дома блог страница 1373

Откако Монт Еверест порасна за 20 километри, Албанија појде на исток, а Бугарија на запад од Македонија (Фото)

Во новиот учебник во Историја за петто одделение забележани се многу грешки. Според него највисокиот светски врв Монт Еверест е висок 29.305 метри, а Македонија на исток се граничи со Албанија, додека на запад со Бугарија?!

Откако синоќа на социјалните мрежи се појавија неколку лапсуси со кардинални грешки во новиот учебник по Историја и општество за петто одделение, како на ппимер, дека највисокиот врв на светот Монт Еверест е висок 29 305 метри, наместо реалните 8 849 метри, денеска на повидок е нова географска грешка во истиот учебник.

Во Тема 2 – „Населението и континентите“, во делот каде што се опишуваат географските карактеристики на Македонија, наведено е дека земјава на исток се граничи со Република Албанија, а на запад со Република Бугарија

Станува збор за новиот учебник по Историја и општество, чии автори се Анита Ангеловска и Гликерија Илиоска, а издавач е МОН.

Во истиот овој учебник, на учениците им се нуди информација дека највисокиот врв на светот, Монт Еверест на Хималаите, е висок 29 305 метри.

Падна cлyчajoт „Таргет и Тврдина“: Апелациja ја yкина пpecyдата

Апелациониот суд денеска информираше дека ја укинале првостепената пресуда за случајот со масовното незаконско прислушување во УБК, односно случајот „Трагет и Тврдина“.

– Апелациониот суд Скопје при разгледување на првостепената пресуда констатираше дека првостепениот суд при постапувањето по овој предмет сторил суштествени повреди на одредбите од Законот за кривичната постапка кои се од апсолутен карактер, а на кои овој суд внимава по службена должност, со што се доведе во прашање фактичката состојба и правилната примена на Кривичниот законик, се вели во соопштението од Апелациониот суд Скопје.

Апелациониот суд Скопје известува дека, постапувајќи по кривичниот предмет во јавноста познат како „Таргет- Тврдина“ , по одржана јавна седница, донесе решение со кое ги уважи жалбите на обвинетите Г.Г од С., Т.Ј од О., Г.Ј. од С., Н.Б. од С., С.М. од С., Н.Н. од С. и В.В. од В., изјавени преку нивните бранители и по повод жалбите и по службена должност ја укина првостепената пресуда и предметот го врати пред Основниот кривичен суд Скопје на повторно постапување и одлучување, а жалбата на Основното јавно обвинителство за гонење на организиран криминал и корупција е беспредметна.

Основниот кривичен суд Скопје на 26 февруари 2021 година за случајот „Таргет-Тврдина“, кој се однесува за масовното прислушување и уништување на опремата од УБК, изрече казна затвор од 55 години и 10 години условни казни, односно вкупно 65 години за 11 лица.

На поранешниот директор на УБК Сашо Мијалков Судот му изрече казна затвор од 12 години за кривично дело „злосторничко здружување“, „злоупотреба на службената положба и овластување“ и „примање награда за противзаконито влијание“.

aus der Maschinenwerkstatt..

фотографија – Шлакески маринко

„Од животот на мојот сосед“ (2000) – Маринко Шлакески (извадок)

(соседот седи качен на шифоњерот одозгора, лежерно ги ниша нозете; жената седи на каучот, нозете и се качени на маса, гледа во телевизорот)

СОСЕДОТ: Уште неколку недели и јас сум здрав. Така рече докторот, знаеш?

ЖЕНАТА НА СОСЕДОТ: Нема ти да бидеш здрав уште долго време, душо моја. Ако ти вели докторот. Слушај ЈАС што ти кажувам.

