дома блог страница 1427

Нови цени на гopивата од полноќ: Еве што пocкапyва

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 0,45% во однос на одлуката од 25.10.2022 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,207%, кај дизелот намалување за 1,780%, кај екстра лесното масло намалување за 0,901% и кај мазутот зголемување е за 1,027%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,008%.

Малопродажната цена на бензинот ЕУРОСУПЕР БС-95 се зголемува за 2,00 ден/лит.

Малопродажните цени на бензинот ЕУРОСУПЕР БС-98, како и на ЕУРОДИЗЕЛ (Д-Е V), Екстра лесното масло за домаќинство на (ЕЛ-1) и на Мазутот М-1 НС не се менуваат.

Од 28.10.2022 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 90,00 (денари/литар)
Моторен бензин ЕУРОСУПЕР БС – 98 90,50 (денари/литар)
Дизел гориво ЕУРОДИЗЕЛ БС (Д-Е V) 100,50 (денари/литар)
Масло за горење Екстра лесно 1 (ЕЛ-1) 97,00 (денари/литар)
Мазут М-1 НС 49,483 (денари/килограм)

Напоменуваме дека ова се максималните цени на нафтените деривати од 00:01 часот на 28.10.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Откако цените двојно се зголемија, Бектеши најави поевтинување за 10% на основните продукти

Владата ќе ги поддржи производителите на масло, пекарски, млечни и мелнички производи, како и преработувачите на млеко, но можно е листата да се прошири и со компаниите од месната индустрија. Тие ќе плаќаат струја под 100 евра за мегават час, што е двојно помалку од цената на регулираниот пазар. Поради ова се очекува најпрво да се стабилизира пазарот, а потоа цената на лебот да се намали за околу 10 проценти.

Како што соопшти министерот за економија Крешник Бектеши, до крајот на денот стопанските комори треба да достават дополнителни предлози со кои би се проширила листата на компании за поддршка. До утре ќе се направат сите калкулации во однос на евентуалните финансиски импликации, по што ќе биде донесена и конкретната одлука.

Бектеши очекува поради намалувањето на цената на електричната енергија, компаниите од прехранбената индустрија да ги поевтинат производите. Доколку, пак, некој ја злоупотреби ситуацијата и домашните основни производи ги продава поскапо од увезените, не е исклучено, рече, Владата да донесе и мерка за замрзнување на цените на одредени прехранбени производи.

Според компаниите, поевтината струја за еден месец ќе овозможи стабилизирање на пазарот, по што може да се утврди намалувањето на цената на пекарските производи за околу 10 отсто.

-Во финалната цена на одреден производи влегуваат многу инпути, а еден од нив е и електричната енергија. Во делот на инпутот на електричната енергија, тоа што моментно го имаат ќе биде двојно пониско и согласно таа формулација ќе бидат намалени најверојатно и цените на основните производи. Очекуваме до крајот на денот дополнителни предлози од стопанските комори за да се надополни листата. До утре ќе се напарават сите калкулации во делот на финансиските импликации. Можно е да бидат вклучени и преработувачите на месо и месни производи, но тоа веројатно ќе се знае утре, кога се очекува Владата да донесе одлука по направените анализи за потрошувачката и евентуалните финансиски импликации. Компаниите ќе плаќаат под 100 евра за мегават час, односно двојно пониска цена од онаа на регулираниот или речиси тројно пониска од онаа на отворениот пазар, информира Бектеши по средбата со претставниците од пекарската индустрија.

Според него, до крајот на април ќе се намалат оперативните трошоци на компаниите.

-Со тоа, секако,компаниите ќе можат да направат дополнителни калкулации во одредувањето на цените на производите. На ист начин, речиси слични одлуки, веќе се подготвени во соработка со ЕСМ и со другите енергетски компании, како и со институциите, посебно со Централен регистар, рече министерот.

На прашањето дали и натаму домашното млеко ќе биде поскапо од увезеното, Бектеши одговори дека Владата за ова има соодветни механизми.

-Мислам дека нема да биде поскапо. Владата има механизми, ако тоа се злоупотребува може директно да донесеме некои одлуки согласно кризата за замрзнување на цените одредени прехранбени производи, истакна Бектеши.

