дома блог страница 1414

Човек инспирација за секого: Владимир Ѓорѓиески од Прилеп го освои третото место на мастерс турнирот во американски билјард во Скопје (Фото)

На 05 и 06. ноември во “Гранд клуб” во Скопје, се одржа седмиот мастерс турнир, а воедно и последен за оваа натпреварувачка сезона во А и Б дивизијата во американски билјард – дисциплина десетка.

Во Б дивизијата учествуваа 35 играчи, а од Прилеп свои настапи имаа Владимир Ѓорѓиески, Никола Димески, Стеган Гермов, Теофан Илиоски и Горан Велкоски.

Најуспешен помеѓу прилепчаните беше Владимир Ѓорѓиески кој го освои третото место.

Владимир е наш дописник за настапите на прилепскиот билјард клуб и ни беше посебно драго кога не’ извести дека Прилеп има ваков клуб, а неговите членови се успешни како на домашен, така и на меѓународен план.

Ѓорѓиески е лице со хендикеп и е вистинска инспирација за сите луѓе. Со неговата упорност покажува дека не постојат пречки кои кога се сака не можат да бидат совладани.

Му честитаме за овој успех и му посакуваме уште поголеми во иднина.

На денешен ден пред 193 години во Прилеп е роден великанот на наpoдната мyдpост Марко Цепенков

Марко Костов Цепенков e роден во Прилеп на 7 ноември 1829, а починал во Софија на 29 декември 1920). Денеска се навршуваат 193 години од неговото раѓање.

Цепенков е истакнат собирач на македонски народни умотворби, кои имаат непроценливо значење за македонската фолклористика, за етнографијата, за лингвистиката, за националната историја и за правото и за моралот на Македонците. Тој е автор на неколку публикации напишани на македонски јазик. Македонскиот институт за фолклор го носи неговото име.

Роден е во сиромашно семејство, кое води потекло од прилепското село Ореовец. Заради тешката материјална состојба, основно образование учел само една година, а потоа продолжил да го учи терзискиот занает. Во периодот 1856-1857 почнал да собира народни умотворби, поттикнат од, како што самиот вели, Димитар Миладинов.

Работел седум месеци во Народното собрание на Бугарија по статистиката на народното население, подоцна работи и во финансискиот оддел, по што е администартор во печатницата на браќата поп Спиркови. Тој дал голем придонес на македонскиот народ. Покрај тоа, придонесот на Цепенков во македонската книжевност е голема важност, како и за развојот на македонската фолклористика, етнографија и култура.

Изнемоштен, напуштен, заборавен, во крајна беда, Марко Цепенков умрел на 29 декември 1920 година во Софија, кадешто е и погребан.

Целокупната оставина на Марко Цепенков се чува во Архивниот институт на Бугарската академија на науките во Софија. Во современа Македонија, делата на Марко Цепенков за првпат биле реиздадени во 1954 година од Блаже Конески во „Сказни и сторенија“. Во 1957 творештвото на Цепенков биле прекажано во вид на филм од Кирил Пенушлиски, кој една година подоцна започнало со неговото издавање. Во 1972 година било објавено целокупното дело на Цепенков на македонски јазик.

Од сите собирачи на македонското народно творештво, Марко Цепенков има временски најдолга запишувачка практика – повеќе од 40 години собирал народни умотворби. Освен тоа, за разлика од другите најистакнати собирачи на македонските народни умотворби – браќата Миладиновци, Кузман Шапкарев, Стефан Верковиќ, кои во својот фонд собрани фолклорни материјали имаат и такви што ги добиле од други запишувачи, Марко Цепенков лично самиот ги запишал своите фолклорни и етнолошки материјали. И по вкупниот фонд на собраните народни умотворби, како и по жанровската разновидност на собраните фолклорни материјали, Марко Цепенков е најзначајниот собирач на македонските народни умотворби.

