По серија на состаноци кои што ги организираше премиерот заедно со тутунските здруженија, со откупувачите, се постигна една цена која што е во задоволство на тутунарите, а тоа е да првата класа се откупува за 400-тини денари. Имаме покачување од 375 денари на 400 денари, истакна министерот за земјоделство, шумарство и водостопанство, Цветан Трипуновски во изјава за медиуми од денешниот настан „Пчеларски ден-знаење и дружење 2024“.

„Субвенцијата за првата класа на тутун од 80 денари ја покачивме на 100 денари“, нагласи министерот Трипуновски.

Тој во својата изјава за медиуми додаде дека се дојде до една заокружена цена од 500-тини денари што е со широко задоволство прифатено од тутунарите.

„Со ова покажуваме дека навистина оваа гранка ни е многу важна и од социјален и од економски аспект“, посочи тој.

Министерот истакна дека оваа мерка беше поздравена и од Сојузот на тутунарите.

На ден 14.10.2024, Боречкиот клуб “7-ми Мај” од Прилеп настапи со 4 свои борачи на силниот Меѓународен турнир “Трофеј Победник” во Србија, каде успешно ја завршија натпреварувачката сезона за оваа година и ги постигнаа следниве резултати:

1.Михаил Илијески во категорија до 55кг. освои прво место,

2.Ангела Трајкоска во категорија до 54кг. освои прво место,

3.Марија Велјаноска во категорија до 46кг. освои трето место и

4.Тамара Цветкоска во категорија до 62кг. освои трето место.

Стручниот тим на клубот е задоволен од постигнатите резултати во изминатава година и заедно со своите борачи ветуваат уште поголеми успеси во наредната 2025г.

„Празниците живеат во Битола на Зимска приказна“ – а оваа година таа магија ќе биде поголема од кога и да е!

Градоначалникот на Битола, Тони Коњановски заедно со директорот на ЈП „Паркинзи“, Зоран Михајловски, го најавија највозбудливиот дел од годинешната Зимска приказна – професионално лизгалиште кое ќе биде поставено во срцето на градот, на плоштадот Магнолија. Од 20 декември, сите граѓани и посетители ќе можат да уживаат во забава на мраз во текот на целиот месец – до 6 јануари!

Што следува?
Од овој викенд започнуваме со техничките подготовки и поставувањето на лизгалиштето. Просторот на плоштадот ќе биде привремено адаптиран, па ве замолуваме за трпение и разбирање додека се креира оваа празнична атракција која ќе донесе радост и возбуда за сите генерации.

Зошто е ова посебно?

За првпат, Битола добива професионално лизгалиште – место каде што децата ќе ги прават првите чекори на мраз, младите ќе уживаат во дружби, а возрасните ќе се потсетат на радоста на празниците. Оваа нова атракција е дел од Зимска приказна, фестивалот кој ја претвора Битола во вистинска празнична туристичка дестинација.

Oд општина Битола упатуваат голема благодарност до сите битолски компании, кои застанаа зад овој проект и го поддржаа фестивалот, кој ги надминува границите на градот.

-Со заедничка поддршка, ја претвораме Битола во центар на празничната магија.Од 20 декември до 6 јануари – ве очекува лизгалиштето на плоштад Магнолија. Празниците живеат во Битола на Зимска приказна – бидете дел од оваа волшебна зимска приказна – порачуваат од општината.

ГЕРМАНСКИОТ ЈАЗИЧЕН ЦЕНТАР „ERFOLG“ од Прилеп нуди можност за ONLINE изучување на германскиот јазик на современ начин индивидуално или во мали групи за основци, средношколци, студенти и возрасни

Постојат од 2019 година и досега голем број лица од Македонија, Германија, Австрија, Швајцарија, Франција и други држави ги користеле и ги користат нашите услуги. Сите се успешни и успеале да ја постигнат целта, да го совладаат германскиот јазик.

Успесите на корисниците на услугите на „ERFOLG“ се должат пред се’ на професионалноста на нивните предавачи и нивната посветеност во работата, вниманието со кое се реализираат часовите и кое му се посветува на секој корисник.

