дома блог страница 1413

Јовчески: Во една година инвестиравме 30 милиони денари во основните и средните училишта во Прилеп

Со цел да ги подобриме условите за работа во сите училишта во нашиот град, во првата година од нашиот мандат инвестиравме повеќе од 30.000.000 денари во основните и средните училишта во општина Прилеп – информира на ФБ градоначалникот на општина Прилеп, Борче Јовчески.

Заедно со директорите на училиштата реализиравме: реконструкции и рехабилитации на училниците, ходниците, тоалетите, кабинетите, наставничките канцеларии, спортските сали и спортските игралишта, исто така поставени се и огромен број на образовни помагала – смарт табли, компјутери, телевизори, хортикултурно и партерно уредување на дворовите и многу други проекти. Нашиот план е со континуирано вложување да изградиме поквалитетен образовен систем – пишува Јовчески.

За многу години Митровден: Честит именден Диме, Димитар, Митре, Димитрина…

Именден празнуваат Димитрија, Митре, Димо, Димко, Димана, Димка, Мите, Димитрина, Митра..

Свети Димитриј се роди во Солун, во третиот век. Беше син единец на солунскиот војвода. По смртта на татко му, цезарот Максимијан го постави Димитриј на истото место и посебно му препорача да ги гони христијаните.

Меѓутоа, Димитриј не само што не ги гонеше, туку и јавно ја исповедаше и проповедаше верата во воскреснатиот Христос. Штом слушна за тоа, цезарот, враќајќи се од еден поход, сврати во Солун, за да ја испита работата.

Го повика Димитриј, кој не ја одрекуваше својата вера и дури и го убедуваше цезарот во бесмисленоста на идолопоклонството.

Максимијан се разгневи и го фрли Димитриј во затвор, а по неколку дена и го погуби. Некои христијани го земаа неговото тело и чесно го погребаа. На тоа место подоцна беше подигната црквичка, а после и голема црква, која до ден денес се наоѓа во Солун.

За овој ден постои верување. Во очи на празникот Митровден, значи вечерва, секој треба да биде во својата куќа, бидејќи ако не биде дома, тој цела година ќе преноќува по туѓи куќи.

Постоело и верување дека ноќта пред Митровден мора да бидат завршени сите големи работи, посебно на поле и останати обврски кои се извршуваат надвор. Се сметало дека времето по Митровден е лажливо, односно дека зимата може во секој момент да изненади, па затоа се зацврстило мислењето дека лоша среќа е ако нешто се одложи да се заврши по големиот празник.

Затоа за Митровден исто така се верува дека претскажува каква ќе биде зимата. Ако денот е сончев, наводно зимата ќе биде блага, со исклучително малку студени денови. Ако на Митровден падне снег, се верува дека снегот ќе се задржи до април.

Во некои делови постоеле и верувања дека на Митровден не треба да се прекоруваат децата, колку и да згрешиле или биле безобразни, бидејќи наводно цела година ќе бидат непослушни.

Многу брзо ни доаѓа снегот – детална временска прогноза за месец ноември

Времето денеска претпладне ќе биде со магла или ниска облачност по одделни котлини. Во текот на денот сончево со мала до умерена облачност. Ќе дува слаб до умерен ветер од северен правец.

Во Скопје претпладне со услови за појава на магла, преку денот сончево со мала до умерена облачност и со слаб ветер од северен правец.

Во среда времето ќе биде претпладне со магла или ниска облачност по одделни котлини. Во текот на денот сончево со мала до умерена облачност. Ќе дува слаб ветер од јужен правец.

Во четврток времето ќе биде претпладне со магла или ниска облачност по одделни котлини. Во текот на денот сончево со мала до умерена облачност. Ќе дува слаб ветер со променлив правец.

Во петок времето ќе биде претпладне со магла или ниска облачност по одделни котлини. Во текот на денот променливо облачно, а кон крајот на денот ќе има услови за слаб локален дожд. Ќе дува умерен, наместа долж Повардарието повремено засилен ветер од северен правец.

Цените вpтоглаво pacтат: Бензините ќе го стигнат дизелот – Оба се новите цени од полноќ

Цената на бензините од ноќеска на полноќ се зголемува за 1,5 до два денара за литар, а дизелот поевтинува за половина денар, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 0,62 отсто.

