дома блог страница 1360

Учениците од СОУ “Кузман Јосифоски-Питу” Прилеп ги израдуваа децата од ООУ “Климент Охридски” и дневниот центар “Ѕуница” (Фото)

Денеска учениците од СОУ „Кузман Јосифоски-Питу“ Прилеп имаа можност да се дружат и да ги израдуваат своите пријатели од ОOУ „Климент Охридски“ и Дневниот центар „Ѕуница“.

Учениците ги разделија новогодишните пакетчиња кои ги подготвија од продажбата на новогодишните украси. Тие беа топло пречекани од домаќините и имаа можност да им посакаат Среќни празници на сите.

СОУ „Кузман Јосифоски – Питу“ Прилеп уште еднаш упатува голема благодарност до сите кои придонесоа оваа предновогодишна хуманитарна акција да биде успешна.

Прекрасно! Во центарот на Прилеп поставена Бадниковата пештера (ФОТО)

Денес во центарот на Прилеп беше поставена нова Бадникова пештера од страна на Локалната самоуправа на општина Прилеп.

Здружението „Бадникови поворки“ во соработка со Општина Прилеп, се подготвува за одржување на традиционалната Бадникова поворка во нашиот град, која што се одржува по повод големиот христијански празник Бадник и симболично се најавува раѓањето Христово!

-Општина Прилеп е подготвена за новогодишните и божиќните празници – велат во соопштението од општината на ФБ.

Утре во МАНУ и официјално за нов член ќе биде промовиран прилепчанецот проф. д-р Валентин Мирчески

Македонската Академија на науките и уметностите упати покана за пристапното предавање на новоизбраниот член во работниот состав на Академијата, проф. д-р Валентин Мирчески од Природно-математичкиот факултет во Скопје, на тема: “За трите света”.

На настанот пригодна реч за дописниот член ќе одржи академикот Глигор Јовановски. Настанот ќе се одржи на 28.12.2022г. го во 12 часот во амфитеатарот на МАНУ.

Mирчески е прилепчанец и досега има работено за повеќе универзитети ширум Европа. Професорот Мирчески е вистински амбасадор на Прилеп и Република Македонија, а неговото знаење и искуство е богатство со кое се стекнал секој негов студент.

Пред две години професорот Мирчески, заедно со Љупчо Коцарев, Леонид Грчев, Рубин Гулабоски (уште еден прилепчанец), Трајче Стафилов и Иван Грозданов се најдоа на листата на топ 2 проценти највлијателни научници во светот, која што ја изработи тричлен тим предводен од проф. д-р Џон Јоанидис од Универзитот Стендфорд во САД.

Студијата вклучува рангирање на над 7 милиони научници од целиот свет од 22 научни области и 176 под-области, од кои е направена листата од над 150.000 научници врз основа на голем број на комбинирани библиометриски индикатори, без да се земе во предвид возраста на научниците, објави грчкиот јавен сервис ЕРТ.

Идеја на годината во Македонија! Кој има нека донесе, а кој нема нека понесе (ФОТО)

Пилјара “Кај Кецот” од Гевгелија ја заслужи наградата за нај идеја за 2022 година. Пред нивниот дуќан се наоѓа закачалка на која тој што има повеќе може да донесе и закачи ќеса со производи, а тој што нема може да си понесе тоа што му треба.

-Хуманитарна акција , закачалка на добрината под мотото „Ако имаш ДОНЕСИ, ако немаш ПОНЕСИ“. Апелираме сите оние кои немаат и навистина им е потребно да се послужат од истата. Да ги направиме празниците убави за сите – напишаа сопствениците на овој дуќан на ФБ.

Секоја чест за креативноста и идејата! Нека биде пример за голем број сопственици на бизниси и дуќани.

Реновирана спортската сала во ООУ “Круме Волнароски”, а во OOУ “Добре Јованоски” таблети за учениците од социјално ранливите семејства (Фото)

Градоначалникот на општина Прилеп, Борче Јовчески, денеска ги посети основните училишта “Круме Волнароски” во населеното место Тополчани и ООУ “Добре Јованоски”, каде во пресрет на празниците се реализираа инвестиции за подобрување на наставата на учениците.