СОСЕДОТ: Како, па нели минатиот пат кога се јави рече дека…

ЖЕНАТА НА СОСЕДОТ: Ништо од тоа. (станува од каучот и шета наоколу собата) Знаеш ли драги дека од сите часовници во градот само нашиот часовник не се помрднува од место? Го навивам секоја вечер пред спиење. Секоја вечер и никако да мрдне. Ни големата, ни малата сказалка. А работи! Часовникот работи, но сказалките никако не се помрднуваат. Од сите нормални куќи во градот единствено нашиот часовник не се помрднува од место. Секогаш стои на исто место. Седум минути до еден. Па ние не сме ниту до еден стасани. Кај сите други соседи часовниците работат. Некои малку понапред, некои нешто заостануваат, но работат. Покажуваат два, три, пет, седум и петнаесет, девет… Единствено нашиот семеен часовник не сака ниту до еден да дојде. Ете затоа ти нема брзо да оздравиш.

СОСЕДОТ: (слегува од шифоњерот) Часовникот, а? (го гледа заканувачки часовникот, оди кон него и почнува да го дави) Сега јас ќе му ја ебам мајката. (го треси) Не мрдаш, а? Не мрдаш? Сега ќе видиш. (го удира силно од земја) На, да видиш, мамето твое. (гледа во часовникот некое време, задоволен). Сега ќе работи. Наутро кога ќе се разбудиш сказалките ќе бидат охохо, онаму појдени.

ЖЕНАТА НА СОСЕДОТ: Нема да работи. И сказалките нема да бидат охохо онаму појдени.

СОСЕДОТ: Како, “нема да работи”?

ЖЕНАТА НА СОСЕДОТ: Така, нема да работи. Не е до него.

СОСЕДОТ: Не е до него. А до кого е?

ЖЕНАТА НА СОСЕДОТ: Не знам. Не сум сигурна. Но се нешто ми се чини оти црвот нешто му прави. Неколку пати го имам видено како се врти околу него. Еднаш го прашав што прави, рече оти му менувал некоја пружина, некој федер… Стари биле деловите.

СОСЕДОТ: Стари биле деловите, а? Ќе го избркам црвот. Ќе му ја ебам мајката. Ќе го избркам и часовникотот ќе почне да работи пак. Тик, так, тик, так…

ЖЕНАТА НА СОСЕДОТ: Не смееш.

СОСЕДОТ: Не смеам што?

ЖЕНАТА НА СОСЕДОТ: Да го избркаш црвот.

СОСЕДОТ: Зошто не смеам?

ЖЕНАТА НА СОСЕДОТ: Има имунитет. Црвот има имунитет, се сеќаваш?

СОСЕДОТ: Имунитет, а?

ЖЕНАТА: Да. Дипломатски. Црвот има дипломатски имунитет.

СОСЕДОТ: Црв со дипломатски имунитет. Па ова само кај нас го има. И што сега?

ЖЕНАТА НА СОСЕДОТ: Ништо. Ќе чекаме.

СОСЕДОТ: Па ние само чекаме. Ништо друго и не правиме. Всушност и докторот така вели. Треба само да се чека. (по извесно време, решително) Заеби го докторот! Нема чекање. Чекаше дедо ми, чекаше татко ми, чекам јас… Чекаме сите и што? Часовникот пак не работи! (покажува кон часовникот) Утре го бркаме и точка. (решително) Утре! (влегува во шифоњерот и ја затвора вратата)

Истражување на ИПИС: ВМРО-ДПМНЕ ќе добие 19,7%, СДСМ 12,9%, а Д У И 6% доколку сега би имало парламентарни избори

Институтот за Политички Истражувања од Скопје (ИПИС) спроведе кратко телефонско истражување во периодот помеѓу 11 и 14 декември 2022 на 1.117 полнолетни испитаници на ниво на Република Македонија.

Заради запазување на релевантноста и непристрасноста на истражувањето, беше креиран непристрасен и објективен прашалник врз база на кој подоцна беше спроведена анкетата.

Истражувањето беше реализирано со користење на случаен примерок кој беше стратификуван за да се запази репрезентативноста на населението во Република Македонија. Во него беа запазени демографските специфики на населението како полова структура, старосни групи, степен на образование и етничка припадност, со соодветна поделба на испитаниците според местото на живеење и изборната единица, со тоа што Скопје беше земено како посебна целина заради своите посебности.

