Камион со товар утрово, по којзнае кој пат, пропадна на скопскиот плоштад во близина на фонтаната „Воин на коњ“.

Се работи за возило на приватна компанија кое со предните тркала пропаднало во плочникот во делот каде што се наоѓа партерната фонтана.

Јавноста веќе не се сеќава по кој пат камион пропаѓа на плоштадот. Последниот случај беше летово кога камион пропадна на местото на партерната фонтана.

АД Пошта Македонија-подружница ЦРПС Прилеп од вчера има нов директор.

На местото на досегашниот директор Доклески Зоран, именувана е Саша Лепиткова, долгогодишна вработена во прилепската подружница.

ФОТО/Фејсбук

Доклески функцијата директор на поштата во Прилеп ја извршуваше во изминатите неколку години, а сега функцијата ќе ја препушти на неговата помлада колешка Лепиткова.

Италијанската патека Монца ја прославува 100-годишнината на фирмата за заштита на автомобилски брендови – „Стелантис херитиџ“, со специјална комеморација на „фиќото“ којшто постави голем број рекорди на ова легендарно место и ја популаризираше марката „Абарт“.

„Абарт класиче 500 рекорд Монца ’58“ е специјален автомобил заснован на „Фиат 500“ од 1970 година, но приспособен за да изгледа како првиот модел модифициран од „Абарт“, којшто собори шест рекорди за брзина и издржливост во февруари 1958., на старата конфигурација на патеката. Новиот автомобил е обоен во зелено, има предна решетка и лого на „Абарт“, карбонска шасија позајмена од спортскиот „Алфа Ромео 4Ц“, фарови и цврста покривна плоча којашто го заменува платнениот покрив. Сепак, репликата е доста убедлива, внатре со волан од дрво, посовремена контролната табла, а поставено е само едно спортско седиште.

Позади има двоцилиндричен мотор со работна зафатнина зголемена на 595 кубика, што развива повеќе од 18 коњски сили и брзина над 98 км/ч, а е блиску до 26 КС и 118 км/ч постигнати од рекордерот од 1958 година.

Новиот автомобил е изложен на саемот „Автокласика“ во Милано, Италија. „Абарт“ ќе произведе вкупно шест примероци.

Трендот на намалување на потрошувачката на струја од страна на државните институции продолжува и во октомври. Согласно податоците на Електродистрибуција за заштедата на електрична енергија произлегува дека административните згради на Претседателот на државата, Собранието, Владата, министерствата, АД ЕСМ, АД МЕПСО имаат остварено намалена потрошувачка на електрична енергија во просек од 29 отсто, што е повеќе споредено со вкупната заштеда од 20 отсто остварена во септември, информира министерот за економија Крешник Бектеши.

-Сите институции во октомври имаат најмалку за 15 отсто намалена потрошувачка на електрична енергија што е согласно препораките и задолженијата кои ги донесе Владата. При тоа најмала заштеда има кај Министерството за здравство од 18 отсто, а најголема заштеда има зградата на Министерство за образование до 58 отсто. Заштедата на електрична енергија на Владата изнесува 32 отсто, кај Собранието заштедата во октомври е 22, кај Кабинетот на претседателот на државата 24, кај административната зграда на ЕСМ заштедата е 25, а кај МЕПСО 22 отсто, рече Бектеши на денешната прес-конференција во Владата.

Ако се земат во предвид податоците вклучително и на сите државни претпријатија, агенции и управи, нагласи, тогаш вкупната заштеда на електрична енергија изнесува 24 отсто.

-Согласно податоците потрошувачката на електрична енергија само на министерствата сумирана заедно со сите единици кои се во склоп на надлежностите под одредено министерство е намалена за 33 отсто. Министерството за образование има постигнато најмала заштеда на електрична енергија од 24 отсто, а најголема заштеда има постигнато Министерството за животна средина од 94 отсто. Заштедата на електрична енергија кај Министерство за информатичко општество изнесува 50 отсто, кај Министерство за локална самоуправа 58, во Министерство за транспорт и врски и Министерство за финансии заштедата изнесува 44 отсто, кај Министерството за труд и социјална политика 40, Министерството за економија заштедило 30 отсто електрична енергија, исто толкава е заштедата на Министерството за внатрешни работи, прецизира Бектеши.

Во анализата на потрошувачката на електрична енергија за октомври 2021 година споредено со истиот месец во 2022 година, како што кажа, се опфатени вкупно 19 јавни претпријатија во државна сопственост со сите подрачни единици, каде вкупната заштеда изнесува 17 отсто.

Согласно податоците содржани во табеларниот приказ произлегува дека 15 субјекти оствариле заштеди од минимум 15 отсто во октомври 2022 година споредено со истиот месец во 2021 година, рече Бектеши.

Податоците за заштеда на електрична енергија кај општините кои имаа препорака да штедат, пак додаде, покажуваат дека од 81 општина, 65 општини постигнале заштеда од најмалку 15 отсто, од кои 12 општини постигнале заштеда поголема од 50 отсто.

Вкупно 16 општини не постигнале заштеда од 15 отсто, од кои само три имаат поголема потрошувачка во октомври 2022, споредено со октомври 2021 година, а останатите 13 општини имаат намалена потрошувачка, но не постигнале заштеда од 15 отсто, посочи Бектеши, објавувајќи дека додека Студеничани и Лозово потрошиле за 11, односно 12 отсто повеќе струја од ланскиот октомври, Општина Арачиново потрошила за 474% повеќе.

Овие податоци за заштеда на електрична енергија, порача, покажуваат дека доколку сме сите рационални и не трошиме беспотребно електрична енергија може да се направат големи заштеди. Упати апел до сите компании и до граѓаните рационално да се користи електричната енергија.

-Со рационално трошење на струјата ќе се овозможи намалување на сметките за струја и за граѓаните и за компаниите кои ќе станат поконкурентни. Ние како Влада ќе продолжиме да работиме и да носиме мерки се со цел оваа енергетска криза која ја зафати цела Европа да има најмали негативни ефекти за граѓаните, а со заеднички напори и штедење да има и најмали негативни ефекти за целата држава, потенцира Бектеши.

Мазутот од ноќеска на полноќ поевтинува за 1,478 денари за килограм, а цената на другите горива останува иста, одлучи денеска Регулаторната комисија за енергетика и водни услуги (РКЕ). Со одлуката се врши намалување на малопродажните цени на нафтените деривати во просек за 0,66 отсто.

Новата малопродажна цена на Мазутот М-1 НС ќе изнесува 43,046 денари за килограм. ЕУРОСУПЕР БС – 95 и понатаму ќе се продава за 88,5 денари за литар, ЕУРОСУПЕР БС – 98 за 90,5, ЕУРОДИЗЕЛ БС (Д-Е V) за 90, а Екстра лесното масло за домаќинство (ЕЛ-1) за 85,5 денари за литар.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 2,64 отсто, кај дизелот за 1,75, кај екстра лесното за 1,745 и кај мазутот за 4,114 отсто. Курсот на денарот, пак, во однос на доларот е понизок за 0,112 отсто.

Во Македонија од вчера веќе дојде значително постудено време кое низ нашата држава донесе дожд, но и снег.

Во текот на целата ноќ снег паѓаше на неколку повисоки места во Македонија, а во овие моменти според камерите на „SkiMacedonia“ може да се забележи дека паѓа снег на Попова Шапка и на повисоките места во Маврово.

Снег има и на Галичица,а според метеоролозите нови врнежи се најавени и за во текот на ноќта, но и утре.

Од УХМР најавуваат и засилен, а во источните делови и долж Повардарието повремено силен ветер од југоисточен правец (70 км/час). Попладне и во текот на ноќта ќе има врнежи од дожд, пообилни во западните делови (над 20 л/м2 за 12 часа).

На повисоките планини врнежите ќе бидат од снег.

Не се предвидува од 1 јануари идната година да има значително зголемување на цената на електричната енергија, особено не за домаќинствата и за малите потрошувачи, информира денеска министерот за економија Крешник Бектеши.

– Се прават калкулациите за цената на електричната енергија од 1 јануари. Убеден сум дека ќе има намалување за малите потрошувачи и можам да кажам дека тоа е веќе одлучено. Во делот на домаќинствата ќе провериме со блок тарифите во кој од блок тарифите има поголема потреба да се интервенира од страна на Владата – дали тоа ќе биде втората блок тарифа или третата. За четвртата блок тарифа уште од сега можам да кажам дека ќе бидам за дополнително да се зголеми цената со цел тие што имаат најголема потреба од пониски цени да бидат покриени од тие што нерационално трошат, а со тоа и можат да го сносат тој товар, рече Бектеши во одговор на прашање на денешната прес-конференција во Владата.

Потенцира дека веќе се дизајнирани сите мерки што ќе почнат да се спроведуваат од 1 јануари идната година, кои, како што кажа, главно се насочени кон дополнителна поддршка кон граѓаните и кон компаниите кои се на регулиран пазар како мали потрошувачи.

Полициски службеници од криминалистичката полиција при СВР Битола го лишиле од слобода Б.В.(23) од Битола поради сторено кривично дело тешка кражба на 19.10.2022 во Центарот за култура Битола.

Б.В. го признал делото и по документирање на настанот ќе следува кривична пријава – информираат од СВР Битола.