-При мојата денешна посета на ООУ „Круме Волнароски“ во Тополчани извршивме увид на комплетно реконструираната спортска сала во училиштето. Променет под со нова подлога, нови спортски реквизити, зголемен фондот на книги во училишната библиотека и нови училишни клупи и столчина. Радост за сите ученици, а гордост за раководниот тим и сите вработени во училиштето.

Во ООУ „Добре Јованоски“ Прилеп, денес им ги предадовме на користење 22 таблети набавени за социјално ранливите категории на граѓани од ромската заедница. Проект одобрен од Министерството за локална самоуправа, врз основа на Стратегијата за Ромите во Република Македонија. Во овие претпразнични денови убаво е чувството кога ќе се презентираат вакви проекти за подобрување на условите за работа во училиштата и за целокупниот општествен развој – напиша Јовчески на ФБ.

“Претседателот на ОО СДСМ Прилеп, Пачешкоски, со новогодишен трансфер од земјоделие оди да помогне во УЈП?”

Нов револт во СДСМ Прилеп, бидејќи пребирањето на работни места како да нема крај. Како хокејарски измени се менуваат новите работни маста на неколкумина главашини во партијата, велат прилепчани.

Одговорот на ова го дадоа граѓаните со катастрофалниот пораз на локалните избори од 7.500 разлика и новата анкета на IRI на која СДС нема ни 9% рејтинг.

Гласно се коментира дека партијата во Прилеп е во распад и дека ова е “бомбона” за залажување на Пачешкоски, кој пак имал аспирации да биде нов пратеник од Прилеп.

Очекуваме деновиве Пачешкоски да се појави на новото работно место во УЈП Прилеп.

Кај 19-годишник во Прилеп полициjaта пронajде стебла и гранки од канабиc

На 26.12.2022 во Прилеп, полициски службеници од СВР Битола – ОВР Прилеп го лишиле од слобода Х.П.(19) од Прилеп.

При претрес во неговиот дом, извршен со судска наредба, биле пронајдени и одземени повеќе стебла од растението канабис и гранки од растението канабис.

Тој бил задржан во полициска станица и по целосно документирање на случајот, против него ќе следува соодветна пријава.

“Јас со тајфа идам” – Нова одлична музичка нумера и видео спот на “Тајфата” во пресрет на празниците

Во пресрет на Новогодишните и Божиќните празници, “Тајфата” ја израдува публиката со одлична музичка нумера и видео спот насловени како “Јас со тајфа идам”.

Музиката и текстот се дело на Љупчо Трајковски – Фис, аранжманот на Владимир Богоески и Рубин Димкоски, а одличниот видео спот е дело на Фан Продукција – Зоран Пиловски.

Тимот го сочинуваат и пратечките вокали: Викторија Георгиоска и Сара Сурлаџиоска, а од “Тајфата” упатуваат благодарност до фризерското студио “Алек Палада”, “Матадор Прилеп”, “Автоконтрол Прилеп” и “Голд Фелиција”.

Новогодишната магија на семејството Јошески од Прилеп: Нивниот дом го одзема здивот на секој минувач (ФОТО)

Семејството Јошески во Прилеп го има еден од најубаво украсените домови во пресрет на Новогодишните и Божиќните празници.

Нивниот дом и двор го красат стотици ламбички кои во ноќните часови го одземаат здивот на секој минувач.

Секоја чест за креативноста и желбата да се направи нешто посебно и убаво за око.

Овие улици во Прилеп денеска ќе бидат без водоснабдување до 14 часот

Водоснабдувањето на ден 27.12.2022 (вторник) ќе биде нормално со здравствено исправна вода за пиење. Вкупната произведена количина на вода е 264л/с, од кои 234/с од Студенчица, 0л/с од бунари и 30л/с од сопствени извори.

Прекин во водоснабдувањето заради санација на дефекти и приклучоци во периодот од 08 до 14 часот ќе има на следните улици и делови од Општина Прилеп: ул. “Цар Самоил”, ул. “Илија Павлоски”, Реон Леково, Реон Касарна „Мирче Ацев“