Малопродажната цена на бензинот ЕУРОСУПЕР БС-95 се зголемува за 1,5 денари за литар и ќе изнесува 94 денари, додека ЕУРОСУПЕР БС-98 поскапува за два денара за литар и ќе се продава за 96,5 денари. Малопродажната цена на ЕУРОДИЗЕЛ (Д-Е V) се намалува за половина денари и ќе изнесува 98,5 денари за литар. Малопродажната цена, пак, на Екстра лесното масло за домаќинство на (ЕЛ-1) не се менува и останува 93 денари за литар.

Со одлуката на РКЕ за 0,072 денари за килограм се намалува малопродажната цена на Мазутот М-1 НС, кој сега ќе чини 49,995 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 1,994 отсто, кај дизелот има намалување во просек за 0,558 отсто, кај екстра лесното масло намалување во просек за 0,436 и кај мазутот намалување во просек за околу 0,165 отсто. Курсот на денарот во однос на доларот е понизок за околу 0,578 отсто.

Историски фотографии: Колони зapoбени бyгapcки вojници ги водат сред Битола

Историски фотографии од годините на Првата светска вojна, кои прикажуваат колони бугарски вojници во Битола како ги водат кон цетартон на градот.

Според податокот се работи за 1916 година.

Мицкоски после лидерската: Власта нема мнозинство за уставни измени, ајде на избopи!

Претпоставувам пред мене тие што беа генерално го објаснија духот на средбата денеска, но јас ќе кажам како ние ја видовме оваа средба. Најпрвин жалиме што кај Владата и кај мнозинството нема доволно слух за реалните проблеми на граѓаните, па на оваа средба не се разговараше на пример за денешниот податок кој што излезе, а тоа е 20% инфлација или пак за 31% зголемени цени за храната и безалкохолните пијалоци. Тоа се суштинските проблеми што ги мачат граѓаните, како ќе ја поминеме оваа зима, со кои предизвици ќе се соочиме, каква е подготвеноста на владата, ова денеска по лидерската средба го истакна претседателот на ВМРО-ДПМНЕ, Христијан Мицкоски.

-Тоа се оние реални за кои што треба да се разговара на едни вакви средби на кои што се политичари кои што носат одговорност и кои што треба да им помогнат на граѓаните и да разговараат за тие теми. За жал денеска мнозинството ја пропушти оваа можност и бидејќи ја пропушти оваа можност единствената тема која што беше во нивен фокус е тоа што нив ги интересира за дефокус на ова се каде што се тие неуспешни, а тоа е таканаречените уставни измени под превезот на некаква си европска иднина која што многупати во минатото самите тие ја погазија. Од она што можам да го заклучам, а тука се и останатите претседатели на политички партии кои што се дел од коалицијата парламентарна, тука се Иван Стоилковиќ и Љупчо Димовски дека мнозинството нема мнозинство за уставни измени. Нема мнозинство за уставни измени и водејќи се од овој заклучок логичен слет на настаните е парламентот да се распушти, да формираме техничка влада и да одиме на предвремени парламентарни избори, вели Мицкоски.

Тој додава дека тоа беше и од наша страна побарано, денеска на денешниот состанок, откако стана очигледно дека немаме мнозинство кое што би гласало за, еве, евентуални уставни измени кои што ги предлага владиното мнозинство.

-Констатиравме и дека ова е задоцнета средба и дека консензус, консултации со парламентарни политички партии се прави пред да се носат одлуки. Вака, пост фестум консултации се непотребни, фрустираат и само за да не бидеме прогласени како коалиција која што, еве е антидржавна, неконструктивна и е спротивна на иднината на државата. За тоа се одваживме и дојдовме денеска, свесни при тоа дека можеби нема да разговараме за она што ги мачи граѓаните и дека нема да има никаков резултат од денешните средби, иако, морам да кажам дека помалку комично делуваше еден документ кој што беше поделен на крајот од средбата, кој што требаше да бидат некакви си заклучоци кој што го одбивме и воопшто не сакаме ни да го коментираме, бидејќи самото тоа не е европски чекор, еве ви заклучоци да се сложиме и да ги усвоиме овие заклучоци. Но, кога веќе сме кај заклучоците, сакам да потврдам дека пратеникот и претседател на Демократски Сојуз, Павле Трајанов денеска предложи да излеземе од оваа средба со заклучок каде што ќе побараме од бугарската Влада да го признае македонското малцинство во Бугарија и при тоа, да ги признае правата кои што се резултат на пресудите на Судот за човекови права во Стразбур. Јас лично го поддржав овој заклучок и жалам што останатите кои што се дел од владиното мнозинство не успеа да се надминат и да го поддржат овој заклучок и да излеземе со еден заклучок еден заеднички и да го поддржиме нашинците од тој дел на границата. Коалицијата која што ја предводи ВМРО-ДПМНЕ го поддржа пратеникот Павле Трајанов и претседател на демократски сојуз но очигледно дека во владиното мнозинство немаше слух за такво нешто, рече Мицкоски.