Во вкупниот број на публикувани и непубликувани негови дела можат да се набројат повеќе од 5500 пословици и поговорки, 800 приказни, 150 песни, 100 гатанки, 400 верувања и клетви, 300 благослови, 350 баења, 2900 соништа и нивни толкувања, 70 детски игри, јазичен и етнолошки материјал (речник, тајни јазици, описи на занаети, обичаи, обреди, реквизити од домашниот материјален живот и народната аргономија и сл.). Во финалната песна од својата автобиографија, Цепенков вели дека ги напишал, за да остави вечен спомен на својот мил „бугарски“ народ.

Своите запишани фолклорни и етнолошки материјали Марко Цепенков ги собрал претежно од Прилеп и неговата околина, но и од Битолско, Скопско, Штипско, Велешко и Дебарско. Соодветно на обемниот фонд собрани народни умотворби, голем е и бројот на интерпретаторите од кои Цепенков ги слушал и запишувал своите фолклорни материјали.

Автор е на драмското дело „Црне Војвода“, а неговата автобиографија претставува богат извор за проучување на целокупниот живот во Прилеп.

Нови цени на горивата од полноќ

Регулаторната комисија за енергетика денес ќе одлучува за новите цени.

Минатата недела РКЕ донесе одлука со која цената на бензинот ЕУРОСУПЕР БС-95 се зголеми за два денари. Цените на останатите горива останаа непроменети.

Ова се актуелните цени на горивата:

Моторен бензин ЕУРОСУПЕР БС – 95 92,50 (денари/литар)
Моторен бензин ЕУРОСУПЕР БС – 98 94,50 (денари/литар)
Дизел гориво ЕУРОДИЗЕЛ БС (Д-Е V) 99,00 (денари/литар)
Масло за горење Екстра лесно 1 (ЕЛ-1) 93,00 (денари/литар)
Мазут М-1 НС 50,067 (денари/килограм)

Соопштение од прилепски Водовод: Жителите на овие улици денеска ќе имаат прекин на водоснабдувањето

Соопштение од ЈКП Водовод и канализација Прилеп

Водоснабдувањето на ден 07.11.2022 (понеделник) ќе биде нормално со здравствено исправна вода за пиење.
Вкупната произведена количина на вода е 240л/с, од кои 200/с од Студенчица, 0л/с од бунари и 40л/с од сопствени извори.

Прекин во водоснабдувањето заради санација на дефекти и приклучоци во периодот од 08 до 14 часот ќе има на следните улици и делови од Општина Прилеп: ул. “Генерал Васко Каранѓелески”, ул. “Киро Базаркоски”, ул. “Оревоечка”, ул. “Кеј 9ти Септември”, ул. “Орде Тодороски Шемко”

“Комуналец” го уреди паркчето околу спомен обележјето на Илка Присаѓанка (Фото)

На барање на граѓаните од централното градско подрачје, ЈКП,,Комуналец”-Прилеп деновиве целосно го обнови паркчето каде е сместено споменичното обележје на Илка Присаѓанка, Божана Василеска и Благоја Василески, загинати во НОБ.

До спомен обележјето сега има пристапна патека и се засадени цвеќиња.

Можеби не се работи за нешто големо, но секое уредено катче, особено во центарот на градот, дава дополнителна убавина.

Вонредно соопштение од АХВ и Стокомак: Ако сте го купиле овој производ, веднаш да го вратите

Агенцијата за храна и ветеринарство ги информира потрошувачите дека се отповикува небезбедениот производ УХТ ТРАЈНО МЛЕКО, МИЛКАНО 3,2%, поради присуство на присуство на афлатоксин М1 со сериски број/лот- LOT FD04. Апелираат до крајните потрошувачи кои гo имаат купено горенаведениoт производ со посочениот сериски број/лот, истиот да нe гo консумираат и да гo вратат на местото од каде гo купиле.

