По верификувањето на мандатите за пратеници на Дејан Проданоски и Билјана Кузманоска, нови двајца советници ќе седнат во клупите на Советот на општина Прилеп.

Распоредот на силите во Советот на општина Прилеп по локалните избори во 2021 година беше следен: ВМРО-ДПМНЕ 14 советнички места, СДСМ 10 и ЛЕВИЦА 2.

Проданоски беше носител на советничката листа и до скоро беше претседател на Советот, а Кузманоска во советничката група на ВМРО-ДПМНЕ влезе како четиринаесетта на листата.

Нивните места остануваат испразнети во Советот, а на листата следни кои треба да влезат во советничките клупи се Рубинчо Абрашоски и Жанета Видеска.

Но, со оглед дека двајцата извршуваат директорски функции, Абрашоски во ЈКП Комуналец, а Видеска во СОУ “Ѓорче Петров”, ќе треба или да се откажат од директорските позиции или советничкиот мандат да го препуштат на следните двајца, односно Алмир Сулејманоски и Мирјана Конеска.

Сулејманоски е припадник на ромската заедница и верско лице, а Конеска е вработена како медицинска сестра во прилепската градска болница “Борка Талески”.

Oстанува да ја почекаме наредната седница на Советот на општина Прилеп и да го видиме развојот на настаните, кога ќе треба да се избере и нов претседател.

– Најдобрата инвестиција е инвестицијата во себеси, додека пак менаџирањето со финансиите е многу важна вештина која секој возрасен човек треба да ја знае и да ја совлада што порано во животот. Ова беше главната порака споделена со студенти од битолскиот универзитет на интерактивната работилница за финансиска писменост која СН Осигурителен Брокер ја одржа во соработка со Универзитетското студентско собрание при Универзитетот „Св. Климент Охридски“ – Битола.

„Поголема финансиска писменост за здрава финансиска иднина“ – Ова беше темата на интерактивната работилница наменета за студенти од битолскиот универзитет која во рамките на својата стратегија за општествена одговорност СН Осигурителен Брокер АД Битола ја организираше во соработка со Универзитетското студентско собрание при Универзитетот „Св. Климент Охридски“ – Битола.

Активноста е дел од проектот на СН Осигурителен брокер за подигнување на финансиската писменост кај младите, а стручни сознанија од областа на студентите им пренесуваат:

-Јасмина Димитровска Босилкова – доктор на науки по јавна администрација и магистер по бизнис администрација, осигурителен експерт во секторот штети и прием во осигурувањето во СН Осигурителен Брокер.

-Анета Шијакова – доктор на науки по јавна администрација и магистер по меѓународна политика, раководител на секторот маркетинг во СН Осигурителен Брокер.

-Даниел Паришко – магистер по маркетинг и менаџмент, искусен осугурителен професионалец и раководител на секторот за прием во осигурувањето во СН Осигурителен Брокер.

-Александра Танатарец – магистер по осигурување и менаџмент со ризик и докторант на Факултетот за туризам и угостителство – Охрид, раководител на секторот наплата во СН Осигурителен Брокер.
Предавањето го поттикна интересот на младите, кои низ плодна дебата со експертите се фокусираа на различни аспекти на финансиската писменост.

„Финансиската писменост претставува основен предуслов за стабилен и развиен економски систем. Финансиски едуцираното население подобро ги користи предностите на финансиските производи, подобро го разбира финансискиот систем и со тоа има способност да носи издржани финансиски одлуки, воедно подобро може да се заштити од евентуални финансиски ризици, а што во крајна линија придонесува и за одржлив економски раст. Но, финансиската писменост не е процес кој може да се одвива стихијно, туку подразбира координиран пристап на сите инволвирани страни, како на финансиските институции како носители на финансиска едукација, така и на сите останати општествени чинители.“-посочи Босилкова, додавајќи дека финансиската писменост е јавно добро, а не индивидуален интерес. Неопходна е интегрирана заедничка заложба и заеднички ангажман визијата да се развие и имплементира во успешни национални стратегии кои ќе бидат во насока на постигнување финансиска стабилност и економски раст на земјата, рече таа.

„Мудрото управување со парите е основен предуслов за еден млад човек да може да носи здрави финансиски одлуки и со тоа да гради здрава финансиска сегашност и иднина. Првиот чекор е правилна информираност во однос на финансиските инструменти и нивната примена. Особено е важно за секој млад човек што порано да научи да управува со своите приходи и расходи, да планира свој личен буџет и тековно да се едуцира за можностите за унапредување на неговата финансиска благосостојба.“-рече Шијакова.

