Еден од најдобрите ресторани во Прилеп, ресторанот “Деспина” подготви фантастична музичка понуда за месец ноември. Цек месец атрактивни музички имиња, ваше е само да изберете убаво друштво, да резервирате навреме и да уживате.
-Денес остваривме средба со наградените и избраните, Најдобар наставник од основните училишта од општина Прилеп – Милан Јаковоски, Најдобар наставник од средните општински училишта – Блаже Димески, Најдобриот воспитувач – Лидија Стојаноска и Најдобриот неговател- Александра Шипинкоска-Стојаноска од ЈОУДГ „Наша иднина“ – Прилеп. Оваа година за првпат според новиот правилник преку Советот на Општина Прилеп и врз основа на јавно објавен повик, доделивме симболични финансиски награди за нивните остварени успеси и вложен труд – информираше на ФБ градоначалникот на општина Прилеп, Борче Јовчески.
-Со овие признанија, ние не само што ги вреднуваме нивните заложби и напорна работа, туку и вложуваме во иднината на нашето образование. Ваквото признавање служи како поттик за сите нас да се трудиме повеќе и да обезбедиме поквалитетно образование за нашите најмлади. Со почит, посветеност и заеднички напори, ќе продолжиме да ги поддржуваме и наградуваме оние кои се вистински темел на нашето општество – напиша Јовчески.
Доналд Трамп и се обрати на јавноста по изборите во Америка, прогласувајќи победа на претседателските избори. На сцената излезе со сопругата, синовите и ќерката, како и со најблиските соработници.
Во победничкиот говор Трамп порача дека ќе се залага за прекин на сите војни во светот.
„Ќе ги прекинам војните“, Трамп рече дека ќе работи на запирање на сите војни и потсети дека за време на неговиот мандат не била започната војна.
„Ќе ги прекинам војните. Републиканците се партијата на здравиот разум. За време на нашиот последен мандат немавме војни, четири години немавме војни. додаде тој.
Тој се осврна на критиките на неговите противници што ги кажаа за него, а во една од нив токму се порачуваше дека Трамп „ќе започне нова војна“.
„Нема да започнам војна, ќе ги прекинам војните. Ова е голема победа за демократијата и слободата. Ќе ја отклучиме славната судбина на Америка, ќе постигнеме неверојатна иднина за нашиот народ“, заклучи Трамп на крајот од говорот.
Заменик претседателот на Владата и министер за транспорт Александар Николоски му ја честиташе победата на американскиот претседател Доналд Трамп.
-Демократските вредности уште еднаш ја потврдија силната верба на американскиот народ за обезбедување на стабилна и просперитетна држава. Македонија и понатаму останува силен сојузник на САД и граѓаните, стратешки партнер во евроатланските процеси и промотор на глобалниот мир и поредок, објави Николоски на својот Фејсбук.
Трамп прогласи победа на претседателските избори во САД и влегува во Белата куќа како 47-ми американски претседател, што ќе биде негов втор мандат.
По разделбата со Срѓан Захариевски, фудбалскиот клуб Вардар веднаш го назначи новиот предводник на првиот тим.
Се работи за добро познато име во вардаровото семејство, Гоце Седлоски кој вторпат во кариерата ќе го води Вардар, а претходно беше и спортски директор. 50-годишникот ќе биде четвртиот нов тренер на вардарци во новата сезона, па останува да се види како ќе се снајде.
Но, од навивачката група “Комити” веста за назначувањето на Седлоски за тренер ја пречекаа на нож.
-Гоце Седловски не смее и нема да биде тренер на ФК Вардар!
Човечкиот отпад кој уживаше во друштвото на убијците на нашиот брат Саздо, кој со огромно задоволство се радуваше на поразите на ФК Вардар и кој беше избркан од клубот во 2017 година поради сомнително работење, по кое е општо познат во јавноста, не заслужува да седне на црвено-црната клупа!
Во сабота или седни на клупата на Слога Југомагнат, онаму каде што природно припаѓаш или воопшто не доаѓај. Вардар и Градскиот стадион во Скопје, за тебе веќе не постојат. Никогаш нема да ти биде простено!
Воедно ги повикуваме сите навивачи на клубот, сите оние кои беа во неделата во Битола, на баражите во Струмица и Кавадарци, но и на скалите пред стадионот, кога се испаѓаше, кога се боревме сами против сите, дур вакви гниди мирно си уживаа во своите провизиски комбинации и хоштаплерски зделки!
КЛУБ НА НАРОДОТ СИ ВАРДАРЕ!
ВО САБОТА – СИТЕ НА СТАДИОН! – напишаа од навивачката група на Фејсбук.
Известување од прилепските црковни храмови по повод големиот христијански празник Свети Димитриј – Митровден:
-Браќа и сестри во Христа, наши прилепчани, ве известуваме дека ЛЕПЧИЊАТА ЗА СЛАВА ЌЕ СЕ ПЕАТ ИСКЛУЧИВО ВО ЦРКОВНИТЕ ХРАМОВИ.
За претстојната слава, на свети Димитриј (митровден), во храмот св. Кирил и Методиј (ПАРАКЛИС) и св. Петка во нас. Точила лепчиња ќе се креваат преку цел ден во четврток (07.11.2023) од 7:00 – 17.00., И НА САМИОТ ПРАЗНИК (наредниот ден) во петок по завршувањето на Божествената Литургија.
