дома блог страница 1371

Зеленски навреден од ФИФА: “Не ми дозволија да се обратам пред почетокот на финалето”

ФИФА не му дозволи на украинскиот претседател Володимир Зеленски преку видео-порака да се обрати пред денешното финале на Светското првенство во фудбал во Катар. Неговата администрација ја критикуваше ФИФА дека одбила да покаже видео порака од претседателот на стадионот Лусаил.

Видеото, кое е снимено на англиски, имало за цел да биде „повик за мир“, се вели во писмената изјава за Си-Ен-Ен во саботата од претседателскиот кабинет на Украина.

„Катар ја поддржа иницијативата на претседателот, но ФИФА ја блокираше иницијативата и нема да дозволи видео-обраќањето на претседателот да биде прикажано пред финалниот натпревар“, се вели во соопштението.

Претседателската канцеларија на Украина, исто така, соопшти дека сама ќе ја објави видео-адресата доколку ФИФА не ја емитува, и рече дека нивната одлука да го блокираат ќе покаже дека „ФИФА го изгубила своето драгоцено разбирање за фудбалот – како игра што ги обединува нациите, наместо поддршка на постоечките поделби“.

Светското раководно тело на фудбалот ФИФА направи се за да ги задржи политичките пораки надвор од својот репрезентативен турнир во Катар, првата земја од Блискиот Исток која некогаш била домаќин на настанот, пренесува SPORTM.mk

Во снимката испратена до Си-Ен-Ен, Зеленски вели дека фудбалот треба да го обедини светот и повикува на „Светско првенство, но не и светска вojна“.

„Ова Светско првенство уште еднаш докажа дека различни земји и националности можат да одлучат кој е најсилен во фер играта, но не во играта со оган, на зелениот терен, не на црвеното бојно поле“, вели претседателот на Украина во видеото.

Украинскиот претседателски кабинет изјави за Си-Ен-Ен дека била информирана дека ФИФА ја сметала пораката премногу политичка и соопшти дека во петокот испратила копија од текстот на обраќањето до седиштето на ФИФА во Швајцарија.

„Нема ништо политичко во обраќањето на претседателот што му дава политичка боја на спортскиот настан, имено нема субјективни оценки, политички сигнали и уште повеќе нема обвинувања“, соопштија од претседателскиот кабинет, додавајќи дека „се уште има време ФИФА да исправете ја грешката“.

„ФИФА не треба да се плаши дека ќе се слушнат зборови за мир на светскиот фудбалски празник, кој е олицетворение на мирот“, рече Зеленски во изјавата.

(ВИДЕО) Се’ е подготвено за судирот на титаните: Eве како изгледаат соблекувалните на Аргентина и Франција пред финалето

Прекрасниот стадион „Лусаил“ оддалечен 35 километри од катарската престолнина Доха попладнево од 16 часот ќе биде домаќин на финалето на Мундијалот 2022 во кое аргентинскиот капитен Лионел Меси има последна можност да го освои единствениот трофеј кој му недостасува во богатата кариера, додека Франција, од друга страна, ќе се обиде да стане само третата репрезентација на која ѝ успеало да ја одбрани светската титула, по Италија и Бразил.

Едно е сигурно – Франција или Аргентина по трет пат ќе стане светски првак

Аргентина го игра шестото мундијалско финале, а на трофејот чека од 1986 година, кога Гаучосите предводени од Диего Марадона триумфираа на завршниот турнир во Мексико.

Меси, покрај шансата да ја освои светската титула, ќе стане фудбалер со најмногу настапи на светските првенства во историјата (26).

Од друга страна, Франција, предводена од Килијан Мбапе, го игра своето четврто финале на светските првенства, а трето во 21 век.

Со триумф на Франција, 23-годишниот Мбапе може да стане само вториот играч во историјата кој освоил двете светски титули пред да наполни 24 години, по легендарниот Бразилец Пеле.

