дома блог страница 702

За многу години и честит именден на сите славеници: Денеска се празнува Светиот апостол и евангелист Лука

Роден е во Антиохија. Во младоста добро ја изучи грчката философија, медицината и иконописот. Во времето на делото на Господ Исус на земјата Свети Лука дојде во Ерусалим и таму Го виде Спасителот лице в лице, ја чу Неговата спасоносна наука и стана сведок на Неговите чудесни дела. Откако поверува во Господ, Св. Лука беше вбројан меѓу Седумдесеттемина апостоли и пратен на проповед. Заедно со Клеопа Го виде воскреснат Господ на патот за Емаус (Лука 24).

По слегувањето на Светиот Дух на апостолите, Лука се врати во Антиохија и таму му стана сотрудник на Св. апостол Павле со когошто патуваше во Рим, обраќајќи ги во Христовата вера Евреите и незнабожците. „Ве поздравува Лука, лекарот љубезен“, им пишува на колосјаните Св. апостол Павле (Колосјани 4, 14). На молба на христијаните го напиша Евангелието, околу 60 година. После мачениката смрт на Св. апостол Павле Свети Лука го проповедаше Евангелието по Италија, Далмација, Македонија и на други места. Ја иконописаше Пресвета Богородица – и тоа не една туку три икони – а исто така Светите апостоли Петар и Павле. Оттука Свети Лука се смета за основач на христијанскиот иконопис. На старост го посети и Горен Мисир. Од Мисир се врати во Грција, каде што со голема ревност продолжи да проповеда и да ги обраќа луѓето кон Христа, не обѕирајќи се на својата длабока старост. Свети Лука ги напиша Евангелието и Делата Апостолски, обете посветувајќи му ги на Теофил, кнезот на Ахаја. Имаше осумдесет и четири години кога злобните идолопоклоници го подложија на маки заради Христа и го обесија на една маслина во градот Тива (Теба) Беотиска. Чудотворните мошти на овој прекрасен светител во времето на Константиновиот син, царот Констанциј, беа пренесени во Цариград.

Завршила основно “чколо”, продолжила со едукација и сега ќе е директорка во “Тутунски Комбинат” Прилеп

На веб страната на Македонска берза и официјално се објавени биографиите на предлог членовите за Одборот на директори на Тутунски комбинат АД Прилеп.

Aлександар Алексоски, Зоран Петрески, Афродита Настеска, Сашко Велјаноски, Гоце Николоски, Афродита Баталовска и Александар Кузманоски се луѓето кои ќе седнат во директорските фотељи, а од нив еден ќе биде и Генерален директор на некогашниот прилепски гигант.

Биографиите на идните директори можете да ги погледнете на следниот линк: https://seinet.com.mk/document/70103

Меѓу членовите на идниот борд на директори е и првиот човек на движењето БЕСА во Битола, Афродита Баталовска. Во нејзината биографија стои дека родена е во Битола, каде како што стои во биографијата по завршувањето на основното “ЧКОЛО” се запишала во средно гимназиско образование, а потоа и на Факултетот за администрација и менаџмент на информациски системи.

АЈДЕ ТАБЛАЏИИ! Кафе MY PLACE Прилеп организира голем турнир во табла – за најдобрите вредни парични награди!

На 16. и 17. ноември, едно од омилените места на младите во центарот на Прилеп, Coffee My Place (Бизнис центар – приземје) организира голем турнир во табла.

Пријавувањето за турнирот ќе трае од 01.11. до 14.11., а котизацијата изнесува 300 денари. За најдобрите вредни награди:

ПРВО МЕСТО – 10.000 денари

ВТОРО МЕСТО – 5.000 денари

ТРЕТО МЕСТО – 3.000 денари

А за сите четвртфиналисти, ваучери од спонзорите на турнирот: Прилепска пиварница, Витаминка, пицерија Академи, Паренцо, Нептун, ЈК Травел, Porchella, бутик Аполо, теретана PROFESSIONAL и продавница за играчки Тргачо.

