дома блог страница 1393

Во Кичево како да не живеат Македонци: Градоначалникот постави стотици албански знамиња – буквално на секое можно место (Фото)

За одбележувањето на Денот на албанското знаме, градоначалникот на Кичево од ДУИ, Фатмир Дехари, си го украсил целиот град со албански знамиња. Буквално не постои место каде не се вее албанското знаме.

На ова со соопштение и фотографии реагираа од ОК ВМРО-ДПМНЕ Кичево од каде велат:

“Гледаме денес како градоначалникот Дехари го реализира тоа што го најави пред некој ден. Гледаме како го накитил нашиот град со стотици знамиња на туѓа држава по повод празникот на знамето на таа држава.

Господине Дехари ние немаме ништо против тие знамиња и разбираме дека во недостиг на конкретни мерки, стратегија и идеи изминативе 20 год. централна власт и 9 год. локална власт, секогаш вие и вашата партија го користите овај квази патриотизам и национализам за да ја прикриете вашата неспособност и катастрофалното владеење поради кое буквално во нашиот град се случува егзодус.

Господине Дехари овие знамиња не ги хранат и не им овозможуваат подобар живот на младите еманципирани и образовани Албанци кој изминативе години масовно го напуштаат градот.

Господине Дехари овие знамиња нема да го променат страшниот, жалосен и поразителен факт што оваа година на цела територија на општина Кичево се запишаа само 290 првачиња од кои: ? 150 на Македонски наставен јазик и само ? 120 на Албански наставен јазик

Господине Дехари овие знамиња нема да ги спречат младите да си одат од убедливо најзагадениот и најмрачниот град во државава.

Господине Дехари овие знамиња нема да го променат фактот дека живееме во држава во која владее криминал, целосно заробени и нефункционални институции, непотизам и вработување врз роднинска и партиска основа а не врз основа на квалитет и мерит систем.

Господине Дехари овие знамиња сигурно нема да го осветлат магистралниот пат на кој поради тоталниот мрак изминатиов период се имаат случено десетина сообраќајни несреќи.

Господине Дехари овие знамиња нема да ги заштитат граѓаните на Кичево од илјадниците кучиња скитници кој што секојдневно ги напаѓаат.

И на крај господине Дехари сакаме да ви порачаме дека патриотизам во 21 век е решавање на сите овие елементарни работи и овозможување на основни услови за живот и функционирање со кој ќе се спречи егзодусот на младите од Кичево.

П.С. Ако мислите дека не сме во право ве охрабруваме да продолжите вака и следната година не 110 слободно да поставите десетици илјади знамиња па можеби кога некој од нашите сограѓани што веќе избегале од родниот крај ќе ги види на сликите што ќе ги објавите ќе се реши и да се врати во ова наше жално Кичево”.

Вакво нешто ретко се гледа: Macoвна тепачка помеѓу фудбалерите на Зенит и Спартак Москва (Видео)

Додека Светското првенство во Катар е во фокусот на светската фудбалска јавност, во Русија која е под суспензија да учествува на првенствата се играа натпрвари од Купот, а дербито го одиграа Зенит и Спартак Москва.

Натпреварот заврши 0:0, но пред изведувањето на пеналите се случи масовна тепачка помеѓу фудбалерите од двете екипи.

Настана голема гужва, а на теренот дотрчаа и резервните фудбалери. Вакво нешто ретко се гледа на терените низ Европа:

Скопјани им организираат концерт за 25 години постоење на најпознатите прилепски блузери

Eден од најстарите домашни блуз бендови Crossroad Blues Band од Прилеп, на 7. декември со концерт во скопскиот клуб “Маракана”, ќе одбележи 25 години постоење.

Прилепскиот бенд досега има издадено три албуми, а во изминатите година дена настапува во подновен состав, заедно со бек вокалите Викторија Георгиоска и Александра Трајческа.

Бендот го сочинуваат уште фронтменот и гитарист Давид Нешкоски, Бранко Нешкоски гитара, Љупчо Шилоски бас гитара и Зоран Насески тапани.

На концертот кој е во организација на Cotton Blues Festival, ќе настапат и пријателите на прилепските блузери Сашо Гигов-Гиш, Гуру Харе и Петар Ренџов, а влезот ќе биде слободен.

Ковачевски јадеше грав, колбаси и зелка со студенти (Видео)

„Студентите се иднината на оваа држава! Тие секогаш ќе имаат право да го искажат своето мислење, да бидат дел од процесот и да учествуваат во носењето на одлуките кои ги засегаат нив.