Финалето е со почеток во 16 часот, а главен судија ќе биде Симон Марчинјак од Полска.

Во малото финале вчера Хрватска го совлада Мароко со 2-1.

Германското МНР ги предупpeдyва своите граѓани: Бидете претпазливи ако патувате во Македонија

Министерството за надворешни работи во Берлин ги предупредува германските граѓани да бидат будни и претпазливи при патување во Северна Македонија поради заканите со бомби, пренесува „Дојче веле“.

На граѓаните, како што се наведува, им се препорачува да се информираат од доверливи локални и социјални медиуми во врска со актуелната ситуација и да ги следат препораките на локалните власти и безбедносни сили.

-Закани со бомби против јавни институции и објекти во последно време се регистрирани во главниот град Скопје. Тие првично беа насочени кон училишта и владини објекти, но во меѓувреме се погодени и хотели и други невладини установи. Последно, беше неопходна евакуација на меѓународниот аеродром во Скопје каде сообраќајот мораше да биде привремено запрен, се наведува во информацијата од германското МНР.

Министерот за надворешни работи Бујар Османи вчера информираше дека за дојавите за бомби се информирани НАТО партнерите, потенцирајќи дека вакви закани се случуваат и во регионот.

Ни доаѓа Св. Никола: Половина Прилеп слави, половина оди на слава

Свети Никола е голем македонски празник, а како слава го има речиси секое второ православно семејство. Трпезата е посна, а Свети Никола меѓу другото, се смета за заштитник на морињата.

Празникот Свети Никола, кој на 19 Декември го слават православните христијани во Македонија, заедно со Свети Димитрија (Митровден) и Пресвета Богородица, се трите најмасовни домашни слави што се прославуваат во Македонија.

Сепак, Свети Никола е еден од празниците што македонските православни верници најмногу го слават како домашна слава или, пак, како именден. Речиси секое второ семејство овој ден го празнува како слава. Свети Никола е најпразнуваниот светец и многу македонски семејства вечерта ќе го прослават празникот со богата посна трпеза, на која преовладуваат риба, посно гравче и посни сарми.

Во Македонија и во светот има безброј цркви, манастири, икони и фрески посветени на овој светец. Овој светец имал многу возбудлива животна приказна, која со векови ги фасцинира христијаните.

Роден во малоазискиот град Патара, пристаниште на медитеранскиот брег на денешна Турција, свети Никола живеел во 4 век, многу пред расколот помеѓу Православната и Католичката црква од 1054 година.

Неговите богати родители Теофан и Нина, го добиле синот Никола во време на владеењето на римскиот цар Валеријан (253 – 260 година), алчен човек што поради страста за златото организирал воен поход на Персиското Царство. Младиот Никола растел во такво нестабилно опкружување.

Кога неговите родители умреле во големата епидемија, Никола го разделил целото наследено богатство. Никола е избран за архиепископ мирликиски. Бил и еден од архиепископите што се повикани пред царот Константин на саборот во Никеја во 325 година.

Свети Никола умрел на 19 декември 343 година. Погребан е во соборната црква „Мирликиска митрополија“, а кон крајот на 11 век неговите мошти се пренесени во Бари, во манастирот „Свети Јован Претеча“.

Христијаните веруваат дека Свети Никола Чудотворец на многу пати ги спасувал изгубените бродови и поради тоа тој е заштитник на морепловците, рибарите, бродовите. Во христијанскиот календар, свети Никола се слави на 6 декември според стариот Јулијански календар т.е. на 19 декември, според новиот Грегоријански календар.

И во прозните народни умотворби еднаш се раскажува како Св. Никола ги помага сиромасите, друг пат како добил два празника во годината. Така на пр. во една приказна запишана од ѓаконот Јосиф, од манастирот Пречиста Кичевска, објавена во цариградскиот весник „Новини” кон крајот на минатиот век, се раскажува дека едно време другите светци му завиделе на св. Никола затоа што многу бил почитуван и се поплакале на Бога.

