дома блог страница 1397

Легендата вели дека Ханибал ги донесол слоновите во Прилеп на поклонение пред природниот монумент откако го освоил Рим (Фото)

Карпата Слонот се наоѓа на десната страна од патот кој води од населбата Варош, Прилеп до Маркови Кули веднаш по последните куќи од населбата, од каде има прекрасен поглед кон градот.

Карпата во форма на слон според едни, а во форма на штрк според други е висока 7 метри, а широка од 2,5 до 4,5 метри.

За Слонот се претпоставува дека бил своевиден свет објект уште во праисторијата и антиката, гробовите вкопани околу карпата, кој заедно со непрепознатливата фреска насликана во вдлабнувањето на западната страна укажува на духовниот и материјалниот живот поврзан со карпата и во средниот век по доаѓањето на христијанството.

За карпата се поврзани многу легенди, според едната Ханибал ги донел слоновите во Прилеп на поклонение на камениот природен монумент како слон по освојувањата на Рим.

Според друга луѓе што имале направено лоши дела доаѓале до слонот, во камарите секогаш полни со вода на миење раце и лице за да се исчистат, а според трета Слонот бил собиралиште на Богомилите…

Повеќе интересни стории погледнете на Водич низ Македонија

На Британците им недостигаат јајца

Велика Британија е соочена со нов проблем со снабдувањето со храна, бидејќи има недостиг од јајца.

Според британските медиуми, поради птичјиот грип и зголемените трошоци за производство дошло до недостиг на јајца.

Супермаркетите веќе се принудени да ја рационализираат продажбата, па ланецот супермаркети „Теско“ во моментов дозволува продажба до три пакувања јајца по клиент.

Слични одлуки веќе донесоа и синџирите „Асда“ и „Лидл“.

Синџирот пабови „JD Wetherspoons“ објави дека во некои гранки од менито се избришани матени јајца.

Имаме проблеми да ја обезбедиме потребната понуда за покривање на побарувачката во сите пабови“, соопштија од компанијата, пренесува Танјуг.

На почетокот на октомври, Здружението на производители на јајца (BFREPA) беше принудено да заколи повеќе од 750.000 кокошки за да го спречи ширењето на групата птици.

Според Министерството за екологија, потврдени се повеќе од 200 случаи на птичји грип, што е најголем бран во Велика Британија.

Минатата година во Велика Британија беа произведени 11,3 милијарди јајца, а 1,4 милијарди требаше да се увезат за да се покрие целосната побарувачка.

Бразилците обвинети дека со дрон го снимиле тренингот на Србија, Пикси одговори

Неодамна во италијанските медиуми се појави информација дека Бразилците го снимале тренингот на Србија со дрон, но српскиот селектор Драган Стојковиќ – Пикси не е премногу потресен од тоа.

Србија и Бразил на Светското првенство во Катар ќе се соочат во четврток од 20.00 часот, а еве го одговорот на Пикси на ваквите информации.

– Не верувам во тие информации. Кои сме ние за да нè гледаат? Тие се фудбалска велесила, ние сме во понизок ранг, новинарите сакаат малку да измислуваат, мислам дека тоа е дезинформација. Но, дури и да испрателе дрон, не знам што би виделе, ништо посебно – изјави Пикси.

Стојковиќ истакна дека го знае тимот со кој ќе го напаѓа Бразил, но не сакаше да го открие тоа, бидејќи тоа би било непрофесионално.

Жална слика од прилепската Стара чаршија, и тоа во 21:00 часот (Фото галерија)

Жална слика од прилепската Стара чаршија и централното градско подрачје. Никаде жива душа, а часот кога се направени фотографиите е 21:00.

Нема дожд, температурите се се’ уште над нулата, а чаршиските сокаци зјаат празни…

Дали Прилеп се празни како град, или економската криза си го зема данокот, па поголем дел од граѓаните и младите веќе немаат можност секоја вечер да излезат и да испијат барем едно кафе?

