дома блог страница 1386

Натпревар кој мораше да се добие, но Победа не успеа: Скопје извлече бод во Прилеп

Фудбалерите на Победа попладнево на Градскиот стадион „Гоце Делчев“, го одиграа последниот меч на свој терен оваа есенска полусезона како домаќини на составот на Скопје.

Беше ова дуел на двете последнопласирани екипи на табелата и директна пресметка за прволигашки живот. За црвено-белите свежи се уште беа непријатните сеќавања од првиот меч во Скопје, кој несреќно го загубија, иако заслужија да останат непоразени.

Едноставно за победашите на овој меч немаа избор и мораа да победат, но натпреварот заврши со најнепопуларниот резултат 0:0.

Се играше пред малку публика и со големо присуство на полицијата, а црвено-белите не успеаја да го срушат фенерџијата на табелата и да му се одлепат на 5 бода.

Сега ситуацијата на табелата останува непроменета. Скопје е последен со 10 бода, пред Победа и Академија Пандев со по 12.

Во следното коло Победа има тешко гостување кај Брегалница во Штип.

Османи: Наредните години ќе расчистиме со кopyпцијата

Наредните години се години на расчистување конечно со корупцијата на сите можни нивоа. Не се амбицирам, затоа што нема општество исчистено во целост од ова зло. Но, Северна Македонија мора и тој дел да го помине за навистина да биде пример држава не само во регионот, туку и пошироко. Сега ни е шансата за тоа, сега ни е фокусот таму, сега и нашите пријатели се фокусирани во тој дел, ајде да се здружиме сите и да кажеме стоп на корупцијата.

Ова е повикот од министерот за надворешни работи Бујар Османи од денешниот брифинг со новинарите, кои прашуваа на повеќе теми, но главно во фокусот беа прашањата за борбата против корупцијата.

– Наредните години, ќе бидат години на антикорупциска политка за државата станува уникатен модел. Тоа што го созддадовме во делот на мултиетничката демократија, како култура на односи, на дијалог, на решавање на конфликти и прашања, создадовме сериозен модел на оваа држава во регионот. Уште ни треба да имеме сериозна демократија и сериозни институции во борбата против корупцијата и ние ќе бидеме така што треба да бидеме, како што очекуваат нашите пријатели и како што очекуваат нашите граѓани, рече Османи.

Според шефот на дипломатијата, државата ги реши егзистенцијалните прашања, внатрешно се консолидираше во однос на функционална мултиетничка демократија и меѓуетнички односи, си ги среди односите со соседите, рече тој, се етаблирараше меѓународно. Ова е, нагласи Османи, позитивен развој на државта и општеството, кога останатите прашања веќе се решени,

– Ова е заедничка определба помеѓу нас и САД за засилена антикорупциска борба. Државата и ние апсолутно ги поддржуваме тие ставови на САД и очекуваме сериозна поддршка. Еден од мотивите за почнување на стратешкито дијалог со САД беше нивно вклучување во атикорпциските полтики и овде. Сега веќе имаме два големи инструменти за следење на антикорупциските политики. Еден е скринингот и преговорите со ЕУ и САД преку стратешкиот дијалог и нивните инструменти, дали се тоа механизмите на внесување во црни листи или други јавни именувања или други начини на поддршка, појаснуваше министерот Османи.

На новинарско прашање каква конкретна помош очекуваат од САД во борбата против корупцијата, Османи повтори дека во рамки на стратешкиот дијалог САД досега дале 4,2 милиони евра само за поддршка антикорупциските политики. Очекуваат поддршка и во обука, но и искористување на конкретните механизми што ги имаат на располагање САД.

– Република Северна Македонија има сериозен проблем со корупцијата на сите нивоа, не само на политичко. На сите можни нивоа, во сите можни општествени сектори каде граѓаните бараат услуги од државата на било кое ниво. Овој фокус што го ставаме заеднички со нашите партнери САД и со ЕУ, е и резултат што големите прашања ги надминавме, кои не дефокусираа од оваа политика на борба против корупцијата, дециден е министерот за надворешни работи Бујар Османи.

Hapко – бандите од Арачиново ќе бидат yaпceни кога ќе дојдеме на влacт, вели Мицкоски

Уште од првиот ден по промената на власта и преземањето на раководењето на институциите, вклучително и на МВР, од страна на ВМРО-ДПМНЕ, овие лица и нарко банди од Арачиново, кои сите ги знааат, ќе бидат изведени пред лицето на правдата и ќе одговараат, изјави денеска лидерот на ВМРО-ДПМНЕ Христијан Мицкоски како коментар на вчерашниот демант од МВР според кој во Арачиново немало случај на закани кон полицијата од страна на вооружени лица. Мицкоски повтори дека во партијата ги знаат тие „локални шерифи“.