Ние сме тука да ги слушнеме нивните ставови, да разговараме со нив и да носиме заеднички политики за подобрување на нивниот стандард!“, напиша премиерот Ковачевски на ФБ.

Кога бакарот е во прашање не се плашат ниту од cтpyeн yдap: Ограбен објект на МЕПСО во битолско Новаци

На 26.11.2022 во 08.57 часот во СВР-Битола било пpиjaвено дека во објект на МЕПСО лоциран во с.Новаци, била извpшена тешка кpaжба при што бил одземена поголема количина кабел.

Извршен бил yвид од yвидна екипа од СВР-Битола. Се работи на расчистување на случајот – информираат од СВР Битола.

Навивам за тој што ќе победи – Хит видео од Светското во Катар

Полска победи со 2:0 против Саудиска Арабија, а победата на Пољаците ја засени овој навивач на трибините чие видео стана вирално преку ноќ на социјалните мрежи.

Погледнете:

Победа прими шест голови – 3+ прво, 3+ второ

По тринеделна пауза, фудбалерите на Победа денеска се вратија на првенствените обврски во Првата фудбалска лига, а во Прилеп гостуваше актуелниот шампион Шкупи.

Иако на првиот натпревар во Скопје, црвено-белите стигнаа до бод, денеска во Прилеп победашите доживеаа вистински дебакл.

Шкупи предводен од прилепчанецот Гоце Седлоски ја понижи Победа со 0:6 (0:3 на полувремето).

Гостите од Скопје стигнаа до висока предност уште во првото полувреме со головите на Хамиди, Трапановски и Јамајканецот Цепхас. Во вториот дел уште три гола во мрежата на прилепчани. Повторно Алжирецот Хамиди прв се запиша во листата на стрелци, па следеа погодоци на Бразилецот Куевен и Костариканецот Фреди Алварез.

Лошо за Победа е и тоа што Скопје кој се наоѓа на последното место на табелата триумфираше над Академија Пандев со 2:1, па сега им се доближи на прилепчани на само 2 бода.

Во наредното коло црвено-белите го пречекуваат Скопје, натпревар кој мора да се победи за да се остане на местата од табелата кои водат во плеј-аут разигрувањето на крајот од сезоната.

После одиграни 14 натпревари, Победа има само три триумфи, два нерешени резултати и дури девет порази, а гол разликата е 11:25.

Ограбена бензиска пyмпа на патот Прилеп-Битола

На 27.11.2022 во 04.14 часот било пријавено дека на патот Прилеп-Битола во бензинска пумпа едно лице со закана од вработениот одзело пари.

Се преземаат мерки за расчистување на случајот – информираат од СВР Битола.

Утре ќе се разбудиме со снег – Ова се деталите од УХМР

Слаб снег наместа ќе провејува утре во утринските часови, но во текот на денот, како и во вторник ќе има преодно стабилизирање на времето. Нов влажен бран со локални врнежи од дожд, а на планините на запад од снег, се очекува во среда и четврток.

Утринските температури ќе се движат од минус 5 до 3 степени, а дневните од 1 до 10 степени, соопшти Управата за хидрометеоролошки работи.

Во Скопје времето утре ќе биде променливо облачно со сончеви периоди и со слаб северен ветер. Утринската температура ќе достигне до 2 степени, а дневната до 7 степени.

Денеска се празнува Св. Апостол Филип, еден од дванаесетте господови апостоли

Родум од Кесарија Палестинска. Беше женет и во бракот му се родија четири ќерки, сите четири со дар на пророкување и сите четири заветувани девици Христови. Кога Светите апостоли избираа ѓакони, тогаш беше избран и Филип, покрај Стефан и останатите.

Тој со голема љубов и внимание им служеше на сиромашните и на вдовиците. Кога настана гонењето на христијаните во Ерусалим, Св. апостол Филип се засолни во Самарија и таму го проповедаше Евангелието и Го сведочеше Бога со многубројни чуда и изгонувања на демони, со исцеленија на болни итн.

Кога ги виде чудата на апостолот, се крсти и прочуениот волх Симон. Св. Филип го крсти и евнухот на царицата Кандакија.

Потоа ангел Божји во истиот миг невидливо го пренесе во Азот, кадешто оттогаш поучуваше и проповедаше и мнозина ги обраќаше кон Христа. Беше поставен за епископ во Тралија. Се упокои мирно во длабока старост.