Потпретседателот на Сојузот на стопански комори Горан Ѓорѓиевски објасни дека по плаќањето поевтина струја, најпрво ќе следува стабилизација на пазарот па дури потоа ќе може да се каже за колку ќе поевтинат основните производи. За ова, потенцира Ѓорѓиевски, е неопходен сублимат од повеќе чекори, но и овој првиот, истакна, е многу значаен.

Пендаровски: Да не се брза со процесот на уставни измени

Претседателот Стево Пендаровски смета дека не треба да се брза во процесот на уставни измени за вметнување на Бугарите во преамбулата на Уставот затоа што има 14 месеци до завршувањето на процесот на скрининг. Дотогаш, вели, може да детектираме и поправиме нешто во однос на потребните реформи, а кога тој процес ќе биде при крај, тогаш да се види дали се има потребното дотретинско мнозинство.

-По мене суштински е во тој процес да не се оди со главата нанапред без да се мисли каде евентуално може да удриме. Не би сакал ни случајно, ниту како граѓанин, ниту како претседател да видам процеси слични на усвојувањето на Преспанскиот договор, рече Пендаровски во Тема на денот на ТВ Сител.

Мојот совет до Владата и до јавноста е да одиме плански и да не брзаме во тој процес.

-Имаме 14 месеци скрининг. Не мислам дека тоа треба да биде апсолутен политички приоритет број еден. Ние имаме толку многу реформи со скрининг да ги детектираме и поправиме и кога ќе дојде време на крај тој процес тогаш ќе прашаме во Парламентот имаме ли сега двотретинско мнозинство, вели претседателот Пендаровски.

Тој смета дека се смешни тврдењата на опозицијата дека ќе се изборат за нова преговарачка рамка, или за поништување на Преспанскиот договор.

-Тоа е приказна за мали деца. Ќе го преговараме Преспанскиот или нова рамка. Од она малку што го знам нешто за меѓународни односи и преговори, а ги имаше многу од Рамковниот договор во 2001 навака, тврдам дека тоа е невозможно. Можно е само ако државата се вика САД, Франција, Германија, Кина Русија …, рече претседателот Пендаровски.

Тој истакна дека во однос на францискиот предлог има нова анкета за поддршката од македонските граѓани која бележи, според него, поприлично голем пад на оние кои се против него.

-Има понова анкета во која процентот на лица кои не го поддржуваат францускиот предлог од 70 отсто колку изнесуваше летото, сега е паднат за околу дваесет отсто, што е драстично пониско. Се уште не сме во мнозинство за таканаречениот француски предлог, но факт е дека отако луѓето видоа дека нема никаква опасност се намалува процентот на оние кои се против, рече Пендаровски.

Потврда дека, како што нагласи претседателот, француската рамка или претходно бугарските барања, не не поништуваат, не не оспоруваат како Македонци е денеска потпишаниот договор со ФРОНТЕКС на македонски јазик.

-Атаците на Бугарија неспорно две годии наназад беа насочени кон македонскиот идентитет. Клучна битка во преговорите беше да го задржиме идентитетот односно јазикот бидејќи другите работи се лична работа на секој од нас јазикот да биде официјален покрај сите други официјални во ЕУ. Ние тоа го имаме и нема никаква звездичка, има македонски јазик, рече Пендаровски.

Водата за пиење во неколку прилепски села не е погодна за пиење

Општина Прилеп ги известува граѓаните дека водата од водоводните мрежи: л.в.с Алинци, л.в.с Ерековци (двор – водоводна мрежа), л.в.с Канатларци – бензинска- водоводна мрежа, Ореовец – ј.ч сред село, Беловодица(двор – водоводна мрежа), Плетвар – јавна чешма, Плетвар – крајпатна чешма Че, л.в.с Загорани и л.в.с и Веселчани (двор – водоводна мрежа), Не одговараат за употреба. Во л.в.с Лагово – Петрески Тоде (водоводна мрежа) одговара за употреба.

За многу години Петковден: Денеска е Преподобна Параскева

Според календарот на МПЦ (Јулијанскиот календар) денеска е 14 октомври.

Денеска е Преподобна Параскева-Петковден.

Во народот позната како света Петка. Неа и е посветена црквата во долниот дел на скопската населба Црниче. Била од словенско потекло, од градот Епиват, меѓу Салинаврија и Цариград. Родителите и биле имотни и побожни христијани.

Таа живела со нив до нивната смрт, а потоа заминала за Цариград, а оттаму во Јорданската пустина, во денешен Израел, каде се подвизавала во пост и молитва до својата старост.

