Според информацијата пристигната од МАКТЕК Дооел – Скопје, за потребите на компанијата БЕХТЕЛ и ЕНКА, денеска, 14.10.2024 година, во периодот од 12:00 до 17:00 часот ќе се изврши минирање на локалитетот Сладун (општина Прилеп).

Исто така и МАКДРИЛ информираше дека денеска во периодот од 10:00 до 15:00 часот, ќе извршат минирање на каменоломот Говрлево – сопственост на Цементарницата – УСЈЕ (општина Сопиште).

-Оваа полиса е одлична можност за осигурување на живот со штедење со бројни предности и погодности кои овозможуваат финансиска безбедност за најблиските во случај на несакани животни ситуации.

СН Осигурителен Брокер А.Д Битола во соработка со Триглав Осигурување Живот АД Скопје за секоја склучена полиса за детско штедно осигурување во период од 01.10. – 31.10.2024 година, подарува дополнително осигурување на деца од последици на несреќен случај (незгода) склучено кон детско штедно осигурување, согласно избраниот пакет, за првата година од траењето на договорот за осигурување.

Пакет за сигурно детство

Сигурноста на детето е највисок приоритет за секој родител. Поседувањето на полиса за осигурување на живот е еден од најдобрите начини да се намали ризикот од непредвидени финансиски оптоварувања предизвикани од несакани случувања.

За да се заштитат во вакви случаи сега на родителите на располагање им е полисата Касичка која овозможува детско осигурување со штедење.

Касичка за штедење и осигурување

Оваа полиса е одлична можност за осигурување на живот со штедење со бројни предности и погодности кои овозможуваат финансиска безбедност за најблиските во случај на несакани животни ситуации.

Предноста е во тоа што пакетот овозможува комбинација на штедење и осигурување, односно покрај полисата за животно осигурување, се гарантира и сигурноста на вложените средства, што значи дека по истек на договорениот осигурителен период, децата ги добиваат средствата во висина  која е договорена при склучување на полисата, а низ целиот период на договорот ја користат привилегијата да користат осигурување.

Овој тип на осигурување нуди бројни предности. Имено, со овој тип на осигурување може да се осигурат сите лица од 1 ден старост до 15 години, додека периодот за истек на договорот за осигурување не може да биде подолг од календарската година во која осигуреникот ќе наврши 26 години.

Во случај на несакан штетен настан-смрт на договорувачот на осигурувањето по изминати две години од склучување на договорот, обврската за уплата на идните премии до истекот на договорот за детско штедно осигурување ја презема Триглав осигурување Живот.

За сите дополнителни информации поврзани со полисата Касичка – детско осигурување со штедење можете да се информирате во СН Осигурителен Брокер АД Битола на телефон 075 28 46 53 или на веб страната www.snbroker.mk.

ЕВН – Македонија известува дека поради планирани зафати во електро дистрибутивната мрежа на 15.10.2024 год (вторник ) без напојување со електрична енергија ќе останат селата:

(08.30 ч. до 09.30 часот): с. Тополчани, с. Тројкрсти, Репетитор во с. Тополчани, с. Чепигово, с. Мало Рувци и с. Алинци.

По повод Денот на Хрватскиот Парламент, во Битола беa изведени претставите „Децата од Павловата улица“ од Ференц Молнар и „Љубов на прв поглед“ од Фадил Хаџиќ, двете во режија на Силвио Стилиновиќ, во изведба на Младинскиот сатиричен театар од Славонски Брод, Хрватска.

Гостувањето беше во организација на МХД. Хрватски културен центар „Марко Марулиќ“, Битола. Ова гостување е во рамките на програмата низ целата година за одбележување на 30 години од постоењето на Хрватскиот културен центар. Присутните ги поздрави претседателот на истиот,

Бранко Маретиќ кој истакна:

„Целата наша програма е создадена со цел оние кои ќе дојдат на нашите настани, да се запознаат малку повеќе со хрватското културно наследство, хрватскиот јазичен идентитет. Битолчани и оние од другите градови и општини, преку овие настани можат да се доближат до хрватската култура и начин на живот и да ги видат заедничките карактеристики и однесувања, но и разликите кои ја збогатуваат една култура. И двете се неопходни за развој на дијалогот и разбирање меѓу народите на двете земји, а пред се културна размена и збогатување“.

Настанот беше организиран во соработка со општина Битола и Центарот за култура.

„Посебно ми е задоволството што и оваа година нашите пријатели од Славонски Брод дојдоа во Битола, нашата соработка трае веќе долги години. Младинскиот сатиричен театар е еден од најнаградуваните во Хрватска и регионот, а самиот аплауз на крајот на овие две претстави во Битола, зборува за тоа колку публиката ги сака. Овој настан го организираме заедно со институциите и поединците кои се исто така наши пријатели. Се надевам дека ќе продолжиме со вакви средби, но и со нови, со реализација на нови проекти меѓу двете земји, особено културни активности“, додаде Маретиќ.