-Оваа година се дружевме со слушатели од 67 РАЗЛИЧНИ ГРАДОВИ. Многу СВЕТЛИ успеси, ДУРИ 56 положени меѓународно признати сертификати и 14 FSP. Задоволни слушатели, мотивација на највисоко НИВО и позитивна енергија. Во продолжение како за крај на оваа година, ви подготвивме новогодишно видео кое го изработивме со многу љубов. УЖУВАЈТЕ ВО ПРЕКРАСНИТЕ НОВОГОДИШНИ ФОТОГРАФИИ НА НАШИТЕ СЛУШАТЕЛИ – порачуваат од Германскиот јазичен центар ЕRFOLG од Прилеп

Толку среќа во 1мин. и 15 секунди. СРЕЌНА НОВА 2025 со желби за многу здравје, љубов, огромни успеси и нови победи!

ВАШ ЕРФОЛГ

Во организација на “Прилепски Планинари Авантуристи”, петта година по ред ќе се одржи новогодишната тура искачување на прилепскиот врв Козјак. Турата се одржува на првиот ден од Новата година, а во изминатите пет години бројот на планинарите се повеќе се зголемува.

Турата ќе започне во 09 часот од селото Плетвар, од каде вљубениците во природата ќе се упатат кон 1747м. високиот Козјак и ќе постават ново македонско знаме на јарболот на врвот.

Да им посакаме успешна планинарска тура и оваа година и што поголем број учесници.

-На 13.12.2024год. околу 11 часот, полициски службеници од ОВР Прилеп го лишиле од слобода Ф.А. (39) од Прилеп, затоа што во просторија во ОВР Прилеп агресивно се однесувал кон полициски службеници кои извршувале службени дејствија.

Тој бил задржан во полициска станица, по што бил изведен пред судија на претходна постапка, кој му определил мерка притвор – информираат од ОВР Прилеп.

Согласно Акцискиот план со краткорочни мерки за чист воздух предложен од страна на МЖСПП, општина Прилеп преку својот веб сајт на граѓаните им препорачува:

Правилно користење на огревно дрво (домашно греење):

-да се користи само огревно дрво со прегревање/сушење пред ложење,

– да не се употребува пластика, гума, обработено дрво, отпадни материјали

Целта е со сушењето да се намалува влагата присутна во огревното дрво, што го подобрува согорувањето, а тоа ќе доведе до намалување на емисии на загадувачки супстанци во воздух.

Добрите практики за греење на дрва во домаќинствата можете да ги погледнете во брошутата на следниот линк:

Click to access Good-practices-for-residential-wood-burning-%D0%9C%D0%9A.pdf

Светското чудо од дете, Индиецот Домараџу Гукеш, е новиот и досега најмлад светски шампион во шах. Со само 18 години ова момче, велемајстор од Индија, кој своевремено настапуваше за Шаховскиот клуб Прилеп, ги надмина рекордите на најпознатите светски имиња во историјата на овој спорт.

Своевремено Гари Каспаров (од Советскиот Сојуз) стана светски шампион на 22 години, исто како и Норвежанецот Магнус Карлсен.

Гукеш за Прилеп настапуваше на 15-годишна возраст кога одигра на Европскиот шаховски клупски куп во Струга.

Во МВР потребен е човечки кадровен потенцијал и можам да објавам дека веќе овој месец се планирани нови 600 вработувања, изјави денеска премиерот Христијан Мицкски како одговор на новинарско прашање.

-Многу малку се водело сметка за кадровски потенцијал, во рамките на министерството за внатреѓни работи, тоа го согледуваме сега откако изминавме период од 6 месеци, каде што анализиравме истражувавме и дојдовме до заклучоци дека навистина изминативе години би рекол е правен епски криминал, и за да тоа сето се санкционира и да излезе пред правдата ова основано сомневање, потребен е човечки кадровен потенцијал и можам да објавам дека веќе овој месец се планирани нови 600 вработувања во МВР, изјави Мицкоски.

Мицкоски појасни декека дел од кадарот оди во пензија, а дел се поради кадровско зајакнување на МВР.

-Дел поради природно заминување во пензија, дел кадровски да се зајакне министерството, така што МВР веќе следната недела да објави оглас за нови 600 вработувања во рамките на самото министерство, појасни премиерот Мицкоски.

Деновиве во ликовната галерија на ЦК “Марко Цепенков” во Прилеп, биточанката “Дани Даниела” и групата “Тик-Так” снимија одлична преработка на легендарната песна од Силвана Арменулиќ, “Циганине ти што свираш”.

Проектот е снимен во соработка со WOW Music и ДАНО ПРОДУКЦИЈА, a aранжманот е на Мендо Ташкоски.

Покрај Ташкоски на хармоника, во спотот свој настап имаат и Игор Перканоски на клавир, Илија Чакароски на гитара, Валдо Димоски на бас и Дарко Аврамоски на тапани.

Слушнете и уживајте во продолжение: