дома блог страница 1417

Награда доделена во вистински раце: За првото место по англиски на СВЕТСКО, Вања и неговата наставничка добија третоноемвриска награда (Фото)

Вања Ѓорѓиоски, ученик во ООУ “Климент Охридски” Прилеп, учествуваше на Светското финале на натпреварот по англиски јазик “Хипо”, кое од 28-30 септември се одржа во Рим, Италија.

Вања се натпреваруваше со ученици од целиот свет: Италија, Хрватска, Србија, Романија, Бугарија, Латвија, Тунис, Малезија, Египет, Филипини, Виетнам…. и многу други.

Од 28 финалисти во категоријата Хипо 1, го освои ПРВОТО место и доби златен медал, светски признат сертификат за неговото познавање на англискиот јазик и школарина. Неговата менторка, наставничката Фросина Ацевска доби бесплатен TEFL курс.

За својот успех Вања и неговата менторка синоќа на свечената седница на Советот на општина Прилеп, по повод Денот на ослободувањето на градот, добија и третоноемвриска награда.

Честитки! Награда која е доделена во вистински раце, и со сигурност ќе биде поттик за Вања и останатите ученици дека успехот се вреднува.

Koвачки објави шокантна инфopмација: Ова комбе беше пapкирано во Прилеп да го прислушкува Мицкоски (Фото)

Ова на сликата е возилото на оперативците на АНБ во кое има соодветна опрема и е паркирано во близина на општинскиот комитет на ВМРО-ДПМНЕ во Прилеп.

Во која НАТО држава Агенцијата за Национална Безбедност наместо да си ја работи работата што и е пропишана со Закон, се фокусира на следење и документирање на активностите на опозицијата?

Оваа информација и прашање ги поставува пратеникот Драган Ковачки кој најавува дека премиерот Ковачевски и министерот Спасовски, за секое следење, прислушкување и тероризирање ќе одговараат.

Денеска во Прилеп беше Претседателот на ВМРО-ДПМНЕ Христијан Мицкоски.

,,Следите, прислушкувате и сакате да заплашите. Ниту ви поминувало, ниту ќе ви помине.

Доаѓа време за одговорност. За многу кратко време од сега ќе треба да кажете како и што сте работеле со државните ресурси.

Цел ден оперативците на АНБ (Агенција за Национална Безбедност) Р.Ва., Р.Вр., и Г.К. го поминаа денот во Прилеп.

Ќе се потсетите на ветувањето кога за тоа дојде време”, пишува Ковачки за инцидентот во Прилеп.

Ново значително поскапување на горивата од полноќ

На веб-страницата на „гориво.мк“ беа објавени новите цени на горивата кои ќе важат од полноќ.

Значително зголемување на цената од полноќ ќе забележи бензинот БС-95, кој ќе поскапи за два денари и ќе чини 92,5 денари.

Цената на бензинот БС-98 останува иста, односно 94,5 денари, додека цената на дизелот не се менува и останува 99 денари за литар.

Соопштение од црковните храмови Св. Петка и Параклис за пресотјниот празник Митровден

ИЗВЕСТУВАЊЕ oд црковните храмови Св. Петка и Св. Кирил и Методиј (Параклис) за престојниот празник Св. Вмч. Димитриј – Митровден

Браќа и сестри во Христа, наши прилепчани, ве известуваме дека ЛЕПЧИЊАТА ЗА СЛАВА ЌЕ СЕ ПЕАТ ИСКЛУЧИВО ВО ЦРКОВНИТЕ ХРАМОВИ.

За претстојната слава, на СВ. ВМЧ. ДИМИТРИЈ (МИТРОВДЕН), во храмот св. Петка во нас. Точила и во хр. Св. Кирил и Методиј (ПАРАКЛИС) лебчиња ќе се креваат преку целиот ден односно од 7:30 – 18:00 ч.

Честита слава на сите кои го чествуваат Св. Вмч. Димитриј како закрилник на нивните домови т. е. домашна слава!
Нека ни е за многу години и на помош св. Димитриј – стои во соопштението.

Црно им се пишува: Судот донесе одлука за медицинските сестри кои ја тепаа старата жена во старски дом

Основниот суд во Пеќ донесе одлука за трите медицински сестри кои ја тепаа старата жена во домот за стари лица во Косово.

