дома блог страница 1433

Дворот на црквата Св. Петка израмнет како тепсија: Верниците отсега ќе има каде да ги остават автомобилите (Фото)

Целосно се уреди просторот околу храмот Св. Петка во населбата Точила во Прилеп. Просторот до црковниот храм претставуваше проблем кога времето беше врнежливо, па за празник верниците немаше каде да ги паркираат своите автомобили.

Сега конечно просторот е израмнет како тепсија, што значително ќе го олесни пристапот до храмот и масовноста за литургиите.

-Рамнење и натапкување со ваљак на посланиот асфалт. Завршните зборови ги имаа двајцата шофери, кои, очигледно познавајќи си ја работата, го направија порамен од тепсија. Секоја чест! Благодарност до сите кои “замешаа” прсти во изведувањето на овој проект, од идеја до реализација. Бог да ги награди со Неговите богати дарови и да ги впише во книгата на животот, заедно со нивните семејства – напишаа од храмот Св. Петка на ФБ.

Нема да не остават сами – Европската комисија најави пакет за енергетска поддршка од милијарда евра за регионот

Според најавите од Владата, од 1 декември годинава, околу 150 компании во државата кои произведуваат основни прехранбени производи ќе имаат фиксна цена на електричната енергија, а таа ќе биде пониска и од онаа која ја добиваат малите потрошувачи

Пакет за енергетска поддршка од Европската комисија за регионот ќе биде презентиран следната недела во Скопје од претседателката на ЕК Урсула фон дер Лајен, вредноста на пакетот за поддршка, според најавите, е милијарда евра.
Министерот за надворешни работи, Османи бил информиран од еврокомесарот за проширување Оливер Вархеји за пакетот за енергетска поддршка којшто, како што рече, ќе биде најавен со доаѓањето на претседателката на ЕК следната недела во Скопје, пред се, за надминување на тековните проблеми во однос на снабдувањето со енергија и високите цени за индустријата и домаќинствата.

Османи на средбата со Вархеји се заблагодари за работата на Европската комисија за планот за справување со енергетската криза за сите земји од Западен Балкан, со кој се очекува да се предложат финансиски фондови за адресирање на итните, краткорочни и среднорочни потреби на нашиот регион. Во овој контекст, како што информираше МНР, од страна на Вархеји беше најавен финансиски пакет за регионот, во износ од милијарда евра, за ублажување на ефектите од енергетската криза.

До крајот на месецов треба да биде финализиран пакетот мерки за помош на компаниите што се на либерализираниот пазар. Се подготвуваат и таргетирани мерки за индустриите поврзани со основните прехранбени производи. Според најавите од Владата, од 1 декември годинава, околу 150 компании во државата кои произведуваат основни прехранбени производи ќе имаат фиксна цена на електричната енергија, а таа ќе биде пониска и од онаа која ја добиваат малите потрошувачи.

Според најавите, АД ЕСМ по празникот ќе соопштат кои фирми понудиле природен гас на тендерот за снабдување на топланите. Како што велат од компанијата, се уште чекале да бидат доставени понудите, па потоа ќе ги разгледале и од вторник ќе ја информирале јавноста кој се се пријавил.

Понудите компаниите требаше да ги достават до завчера. ЕСМ претходно го повика Макпетрол да достави до нив нова понуда за гас, откако компанијата соопшти дека навремено не добила побарување од ЕСМ за гас поради што не ги платила потребните количини до нивниот доставувач Гаспром за ноември.

Освен Макпетрол, имаше уште две компании кои беа заинтересирани да достават понуда на тендерот за снабдување со природен гас за ноември годинава за потребите на топланите, а постоеше можност понудите да бидат за целата грејна сезона, вклучително и за работата на когенеративната постројка ТЕ-ТО.

Вкупните количини што се бараат за шест месеци, односно од 1 ноември до 30 април се околу 225 милиони нормални кубни метри природен гас кои се доволни за производство на топлинска и на електрична енергија, односно се доволни за работа и на топланите и на ТЕ-ТО.

Бугарите се предомислија: Ќе дозволат отварање на македонски културен клуб во Благоевград

Македонскиот културен клуб „Никола Вапцаров“ од Благоевград го најави свеченото отварање, предвидено за 30 октомври.

Во поканата стои дека клубот има за цел да ја развива македонската традиционална и модерна култура, да гради културен мост меѓу Бугарија и Македонија, и да ги зајакне врските меѓу Македонците во Бугарија и Македонците ширум светот.