Додава дека. така што да заклучам, мнозинство за уставни измени нема, логичен слет на настаните е организирање на предвремени парламентарни избори.

Доби ли ДУИ ,,свој” шеф на обвинителството за организиран криминал?

Повеќе медиуми јавуваат дека за нов шеф на Јавното обвинителство за организиран криминал е избран Ислам Абази досегашен обвинител во Вишото јавно обвинителство во Гостивар.

Абази за само неколку гласа на изборите на кои денеска можеле да гласаат сите македонски обвинители победил пред Ермонд Незири кој според извори во обвинителството е близок на луѓе блиски на СДСМ.

Новиот шеф на најмоќното обвинителство во јавноста важи за близок на ДУИ.

Абази за јавноста стана познат откако даде највисоки оценки за гостиварскиот обвинител Арсим Адеми кој се кандидираше за обвинител во обвинителството кое сега ќе го води тој. Адеми го водеше случајот во кој загина 34 годишен гостиварец во кој обвинетиот Зоран Милески Кичеец доби само 6 месеци затвор.

Досегашната обвинителка Вилма Русковска беше суспендирана од пеофиџа на ОЈО ГООК откако најави истраги за повеќе лица блиски на СДСМ и ДУИ.

Ајде младино прилепска: Кој се сеќава на ова култно место? (Фото)

На Фејсбук страната “Прилеп стари фотографии” oбјавени се фотографии од култниот ноќен клуб “Колосеум”, или поранешна дискотека “Медуза”, каде пораснаа и се забавуваа цели генерации млади прилепчани.

Се сеќавате ли на ентериерот и во кое ќоше се собиравте со друштвото? Ако не ви текнува, погледнете ги фотографиите на Антонио Гешоски во продолжение и потсетете се:

Занеме цела “Борис Трајковски”: Се заби во стативата во обид да спаси гол (Видео)

На мечот меѓу Романија и Холандија во СЦ „Борис Трајковски“ имаше непријатна ситуација, која можеше да има сеериозни последици. Романскиот гол беше празен, една од холандскитее репрезентативки шутираше, а голманката Јулија Думанска се обиде во трк да спречи гол.

При тој обид во полн налет се „заби“ во стативата на голот. Цела сала занеме, а лекарската екипа интервенираше неколку минути.

Думанска го напушти теренот во солзи и не се врати до крајот на мечот. Сепак според последните информации, романската репрезентативка ќе го продолжи престојот во Скопје бидејќи не заработила сериозна повреда, а дали ќе биде во состојба да брани против Франција и Македонија останува да видиме…

Teшка cooбpaќajка помеѓу две возила со битолски таблици на патот за с. Рамна – Жена завpши со тешки повpeди

На 06.11.2022 во 15.54 во СВР Битола било пpиjaвено дека на локален пат за с.Рамна, битолско, се cлyчила cooбpaќajна нecpeќа помеѓу патничко моторно возило „митсубуши пајеро“ со битолски регистарски ознаки, yпpaвyвано од А.Т.(34) од Битола и патничко моторно возило „ауди“ со битолски регистарски ознаки, yпpaвyвано од И.И.(35) од с.Алданци, крушевско.

Во нecpeќата со тешки телecни повpeди конcтатиpaни во Клиничка болница Битола се здобила З.И.(60) од с.Алданци, сопатничка во возилото „ауди“.

Увидот на местото извpшила yвидна екипа на СВР Битола - информираат од СВР Битола.