дома блог страница 1434

69-годишен прилепчанец кpaдел на Широк Сокак во Битола

На 20.10.2022 на ул.„Широк Сокак“ во Битола, полициски службеници од криминалистичката полиција и полициската станица за безбедност на сообраќајот при СВР Битола го лишиле од слобода Љ.М.(69) од Прилеп.

Тој се сомничи дека е сторител на кривични дела „кражба“ и „тешка кражба“, a при преглед кај него биле пронајдени предмети кои потекнуваат од кривични дела.

Исто така, со судска наредба, во текот на денот бил извршен и претрес во неговиот дом во Прилеп и бил пронајден предмет кој потекнува од кривично дело.

Тој бил задржан во полициска станица и по целосно документирање на случајот против него ќе биде поднесена соодветна пријава.

Вучиќ: Имаме сè, и да дојде крај на свет – ќе преживееме

Претседателот на Србија, Александар Вучиќ гостуваше на „ТВ Прва“ и порача дека ударите на енергетската инфраструктура во Украина ќе предизвикаат голем скок на цената во Европа.

Вучиќ вели дека храна ќе недостига, но сепак сè е под контрола во моментов.

„Имаме доволно сол, шеќер, масло… Утре да се затвори сè, ние имаме за неколку месеци. Купивме доволно грашок, грав, риба, имаме сè. Да дојде крај на светот, ние ќе преживееме“, вели Вучиќ.

Интервју со Влатко Алексоски: Прилепчанец кој создава ремек дела на овошје и зеленчук и освојува златни медаљи каде и да се појави (Фото галерија)

Прилепчанецот Влатко Алексоски е човек со уметничка душа. Креира неверојатни креации на овошје и зеленчук – уметност која се нарекува карвинг. Цели 12 години Влатко вдахнува живот на лубеници, јаболка, тикви… и други овошки и зеленчуци и притоа креира совршени ремек дела кои предизвикуваат воодушевување и воздишки. Трпеливо, користејќи мало ноже, Влатко ја изразува својата уметничка замисла која е единствена и неповторлива. Алексоски е и мајстор за кетеринг, а кој ги побарал неговите услуги бил исклучително задоволен. Разговаравме за неговата пасија карвингот, кога и како започнал да се занимава со оваа уметност и како ја усовршил.

Влатко кажи ни нешто повеќе за себе. Како и кога се разви љубовта кон оваа уметност кај тебе? Дали талентот го откри од мали нозе, или подоцна?

-Карвингот е мојата најголема љубов кој го работам 12 години.

Постои ли посебна школа или курс кај нас кој треба да се изучи за да се усоврши овој вид уметност?

-Секако дека постои, но кај нас не. Најблиската школа е во Софија, а јас се учев на почетокот преку скајп со професор од Тајланд.

Како се викаат алатките што се користат и што се’ е потребно за некој да се занимава со карвинг?

-Thai knife e единствен за мене, постојат и други алатки како short knife и long double knife.

Има ли други прилепчани кои се занимаваат со карвинг?

-Да, има еден колега од Прилеп.

Дали Влатко го работи ова за свое срце и душа, или и со цел за да заработи?

-Влатко ова го работи со цело срце и душа и без заработка.

Колку прилепчани и Македонците знаат да ја ценат оваа уметност, односно колку нашите граѓани имаат око за нешто убаво?

-Ме радува тоа што во последно време почнува да се цени карвингот и има побарувачка.

Какви се правци опфаќа карвингот?

-Карвингот е најуметничката гранка во гастрономијата.

Дали твоето знаење и умешност го пренесуваш на некој друг?

-Јас сум отворен за соработка со секого што сака да научи, и се надевам дека за скоро можеби и ќе имаме школо за тоа.

Што е твоја специјалност во оваа уметност?

-Мојата специјалност е thai техника, ситни детаљи на резба.

Дали си учествувал на натпревари и дали си освоил награди?

-Сум учествувал на голем број натпревари ширум Европа и сум освоил голем број медаљи, од кои повеќето златни.

За крај, кажи ни како може да те добие некој кој би сакал да ја разубави својата празнична или свечена трпеза со некоја од твоите креации.

-Јас работам кетеринг, може да го разгледаат мојот профил и да ме контактираат.

Фрлена цигapa крена во воздух 73 автомобили (Видео)

На Јутјуб се појави снимка од голем пожар на семејната фарма Робинсон во Тексас, кој направил огромна материјална штета.

Пожарот избувнал на импровизиран паркинг на семејната фарма Робинсон во Тексас, во околу 13 часот во сабота, за време на одржувањето на годишниот есенски фестивал.

