита долга 4 метри!

За питата беа употребени 30кг месо, 30кг брашно и 300 јајца, а беше направена од рацете на велешките мајстори Александар Јамалов, Орце Димовски, Александар Миладиновски, Лазе Коцевки, Зоранчо Илиевски, Паскал Јамалов и Лазе Гугинов.

Во соработка со Црвен крст Велес беа собрани средства од продажба на питата кои ќе се употребат за хуманитарни цели.

Победа го згази Силекс во гости – Полни срцата на прилепчани!

Со головите на Стомнароски во првото полувреме и Петејчук и Пановски во судиското продолжение во вториот дел, Победа попладнево славеше голем триумф на гостувањето во Кратово кај Силекс.

Добрата игра и мотивираноста на играчите беа клучни за вториот триумф сезонава кој на црвено-белите им донесе драгоцени три бода за подобрување на билансот на табелата.

Сега Победа има 7 бода после 9 одиграни кола и веќе и се на дофат сигурните места на табелата во Првата фудбалска лига.

Во наредното коло победашите ќе ја дочекаат екипата на Академија Пандев, кои исто така со 7 бода се наоѓаат на 9-то место на табелата.

Натпреварите од 10-то коло се играат на 15.10., а фудбалските вљубеници во Прилеп со нетрпение очекуваат да видат дали црвено-белите ќе се покажат на исто ниво и на домашен терен.

Во акциска контрола 23 санкционирани возачи во Битола и Прилеп

Вчера во период од 10.00 до 15.00 часот, Одделението за полиција и Криминалистичка полиција при СВР Битола на подрачјето на Битола и Прилеп спроведоа координирана акциска контрола за откривање на возачи на кои им е изречена прекршочна санкција – престанок на важење на возачката дозвола и забрана за управување со моторно возило, а забраната не е запишана во возачката дозвола односно возачката книшка и откривање на фалсификувани и украдени возила, како и спречување на трговија со украдени возила.

При акциската контрола исконтролирани беа констатирани 23 прекршоци на возачите, од кои 8 возачи немале впишана забрана во возачката дозвола, 6 возачи не носеле возачка дозвола, 5 возачи бесправно управувале возило, 2 возачки дозволи биле со измината важност, а едно возило било одземено по чл. 378 од Кривичниот законик за фалсификување на исправа и едно возило по чл.344 од Законот за безбедност на патниот сообраќај. За време на контролата откриени и законски санкционирани биле и 7 останати прекршоци.

Нема санкции кога “Калинка” е во прашања, па дури и на “Oктоберфест” во Минхен (Видео)

Германците воведоа еден грст санкции кон Русија, ама кога “Калинката” е во прашање не постои таква сила која може да ја забрани, па дури и на “Октоберфест” во Минхен.