Трите медицински сестри добиле притвор од по 30 дена и ќе го поминат во затворот Липјани, објави „Клан Косово“.

Снимките кои се појавија на интернет ја згрозија јавноста во регионот, а се шпекулира дека медицинските сестри би можеле да се соочат и со затворска казна

Над 500 ученици од Битола трчаа на ноќната традиционална атлетска трка “4-ти Ноември” (Фото галерија)

Со целосно нов концепт, на ниво на високопрофесионални натпревари од ваков вид, како дел од програмата по повод одбележувањето на Денот на ослободувањето на Битола, се одржа традиционалната ноќна атлетска трка „4 Ноември“. На 64-та по ред ноќна атлетска трка, зедоа учество над 500 учесници и тоа ученици од 4 до 9 одделение од основните училишта и ученици од сите 4 години од средните училишта. На најстариот спортски настан во градот, зедоа учество и РЕК Битола и Кромберг и Шуберт со машка и женска екипа, како и други граѓани.

Учесниците на трката ги поздрави градоначалникот на општина Битола, Тони Коњановски, кој изрази верување дека ваквите натпревари ќе бидат поттик за што повеќе спортски активности на младите битолчани, а почесниот претседател на Сојузот на спортови, Димче Миновски, говореше за историјатот на трката и големите спортски имиња од Битола, кои своите почетоци ги имале токму на ваков начин.

На традиционалната ноќна атлетска трка, која се одржува во организација на Сојузот на спортови, во соработка со Сојузот на училишен спорт, а со поддршка од општина Битола, за најдобрите беа доделени златен, сребрен и бронзен медал, за освоено прво, второ и трето место. Екипни победници на трката се: од основните училишта ОУ Коле Канински, а од средните Гимназијата Јосип Броз Тито.

Наградите ги доделија градоначалникот на општина Битола, Тони Коњановски, заменик градоначалникот Бојан Бојкоски, Претседателката на Советот на општина Битола, Габриела Илиевска, претставници на Советот на општината, Сојузот на спортови и познати спортисти од градот.

Апceње во Прилеп: Избегал од затвopoт од Битола, па го фатиле на автобуска во Прилеп

Денеска (03.11. 2022) во 17.30 часот од страна на полициски службеници од СВР Битола -ОВР Прилеп пред новата автобуска станица во Прилеп е лишен од слобода К. Р. (30) од с. Октиси, Струга, кој претходно бил пријавен дека денеска околу 11 часот избегал од КПУ Затвор Битола.

Лицето ќе биде вратено во казнено поправната установа – информираат од МВР.

(Фото галерија) Фатени петмина дрвокрадци кај прилепско Беловодица – највозрасните имаат по само 23 години

Полициски службеници од СВР Битола-ПСОН Прилеп денеска 03.11.2022) на место викано Беловодица, Прилеп ги лишиле од слобода И. Р. (21), С. Ќ. (23), Е. К.(23),Е. М.(19) и Е. Р. (23), сите од Прилеп, кај кои биле пронајдени нелегално сечени огревни дрва.

Пет возила и дрвната маса се одземени и по документирање на случајот ќе следува кривична пријава – информираат од СВР Битола.

Следете во живо: Доделување на ТРЕТОНОЕМВРИСКИ награди во Прилеп

Свечена седница на Советот на Општина Прилеп и доделување на наградите „3-ти Ноември“:

Бизнис центарот во Прилеп почна да се распаѓа – за среќа денеска ничија глава не заврши скршена (Видео)

Се чини дека времето си го прави своето, па некогаш популарниот бизнис центар во Прилеп, а во кој патем се нема вложено ниту денар за негово одржување, полека но сигурно наликува на една стара зграда која го нагрдува центарот на градот.

И не само тоа, туку денеска на лице место видовме дека и таа неодржана градба може да биде и опacна по случајните минувачи.

Попладнево се откорна малтер и падна на пред еден од дуќаните од страната на плоштадот. За среќа никој во тој момент не стоеше тука, па ничија глава не заврши скршена.

Апелираме, кој и да е надлежен за одржување на овој објект да ги санира ваквите пукнатини, затоа што наредниот пат може да биде кобен по некого.