Бог ја примил поплаката и веднаш испратил два ангела да го повикаат св. Никола. Тие откако не го нашле по небото и по земјата го здогледале во стреде море како крепи една гемија готова да потоне.

Му ја пренесле заповедта, а тој ги замолил да му помогнат да ја извадат ѓемијата на суво. Виделе-не виделе ангелите му помогнале, а потоа така накиснат и со искинати алишта го одвеле пред Господа.

Тука во тој момент биле собрани и сите светци што се оплакувале на него. Господ само ги погледнал и ништо не рекол, а тие од погледот разбрале дека ако сакаат да бидат почитувани како свети Никола треба да прават добри дела како што правел тој.

Тогаш, се вели во оваа приказна, Господ заповедал за сите светци да има по еден ден во годината, за свети Никола два, а за преподобниот Касијан кој најмногу го кодошел на четири години еднаш да му се празнува денот на 29 февруари.

За Свети Никола строго е забрането да се работи, да се шие, мие, пере, пегла, чисти, како и да се јаде мрсна храна бидејќи празникот е посен. Постои верување дека на тој ден никој не треба да го потсетувате на долг, ниту додатно да му ја отежнувате положбата затоа што е должник.

Треба да се носат подароци за оние кои го слават Свети Никола. Меѓутоа и оние кои го слават празникот по некои обичаи на некои места во земјава своите гости не треба да ги пуштат со празни раце, туку мора да им дадат дарови пред да си одат дома.

Заев: Го чекаме Груевски на бел коњ – „Налудничав“ му врати Груевски

Поранешниот премиер Зоран Заев вели дека пресудата на Апелација со која се укинува пресудата на Сашо Мијалков за масовно прислушување е исмевање на борбата за правда. Заев утрово во објава на фејсбук прашува дали следно е враќање на Никола Груевски на бел коњ, а Мијалков да стане директор на АНБ.

„Со двете поништени пресуди, директно се упатува на враќање, а со тоа и повторување на грозоморните дејствија на режимската врхушка и секако се мотивираат и други чинители да прават исти вакви грозоморни дејствија со кои се газат масовно човекови права и сите вредности за кои се бореше целиот македонски народ пред само неколку години преку Шарената револуција. Што е следно, Мијалков да стане директор на АНБ, а Груевски да се врати невин на бел коњ? Па и утре да станеме членка на ЕУ тоа нема да го испере овој срам и блам“, напиша Заев и ги повика сите надлежни да не дозволат да застарат делата на Мијалков и да направат сè виновниците да одговараат бидејќи „за нивните злодела има докази чисти како ден“.

Се јави и Груевски на Фејсбук. Тој напиша:

Ова е она кога цел народ и цел свет на видео снимка прибавена законски со одлука на обвинител и судија, те гледа и те слуша како најдиректно и отворено бараш мито, бараш поткуп, бараш пари од локален бизнисмен, му објаснуваш дека сите други како него во градот редовно и безпоговорно си плаќаат мито, па жртвите ги редиш и по име, и отворено објаснуваш дека парите од митото се за тебе лично, користејки ја својата политичка моќ која ти ја доверил народот во општината.

Потоа ти средуваат со судот (кај Добрила Кацарска) да се погазат доказите против тебе кој самиот суд ги обезбедил и да се погази правдата пред очите на цел народ за да се овозможи да го направиш националното предаство кое си го договорил однапред, со насилна и со недозволени средства промена на името на државата, името на нацијата и на јазикот како и одкажување од историјата, како онаа од античкиот период, така и сета друга македонска историја до пред 75-76 години.

За награда те оставаат да продолжиш ти и твоите блиски да бараш поткуп и да ја пљачкаш државата и народот уште неколку години, најбрутално да ги прогонуваш твоите конкуренти во политиката за политички да не те загрозат и подолго да владееш, со злоупотреба и притисок на правосудниот систем и паралелно на сето тоа да глумиш “чесен” човек што искрено се бори против криминалот и корупцијата.