СВЕТО БЛАГОВЕШТЕНИЕ (СТАРА ЦРКВА) – од 07.00 до 17.00 часот.
СВЕТО ПРЕОБРАЖЕНИЕ (ГРЧКА) од 15.30 до 17.00 часот.
СВЕТИ ПАНТЕЛЕЈМОН (БОЛНИЦА) од 11.00 до 13.00 часот.
СВЕТИ КОНСТАНТИН И ЕЛЕНА (ТИПСКИ) од 11.00 до 13.00 часот.
На 08ми утрото во СВЕТО БЛАГОВЕШТЕНИЕ (СТАРА ЦРКВА).
Честита слава на сите кои ја чествуваат Св. Димитриј како закрилник на нивните домови т. е. домашна слава!
Премиерот Христијан Мицкоски упати честитка до претседателот Доналд Трамп за неговата победа на изборите за претседател на САД.
-Во мое лично име и во име на граѓаните, упатувам срдечни честитки до претседателот Доналд Трамп за неговата победа на изборите за претседател на Соединетите Американски Држави.
Оваа победа е потврда на длабоката верба на американскиот народ во принципите на слободата и демократијата.
Со нетрпение очекуваме натамошно продлабочување на нашето цврсто партнерство и соработка, особено во областите на безбедноста, економскиот развој и демократските реформи.
Македонија останува посветена на градењето уште посилни врски со САД, како стратешки сојузник и пријател, кои ќе продолжат да ја зајакнуваат стабилноста и напредокот на целиот регион.
Честитки и најдобри желби до претседателот Трамп и до целиот американски народ!, пишува Мицкоски на Фејсбук.
Ќе и помогнеме на нашата земја да заздрави, изјави денеска републиканскиот претседателски кандидат Доналд Трамп.
Тој се обрати на своите поддржувачи во Палм Бич на кои им вети дека „ќе ги поправи границите“, додавајќи дека тој и неговата партија испишале историја со причина.
-Ова беше најголемото и најдоброто политичко движење во оваа држава и сега ќе достигне ново ниво. Ќе порасне и ќе и помогне да државата да заздрави. Имаме држава на која и треба помош, ќе ги поправиме границите, ќе поправиме се’. Направивме историја со причина вечерва. Политичка победа која нашата државата не ја видела досега. Им благодарам на луѓето што гласаа избирајќи го новиот претседател, изјави Трамп
Врз основа на тековните проекции на Си-Ен-Ен, поранешниот претседател Доналд Трамп има 266 електорски гласови, а Харис има 188 електорски гласови. Тоа значи дека Трамп треба да добие само уште четири електорски гласови за да ја освои претседателската функција
-СВР Охрид поднесе кривична пријава против М.Н.(46) од Прилеп и М.В.(60) од Скопје поради постоење основи на сомнение за сторено кривично дело „бесправно градење“.
Во Љубаништа, пријавените изградиле семејна куќа без да поседуваат одобрение за градење од надлежен орган – информираат од МВР.
Центарот за култура „Марко Цепенков“ го доби проектот за изградба на нов театар во Прилеп. Од Министерството за транспорт и врски се чека одобрение за градба, а од Министерството за култура и туризам средства за реализација во програмата за 2025 година.
-Проектантите неодамна го завршија проектот и Центарот за култура „Марко Цепенков“ располага со комплетна ревидирана проектна документација од проектот за реконструкција со доградба и надградба на објектот наменет за обезбедување простор за потребите на театарот. Всушност, станува збор за два одделни проекти по барање на Министерството за транспорт и врски: еден е за реконструкција на постојниот објект на Центарот, а другиот е за доградба и надградба на постојниот објект, изјави Марија Попова Јованоска, в.д. директорка на Центарот за култура „Марко Цепенков“.
Реконструкцијата на објектот се однесува на содржинско збогатување и функционално редефинирање на просторот како и подобрување на постојната физичка состојба на просторот и замена на дотраените материјали и техничка опрема, а доградбата и надградбата се однесуваат на обезбедување целосно нов простор за потребите на театарот во рамките на Центарот за култура со претходно отстранување дел од просторните целини.
Театарот е предвиден да ги опфати просторните делови од сегашното кино „Мис Стон“, од „Арт“ кагулето и дел од ликовната галерија.
-Двата дела, предвидената реконструкцијата и доградбата со надградбата, ќе делуваат како една содржинска целина, со можност за работа како самостојни целини во иднина, објаснува Попова Јованоска.
Центарот се обрати до Министерството за култура за да одобри финансиски средства за изградба на новиот театар во Прилеп во програмата за наредната 2025 година.
-За овие два проекти веќе се обративме до Министерството за култура и туризам и побаравме да обезбеди финансиски средства за реализација и да ги одобри во годишната програма за изградба на нови објекти и реконструкција, санација и адаптација на постојните објекти што ги користат националните установи од областа на културата за 2025 година, рече Марија Попова Јованоска.
Според проектантите, за изградба на театарот ќе бидат потребни околу 18.000.000 евра, а за реконструкција на Центарот за култура околу 9.000.000 евра.
Проектант на проектите е Друштвото за производство, промет и услуги Архиум Љупчо ДООЕЛ увоз-извоз Скопје, а ревидент е Друштвото за проектирање и инженеринг Хидро градежен инженеринг Скопје.
За реализација на двата проекти од Министерството за култура и туризам беа одобрени 60.000 евра.
