Локалната самоуправа во Битола, продолжува со активностите за подобрување на спортската инфраструктура во општината. За проектите кои беа најавени кон крајот на минатата година, веќе се финализира документацијата, а оваа недела се очекува да започнат и работните активности на терен за реконструкција на салата во Бистрица.

Со новото проектно решение треба да се изврши реконструкција на кровната конструкција, која моментално е целосно рушена, да се уреди внатрешниот простор, согласно проектното решение, каде главна намена е салата во функција на училиштето, како двовисински простор.

Просторната организација на објектот ќе биде организирана во две доминантни целини: приземје (280 м²) и галерија (100 м²). Приземјето ќе содржи мултифункционален простор за спортски активности и помошни простории.

Галеријата потребно е да е во комуникација со приземјето за да биде функционална со што би се користела и како гледалиште за културни манифестации. Вкупната вредност за реализација на овој проект изнесува 37.599.996 денари.

Обуки од областа на документарната продукција се одржаа во Битола во рамките на проектот „Младите за мир преку филмска уметност“, кој го имплементираат граѓанските организации “Граѓански Патеки“ и “ИКТ Свет“.

Во обуките се вклучија 16 млади луѓе од Битола, Прилеп, Новаци и Могила. Младите од различно етничко и културно потекло заедно ќе работат на продукција на документарен филм, за што ќе добијат соодветна обука и менторска поддршка од искусни професионалци.

Целта на проектот е јакнење на капацитетите на младите од различно етничко потекло за промовирање меѓуетнички дијалог, граѓански вредности и борба против дискриминацијата преку активности засновани на уметност и меѓукултурни иницијативи.

Проектните активности се насочени кон развивање вештини кај младите за граѓански ангажман преку филмска уметност и зајакнување на свеста дека уметноста е моќна алатка за меѓукултурна комуникација, меѓусебно разбирање, развивање чувство на заедништво и припадност, јакнење на довербата и интеграција.

Проектот е поддржан од Младинскиот меѓукултурен уметнички фонд како дел од проектот „Градење нови мостови” на Мисијата на ОБСЕ во Скопје.

Во Старата прилепска чаршија на цветната улица, се најдува бутикот BABY BOOM, едно од најубавите катчиња каде ќе најдете се’ за вашите најмали.

Квалитетна облека изработена од убедливо најквалитетни материјали, облека во која вашите дечиња ќе се чувствуваат удобно, заштитено и што е најважно топло во овие зимски денови.

И за момчиња и за девојчиња, од најмали нозе, па се до школска возраст. Најмодерни блузи, кошули, огромен избор на зимски вентијаги, палтенца, шпикозни, фустанчиња…

Во BABY BOOM ќе најдете и преубав избор на меки шалчиња и капчиња, како и богата бебешка колекција. Убавиот глас се слуша надалеку, па не случајно нивниот дуќан често го посетуваат и жители на други градови.

Со еден збор BABY BOOM е бренд на прилепската чаршија кога станува збор за детска облека!

Посетете ги уште денеска, во BABY BOOM имаат подготвено одлична новогодишна понуда, по најниски цени за вашите најмали.

Мечка вчера следела и гонела 15-годишно момче во атарот на село Крапа во Општина Македонски Брод.

Детето успеало да побегне, не било директно нападнато и не било повредено, иако паднало при бегањето кога заедно со стадото овци се враќало кон трлото, односно дома во селото.

Како што соопшти денеска Центарот за управување со кризи (ЦУК), случајот вчера бил пријавен на бројот за итни случаи 112 во ЦУК. Настанот се случил од 18:15 до 20:15 часот. Истиот настан бил пријавен и во ПС Македонски Брод.

Таткото на детето, кој има 61 година, искажал голема вознемиреност и страв за животот на децата. Информирал дека во последната година се почесто ги гледаат мечките околу нив. Пред еден месец мечка им грабнала една заостаната овца при движење на стадото и ја изела. Тоа, како што се наведува, го утврдиле на теренот, според пронајдените остатоци од исчезнатата овца и траги, а и измет, од мечката која тие ја именуваат како „мршарка“ (којашто јаде месо од угинати животни, но и од животни коишто ќе успее да ги фати, улови).