Koнтакт телефони за пријавување:

078/ 328-233
070/ 257-300

Правила на игра:

Ќе се игра на сите три игри на 5 добиени поени. Фрлањето на заровите ќе биде од чаша. Заровите се фрлаат на едната половина од таблата. Зарот што ќе падне на пул ќе се смета за регуларен.

Ученик од Битола дошол во училиште со повреди, па неговите браќа oткриле дека татко им секојдневно ги тепал и малтpeтиpaл

-На 29.10.2024 во 16.50 часот, во СВР Битола претставници од Центарот за социјални грижи Битола пријавиле дека од основно училиште во Битола стигнало до нив известување дека ученик дошол во училиштето со телесни повреди.

Од страна на претставници на ЦСР и стручен кадар од училиштето бил извршен разговор со мајката и со другите три нејзини деца, ученици во второ, четврто и осмо одделение.

Децата посочиле дека нивниот татко секојдневно ги тепал и ги малтретирал.

Од страна на полициски службеници од СВР Битола на 29.10.2024 во 20 часот лишен е од слобода Џ.Е.(43) од Битола и поднесена е кривична пријава по чл. 201 од КЗ „запуштање и малтретирање на малолетно дете” – информираат од МВР.

(ВИДЕО) Се распаѓаат спортските игралишта во типската населба

Спортските игралишта во населбата “Типски” во Прилеп се во катастрофална состојба. Вештачката трева на теренчето за фудбал е целосно уништена. Дупки, песок… тука дете многу полесно може да се повреди, отколку да спортува и рекреира.

Ништо подобро не е ниту игралиштето за баскет. Необележано, испокршени табли и кошеви, уништени огради…што од несовесни граѓани и вандали, што од негрижа. Ниту чешмата за вода пиење не е во функција….

Крајно време е игралиштата да бидат целосно реновирани и да го добијат стариот сјај. Ќе го следат ли стопанствениците примерот на компанијата WIK, да донираат за реновирање и на овие игралишта?

“АТЛАНТИС” на Витаминка се облече во розово! Причината е огромна и носи силна порака!

Чоколадните морски школки Атлантис добија розово издание со што дел од продажбата ќе биде наменет за пациентките со рак на дојка. Со облекувањето на Атлантис во розово, Витаминка ги помага жените кои се соочуваат со болеста и воедно влијае на зголемување на јавната свест за можноста од превенирање на болеста.

Вклучувањето во борбата против ракот на дојка, компанијата го прави заедно со Здружението за иницијативи за развој во здравството, подобрување на здравствените сервиси и застапување на пациенти ЕЗРА, каде ќе бидат донирани средствата наменети за заболените. Истите ќе бидат употребени за нивните потреби на патот во справување со болеста.

Витаминка преку розовиот Атлантис што се појавува во продажба неклку години во овој период, ги поддржува активностите на здружението и упатува апел до сите жени за поголема самосвест и редовни прегледи.

„Со ваквиот начин на поддршка што секоја година ја даваме, Атлантис стана симбол на борбата на жените кои се соочуваат со оваа болест. Подигањето на свеста за ова заболување е можеби единствениот начин за борбата против заболувањето, но за сите оние кои се соочуваат со болеста и започнуваат со лекување, потребно е да знаат дека имаат поддршка и дека не се сами во борбата против болеста”, велат од Витаминка.

Розовиот Атлантис е веќе достапен во продажба.

Центарот за култура “Марко Цепенков” Прилеп слави 45 години постоење: Богата програма на изложби, концерти и филмски проекции во наредниот период

Националната Установа Центар за Култура “Марко Цепенков“ во ноември одбележува 45 години од формирањето. Својата дејност како Дом на Културата ја започнува на 14 ноември 1979 г. со отворање на изложба од прилепски автори и со специјално подготвената театарска претстава “Факел“ од Коце Солунски. Во почетокот Домот на Културата ги потикнувал аматерските самодејности: фолклор, сликарски школи, литературни, драмски и фото клубови. Во 90-те години во рамките на Домот на Културата влегуваат Културно просветната заедница (КПЗ) на град Прилеп, списанието за литература, уметност и култура “Стремеж“ и Центарот за современа ликовна уметност, и домот “Марко Цепенков“ прераснува во Центар за Култура “Марко Цепенков“ Прилеп со професионална значајна издавачка, ликовно – галериска и сценско музичка дејност. Во 2004 г. го добива статусот: Национална Установа Центар за Култура “Марко Цепенков“ и во нејзини рамки влегува театарот “Војдан Чернодрински“.

„45 години да се создава, чува и негува богатото културно наследство, вткаено во сопствениот подем, во растот на градот кој неуморно покажува и докажува дека раѓа и одгледува писатели, сликари, актери, музичари, слободоумни луѓе со визија, е значајно. Годинава кога одбележуваме 45 години, а цел месец имаме бројни активности, необично е тешко и речиси невозможно да се систематизираат, па дури и само да се набројат сите културни настани кои што се создале, се промовирале, се зародиле, се одиграле во НУЦК“Марко Цепенков“ Прилеп. Институцијата е голем репрезент на високо професионални театарски, литературни и ликовни дела, но и дава значајна подршка за сите аматери.“.

За својата исклучително значајна културна дејност, како и за извондредните пред с# театарски, музичко сценски изведби, ликовна дејност, во 2009г. НУЦК“Марко Цепенков“ ја доби најпрестижната награда на град Прилеп плакета “3-ти Ноември”. И повторно, во годината кога одбележуваме значајна годишнина, нашата ликовна колонија Дрен е наградена со Третоноемвриска плакета од општина Прилеп. Тоа е потврда за професионалниот ангажман на институцијата на полето на уметноста, односно културата во градот.

Се што е сработено во Центарот низ годините е видливо. Останува аманетот за овие сегашни генерации да придонесат да се подигне на уште повисоко рејтингот на институцијата, да се изнајдат начини за поддршка од државата за реконструкција на објектот, но и за изградба на нов театар. А, понудата на квалитетни настани секако ќе ни бидат во прв план, бидејќи опстојуваме и работиме за публиката и за граѓаните на Прилеп.

Во продолжение и програмата на настани и случувања кои Центарот за култура ќе ги реализира во наредниот период по повод овој јубилеј:

* Фестивал „Прилеп фест“
01.11.2024 – 20.00 ч./ голема сала/
*****

*Изложба на ДЛУП
02.11.2024 – 18.30 / ликовна галерија/
*****

* Проекција на филмот „Јон Вардар против галаксијата„

04.11. 2024 – 19.00 ч./ кино Мис Стон/

*****

*Проекција на филмот „ На се доаѓа крај“
06.11.2024 – 19.00ч / кино Мис Стон/
*****

* Вечер на аргентинска музика
09.11.2024 – 19.00 ч/ фоаје/

*****

*Концерт на женски камерен хор „Керамија“
11.11.2024 – 19.00ч./ фоаје/
*****

* Промоција на албумот
„Од колено на колено“ со Александар Јовевски
12.11.2024 – 19.00 ч./ фоаје/
*****

* Изложба на дела од колонијата „ Дрен 2024“
14.11.2024 – 18.30 /ликовен салон /
*****

*Koncert na FIA TRIO
14.11.2024 – 19.00 /ликовен салон/
*****

* Концерт на октет Прилеп
15.11.2024 – 19.00 ч. / голема сала /
*****

*Анимиран филм за деца „Дури и глувците одат во рајот“
16.11. 2024 – 11.00ч/ кино Мис Стон/
*****

* Концерт „Пијан Славеј“
20.11.2024 – 19.00 ч/ фоаје/
*****

* Изложба од Маја Р. Миладиновски
21. 11.2024 – 19.00 ч./ ликовна галерија/
*****

* Изложба од Зоран Тодороски
22.11.2024 – 19.00 ч. /ликовен салон/
*****
* Одбележување 70 години од издавањето на списанието „СТРЕМЕЖ“
* Ликовна работилница со млади таленти
* Театар „Војдан Чернодрински“
Премиера на претставата „Го викаа Господин“
*****

НУЦК „Марко Цепенков“ ќе релизира и дополнителни активности по повод годишнината

Ќе има ли нов партнер во Владата? Моника Зајкова и ЛДП излегуваат од коалицијата со СДСМ

Лидерката на Либерално-демократската партија и пратеничка Моника Зајкова излегува од коалицијата со СДСМ, дознава ТВ21 од партиски извори.

Засега не е познато дали ќе се приклучи на владеачката коалиција на ВМРО-ДПМНЕ, Вреди и ЗНАМ.

Таа претходно кажа дека ќе останат во коалиција со СДСМ, но во Собранието ќе гласа независно.

Општина Прилеп ја објави програмата за одбележување на 3-ти Ноември – Денот на ослободувањето на Прилеп

Со положување венци и свежo цвеќe на спомениците на народните херои, Методија Андонов – Ченто, Кузман Јосифоски – Питу, Могила на непобедените, Споменик кај месноста Песјобрдце, од страна на преставници од локалната самоуправа, политички партии, граѓани и граѓански здуженија и низа музички, културни и спортски манифестации, општина Прилеп ќе го одбележи 3. Ноември – Денот на ослободувањето на Прилеп од фашистичките окупатори.

Одбележувањето ќе започне на 1. ноември со отворен настан за најмалите во паркот кај судот со почеток од 10 часот. Истиот ден со почеток од 19:30 часот во Центарот за култура “Марко Цепенков” ќе се одржи “Прилеп Фолк Фест”.

Наредниот ден, на 2. ноември, со почеток од 11часот, во организација на “Ротари клубот” од Прилеп, ќе се одржи Ликовен арт хепенинг кај споменикот на Итар Пејо во Старата прилепска чаршија, а вечерта со почеток од 19:00 часот, ќе се одржи хуманитарна ноќна трка за помош на малиот Никодим Мидоски.

По повод празникот, традиционално, на свечена седница на 3.ноември, Советот на Општина Прилеп ќе ги додели Третоноемвриските награди.

Настанот оваа година ќе се одржи во големата сала на Центарот за култура “Марко Цепенков” и ќе започне во 19:00 часот.

CBИPEПО HACИЛCТВО: Битолчанец ја гpaбнал, затвopил и тепал екc пapтнepката – Откако си ги иceкла вeнитe неможејќи да издpжи продолжил со тепање

Основното јавно обвинителство Битола поведе постапка против 39-годишен битолчанец, осомничен за дело – Противправно лишување од слобода од член 140 став 5 во врска со став 2 и со став 1, како и – Телесна повреда од член 130 став 2 во врска со став 1 од Кривичниот законик.

-На 21 октомври, при вршење на семејно насилство и на свиреп начин, осомничениот противправно ја затворил и ја држел затворена, а потоа и телесно ја повредил неговата поранешна партнерка. Оштетената, пред нејзината куќа, влегла во неговото возило. Тој започнал да вози и најпрво со тупаница ја удрил во пределот на главата. Потоа ја однел во неговата викендица во Нижеполе, каде насилно ја турнал, ја заклучил и додека ја држел затворена, еден час ја удирал со шлаканици, тупаници и клоци по главата и телото.

Оштетената не можела повеќе да го издржи ваквото негово насилничко однесување, па посегнала по нож од кујната со кој си ги исекла вените на левата рака. Но, осомничениот продолжил свирепо да ја удира, нанесувајќи и повеќе телесни повреди, информираат од Обвинителството.

Јавниот обвинител до судијата на претходна постапка достави предлог за определување мерка притвор, но осомничениот е во бегство, па притворската мерка ќе започне да се спроведува сметано од денот на неговото пронаоѓање, лишување од слобода и приведување.