Покрај механизмите за штедење и инвестирање, на дебата се дискутираше и за осигурителните механизми.

„Осигурителната писменост е знаење и разбирање на термините, концептите и принципите поврзани со осигурувањето како што се: достапните видови полиси за осигурување, Како да се постапи при автомобилска штета, Како да се постапи при штета во странство како да се постапи при материјална штета предизвикана од природни катастрофи. Познавањето за овие теми ни овозможуваат да се заштитиме од: купување на погрешен тип полиса со несоодветна покриеност, плаќање на повисока премија и осигурителна измама. Секогаш бирајте квалитет и купувајте од професионалци кои се со докажано искуство. Менаџирањето со финансиите е многу важна вештина која секој возрасен човек треба да ја знае, затоа е уште поважно да се научи што порано во животот. Затоа ги препорачуваме следните: постави си јасни цели, направи си буџет, започни со штедење рано, користи го правилото 50/30/20, секогаш плаќај ги долговите, раздели ги твоите потреби од твоите желби, научи за даноците. Најдобрата инвестиција е да инвестираш во себе. Постојат голем број нешта кои може да ги направиш за да инвестираш во себе како што се зголемување на твоето знаење преку курсеви, нови сознанија преку ново хоби, грижа за сопственото здравје, како и заштита на себеси и она што го поседувате преку осигурување на возилото, имотот, себе си од незгода, животно осигурување и приватно здравствено осигурување.“-посочи Паришко.

„Финансиската едукација треба да започне што е можно порано и сметам дека потребно е да се предава и во училиштата, се со цел младите уште од рана возраст одговорно да се однесуваат во сите животни фази. Што се однесува до осигурувањето како механизам за заштита на финансиските и личните интереси на луѓето, важно е да се сфати дека тоа е инвестиција, а не трошок. Но, за да се разбере ова суштинско прашање, потребна е таа финансиска едукација. Би нагласила дека консултацијата со брокер може да помогне да се разјаснат сите недоумици и да се избере најдобрата полиса за индивидуалните потреби.“-рече Танатарец.

Андреј Гинов е нов в.д директор на ЈКП Водовод.

Гинов е роден на 12.07.1984, а магистрирал безбедност при работа. Во досегашниот период, бележи 17 годишно работно искуство во ЕЛЕМ – РЕК Битола.

Неговото назначување доаѓа по верификацијата на пратеничкиот мандат на досегашниот директор на ЈКП „Водовод“, Пеце Милевски.

Честитки за нашиот Александар Лазовски, стипендист и признат студент лидер за вештачка интелигенција (AI) и образование, кој ја заврши својата магистратура по образование (2023–24) со просек 4.0 на реномираниот Харвард. Александар беше дел од програмата за лидерство во образование, организации и претприемништво и истражуваше како технологијата може да се искористи за обезбедување квалитетно образование на глобално ниво, со посебен акцент на користењето на вештачка интелигенција (AI).

На својот ФБ профил Александар напиша:

-Официјално, магистер по образование со одличен просек од 4.0 и горд член на престижните семејства на Харвард и Фулбрајт!
Неизмерно сум благодарен на моето семејство, љубени, на моите пријатели, колеги, наставници и соработници, на сите оние кои веруваа и ме потикнаа да го бркам и остварам овој сон. Откако првиот пат бев примен на Харвард и не успеав да ги соберам потребните финансии за студирање, се чувствував како овој сон да ми се “лизна низ прсти”. Обесхрабрен и тажен, наидов на неверојатна поддршка од луѓето околу мене, кои ме охрабрија да аплицирам за Fulbright и повторно да се обидам да аплицирам одново. Овој процес не беше воопшто лесен, со многу моменти во кои повторно Харвард делуваше толку далеку…

Уште еднаш, благодарен сум на сите за вашата поддршка и љубов!

На 29.05.2024 во напуштен објект на ул.„Илија Николовски Луј“ во Старата касарна, полициски службеници од СВР Битола ги лишиле од слобода К.Д.(18) од Кавадарци и Џ.М.(40) од Битола.

Кај нив било пронајдено патничко возило „опел астра“ со ресенски регистарски ознаки, за кое А.Р.(24) од Ресен истиот ден пријавил дека му било одземено во близина на паркингот кај спортската сала во Битола.