Клубот „Никола Вапцаров“ основан е од Иницијативен комитет, во чиј состав е и Здружението за „Заштита на основните индивидуални човекови права“, регистрирано во согласност со бугарскиот закон.

Настанот на кој се поканети премиерите на Бугарија и Македонија, амбасадорите, медиумите од двете страни на границата, пријатели и гости од земјата и странство, е дозволен од градоначалникот на Благоевград.

Прославата на отварањето на клубот предвидено е да започне со поздрав кон присутните и осветување на просториите според христијанските обичаи, а потоа предвидени се обраќања од официјалните гости.

За крај е предвидено положување на цвеќе на спомениците на Димитар Благоев и Гоце Делчев, како и на спомен обележјето на Гоце Делчев во дворот на црквата.

Не бил тепан само Боки 13: Детали за xaocoт во Идризово, Јованоски завршил на клиника

Во врска со настанот кој се случи вчера во Казнено – поправниот дом Идризово, Управата за извршување на санкции иформира дека на ден 20.10.2022 година околу 15:30 часот, на шеталиштето каде слободното време за прошетка на отворено го користат осудените лица кои се со затворен третман, две осудени лица со иницијали Т.М. и О.А. физички ги нападнале осудениот Б.Ј и друго осудено лице кое шетало со него, нанесувајќи удари во телото и главата.

-Веднаш било интервенирано од страна на припадниците на затворската полиција кои го обезбедуваат шеталиштето, а осудените лица биле разделени. Двете осудени лица врз кои е извршен нападот, веднаш биле спроведени во затворската амбуланта за укажување на помош, а била повикана и екипа на итна медицинска помош која препорачала да бидат прегледани и во Клиничкиот центар – Скопје по што биле спроведени. Во вечерните часови осудените лица дале писмена Изјава за нивното видување на настанот, се наведува во соопштението од Министерството за правда.

Против осудените лица кои го извршиле физичкиот напад се комплетира документацијата за спроведување постапка за дисциплинска одговорност.

За овој настан, службени лица од Управата за извршување на санкциите ќе извршат и вонреден надзор на установата со цел да се утврди фактичката состојба.

Во текот на денешниот ден осудениот Б. Ј е спроведен и на дополнителен преглед во Клиниката за абдоменални болести.

Прилепскиот гигант на саем во Америка, а до крајот на годината ќе бидат присутни и во Германија, Кина и Велика Британија

Прилепската компанија Микросам се презентира на најголемиот американски саем за современи композити – CAMX 2022 во Калифорнија.

На саемот ​во САД, Микросам се претставува заедно со бројни купувачи од целиот свет во повеќе индустрии, како авионската, вселенската, автомобилската и други.

-Со гордост можеме да се истакнеме како сериозен лидер и конкурент во производството на генијални роботски машини во композитната индустрија. И оваа година, докажавме дека делата на нашите македонски инженери се препознаени и барани насекаде. Нашата иновативност и упорност служи како преседан по кој ќе чекорат сите останати. До крајот на 2022 ќе бидеме присутни и на најголемите саеми за современи композити во Велика Британија, Германија и Кина – напишаа од прилепскиот гигант на ФБ.

Во Битола се снима филм посветен на Ататурк

Во периодот од 8-ми октомври до 3-ти ноември на повеќе локации во Битола, околината, како и Ресен и Скопје се снима ТВ серијата со работен наслов „Ататурк“ во продукција на турската продуцентска куќа Ланистар Медиа во соработка со македонската продуцентска куќа Сектор филм. Овој проект е финансиски подржан од каналот Дизни + на којшто ќе се емитува.

Градоначалникот на општина Битола Тони Коњановски, оствари работна средба со филмската екипа на терен. Режисерот на серијата Мехмед Ада Озтекин, истакна дека ова не е негов прв проект кој се снима во Битола и особено му се заблагодари на градоначалникот за поддршката од страна на општина Битола, која го овозможи снимањето на серијата. Градоначалникот Коњановски посочи дека Битола е позната локација за филмската уменост, бидејќи градот сам по себе и културно-историски споменик, кој од дамнина е поврзан со филмската уметност преку браќата Манаки. Во поновата историја на градот, филмскиот фестивал „Браќа Манаки“ е вистински промотор на градот во светот на филмската уметност. Градоначалникот се заблагодари за можноста која што е дадена од страна на филмската екипа, како статисти во овој проект да учествуваат 1500 лица од Битола и околината, а со реализација на овој проект, за потребите на продукцијата се исполнети и хотелските капацитети во Битола.