Во староста се вратила во Епиват, каде проживеала уште две години. Се успокоила во Господа во единаесеттиот век. Нејзините чудотворни мошти биле пренесувани од место во место, а денес се наоѓаат во Романија, во градот Јаши.

Учениците од ООУ “Блаже Конески” Прилеп уживаат на часовите по историја: Еве како се пренесува знаењето и љубовта кон Македонија, македонските дејци и револуционери (Фото галерија)

Учениците од ООУ “Блаже Конески” Прилеп, имаат единствена можност да УЖИВААТ во часовите по историја, а за тоа се грижи нивниот наставник Горјан Василевски, кој на одличен начин преку теренска настава, им ја добилижува историјата и им го пренесува знаењето за македонските дејци, револуционери и историски места.

Во рамки на оваа теренска настава, Василески и неговите ученици ги посетија селата Слоештица, Цер и Смилево.

Ученичката Димоска Марија од Новинарската секција, подетално ни раскажа за посетата на овие места и што се’ имале прилика да научат.

-Целта на оваа посета е некои од местата и настаните кои што ги учиме од книга да ги видиме и во живо.
Наша прва дестинација беше селото Слоештица каде што му оддадовме почит на писателот и поет Петре М. Андреевски и наставникот ни одржа предавање за неговиот живот и дело, посебно за романот Пиреј и поемата 1903 (Слобода или смрт). Од Слоештица го посетивме и селото Цер каде славно загинале Христо Узунов и неговите соборци за слободата на Македонија. Пределите во овој наш регион се идилични. Зелено-жолта боја и свеж ветер, есенски.

Следно се упативме кон селото Смилево. Наставникот ни раскажа дека од ова место потекнува Даме Груев, мозокот на Илинденското востание и иницијатор на Смилевскиот Конгрес. Напраивиме краток одмор покрај споменикот на Даме Груев кој што се наоѓа во самото село. Потоа се упативме кон родната куќа на овој наш револуционер.

Пристигнавме. Во неа владеше посебен мир. Тоа беше чудно чувство каде замислуваш историја за еден човек, за една идеја, за еден изгубен живот… негов и на многу други. Неверојатно е чувството кога со свои очи ќе видиш пушки, куршуми и други зачувани предмети кои датираат од тоа време, оргинални писма и книги поврзани со животот и делата на борците за наша слобода – ни напиша Марија.

Ваквиот вид на настава значително ќе го подобри пренесувањето на знаењето наставник-ученик и треба да претставува метод кој редовно ќе се користи и по други предмети во училиштата.

Ние го поздравуваме потегот на наставникот по историја Василески и посакуваме што повеќе просветни работници да го следат неговиот пример.

(ФОТО) Силна детонациja вечерва ги вознемиpи корзомаалци

Силна детонација вечерва околу 20 часот се слушнала од објект на улица “Сотка Георгиоски”, во населбата “Корзомаало” во Прилеп.

На лице место интервенира екипа на Територијалната противпожарна единица, а засега не се познати причините поради кои настанала експлозијата и дали има повpeдени лица.

Повеќе информации подоцна…

Апceње во Битола: Падна 26 годишен дилep – полициjaта му пpoнajде xepoин, пиштол и кypшyми

На 26.10.2022 во Битола, полициcки cлyжбеници од кpиминалиcтичката полициja при СВР Битола го лишиле од cлобода А. Д.(26) од Битола.

При пpeтpec во неговиот дом, извpшен со cyдcка нapeдба, биле пpoнajдени и одземени xepoин, пиштоли и кypшyми.

Тој бил пpиведен во полициcка станица и по целосно документирање и pacчиcтyвање на cлyчajoт пpoтив него ќе биде поднесена соодветна пpиjaва – информираат од СВР Битола.

Пред параклисот кој го изгради прерано починатиот прилепчанец Ристо Тошески, денеска се празнуваше празникот Св. Злата Мегленска: Домаќин беше градоначалникот Јовчески (Фото)

Според календарот на МПЦ (Јулијанскиот календар) денеска е 13 октомври.

Денеска е Света великомаченичка Злата Мегленска. Именден празнуваат: Злата, Златка, Златица, Злате…

Родена е во селото Слатина, во Мегленската област, од сиромашни селски родители, коишто имаа уште три ќерки. Света Злата беше кротка и побожна девојка, мудра со Христовата мудрост и златна не само по име туку и по богобојазливото срце. Еднаш, кога излезе по вода, ја фатија некои бесрамни Турци и ја одвлекоа во својата куќа.