Возилото било вратено на сопственикот, а по целосно документирање на случајот против лицата ќе биде поднесена соодветна пријава – информираат од МВР.

Тие се вистински амбасадори на Прилеп и Македонија кога естетската гимнастика е во прашање. Нема натпревар на кој учествувале, а не се вратиле со грст награди, признанија, пехари… Веќе им снема простор во клубските витрини, сладок проблем со кој ретко кој клуб може да се пофали. Клубот за естетска гимнастика “Авантград” од Прилеп ги заслужува сите пофалби за успешно работење. Довербата која ја добиваат од родителите на нивните ученици, ја оправдуваат со создавање на шампиони. Така беше и на последниот натпревар во “Кралица на Аида” бугарскиот град Хасково, каде учество зедоја околу 500 натпреварувачи од: Босна и Хецеговина, Србија, Црна Гора и Бугарија.

Наштите девојките собраа еден куп први места и ги постигнаа следните резултати:

1.Марија Тошеска 2010 г.
🥇 1 место реквизит топка
🥉 3 место реквизит обрач
🥉 3 место многу бои
2.Анастасија 2010 г .
🥉 3 место реквизит топка реквизт обач
🥉 3 место лента реквизит
🥉 3 место многу бој
3.Георгина Апостоловска 2009 г.
🥇 1 место без реквизит
🥇 1 место реквизит топка
🥇 1 место меѓународмо класирање
🥇 1 место реквизит топка
4.Јана Димоска 2012 г.
🥇 1 место без реквизит
🥇 1 меѓународно класирање
4 место реквизит обрач
🏆👑Избрано од главен судија за нај артистичен учесник .
5.Илина Кузманоска 2014 г.
🥇1 место меѓународно класирање
🥇1 место реквизит обрач
🥈 2 место многу бои
🥈 2 место без реквизит
6.Јована Везенкоска 2013г.
🥇1 место реквизит топка
🥇1 место меѓународно класирање
🥈2 место без реквизит
🏆👑Избрана за нај елегантна учесничка
7.Галена Ацеска 2013г.
🥇 1 место реквизит обрач
8.Мелани Ристеска 2014г.
🥈 2 место без реквизит
9.Дисциплина Естетско групна гимнастика категорија 8-10г. долга програма
-Марија Кузманоска -Сања Гулеска
-Дарија Бунтеска -Калина Петкоска
-Мелани Ристеска -Исидора Нешкоска
-Галена Јорданоска -Ива Конеска
🥇 1место

“За да станеш шампион, мора да веруваш во себеси и кога никој друг не верува, па така морам да напоменам дека иако го немаме овој национален олимписки спорт со сите услови за професионалано развивање, и немаме можеби 70-годишна традиција и историја во овој спорт во нашата земја како другите земји, сепак чекор по чекор успешно ја развиваме оваа дисциплина. Заеднички, сполетени, со љубов и взаемна соработка, бесконечно сме горди на нашите достигнувања. А сега атакуваме и кон нови и уште поголеми предизивици, а тоa се Балканските игри во јули”, истакна Александра Стојаноска, професор по физичко образование и тренер на овие прекрасни девојки.

Фотогалеријата од натпреварот погледнете ја на линкот во продолжение:

Машката сениорска репрезентација на Македонија ги доби ривалите во групата за Светското првенство 2025, на кое ко-организатори ќе бидат Данска, Норвешка и Хрватска.

Македонија ќе игра во групата Д што ќе се игра во Вараждин, па за очекување е избраниците на Кире Лазаров да имаат солидна поддршка од трибините.

Ривали на „црвено-жолтите“ ќе бидат репрезентациите на Унгарија, Холандија и дебитантот Гвинеја, а во главната фаза пласман обезбедуваат најдобрите три од секоја група.

Сениорите со пласманот на Мундијалот 2025 го продолжија континуитетот на големата сцена, па така Македонија следната година ќе го има деветтото учество на Светските првенства.

Нашата репрезентација најдобриот пласман на Мундијалите го има остварено во Катар (2015) кога во конкуренција на 24 репрезентации заврши на 9. позиција.

Мундијалот 2025 ќе се игра во пет градови – Осло, Хернинг, Загреб, Пореч и Вараждин од 14 јануари до 2 февруари.

Актуелен бранител на титулата ќе биде репрезентацијата на Данска, која во финалето на СП 2023 славеше против Франција со 34:29.

Според последните најави на метеоролозите, првиот силен топлотен бран ќе пристигне на Балканот од петок. Температурите ќе бидат и до 36 Целзиусови степени.