Истражувањето е спроведено за потребите на ИПИС со цел да се анализираат рејтинзите на партиите. Анкетата е финансирана од сопствени средства на ИПИС.

Во прилог се резултатите од истражувањето:

Целото истражување погледнете го ТУКА

Ете ти проблеми: Претеник се пожали дека со 1.000 евра плата не можел “да врзи први со први” (Видео)

Граѓаните со просечни месечни примања најдобро знаат дека е тешко да се истурка месецот, со оглед на високите цени предизвикани од економската и енергетската криза, но кога ќе се пожали и пратеник со плата од 1 000 евра, тогаш…

Пратеникот Мартин Костовски од СДСМ се жали дека со плата од 1000 евра „не може први со први да врзе“.

Видеото со неговата изјава го сподели еден твитерџија:

Вработен во обложувалница на пријател му дал 650.000ден од прометот за да игра на апарати

На 15.12.2022 во Полициската станица Центар бил извршен службен разговор со М.С.(24) од Скопје.

Тој се сомничи дека во обложувалница на ул.„Народен фронт“, каде што е вработен, се послужил со пари кои што му биле доверени и му ги дал на лицето З.К. од Скопје.

Во разговорот тој го признал делото и дека во повеќе наврати му дал вкупно 650.000 денари да ги користи за игра на апаратите во обложувалницата.

За случајот бил известен Јавен обвинител и по негово целосно документирање против него ќе биде поднесена соодветна пријава.

Прилеп подготвен за чествувањето на градскиот патрон Св. Никола

Прилеп е подготвен за прослава на големиот христијански празник Свети Никола, патрон празник и заштитник на градот

По тој повод градоначалник на Општина Прилеп, Борче Јовчески ги поканува сите граѓани да присуствуваат на чествувањето на патрониот празник, кој се одржува во центарот на градот, пред параклисот Св. Никола, изграден во чест на патронот.

„Св. Никола е заштитник на градот и наш голем христијански празник. По тој повод на 19 декември, в понеделник, во центарот на градот, пред параклисот Св.Никола, во 12.00 часот, ги поканувам сите мои сограѓани да присуствуваат на чествувањето на градската слава и да бидат дел од одбележувањето на патронот на градот.“
Чествувањето на градската слава (19.12.2022 година) ќе започне во 08.00 часот со свечена божествена литургија во

Црквата Св. Благовештение со која ќе чиноначалствува митрополитот Преспанско-Пелагониски, г.Петар, а во 12:00 часот пред Параклисот на Св. Никола, во центарот на градот, ќе следи водоосветување и прережување на празничниот колач.

Домаќини на годинашната градска слава се сопствениците на компанијата „Теракота Инижинеринг“ кои за посетителите ќе имаат подготвено посна трпеза, со традиционалните светиниколски сарми, грав и пијалоци.

Св.Никола е прогласен за патрон на Прилеп пред 17 години. А, Прилеп и Македонија во 2008 година влегоа во Гинис, со најголемата порција светиниколски сарми, сите со големина на лешник.

– Дополнително известување: В сабота на 17.12.2022 во 10:00ч градоначалникот ќе го посети спомен-домот на Блаже Конески во Небрегово заедно со делегација од Музејот во Прилеп, по повод 101 година од раѓањето на Блаже Конески.

– В недела на 18.12.2022 ќе присуствува на традиционалното одбележување на празникот св. Никола во населбата Жабино Маало во 12:00 часот.

Континуитет од 22 години: Во Битола се одржа најновото издание на детскиот фестивал “ТРА ЛА ЛА” (Фото галерија)

Во големата сала во Центарот за култура во Битола се одржа 22. издание на детскиот музички фестивал “ТРА ЛА ЛА Битола“.