Според ова семејство и според забележаните траги околу нивното стадо од 300 овци, мечка или повеќе мечки во последната година, особено во време на последниот месец, биле спуштени во понискиот предел во ливадите кон селото Зрзе, но во правец повеќе на село Дебреште близу меѓуопштинската граница со Општина Прилеп, а сепак на територија на Општина Македонски Брод. Според трагите и лаењето на кучињата од селото Крапа, мечката или мечките се движеле и кружеле се почесто и се поблиску до селото, околу трлата со добиток.

ЦУК информира дека се преземаат безбедносни мерки за да се заштитат граѓаните и нивниот имот од можни напади на диви животни со хумани мерки.

Битолчанката Марија Димовска го освои златниот медал во категорија лоу кик до 60кг. на силниот Меѓународен кик бокс турнир “Атина челинџ – Европски куп” во Грција.

На турнирот настапија над 1000 кик боксери од 24 држави, а битолчанката по којзнае кој пат покажа со каков квалитет располага.

За медалот да биде уште посладок, противничка на Марија во финалето беше Гркинката, Хелен Каталаграијану.

-Златен медал, а со тоа и Светски првак. Марија Димовска е првиот јуниорски (помлад јуниор) светски првак од Македонија, а воедно и првата девојка која станала светски првак во кикбокс во WAKO светската организација, во која членува Македонската кик-бокс и маитаи федерација! Македонијо радувај се, Битола радувај се, имаме светски шампион – напиша на ФБ Aлександар Димовски Димса.

Од полноќ ќе има нови цени на горивата согласно денешната одлука на Регулаторната комисија за енергетика, водни услуги и услуги за управување со комунален отпад (РКЕ). Според РКЕ, ќе се точат поевтини горива.

Малопродажната цена на бензинот ЕУРОСУПЕР БС-95 се намалува за 1,00 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 30.01.2025 година и со тоа малопродажната цена на ЕУРОСУПЕР БС-95 изнесува 79,00 ден/лит.

Малопродажната цена на бензинот ЕУРОСУПЕР БС-98 се намалува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 30.01.2025 година и со тоа малопродажната цена на
ЕУРОСУПЕР БС-98 изнесува 81,50 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ1), се намалуваат за 1,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 30.01.2025 година и со тоа, малопродажната цена на ЕУРОДИЗЕЛ (Д-Е V) изнесува 73,00 ден/лит, додека малопродажната цена на Екстра лесното масло за домаќинство на (ЕЛ-1) изнесува 72,00 ден/лит.

Малопродажната цена на Мазутот М-1 НС, се зголемува за 0,141 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 30.01.2025 година и со тоа малопродажната цена на Мазутот
М-1 НС изнесува 44,672 ден/кг.

Новинарот од Прилеп, Зоран Момироски, објави дека на 120 времено вработени во времето на минатата Влада во прилепската болница “Борка Талески”, им се прекинати договорите и истите од денеска се без работа.

-На околу 120 времено работно ангажирани здравствени работници во ЈЗУ Општа болница Прилеп им се прекинати договорите и побарано е од нив да ги напуштат работните места. Има и такви кои со ваков третман работеа кој 2, кој 5, а има и по 8 и по повеќе години. Иста наредба да се прекинат вакви договори има и во други здраствени установи, болници, поликлиники и клиники во државава. Сега да ги прашам ,,јаките, силните и принципиелните,, Миле Талески, Зоран Пачешкоски-Цакио, Илија Јованоски-Муцето, Роза Пиличева, Кети Смилеска и другите, кои си ги средивте жените, децата и се што мрда во фамилија. Вие господа, ако сте господа, кои ,,колевте и бесевте,, со години. Вие кои ,,јававте до небото,, на овие и слични гласачи со кои манипулиравте со години, ЌЕ ИЗЛЕЗЕТЕ ПРЕД ОВИЕ ЛУЃЕ, ИЛИ ЌЕ БЕГАТЕ И ЌЕ ИЗБЕГНУВАТЕ СРЕДБИ!? За ова и дел од другите игранки со човечките судбини во петок во 114 колумнна – напиша новинарот Момироски.

Медиумската писменост е во фокусот на обуките кои се одржуваат во рамките на проектот „Младинска медиумска лабораторија“, кој го имплементира граѓанската организација „Граѓански Патеки“ во партнерство со здруженијата „ИКТ Свет“, „Журналист“, „Од млади за млади“, „Младинска Граѓанска Акција“ и „Еко герила Преспа“.

