дома блог страница 1435

Предупредувачки протест во Пошта: Исплата на плати до вторник или протест пред Влада, егзистенцијата на 2.200 семејства доведена во прашање

Двети синдикални организации на Македонска пошта денеска повторно одржаа предупредувачки протест за време на паузата. Бараат да им биде исплатена септемвриската плата, да не се доцни во иднина со исплатата на платите, да се подобрат нивните услови за работа и државата да ги користи нивните услуги и да не ангажира приватни пошти, со цел да се зголемат нивните приходи.

Претседателот на едниот Синдикат на Македонска пошта Боро Велигденов појасни дека протестот го одржуваат поради доцнењето на платите, кои требало да бидат исплатени најдоцна до 15-ти месецов.

– Дополнително како вработени се грижиме за нашата егзистенција, за нашите работни места, односно за иднината на нашата компанија, проблем кој со години се провлекува и особеното немање интерес од Владата да заземе цврст став во надминување на состојбите и на подобрување на работењето на Македонска пошта. Македонска пошта е државна компанија која е од суштинско значење за државата и мора како пошта да постои и да биде главен сервис на граѓаните, потенцираше Велигденов.

Тој предупреди дека доколку не се исплатата платите до вторник, сите вработени од Македонска пошта ќе одржат протест пред Влада.

– Сепак, станува збор за егзистенција на нашите семејства – немаме плата во оваа криза кога енормно се покачуваат цените не можеме дома да ги исплатиме нашите обврски, да однесеме леб, кредити и ред други работи. Впрочем, не можеме да дојдеме на работа, немаме пари за издржување, истакна претседателот на Синдикатот.

Тој информираше дека вчера одржале состанок со Управниот одбор, но оти сè уште немаат добиено официјален одговор.

– Инаку, се изготвувало план и стратегија за надминување на состојбите, штом ќе ги добиеме ќе биде информирана целата јавност. Ние како синдикат впрочем и тоа бараме, не само гаранција секој месец да добиваме редовно плата, туку и да ни ја приложат стратегијата како ќе излеземе ние од ситуацијата, како секој нареден месец ние ќе имаме работа пред се и ќе се обезбеди плата за сите вработени, бидејќи станува збор за 2.200 вработени, тоа се 2.200 семејства, додаде Велигденов.

Дарко Димовски, претседателот на Сојузот на синдикати на Македонија информираше дека до Владата и до менаџерскиот тим уште во вторник ќе поднесат барање, на владина седница со заклучок, бидејќи станува збор за АД во државна сопственост, да нареди премиерот до сите министри да ги користат услугите на „Македонски пошти“.

– Не може ние да правиме тендери и да ангажираме приватни т.н. пошти, или брзи пошти, а нашата национална пошта која ја има државата како нејзин сервис, да биде скокната и да не прави приходи од писмата кои се носат во одредени министерства, судски пресуди итн. Значи, решението е државата да си ги користи своите ресурси кои ги има – АД „Пошта на Македонија“ кои се во сопственост на државата. Тоа е решението. Ние ќе бараме тоа да се процесуира бидејќи гледаме секакви заклучоци се носат на Влада, па редно е да се помогне и на ова АД во државна сопственост за да може и понатаму да работи, бидејќи знаеме – ја опслужуваме целата држава Македонија, а ствараме повеќе расходи отколку што добиваме приходи, потенцираше Димовски.

21-годишник со автомобил yдpил во 65-годишна жена од Битола

На 19.10.2022 во 15.20 часот во СВР Битола било пpиjaвено дека на ул.„8 Септември“ во Битола, патничко возило „опел вектра“ со битолски регистарски ознаки, yпpaвyвано од М.Б.(21) од с.Беранци, Општина Могила, yдpило во В.Л.(65) од Битола.

Во нecpeќата со тешки телecни повpeди се здобила В.Л., конcтатиpaни во Клиничката болница во Битола.

Извршен бил yвид од yвидна екипа од СВР Битола – информираат од СВР Битола.

(Видео) Како би изгледал светот кога би се стопил целиот мраз

Ако ви е потреба дополнителна доза на мрачна реалност што ќе ви ги отвори очите за степенот на климатската криза и потенцијалната страшна иднина на нашата планета, видеото подолу е совршено за тоа.