-На годинашното издание настапија 12 учесници со новокомпонирани детски композиции кои оставија повеќе од прекрасен впечаток, како што доликува на манифестација која постои 22 години во континуитет и која го носи приматот за најдобра детска манифестација во нашиот град и целата држава, ни рече по завршување на фестивалот, директор на фестивалот е Тони Алексовски од име на организаторот “Асоцијација за уметност Алексовски“ од Битола.

Треба да се спомене и тоа дека за сценографијата се погрижи Валентин Светозарев, за аудио – визулените ефекти “Малче саунд продакшн“, светло Никола Ѓоргиевски, а водител беше Елена Захариевска.

Фестивалот “ТРА ЛА ЛА“ е дел од програмата на советот на општина Битола.

A сите се грижите како ќе се надоместеле изгубените часови – А што паметно ќе научат учениците од вакви учебници?

Бројни апсурдни и нелогични грешки содржи новиот учебник по Историја и општество од кој учат петооделенците во основните училишта во Македонија. Примерите на грешките се шират по социјалните мрежи на кои граѓаните укажуваат дека грешките треба што побрзо да се исправат.

Така, во овој учебник, кој Министерството за образование го издало на 3 ноември а претходно бил одобрен од Национална комисија за учебници, може да се најдат целосно погрешни податоци. Во него, на пример, е наведено дека највисокиот врв на светот, Монт Еверест на Хималаите, е висок 29.305 метри, а дека Мртвото море се наоѓа на цели 1.400 метри под нивото на земјата!? Во учебникот, кој деновиве се дистрибуираше до учениците, се „открива“ и дека источен сосед на Република Северна Македонија е Албанија, а западен сосед е Бугарија…

Вака изнесените податоци се целосно невистинити. Во коментарите на граѓаните се наведува дека најверојатно се работи за технички грешки но кои се недозволиви.

-Монт Еверест навистина е висок 29.305, ама не метри, туку стапки. Онојкој преведувал и кој го уредувал изданието не виделе дека станува збор за друга мерна единица – стапка. Ако стапките се претворат во метри, се добива точно 8.849 метри. Најниската точка во Мртвото Море е 427 метри под нула надморска височина, се укажува во коментарите.

Автори на учебникот се Анита Ангеловска и Гликерија Илиоска, има дури тројца рецензенти, Беса Хавзиу – Исламили, Анета Соклевска и Виолета Шурбановска, а стручна реакција и уредник е Орданка Мицкова. Од надлежните органи, од Министерството за образование и од Национална комисија за учебници денеска не се јавија со коментар за тоа за какви грешки станува збор.

Дупки и кал со години, а сега нов асфалт: Во општина Долнени се асфалтира патниот правец Костинци-Долгаец-Маргари (Видео)

Во општина Долнени асфалтирана половина траса од патниот правец КОСТИНЦИ-ДОЛГАЕЦ-МАРГАРИ.

-Овој локален пат беше комплетно запоставен со години и години, со огромни дупки на коловозот. Движењето за автомобилите беше крајно отежнато. Така што, општина Долнени започна со негова рехабилитација. На почеток, се тампонираше целата должина на патот, а потоа и се асфалтираше во вкупната должина од 2,75 км – се вели во соопштението од општина Долнени.

Од таму додаваат дека патот ќе биде комлетно асфалтиран кога ќе се обезбедат преостанатите средства од страна на Влада на РСМ.

-Со оваa инвестиција се подобрија условите за жителите од трите населени места, а се обезбеди и посигурен сообраќај и транспорт на лица и стоки. Но, не само на трите гореспоменати населени места, туку и пошироко во околината, и тоа: Црнилиште, Зрзе и др, бидејќи и жителите на овие населени места го користат овој пат. Оваа инвестиција претставува уште една можност плус за зголемување на бројот на лица кои се враќаат од Скопје во овој регион, како пензионерите, така и граѓани кои сакаат да инвестираат и да започнат сопствен бизнис со земјоделство или сточарство. Општина Долнени продолжува со инвестиции за подобар квалитет за живот за сите нејзини граѓани, без разлика на нивната етничка, верска, политичка или социјална припадност – велат од оваа пелагониска општина.