Кога еден од нив ѝ нудеше да се потурчи и да му биде жена, таа храбро му одговори: „Јас во Христа верувам, само за Него знам и Он ми е Женик. Од Него нема да се откажам никогаш, макар и на илјада маки да ме ставите и на парчиња да ме исечете.“ Тогаш дојдоа нејзините родители и ѝ рекоа: „Смилувај се на себе и на нас, откажи се привидно од Христа и ќе бидеш среќна и ти и ние, а Господ е милостив, ќе ти прости за гревот ако го правиш по цена на животот.“ И плачеа горко родителите, сестрите и роднините.

Но, витешката душа на света Злата не даде да биде победена од ѓаволските стапици. На своите родители им одговори: „Штом ми советувате да се одречам од Христа Кој е вистински Бог, не сте ми повеќе родители ни сестри; татко ми е Господ Исус Христос, мајка – Богородица, а браќа и сестри – светителите и светителките.“ Тогаш Турците ја фрлија во затвор, каде што лежеше три месеци и секој ден ја биеја додека нејзината крв не ја натопи земјата.

Најпосле ја обесија главечки и ја подложија на оган за да се загуши од чадот. Но Господ беше со неа и ѝ даваше сила во страдањето. На крајот, ја обесија на дрво и целата ја исекоа на парчиња. Така, оваа мажествена девица Му го предаде својот дух на Бога и се пресели во рајските живеалишта, во 1796 година. Парчиња од нејзините мошти христијаните разнесоа за благослов по своите домови.

Во Прилеп празникот најмасовно се празнува пред параклисот посветен на светицата на ул. “Петта прилепска бригада”, свето место кое го изгради прерано починатиот прилепчанец Ристо Тошески.

Кај параклисот денеска домаќин беше градоначалникот на општина Прилеп, Борче Јовчески, а присутни беа голем број верници.

-Задоволството и честа денес да бидам домаќин е огромна, а исто така и честа која што со вашето присуство ми ја укажавте и заедно го одбележавме денешниот празник посветен на Света великомаченичка Злата Мегленска — македонска светителка и маченичка од времето на османлиското владеење. Пред параклисот на Св. Злата Мегленска на сите присутни им посакав здравје и среќа во нивните домови, многу бериќет и што е најважно како што велела и Света Злата Мегленска „Јас верувам само во Христа и нему му се поклонувам“ што значи вербата во Бог никогаш нека не не напушти. Сакам да им честитам на новите домаќини кои и наредната година ќе ја продолжат оваа прекрасна традиција. Да сте ми живи и здрави, за многу години – напиша Јовчески на ФБ.

Победи срцето на терен: На радост на 1.500 вљубеници во фудбалот, Победа денеска во Прилеп го cpyши лидерот на табелата (Фото)

Попладнево на Градскиот стадион „Гоце Делчев“ во Прилеп, во меч од 12-тото коло на Првата лига, фудбалерите на Победа го совладаа лидерот на табелата Струга Трим Лум со 2-0, полувреме 1-0.

Во тактички најзрелиот меч оваа сезона, мудро и паметно, свесни дека со отворена игра не можат да парираат на хартија на поквалитетниот противник, црвено-белите одиграа со срце и на крајот СРЦЕТО го победи лидерот, го победи претендентот за Европа, го победи многу поскапиот ти, но во фудбалот не играат секогаш парите и буџетите, затоа тој е толку убав и предизвикувачки!

Стружани имаа повеќе од играта, многу поголем посед, но за тоа колку дисциплинирано и со трка одиграа црвено-белите, доволно зборува фактот дека голманот на Победа Тофилоски, така речи и немаше некоја посериозна интервенција, затоа што стружани беа целосно изолирани кога беше во прашање било каква опасност кон голот на капитенот на Победа.

Човек на одлука за денешната победа над стружани се покажа токму стружанецот – Атдхе Мазари, кој имаше две неискористени зицери, но затоа со 2 гола, по асистенции на Спиркоски и Петејчук, го сруши лидерот на голема радост и задоволство на околу 1.500 гледачи, кои задоволни од победата со аплауз ги наградија своите љубимци.