Маркетот Стокомак на својата официјална Фејсбук страница вечерва излезе со соопштение по повод ова отповикување.

Имено, Стокомак ги известува сите свои купувачи дека од се повлекува производот Milkano UHT Млеко 3.2% масленост, 1л LOT FD04 со дата на производство на 05.10.2022. Нивната целосна објава може да ја прочитате во продолжение:

Силниот ветер остави цела населба без улично осветлување во Прилеп – падна и дрво (Фото)

Силниот ветер во текот на вчрашниот ден предизвика проблеми на повеќе места во Прилеп.

Жителите во населбата “Марино маало” се жалат дека останале без улично осветлување и бараат екипите на ЕВН час поскоро да го решат овој проблем.

Силниот ветер турна и дрво во “музичкиот парк” на улица “Битолска”. Жителите информираат дека паднатото дрво оштетило дел од урбаната опрема и каблите.

И се скарал на девојката откако дознал дека има 5 други бракови, плус уште еден љубовник

Британец одлучил да ја сподели својата приказна со медиумите откако дознал дека неговата девојка всушност била во брак со пет мажи и имала друг љубовник.

43-годишниот Вејн Харпер одлучил да и стави крај на љубовната врска со неговата девојка, откако дознал дека има друг љубовник. Веројатно тука требало да прекине со истражувањето.

Многу наскоро Вејн дознал дека неговата девојка Хорн, која е бигамист, има уште 5 други брака. Кога таа врска завршила, Хорн потоа се омажила за уште двајца мажи, пишува LadBIBLE.

Целата брачна историја на Хорн е претставена во емисијата на Канал 5 наречена Невеста Бигамист: Моите пет мажи.

Во Западен Балкан, Северна Македонија добива најмногу помош од ЕУ по жител

Земјава ќе ги искористи 80-те милиони евра од Европската унија најверојатно како директна поддршка за најранливите категории граѓани и за микро и малите претпријатија до крајот на прогласената кризна состојба до крај на април.

Со помошта од 80 милиони евра, ЕУ испрати порака дека земјава и Западен Балкан не се сами во справувањето со енергетската криза. Итната буџетска помош која ќе биде достапна од јануари 2023 година, како што изјави Фон дер Лајен на заедничката прес конференција со премиерот Димитар Ковачевски, е сигнал дека ЕУ е заедно со Западен Балкан во енергетската криза и конечно ги дава тие сигнали дека почнуваат да се придвижуваат работите во смисла на евроинтеграцијата откако се отвори процесот на скрининг.

Парите, според зборовите на Фон дер Лајен, треба да и помогнат на земјата да се соочи со влијанието што зголемените цени на енергијата го имаат врз граѓаните и бизнисите.

500 милиони евра за енергетската криза

Исто така за земјите од Западен Балкан ќе бидат дополнително обезбедени 500 милиони евра преку Европскиот инвестициски план за инвестиции во обновлива енергија и енергетска ефикасност со цел намалување на зависноста од руските енергенси.

Како поддршка по жител, помошта која ЕУ ќе ја додели на Северна Македонија (43,6 евра по жител) е највисока во регионот, пред Косово (41,5 евра по жител), Албанија (28,6 евра по жител), Србија (24,3 евра по жител) и Босна и Херцеговина (20,0 евра по жител).

Според ЕУ, енергијата произведена дома ќе создава добри работни места и ќе ги направи земјите се понезависни од руските фосилни горива, а ќе и овозможи на Македонија да учествува во европската заедничка набавка на гас и течен природен.

ЕУ одлучи дека сака да купува гас на глобалниот пазар заедно со останатите земји, со што ќе се зголеми куповната моќ, а Македонија ќе се приклучи кон овој пазар за да се намалат цените на гас во ЕУ но уште поважно цените на електричната енергија.