Македонскиот партнер во проектот, Сектор филм, изрази посебна благодарност на големата поддршка од градоначалникот на општина Битола Тони Коњановски, општината Битола, сите нејзини институции, а секако и граѓаните на Битола. Без оваа поддршка снимањето на овој обемен проект би бил невозможен. Од Сектор филм се надеваат дека овој проект ќе донесе уште поголема афирмација на Битола и нејзината околина како филмски локации за бројни идни ТВ и филмски проекти.

Инаку, серијата која што го обработува животот на светскиот револуционер и државник, Мустафа Кемал – Ататурк ќе се состои од 6 епизоди. Главната улога ја толкува младата актерска ѕвезда Арас Булут Ијнемли, познат на македонските гледачи преку неговите улоги во сериите „Како што минува времето“, „Сулејман Величествениот“, „Јама“ и други. Покрај него, серијата има голема актерска екипа составена од бројни познати турски актери и актерки, како и светски актерски имиња од Америка, Србија итн. Покрај бројната турска екипа, во снимањето е вклучена и голема македонска екипа.

Прилепските пожаpникapи се подновија со нови чевли, дуксерки, ветровки… (Фото)

Прилепските пожapникapи денеска добија 40 комплети опрема која содржи чевли, блузи, пантолони, кошули, дуксерки и ветровски.

Опремата ја обезбеди општина Прилеп од каде се прават постојани напори за подобрување на условите за работа во Територијалната противпожapна едница.

Пред извесно време ТППЕ Прилеп доби и донација ново теренско возило од Дирекцијата за заштита и спасување.

Со свои камења по глава: Бугарија доби вето од Холандија за влез во Шенген зоната

Холандскиот парламент вчера изгласа резолуција против влезот на Бугарија и Романија во Шенген зоната. Гласањето во холандскиот парламент се случи два дена откако Европскиот парламент усвои резолуција да им се дозволи на двете источноевропски земји да ѝ се приклучат на зоната без граници.

Со резолуцијата, холандските пратеници побараа од премиерот Марк Руте да стави вето на влезот на Бугарија и Романија во Шенген, додека не се направи анализа на функционирањето на владеењето на правото и намалувањето на корупцијата и организираниот криминал во двете земји.

Зборувајќи пред бугарските новинари пред неговото пристигнување на Европскиот совет денеска, бугарскиот претседател Румен Радев кажа дека Бугарија станала заложник на внатрешната политика на Холандија.

Во сабота сите во сала! Да ги поддржиме младите кошаркари од Прилеп до нова победа

Почитувани љубители на кошаркарската игра, во сабота 22.10.2022 екипата на К.К. Мега Баскет – Прилеп ја отвора новата сезона на домашен терен против eкипата на К.К. Дибра од Дебар.

Во првото коло прилепчани остварија победа над екипата на Гостивар со резултат 67 – 81.

Од Кошаркарскиот клуб Мега Баскет ги покануваат сите вљубеници во кошарката во сабота со почеток од 19:00часот во спортската сала во ООУ “Добре Јовановски”, да ги поддржат младите кошаркари за да остварат уште една победа.

ПРИЛЕП ЗАСЛУЖУВА СПОРТ, ЗАСЛУЖУВА КВАЛИТЕТНА КОШАРКА! СИТЕ ВО САЛА!

Боки 13 пpeтепан во затвopoт во Идpизово

Со повреди на главата и телото се здобил Бојан Бојановски – Боки 13 откако бил претепан во затворот „Идризово“ каде ја издржува затворската казна.

Од МВР велат дека случајот бил пријавен и кај нив од страна на Клиничкиот Центар „Мајка Тереза“.

-На 20.10.2022 во 20.00 часот во СВР Скопје – Полициската станица Гази Баба, од Комплексот клиники „Мајка Тереза“ било пријавено дека кај нив со поврди бил донесен Б.Ј.(36) од Скопје. Според пријавеното, околу 15.40 часот во кругот на Казнено-поправната установа Затвор Идризово, каде издржувал затворска казна, Б.Ј. бил физички нападнат од три лица. По целосно расчистување и документирање на случајот ќе биде поднесен соодветен поднесок, информираат од МВР.

„А1он“ објави дека Боки 13 бил нападнат од три лица, а на нападот не му претходеле расправии. Наводно, нападот се случил во дворот на затворот, по што Јовановски со Брза помош бил пренесен во болница.