„Точно знаеме кои се криминалците од Арачиниво кои пред неколку дена нападнаа и избркаа полицајци кои си ги извршуваа работните активности и ќе оставиме на институциите да си ја завршат својата работа, а првиот ден кога ние ќе ги превземеме институциите ќе видите точно за кои луѓе станува збор и тие луѓе ќе бидат изведени пред лицето на правдата. Еве, јас ветувам, држете ме за збор. Точно знаеме кои се луѓето, кои возила ги возат, како изгледаат, со што се занимаваат, каде се движат и што прават. Првиот ден кога ВМРО-ДПМНЕ ќе ги превземе институциите и ќе го превземе Министерството за внатрешни работи, еве ви ветувам дека тие луѓе, лично, пред вас ќе бидат изведени и пред лицето на правдата”, истакна Мицкоски.

Синоќа апceње во два угостителски објекти во Битола: Пpoнajдена дpoга кај тројца битолчани

Изводоци од полицискиот билтен на МВР

-Денеска (04.12.2022) во 02.35 часот во угостителски објект на Градското шеталиште во Битола, полициски службеници од СВР Битола ги лишиле од слобода Е.А.(35) и С.Р.(47), двајцата од Битола, затоа што кај нив била пронајдена и одземена бела прашкаста материја. По документирање на случајот против нив ќе биде поднесен соодветен поднесок.

-Денеска (04.12.2022) во 02.15 во угостителски објект на ул.„Партизанска“ во Битола, полициски службеници од СВР Битола го лишиле од слобода Д.Т.(25) од Битола, затоа што кај него била пронајдена и одземена бела прашкаста материја. По документирање на случајот против него ќе биде поднесен соодветен поднесок.

“Eкспрес.мк”: Aлијанса добива 3 министри, 2 заменици и 25 директори – еве во кои ресори

Алијанса за Албанците која срамежливо преговара за влез во владата добива челни позиции во три владини ресори, министерствата за правда, животна средина и здравство, тврдат партиски извори – објави “Експрес.мк”

Дополнително Таравари треба да добие и двајца заменици министри за транспорт и врски, и за култура.

Во игра се и 25 директорски места во разни државни Управи и агенции, меѓу кои:
МЕПСО, ПИОМ, АД Железници, Управа за матични книги, Агенција за странски инвестиции, директор на Инфективна клиника, директор на клиниката за офтамологија, директор на Управата за заштита на културното наследство, Државниот санитарен и здравствен инспекторат, како и директор на Државниот просветен инспекторат, директор на Агенција за млади и спорт, директор на Македонски шуми и други. Во дипломатијата на Алијанса И се нудат две амбасадорски места, од кои едното испразнетото место е Берлин.

Во институциите што би ги раководела и во други Алијанса ќе може да вработи стотици свои партиски членови.

Се преговара и за одредена позиција што Алијанса би ја добила и во МВР, како некое место на помошник министер и началник на некој сектор во вториот ешалон, тврдат добро информирани партиски извори.

Влезот на АА треба да се случи по конгресот закажан за 17 декември кога Таравари сака да расчисти со противниците за влез во владата кои тврдат дека партијата не смее да стане привезок на ДУИ.

Извор: “Експрес.мк”

Meга баскет гази во мега стил: Ниту битолчани не беа моќни пред разиграните прилепчани

Прилепчани вчера го запишаа и седмиот триумф од исто толку одиграни натпревари. На гостувањето кај Хераклеа во Битола, Мега баскет триумфираше со 72:77 и го забетонираа лидерството на табелата со максимални 14 освоени бода.

Mладата екипа на Мега баскет имаше и поголемо водство од крајниот резултат во текот на натпреварот.

Во наредното, а воедно и последно есенско коло, прилепчани, во спортската сала на ООУ “Добре Јованоски”, ќе го дочекаат тимот на Љуботен.

Прилепските гимназијалци се обучуваа за да давање прва помош (Фото)

На 25.11.2022 година во спортската сала на прилепската Гимназија “Мирче Aцeв” се одржа обука за прва помош за учениците од прва до четврта година.

Обуката ја организираше Црвениот крст а учениците внимателно следеа и имаа можност да пробаат практично да го спроведат наученото.

Баба Доста од Кичево е добитник на рекордната 7ка на Лото: Стечаен работник која се гордее со своето семејство

Со голема радост споделуваме дека во овие моменти сме домаќини на добитничката на најновата 7-ка на ЛОТО 7, којашто беше постигната во 95 коло, со вредност од 32 921 304, комбинација уплатена во продажното место „Детелинка“ – Кичево – напишаа од Државна лотарија на Македонија на ФБ.

Доста Андоноска од Кичево, којашто блиските и пријателите ја нарекуваат Доли е прекрасна енергична жена, стечаен работник од „Кичево Пром“, денес пензионерка, сопруга, мајка и баба.

-Нашата добитничка дојде во просториите на Државна лотарија со електронската потврда од уплатата на нејзините среќни броеви. Добивката е потврдена, Доста е нашата 27-ма лото милионерка. Потоа е остварена средба и со генералниот директор на Државна лотарија во срдечен разговор, при што дознавме дека таа игра повеќе од 45 години, и неуморно верува во среќата. Последните години ги игра истите 4 комбинации, а еднинствено ја менува 5-тата, токму таа којашто ѝ ја донесе 7-ката – пишуваат од Државна лотарија.