Пред неколку месеци истражувачите од Универзитетот во Мејн и Британското антарктичко истражување открија дека глечерот на Судниот ден на Антарктикот, кој е голем приближно колку Велика Британија, се топи со најголема брзина во последните 5.500 години. Истражувањето откри дека ако глечерот продолжи да се топи со таква брзина, би можел да го зголеми нивото на водата за неверојатни 3,4 метри во следните неколку века.

Ако нивото на водата достигне 3,4 метри повисоко, како резултат на топењето на овој глечер, како би изгледала Земјата доколку се стопи целиот мраз?

Минатата година дознавме дека многу од ефектите на климатските промени се неповратни. Нивото на морето се зголемува со поголема брзина од година на година, а Меѓувладиниот панел за климатски промени проценува дека тоа би можело да се зголеми за уште еден метар или повеќе до крајот на овој век.

Пилешкиот стек поскап за 125 ден, говедската кртина за 134 денари – Погледнете за колку пocкапеле другите производи за 2 месеци

Екипата на Ценометар.мк на терен ги забележа следните, досега најголеми поскапувања во одредени маркети на следните производи:

Краставицата поскапела за 39 денари! Кромидот поскапел за 8 денари во просек! Печурки свежи поскапеле за 33 денари!
Јајца 10/1 – поскапеле за 18 денари! Млеко 3.2% масленост поскапело за 12 денари!

Путерот за 100 грама поскапел во просек за 23 денари! Ајдамерот поскапел за 124 денари во просек! Гаудата поскапела до 135 денари!

Мелено месо – поскапо за 60 денари! Свинска кременадла – во некои маркети поскапа за 90 денари! Свинска кртина – поскапа за 30 денари!

Говедска кртина поскапела до 134 денари! Пиле свежо – поскапело во просек за 34 денари! Пилешки стек замрзнат – страшен скок од 125 денари во поединечни маркети!

Замрзнат батак – поскап за 84 денари! Чајна за 45 денари поскапа! Туна – 8 денари за 100 грама – поскапа!
Нескафе лименка од 200г – 50 денари поскапо!

Овие поскапувања се однесуваат за периодот од месец Август до сега, значи околу 2 месеци!

Досега нашиот сервис, немаше забележано поскапувања со овој интензитет – никогаш досега, велат од Ценометар.

Ценометар.мк

Урнебесната комедија “Да инспекторе”, во петок во прилепскиот народен театар

Репертоар на театарот “Војдан Чернодрински” Прилеп

Петок, 21.10.2022 – 19.30ч. “Да инспекторе, претстава со грешки”

Влезници на тел. – 076 442 378

Не ни оди со знамињава и не ни оди: Бујар ја пречека министерката на Словенија со знаме од Словачка (Фото)

Нема крај на протоколарните пропусти на владата, снимките од телевизиските камери покажуваат дека наместо со знамето на Словенија, министерот за надворешни работи Бујар Османи ја пречекал министерката за надворешни работи на Словенија, Тања Фајон, со знаме на Република Словачка.

Ова е можеби десети пример како владата прави меѓународен срам во слична ситуација.

Maла помош за наредно да не се брукаме:

Знамето на Словенија

Знамето на Словачка

Ни доаѓа последниот продолжен викенд оваа година: Еве уште кои неработни денови остануваат до крајот на 2022

Следната недела ни доаѓа уште еден неработен ден и државен празник, а воедно тоа е и последниот споен викенд за оваа година.

Во согласност со Законот за празниците на Република Македонија во 2022 година остануваат уште овие неработни денови:

За сите граѓани на РМ

23 октомври (недела), Ден на македонската револуционерна борба, односно 24 октомври (понеделник) е неработен ден,

8 декември (четврток), Св. Климент Охридски.

За граѓаните од католичка вероисповед

1 ноември (вторник), Празникот на сите светци,
25 декември (недела), првиот ден на Божик.

За граѓаните припадници на албанската заедница во РМ

22 ноември (вторник), Ден на албанската азбука.

За граѓаните припадници на турската заедница во РМ

21 декември (среда), Ден на настава на турски јазик.

Нова одлука: Регулаторна ги намали цените на гopивата за дури…

Регулаторната комисија за енергетика и водни услуги донесе одлука од денеска на полноќ да се намалат малопродажните цени на нафтените деривати во просек за 0,44 проценти во однос на одлуката од 17 октомври 2022 година.

-Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (ДЕ V) и на Екстра лесното масло за домаќинство на (ЕЛ-1) не се менуваат. Малопродажната цена на Мазутот М-1 НС се намалува за 1,115 денари за килограм, додадоа од РКЕ.

Со денешната одлука цената на моторен бензин ЕУРОСУПЕР БС – 95 ќе биде 89,00 (денари/литар), моторен бензин ЕУРОСУПЕР БС – 98 91,50 (денари/литар), дизел гориво ЕУРОДИЗЕЛ БС (Д-Е V) 103,00 (денари/литар), масло за горење Екстра лесно 1 (ЕЛ-1) 98,50 (денари/литар) и мазут М-1 НС 49,919 (денари/килограм).

Оттаму додадоа дека трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

-Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,499 проценти, кај дизелот за 0,331 отсто, кај екстра лесното масло за 0,005 проценти и кај мазутот намалувањето е за 2,826 отсто. Курсот на денарот во однос на доларот во изминатиот период по кој беа формирани цените со претходната пресметка е повисок за 0,077 проценти, информираа од РКЕ.

Го фатиле по еден час: Фатен битолчанец кој огpaбил обложyвалница

На 18.10.2022 во 22.35 часот во Битола, полициски службеници од криминалистичката полиција и полициската станица од општа надлежност при СВР Битола го лишиле од слобода Ј.Ч.(36) од Битола.

Тој се сомничи дека околу 21.30 часот во спортска обложувалница на ул.„Партизанска“ во Битола со закана кон вработената одзел пари од дневниот промет.

Тој бил задржан во полициска станица и по целосно документирање на случајот против него ќе биде поднесена соодветна пријава – информираат од СВР Битола.

Договорот со ФРОНТЕКС – Агенцијата за европска гранична и крајбрежна стража ќе биде потпишан на македонски јазик

Во 2015 година со разгорувањето на мигрантската криза, која ги засегна и нашите граници, на македонско – грчката граница беа распоредени европски полициски сили кои и помагаат на македонската гранична полиција во заштитата на границата. Со започнувањето на преговорите за членство на Македонија во ЕУ, се создадоа услови распоредувањето на полициските сили на ФОРНТЕКС да биде регулирано со договор кој ќе биде потпишан на сите јазици на Европската унија и на македонски јазик, без никаква задршка.

Да се потсетиме, според ФОРНТЕКС на балканската мигрантска рута во текот на 2015 година имало 885 000 нелегални минувања на границите и во тој период се случуваа непријатни сцени на нашата јужна и северна граница. Ова беше причина и за воведување на вонредна состојба на делови од нашата јужна граница, а следствено и причина за започнување на соработката во заштитата на македонската граница меѓу нашите полициски сили и оние на земјите од ЕУ.
Со потпишувањето на Договорот, според информацијата од МВР, се создаваат неопходните правни предуслови коишто ќе овозможат непосредна соработка меѓу надлежните органи на двете договорни страни, за ситуации кога членови на тимот на Агенцијата за европска гранична и крајбрежна стража имаат извршни овластувања на територијата на Република Македонија, а во контекст на управувањето со миграциските текови и сузбивањето на незаконска миграција и прекуграничен криминал во земјава.

Европскиот совет донесе одлука за потпишување на Договорот за ФРОНТЕКС со Македонија и ја испрати нацрт-одлуката за склучување на договорот до Европскиот парламент за негова согласност. Договорот ќе биде преведен на 25 јазици, меѓу кои и на македонски и доставен до земјите членки на Европската Унија.

И владата на денешната седница го разгледа и усвои и Извештајот од Министерството за внатрешни работи за извршени преговори со усогласен текст на Договорот меѓу Република Северна Македонија и Европската Унија за оперативни активности спроведени од страна на Агенцијата за европска гранична и крајбрежна стража во Република Северна Македонија (ФРОНТЕКС) и го разгледа и прифати усогласениот текст на Договорот.