И сета таа налудничавост ја тераш без трошка срам уште и силно верувајки дека народот во Македонија и насекаде е толку многу глупав , толку многу лесно се лаже, па штом молчи значи дека ти верува дека си чесен и дека се бориш за него.

И по некое време одкога ќе одслужиш и ќе ти кажат “доста ти беше”, оддеднаш кога не ти е се под контрола и ти се појавува и најмала НЕИЗВЕСНОСТ, те фаќа таква НЕРВОЗА и ти одеднаш ти излегуваат “БЕЛИ КОЊИ” пред очи, па притисок врз правосудниот систем кој до тогаш си го правел колку што си можел потајно и подискетно, одеднаш губиш контрола врз себе и го претвораш во јавен притисок на правосудниот систем и нова лична и на оние кои те подржуваат бламажа, а слугите кои си ги задолжил од најниско ниво па до врвот во државата те следат. Само ќе видиме до кога…

Падна миcтepиoзната Ивана: Се претставувала како вработена во општина и нарачувала храна од угостителски објекти

На 16.12.2022 во Полициската станица Ѓорче Петров бил извршен службен разговор со И.А.(36) од Скопје.

Таа се сомничи дека лажно се претставувала како вработена во општина Ѓорче Петров и од повеќе угостителски објекти нарачувала храна во име на фирми со кои наводно соработувала општината.

Во разговорот таа го признала делото. По целосно документирање на случајот против неа ќе биде поднесена соодветна пријава.

Aпceње на улица “Јоска Јорданоски” во Прилеп – Фатен прилепчанец со мapиxyaна

-На 17.12.2022 во 02.20 часот на крстосница од ул.„Јоска Јорданоски“ со кеј „19 Септември“ во Прилеп, полициски службеници од Полициската станица Прилеп го лишиле од cлобода Н.Б.(33) од Прилеп затоа што кај него била пpoнajдена и одземена мapиxyaна.

По документирање на cлyчajoт, пpoтив него ќе биде поднесен соодветен поднесок – информираат од СВР Битола.

Без потрошен денар и за помалку од 48 часa, советници од Битола направија новогодишна магија кај Офицерски (Фото)

Советниците во Советот на општина Битола од иницијативата “Поинаку”, успеале без потрошен денар да постават 4000 метри лед осветлување околу Офицерскиот дом.

-ВО 48 ЧАСА СО КОЛЕГАТА АЛМИР АДЕМОВСКИ ОКОЛУ ОФИЦЕРСКИ НАМЕСТИВМЕ 4000 МЕТРИ ЛЕД ОСВЕТЛУВАЊЕ, 1200М КАБЕЛ И ПОТРОШИВМЕ ВКУПНО 0 ДЕН. ШО ЗНАЧИ АКО ИМАШ ЖЕЛБА И МОТИВ МОЖИ МНОГУ ДА СЕ НАПРАВИ СО МАЛКУ ПАРИ… – МЕЃУДРУГОТО НАПИША СОВЕТНИКОТ ИВАН ЧУЛАКОСКИ НА НЕГОВИОТ ФЕЈСБУК ПРОФИЛ

Културно уметничко наследство во сопственост на ООМУ “Ордан Михајлоски-Оцка”

Музичкото училиште во Прилеп се поднови со нова уникатна виолина, дело на германскиот мајстор Себастијан Колц.

Изработките на семејството Колц се во ограничен број, а виолината која сега припаѓа на музичкото училиште е изработена во 1780 година.

Себастијан Колц е еден од тројцата синови на светски познатиот мајстор за виолини Матијас Колц. Тој одлучил да ја продолжи семејната традиција, а неговите изработки денес се сметаат за културно уметничко наследство.