-Во следни текстови ќе пренесеме повеќе од разговорт со неа, засега со радост ви откриваме дека таа најмногу се гордее со своето семејство и се радува што сега нејзината верба во среќата ќе им помогне во остварување на желбите и плановите во понатамошниот живот. На сите им порачува дека за да добиете, мора да сте полни со верба во среќата и со чувство дека ќе добиете. Таа чувствувала дека еден ден ќе добие 7-ка и низ годините учествувала во сите различни видови лото игри. Ете, нејзината верба се обистини токму со ЛОТО 7 на Државна лотарија. Возбудени и среќни, честитаме на нашиот нов член во семејството на лото милионерите – велат од Државна лотарија на Македонија.

Утре е голем празник: Жените кои се без пopoд треба да го направат ова, а притоа од cpце да се помолат

На 4 декември се празнува Воведение на Пресвета Богородица.

Народот овој празник го нарекува Пречиста, што одлично ја доловува неговата смисла. Тоа е празник на воведувањето на пресветата девојка Марија во Ерусалимскиот храм.

Првосвештеникот Захарија ја воведе не само во храмот, туку и во Светињата над светињите, т.е. во најсветото, најчистото место на храмот, каде што никој никогаш не влегуваше, освен првосвештеникот, и тоа само еднаш во годината.

Така, Бог преку света Захарија, кој беше надвор од себе и обземен од Бога, ја прослави умната и телесна чистота на Марија, која подоцна стана врата на спасението, т.е. го прими во себе, го носеше и го роди Синот Божји, истовремено и Син Човечки, Христос. Најчистиот се роди од најчистата утроба. Затоа и празникот е Пречиста.

На овој ден особено е важна чудотворната литиска икона од манастирот Света Богородица Пречиста-Кичевска.

Оваа икона има интересна историја бидејќи претставува еден од ретките примери во нашата средновековна уметност на кој се преземени подоцнежни зографски интервенции, но стариот иконопис е зачуван и само делумно обновен и досликан. Таа интервенција ја има направено големиот иконописец Дичо Зограф.

Ова е накратко нејзината историја:

– 1642 год. – иконата е иконописана од засега непознат иконописец. Таа е двострана – на едната страна е Св. Богородица со дете а од другата Исус Христос. Сликана е во два слоја.

– 1868 год. – Дичо Зограф ја реставрира и ја пресликува зашто била доста оштетена. Ја слика според стариот урнек како што самиот запишал под неа.

– Според народното предание оваа икона прелетала од испустениот Кнежински манастир „Св. Ѓорѓи“ и застанала на дрвото над светата вода кај старата црква на манастирот „Пречиста Кичевска“.

– По обновата на црквата во 1848 год. кога и изворот е обграден во самиот манастир на северозападниот дел од храмот, иконата е поставена на еден камен проскинитар до самиот извор.

– Чудесната моќ на оваа икона е пренесена преку чудотворните солзи кои се толкувале како одраз на љубовта на Богородица кон грешниот човечки род. Богородица е помошничка на сите верници и нивна застапничка, која лечи духовни и телесни болки.

– Деловите на иконата околу рацете и ореолот на Св. Богородица, се опковани во сребро и токму тие со векови на верниците Македонци и други православни од Кичевско, им служеле како своевидно поштенско сандаче за пораки до „другата“ и возвишена страна. Имено токму под раката и ореолот т.е опкованите со сребро делови, во испакнатините, верниците ставале пишани пораки со молитви и желби до Св. Богородица.

Верувањата се дека на овој ден жените без пород треба да појдат во манастир посветен на Богородица, а оние кои имаат деца да оставаат дар на иконата на Дева Марија. Најважно е од срце да се помолите!

(Видео) Фудбалскиот свет на нозе: Имаше ли измама на Светското првенство?

Користеше ли една од репрезантиациите измама за да стигне до целта на натпревар од Светското првенство?

Големо внимание предизвика едно видео од последното коло од групната фаза меѓу Австралија и Данска, а на него Австралијанците беа фатени „на дело“.

Ништо “нелегално”, ништо спротивно на правилата, меѓутоа, доколку се точни изјавите на странските медиуми, “Сокеросите” од клупата, испратија порака до данските играчи, а потоа истата ја искористија во своја полза.

При резултат 1:0 за Австралија, Данска направи измени за да се обиде да се врати во мечот и да направи пресврт за пласман во нокаут фазата.

Во 69. минута наместо Јоаким Меле во игра влезе Андреас Корнелиус.

Корнелиус доби лист со инструкции, кој му го однел на капитенот Кристијан Ериксен при влегувањето на теренот. Тој наводно му го предал на Пјер-Емил Хојбјерг.

Набрзо листот заврши на теренот и го пронајде австралискиот напаѓач Мичел Дјук, кој го подигна и потоа го однел кај своите тренери.

Посебно е интересно што во стручниот штаб на Австралија работи Ендрју Кларк, кој работи и во Копенхаген, Данска. Тој е човекот кој им ја прочита пораката на фудбалерите.

После тоа, Австралија брзо реагираше. Тие направија измена веќе во 74. минута и тактички измени. До крајот на мечот, без поголеми проблеми, ја задржаа победата и пласманот во следната фаза.