За што ќе се трошат парите на ЕУ

Земјава ќе ги искористи 80-те милиони евра од Европската унија најверојатно како директна поддршка за најранливите категории граѓани и за микро и малите претпријатија до крајот на прогласената кризна состојба до крај на април. Од страна на македонското министерство за економија, веќе се доставени предлозите до Европската комисија и се очекува одговор.

Владата пак од претходно пред две недели по брза постапка го донесе новиот антикризен пакет вреден повеќе од 360,2 милиони евра.

Сепак потребна е совест кај пратениците и под итно да се изгласаат мерки што може да им помогнат на илјадници семејства од ранливите категории, пензионерите но и малите и средни претпријатија

Најголем процент од БДП за помош на граѓаните

Со претходниот сет мерки кој се спроведуваше од првите месеци во годината вкупната вредност на таргетирани мерки до сега достигна над 760 милиони евра, a тоа значи согласно проценките на Светска банка, вкупната помош на Владата досега изнесува околу 5% од БДП. За споредба, оваа помош во околните земји изнесува 2,5% од БДП на Србија, 2,1% во Косово, 1,4% во Албанија, 0,5% Босна и Херцеговина и 0,1% во Црна Гора.

Милијарда евра за енергетска поддршка и од Самитот во Берлин

Пакет енергетска поддршка за регионот на Западен Балкан Фон дер Лајен најави и по самитот во Берлин. Таа соопшти дека целта на самитот во Берлинскиот процес е продлабочување на економската интеграција и додаде дека пакетот енергетска поддршка за Западен Балкан во вредност од една милијарда евра ќе помогне во обликувањето на заедничката енергетска иднина.

-Тука сме да ја продлабочиме соработката. Почнуваме со енергија. Нашиот пакет енергетска поддршка за Западен Балкан, вреден една милијарда евра, ќе ни помогне да ја обликуваме заедничката енергетска иднина, изјави таа по самитот во Берлин.

За време на Самитот, како и за време на нејзината мисија во регионот минатата недела, претседателката најави значителен пакет енергетска поддршка од 1 милијарда евра грантови од ЕУ за да му помогне на Западен Балкан да ги реши непосредните последици од енергетската криза и да изгради отпорност на краток и среднорочен.

-ЕУ продолжува да стои зад Западен Балкан – и во добри времиња и во тешкотии. За време на пандемијата Ковид-19, мобилизиравме неспоредлив пакет од 3,3 милијарди евра за регионот и денес составуваме пакет енергетска поддршка од 1 милијарда евра за да ги заштитиме најранливите групи и да ги поттикнеме многу потребните инвестиции во диверзификација на енергијата. Ние инвестираме во економското ткиво на регионот за да напредуваме во транзицијата на чиста енергија и да излеземе позелени, посилни и поодржливи од тековната криза, изјави фон дер Лајен на конференцијата во Берлин.

Чантурија: “Ќе кажам само “штета” заслуживме бод – Браво за играчите”

Во рамки на деветтото коло од ракометната Супер лига, ракометарите на Прилеп вчера во спортската сала во СОУ “Ристе Ристески-Ричко” ја дочекаа екипата на РК Охрид.

Иако прилепчани заслужија барем бод, крајниот резултат на семафорот беше 25-26 (12-12 на полувремето).

Тренерот на прилепчани, Грузиецот Реваз Чантурија не е е разочаран од резултатот и упати честитки до своите играчи за борбеноста.

“Еден борбен и добар натпревар од двете страни. Им честитам за борбеноста на моите играчи. Според мене заслуживме барем бод. Охрид е една сериозна екипа со искусни македонски играчи, како и 9 странски засилувања. Не’ чекаат уште многу натпревари и мораме на секој натпревар да извадиме максимум”, истакна тренерот на РК Прилеп, Реваз Чантурија после натпреварот за Маркукуле.

За прилепчани најпрецизни како и по обичај беа Бикоски Христи со 6 погодоци и Шокоски Давор со 8.

Во наредното коло РК Прилеп гостува кај Вардар.