Aпceње на улица “Браќа Миладиновци” во Прилеп – Полициjaта пронашла бела грутчеста материја во возило

На 22.11.2022 на ул.„Браќа Миладиновци“ во Прилеп, полициски службеници од ОВР Прилеп ги лишиле од cлобода С.Е.(39) и З.Н.(45), двајцата од Прилеп, затоа што при преглед на патничко возило „опел корса“ со прилепски регистарски ознаки, во кое се превезувале, била пронајдена и одземена бела грутчеста материја.

По документирање на случајот пpoтив нив ќе следува соодветен поднесок – информираат од СВР Битола.

Повторно искршени прозорците на бугарскиот клуб „Цар Борис Трети“ во Охрид

Синоќа повторно било оштетено стаклото на бугарскиот клуб „Цар Борис Трети“ во Охрид, потврди за МИА портпаролот на СВР Охрид Стефан Димоски.

Според него, вечерва во 19 часот и 12 минути во СВР Охрид било пријавено оштетување на стакло на канцеларијата на здружението „Цар Борис Трети“, лоцирана на булеварот „Македонски Просветители“ во трговскиот центар Амам во Охрид.

– Полициски екипи при СВР Охрид излегоа на местото на настанот при што е утврдено дека на стаклото од надворешната врата и стаклото од излогот на канцеларијата има две оштетувања направени од оружје, изјави Димоски за МИА.

За настанот бил известен јавен обвинител од ОЈО Охрид, по чии насоки се преземаат мерки за расчистување на настанот.

Пред само два дена со камен беше оштетено стаклото и дел од светлечката реклама на бугарскиот клуб „Цар Борис трети“, кој беше отворен минатиот месец во Охрид.

Ja победија Германија, па наместо да слават Јапонците го чистеа ѓубрето на стадионот во Катар (Фото)

Го направија истото на првиот ден на Светското првенство кога на теренот играа Катар против Еквадор, а и денеска кога приредија сензација победувајќи ја Германија, дел од јапонските навивачи наместо да слават, после натпреварот го чистеа ѓубрето на стадионот.

Ова наиде на големо изненадување кај домашните фанови кои постојано ги прашувале зошто тоа го прават, тие одговорија дека Јапонците не оставаат ѓубре, па макар тоа не било нивно.

Државен празник во Саудиска Арабија поради победата над Аргентина

Саудискиот крал Салман бин Абдулазиз нареди денес, 23 ноември 2022 година, да биде празник за сите вработени во јавниот и приватниот сектор.

Сето ова по повод нивната неверојатна победа над Аргентина на Светското фудбалско првенство во 2022 година во Катар, јави СПА, официјалната новинска агенција на Саудиска Арабија.

Да потсетиме, фудбалерите на Саудиска Арабија ја шокираа Аргентина во 1.коло од групата Ц на Светското првенство во Катар. Азиската репрезентација победи со 2:1 и со тоа ја оствари најголемата победа во својата историја.

Пpoceчната плата скокнала на 32.553 денари, велат од државна статистика

Просечната исплатена нето-плата по вработен, во септември годинава изнесувала 32 553 денари и е за 12,8 отсто повисока од истиот месец лани, покажуваат податоците на Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (19.1 %), Објекти за сместување и сервисни дејности со храна (18.8 %) и Преработувачка индустрија (17.9 %).

Зголемување на просечната месечна исплатена нето-плата по вработен, во однос на претходниот месец, е забележано во секторите: Образование (10.0 %), Административни и помошни услужни дејности (4.0 %) и Преработувачка индустрија (3.7 %).

Паѓаат цените на бензините: Од полноќ нова корекција на цените на гopивата

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,89 % во однос на одлуката од 22.11.2022 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 4,336%, кај дизелот за 2,826%, кај екстра лесното за 2,731% и кај мазутот намалувањето е за 2,066%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,143%.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 2,00 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) и на Мазутот М-1 НС не се менуваат.

Од 24.11.2022 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 86,50 (денари/литар)
Моторен бензин ЕУРОСУПЕР БС – 98 88,50 (денари/литар)
Дизел гориво ЕУРОДИЗЕЛ БС (Д-Е V) 90,00 (денари/литар)
Масло за горење Екстра лесно 1 (ЕЛ-1) 85,50 (денари/литар)
Мазут М-1 НС 43,046 (денари/килограм)