14 млади луѓе од општините Битола, Прилеп, Новаци, Могила, Крушево и Ресен се приклучија на обуките во Битола, со што имаа можност да учат од истакнати медиумски професионалци и експерти во ИТ секторот.

Новинарките, д-р Анета Шијакова и м-р Жанета Здравковска, ги запознаа со основите на медиумската писменост, професионалните новинарски стандарди и потребата од проверка на фактите во функција на борба против дезинформациите. Д-р Зоран Котевски, редовен професор на Факултетот за информатички и комуникациски технологии, зборуваше за улогата на новите технологии во областа на медиумската писменост, но и нивната злоупотреба за дезинформирање како дипфејк манипулации и хибридни закани.

Младите учесници покрај тоа што се вклучени во обуки од областа на медиумската писменост, низ менторска програма ќе учат да пишуваат блогови и да креираат поткасти. Целта е зајакнување на вештините на младите за критичко разбирање на медиумските содржини.

Проектот се реализира во рамките на регионалната програма „Нашите медиуми: Акција на граѓанското општество за поттикнување на медиумска писменост и активизам, спротивставување на поларизацијата и промовирање на дијалогот“, која се имплементира со финансиска поддршка на Европската Унија од партнерските организации СЕЕНПМ, Албанскиот институт за медиуми, Медиацентар Сараево, Советот за медиуми на Косово, Црногорски институт за медиуми, Македонски институт за медиуми, Новосадската школа за новинарство, Мировен институт и Бианет.

Проектните активности се дизајнирани да ја едуцираат младата популација на критичко разбирање на информациите кои секојдневно им се пласираат преку медиумите и социјалните мрежи.

Проектот ги мобилизира младите од граѓанските организации во соработка со професионални новинари да учествуваат во едукацијата на поширока популација на млади и воопшто на граѓаните за улогата на професионалните медиуми и заканите од дезинформациите.

Доколку сите ние во законска рамка се согласиме да ни се намалат платите по 12.000 денари и притоа истите никако да не се покачуваат би генерирале заштеди во висина од 24.000.000 денари или околу 400.000 евра месечно.

Овие средства ќе бидат сосема доволни за имплементација на итни мерки, субвенции за населението, особено за цената на гасот, котли за гас, продолжување на секундарната гасификација, говорам за Струмица, објави синоќа на неговиот фејсбук профил градоначалникот на Струмица, Костадин Костадинов.

Неговото обраќање доаѓа по завчерашниот протестен марш против енормното загадување во Струмица што го организираа екологистите и препукувањата меѓу политичките партии за тоа кој е виновен за загадувањето во Општината.

Според струмичкиот градоначалник, во услови на ектремни цени, има реална можност да се прогласи економска криза, мерка со која би се замрзнале платите на функционерите.

-Да не бидам погрешно разбран и јас барам мојата плата да биде намалена. Со таквата мерка би биле опфатени над 2.000 функционери, напиша Костадинов.

Додава дека живееме во време кога мора тие кои ја имаат честа од граѓаните да ги водат да се направи чекор со кој ќе скратат од себе си, а за бенефит на нацијата.

Според него, решението е едноставно и реално можно.

Во срцето на Прилеп, на бул. Гоце Делчев бр. 6-3, наспроти “Ла Страда”, oд неодамна работи продавницата на Bonatti, единствено место каде љубителите на квалитетната и елегантна долна облека можат да го најдат совршениот избор за себе или за подарок на блиска личност.

Со врвен квалитет и внимание на секој детал, Bonatti создава парчиња што ги надминуваат сите очекувања. Без разлика дали станува збор за секојдневна долна облека или ексклузивни сетови за посебни пригоди, Bonatti секогаш успева да ги задоволи вкусовите на најпребирливите купувачи.

Продавницата во Прилеп е совршено место за сите оние што сакаат да се чувствуваат убаво и самоуверено во својата кожа. Со широк асортиман на производи, вклучувајќи долна облека, пижами, аксесоари и други модни детали, посетителите ќе можат да го најдат совршениот избор за себе или за подарок на блиска личност.

А сега е вистинското време да ги посетите! Во Bonatti на изненадувањата им нема крај! До 27.02. искористете ги неверојатните попусти до -50%

Направете ја неодоливата комбинација, почестете се себе си или некој ваш близок со нешто посебно и удобно!