Шефот на локалната противпожарна служба Крис Малстед изјавил дека пожарот најверојатно е предизвикан од цигара, која, како што рекол, „била непрописно фрлена на тревниот паркинг“.

Локалните противпожарни единици успеале да го изгаснат пожарот по два и пол часа, во инцидент.

Шолц: “На Путин му се згрешени пресметките”

Германскиот канцелар Олаф Шолц смета дека обидот на рускиот претседател Владимир Путин да изврши притисок врз Германија и Европа во контекст на војната во Украина и ограничувањето на снабдувањето со енергија пропадна.

„Путин се надеваше дека ќе може да нè уценува со вртење на чешмата на гасоводот“, рече Шолц во Бундестагот пред да оди на самитот на Европската Унија во Брисел: „Но, тој погрешно пресметал, бидејќи, како што нагласи Шолц, Европа е обединета.

Русија нема да победи во војната против Украина, додаде канцеларот. Путин ќе пропадне, всушност тој веќе не успеа, рече Шолц во пленарната сала на Рајхстагот: „Путин нема да ги постигне своите воени цели. Рускиот претседател си игра на слабоста на Западот и Украина, смета тој: „Но Путин е во заблуда. Не сме слаби“.

Санкциите против Русија не се доведени во прашање, рече Шолц: „Ние остануваме на тој курс сè додека Русија продолжува да ја спроведува својата брутална војна за агресија“. А помошта за Украина ќе продолжи сè додека е потребно, додаде тој.

Шолц смета дека Германија е доволно добро подготвена за следните месеци и покрај прекинот на протокот на руски гас:

„Заедно, претпоставувам дека ќе ја поминеме оваа зима. Пополнувањето на германските складишта за гас во моментов е 95 проценти, а ова беше всушност целта што Германија планираше да ја постигне на 1 ноември. И покрај одлуката за рестартирање на некои електрани на јаглен, германската влада сè уште цврсто стои зад своите прокламирани климатски цели“, рече Шолц, пренесуваат медиумите.

Дуел да се биде или не: Прилепчани утре ја дочекуваат екипата на МРК Куманово

Ракометарите на РК Прилеп утре со почеток од 20 часот во спортската сала на СОУ “Ристе Ристески-Ричко”, во рамките од седмото коло во Супер лигата, ја дочекуваат екипата на МРК Куманово.

Кумановци доаѓаат во Прилеп како седмопласирани на табелата со само три освоени бода, а прилепчани имаат само бод повеќе на шестото место.

Ќе биде ова дуел да се биде или не и за двете екипи, а вљубениците во ракометот во Прилеп очекуваат само триумф и ништо помалку од тоа.

Градоначалникот Јовчески во работна посета на германскиот град Вилинген-Швенинген (Фото)

На покана на градоначалникот, господин Јирген Рот, прилепскиот градоначалник реализираше работна посета на градот Вилинген-Швенинген во Сојузна Република Германија. За време на работната посета во Вилинген-Швенинген, од 17-19 октомври, Јовчески остварил низа на работни состаноци и средби со градоначалникот, со претставници на општината и на бизнис секторот од градот.

Било разговарано на многу теми меѓу кои една од најбитните во моментов, за енергетската ефикасност, јавниот градски превоз, за бизнис климата, а исто така и за можноста да се привлечат инвестиции за градот Прилеп и секако да се продлабочи соработката со општината Вилинген – Швенинген.

Градоначалникот Јовчески за остварувањето на својата работна посета во општината Вилинген – Швенинген, објави на својот официјален ФБ профил, каде напомена дека за неговото службено патување како градоначалник, не потрошил ниту еден денар финансии од буџетот на општината.

Јовчески истакна и дека неговите приоритети се подобрување на економската состојба во Прилеп како и остварување на стратегијата за локален економски развој на градот. Исто така е најавена и возвратна официјална посета на градоначалникот Јирген Рот од општината Вилинген – Швенинген на општина Прилеп.

Ердоган најави договор со Путин: Eвропа ќе добива гас преку Турција

Турскиот претседател Реџеп Таип Ердоган најави договор со рускиот претседател Владимир Путин за формирање гасен центар во Турција, најголем во Европа.

Денес европските земји активно бараат начини за купување гас, додека Турција нема такви проблеми, рече Ердоган, пренесува од турската новинарска агенција Анадолу.

„Путин го кажа токму тоа – Европа може да купува гас преку Турција“, рече Реџеп Таип Ердоган, говорејќи на состанокот на парламентарната фракција на владејачката Партија на правдата и развојот во Анкара во средата.

На предлог на рускиот претседател, новиот центар би можел да стане трговска платформа која ги одредува цените на европскиот пазар, бидејќи холандскиот центар ТТФ повеќе не ги одредува реалните цени.

„Гаспром“ е технички подготвен да изгради капацитети за пренос на гас на Црното Море и да создаде платформа за трговија со гас на границата на Турција и Европската унија, изјави на 12 октомври шефот на компанијата Алексеј Милер.

„Технички сме подготвени да изградиме капацитети за пренос на гас. Што се однесува до центарот, без сомнение треба да се разгледа ова прашање за трговска платформа на границата на Европската унија и Турција“, рече Милер.

Џабе фрлавме со камења: Го прашаа Кулушевски дали може да одговори на српски, а тој веднаш одговори дека зборува МАКЕДОНСКИ (Видео)

Репрезентативецот на Шведска со македонско потекло Дејан Кулушевски и играч на Тотенхем, игра во одлична форма оваа сезона.

Откако пред седум месеци се крена фама дека Кулушевски одби да зборува на македонски јазик и дека можеби не знае македонски да зборува, кога даваше изјава во дресот на Тотенхем, овојпат Дејан покажа дека македонскиот јазик добро го владее.

Додека беше на репрезентативна обврска, по дуелот Шведска – Словенија, еден од новинарите побара Кулушевски да му даде изјава на српски јазик. Дејан веднаш одговори дека изјава може да даде на македонски јазик.

Предупредувачки протест во Пошта: Исплата на плати до вторник или протест пред Влада, егзистенцијата на 2.200 семејства доведена во прашање

Двети синдикални организации на Македонска пошта денеска повторно одржаа предупредувачки протест за време на паузата. Бараат да им биде исплатена септемвриската плата, да не се доцни во иднина со исплатата на платите, да се подобрат нивните услови за работа и државата да ги користи нивните услуги и да не ангажира приватни пошти, со цел да се зголемат нивните приходи.

Претседателот на едниот Синдикат на Македонска пошта Боро Велигденов појасни дека протестот го одржуваат поради доцнењето на платите, кои требало да бидат исплатени најдоцна до 15-ти месецов.

– Дополнително како вработени се грижиме за нашата егзистенција, за нашите работни места, односно за иднината на нашата компанија, проблем кој со години се провлекува и особеното немање интерес од Владата да заземе цврст став во надминување на состојбите и на подобрување на работењето на Македонска пошта. Македонска пошта е државна компанија која е од суштинско значење за државата и мора како пошта да постои и да биде главен сервис на граѓаните, потенцираше Велигденов.

Тој предупреди дека доколку не се исплатата платите до вторник, сите вработени од Македонска пошта ќе одржат протест пред Влада.

– Сепак, станува збор за егзистенција на нашите семејства – немаме плата во оваа криза кога енормно се покачуваат цените не можеме дома да ги исплатиме нашите обврски, да однесеме леб, кредити и ред други работи. Впрочем, не можеме да дојдеме на работа, немаме пари за издржување, истакна претседателот на Синдикатот.

Тој информираше дека вчера одржале состанок со Управниот одбор, но оти сè уште немаат добиено официјален одговор.

– Инаку, се изготвувало план и стратегија за надминување на состојбите, штом ќе ги добиеме ќе биде информирана целата јавност. Ние како синдикат впрочем и тоа бараме, не само гаранција секој месец да добиваме редовно плата, туку и да ни ја приложат стратегијата како ќе излеземе ние од ситуацијата, како секој нареден месец ние ќе имаме работа пред се и ќе се обезбеди плата за сите вработени, бидејќи станува збор за 2.200 вработени, тоа се 2.200 семејства, додаде Велигденов.

Дарко Димовски, претседателот на Сојузот на синдикати на Македонија информираше дека до Владата и до менаџерскиот тим уште во вторник ќе поднесат барање, на владина седница со заклучок, бидејќи станува збор за АД во државна сопственост, да нареди премиерот до сите министри да ги користат услугите на „Македонски пошти“.

– Не може ние да правиме тендери и да ангажираме приватни т.н. пошти, или брзи пошти, а нашата национална пошта која ја има државата како нејзин сервис, да биде скокната и да не прави приходи од писмата кои се носат во одредени министерства, судски пресуди итн. Значи, решението е државата да си ги користи своите ресурси кои ги има – АД „Пошта на Македонија“ кои се во сопственост на државата. Тоа е решението. Ние ќе бараме тоа да се процесуира бидејќи гледаме секакви заклучоци се носат на Влада, па редно е да се помогне и на ова АД во државна сопственост за да може и понатаму да работи, бидејќи знаеме – ја опслужуваме целата држава Македонија, а ствараме повеќе расходи отколку што добиваме приходи, потенцираше Димовски.