Се очекува во следните денови источните делови на Балканскиот полуостров – Македонија, Бугарија, Грција, како и поголемиот дел од Романија да ги зафати првиот силен топол бран.

Во Македонија, според прогнозата на Управата за хидрометеоролошки работи денеска не очекува сончево и топло време со мала до умерена облачност. Во текот на денот ќе дува и слаб до умерен ветер од јужен правец. Од пладне на некои места ќе биде нестабилно со пороен дожд и грмежи, а локално процесите ќе бидат во форма на краткотрајно невреме со интензивен пороен дожд, засилен ветер и изолирана појава на град. УВ-индексот ќе биде 6. Утринската температура ќе биде од 7 до 15 Целзиусови степени, а во текот на денот од 16 до 29 степени.

Во Скопје, времето денеска, ќе биде сончево со мала до умерена облачност. Во попладневните часови, во делови од котлината, ќе биде нестабилно со пороен дожд, грмежи и услови за краткотрајно невреме. Температурата ќе биде од 13 Целзиусови степени наутро, до 26 во текот на денот.

За утре, според прогнозата на УХМР, се најавува сончево и топло време со мала до умерена облачност и со слаб до умерен ветер од јужен правец. Попладне претежно во планинските региони ќе има услови за краткотраен пороен дожд и ретки грмежи. Во Скопје и утре ќе биде сончево со мала до умерена облачност и со услови за краткотраен пороен дожд во попладневните часови. Дневната темпертура утре ќе биде од 18 до 32 Целзиусови степени.

Во сабота, во Македонија ќе имаме сончево и топло со мала до умерена облачност. Ќе дува слаб до умерен ветер од јужен правец. Попладне претежно во планинските региони ќе има услови за краткотраен пороен дожд и ретки грмежи. Минималната температура ќе се движи од 9°C до 16°C, додека пак максималната 26°C до 34°C.

Во недела, ќе имаме сончево и топло време, додека пакм во попладневните часови се очекува локална појава на пороен дожд, грмежи и услови за краткотрајно невреме. Минималната температура ќе се движи од 10°C до 18°C, додека пак максималната 28°C до 35°C.

По викендот, во понеделник се очекува иста временска прогноза, но малку потопло. Минималната температура ќе се движи од 11°C до 20°C, додека пак максималната од 29°C до 36°C.

Унијата на ЗМСТАС предводена од Здружението „ЗА НАС“ ве поканува да присуствувате на донацискиот базар „Сестрите за сестрите“ кој ќе се одржи на 1 јуни 2024 година во 12 часот кај Градскиот саат во Прилеп. Програмските цели на Хуманитарното друштво при ЗМСТАС „ЗА НАС“ започнаа пред Божиќ со медицинските сестри од патронажата, низ донациите за бездомните и социјално загрозените лица, продолжувајќи со хуманитарниот донациски базар кој беше организиран во текот на чествувањето на Меѓународниот ден на медицинските сестри и традиционалната Свечена академија.

-Нашите активности во оваа хумана насока продолжуваат, па токму сега, на Светскиот ден на детето, го организираме овој хуманитарен базар за помош на нашите колешки и нивните деца, за кои се потребни средства за лекување со порака да допринесеме за уште две детски насмевки. Од особено значење ќе биде вашето присуство на настанот и можноста да допринесете за хуманитарната акција – велат од Здружението “ЗА НАС”.

Винсент Компани официјално e нов тренер на германскиот гигант, Баерн Минхен. Информацијата ја потврди самиот клуб, а белгискиот тренер добива договор до 2027 година.

И покрај тоа што не успеа да обезбеди опстанок со Барнли во Премиер лигата, Компани важи за еден од најдобрите тренери на својата генерација и во фудбалскиот свет е ценет како исклучително добар тактичар и мотиватор. Ова за него е прв огромен предизвик во кратката тренерска кариера и ќе има тешка задача да го крене тимот кој минатата сезона не успеа да ја освои титулата во Бундеслигата.

38-годишниот стратег доаѓа на местото на Томас Тухел и би требало да има на располагање околу 180 милиони евра за трансфери, а навивачите на Баерн се надеваат дека управата направила правилен избор и се полни со оптимизам за следната сезона.

Винсент Компани ја заврши играчката кариера во 2020 година, по што го презема тимот на Андерлехт, а од 2022 година беше тренер на англискиот Барнли.