Потребна е секоја помош! Да и’ помогнеме на Весна Крстеска од Прилеп да ја добие битката со paкот

Весна Крстеска од Прилеп боледyва од метacтатски paк на белите дpoбови. Има две деца, 20-годишна ќерка и 13-годишен син, а сега и’ е потребна сета наша помош.

“Во изминатите речиси две години, она што ме одржа во живот и ме натера да се борам беа зборовите на моето семејство како “мамо издржи”. Благословена сум и среќна што го поминувам животот со моите деца, сопругот и семејството. Целиот мој живот по посветив на науката…Се надевам дека науката ќе ме спаси. На почетокот на 2021 година, ми беше дијагностициран рак на не-мал белодробен аденокарцином (инхибиција на ЕGFR/TKI) кој се прошири на моите лимфни јазли, коски, црниот дроб и панкреасот. Поради метастаза во црниот дроб ми беа блокирани жолчните канали. Морав да направам итна операција на билијарен бајпас. Ова беше целосен шок за целото мое семејство. Никој не очекува ова да се случи. Кога ќе се случи, вие сте принудени да се борите. Денеска се борам за моите деца, мојот сопруг и моето семејство. Мојот онколог ме зеде по нејзино крило. Таа ми даде надеж за живот и ми помогна да уживам во овие месеци со моето семејство. Таа ми рече, “ова не е математичка равенка – ние ќе се бориме”, вели Крстеска.

По 4 циклуси на хемотерапија и употреба на Erlotinib во текот на цела година (овој лек се користи во случаи на напреднат и не-мал белодробен аденокарцином (NSCLC, инхибиција на EGFR/TKI)), ракот бил во регресија.

-Бевме понадежни од кога било. Молејќи се работите да останат вака. За жал, бидејќи работите понекогаш се менуваат на полошо во животот, ПЕТ скенирањето во јули 2022 година откри нова метастаза на мојот црн дроб. Ракот напредуваше. Бев подложена на аблација на црниот дроб во септември 2022 година. Денеска состојбата ми се влоши и здравствената состојба ми стана критична. Гледањето на насмевките на моето семејство и позитивното охрабрување е она што ме одржува понатаму. Мојот радиотерапевт-онколог реши да ми препише Тагрисо (80 мг). Овој лек е произведен од AstraZeneca. Тој е одобрен за широк спектар на употреба, откако ќе даде ветувачки резултати во успешно лекување на ракот. Кога ми кажаа дека постои лек кој евентуално може да ме спаси и да ми дозволи да бидам со семејството и моите деца многу подолго отколку што мислев – не размислував два пати за тоа. Па, зошто го пишувам ова денес? Живеам во Македонија, каде просечната плата е 400-500 евра месечно и, за жал, државата не ги покрива лековите преку ФЗОМ. Овој лек чини над 3000 евра месечно – со исклучок на сите други терапии, лекови, операции кои исто така мора да се платат. Јас и моето семејство ќе треба сами да си го платиме ова… Затоа бараме ваша помош. Се надеваме дека ќе собереме што е можно повеќе за да помогнеме со разни скенирања, тестови, терапевти – но што е најважно, лековите. Со вашата помош во овој прибирање средства, се надевам дека ќе можам да го добијам третманот и лековите што очајно ми требаат. Сакам да имам шанса да живеам, да видам како моите деца растат, завршуваат училиште и да бидам тука за нив колку што можам. Моите деца, мојот сопруг и јас ви благодариме од се срце што одвоивте време да ја прочитате оваа приказна. Ве молиме споделете со пријателите и семејството, ако можете, за да имам борбена шанса да живеам – вели Весна.

Сите оние кои сакаат да донираат тоа можат да го сторат на следниот ЛИНК, или на следната трансакциска сметка: 210501556420921

Име: Весна Крстеска, адреса: “Адем Адемоски” 14 Прилеп, банка: НЛБ Тутунска Банка АД Скопје, цел на дознака: за донација за лекување.