Присутните ги поздрави и Стјепан Домјанчиќ, воено аташе при Хрватската амбасада во Скопје.
Сатиричниот младински театар, постои од 2006 година, добитници се на многубројни награди во Хрватска, но и на фестивали надвор од неа. Како што велат самите актери- за нас наградите се доказ дека сме на вистинскиот пат за она што го работиме. Сатиричниот театар со право може да каже дека со своите претстави, културното значење и просторот што го отвора за младите и љубителите на театарот е еден од столбовите на општествениот живот на градот Славонски Брод.

„Би рекол дека нашето доаѓање овде, односно на актерите од Славонски Брод, Младинскиот сатиричен театар, веќе стана своевидна традиција овде во Битола.Се чувствуваме како дома и можам да кажам дека и продавачите веќе не препознаваат. Запознавме навистина голем број луѓе и како што кажав, Битола е навистина наш град и навистина го сакаме. Како што ја сакаме цела Македонија и оваа соработка трае веќе долги години“, истакнува режисерот Стилиновиќ и додава:

„Исклучително ни е драго што во Битола како културно друштво, како театар најдовме соработници, односно културниот центар „Марко Марулиќ“ кој ги обединува и зближува Хрватите во Битола, но и Македонците, односно луѓето, пријателите на културата. Исклучително ни е драго и чест што го имаме за пријател Бранко Маретиќ, кој навистина работи многу за да го поврзе хрватскиот народ и Македонците на овие простори, односно сите народи кои живеат во оваа мултикултурна средина“.

За двете претстави ќе каже:

„Се одлучивме како што е тоа случај со театрите низ Европа, да направиме театарска вечер и да изведеме две претстави. Во првата претстава играат млади луѓе на возраст од 13 години, како и искусни актери од 50 и повеќе години. Сите работат како тим и тоа е единствениот начин всушност да се направи ваква претстава, беше предизвик да се постави на сцена. Втората претстава е дело на босанско-херцеговачкиот и хрватски писател и драматург, сликар, режисер, вистинска ренесансна личност, човекот кој го основал денешниот театар Керемпух во Загреб, Фадил Хаџиќ. Сепак, она што е помалку познато и зошто го играме овој текст, е тоа што Хаџиќ одел во средно училиште во Славонски Брод, од каде што ние доаѓаме. Се надевам дека оваа соработка ќе продолжи, особено што заедно со Маретиќ и ние кои сме и организатори на аматерскиот театарски фестивал, успеавме некако да ги поврземе овие две земји на тоа театарско ниво, па во Славонски Брод гостуваа македонски актери и аматери“.

За време на престојот во Македонија, Стилиновиќ ни откри дека се работи веќе на соработка со театар од Битола, за гостување кај нив, која идеја се надева ќе се реализира. После изведбите на претставите публиката ги награди со стоечки овации и долготраен аплауз.
„Нам многу ни значи тоа. Посебно што во публика имавме луѓе од културната сцена на Македонија, кои добро знаат што е театар. Игравме на сцена дел од Битолскиот театар, една од најценетите театарски институции, можам да кажам и во Европа“.

На хрватската вечер присуствуваа членови на Македонско-хрватското друштво, на дипломатскиот кор на Битола, членови на други здруженија од Македонија, од Охрид, Струга, Скопје, Хрвати кои живеат во Битола, градоначалникот на општина Новаци, Стевче Стевановски, претставници на Католичката црква во Битола, вљубеници во хрватската култура и други.

Хрватскиот културен центар од Битола во изминатите 30 години соработуваше со сите релевантни институции од Македонија и Хрватска.

Православните верници денеска го одбележуваат празникот Покров на Пресвета Богородица како спомен на случката кога Богородица се јави меѓу народот собран за молитва, за време на богослужба.

Настанот што го слави Црквата во недела, се случил на 1 октомври 911 година, на едно бдение во Богородичната влахернска црква во Цариград.

Црквата била полна со народ. Меѓу народот бил и свети Андреј Јуродивиот со својот ученик Епифаниј. Во четири часот ноќта над народот се појавила Пресвета Богородица со распослан омофор со кој го покривала целиот народ. Била облечена во порфира и блескала со неискажлив сјај, опколена од апостолите и светителите.

Гледајќи го јавувањето, свети Андреј му рекол на Епифаниј: “Ја гледаш ли, брате, царицата и господарката над се, како се моли за целиот свет?”

Во чест на тоа јавување и се востанови овој празник. Но, овој празник е само потврда или симбол на славењето на Пресвета Богородица, како заштитничка на целиот православен народ, бидејќи нејзиното заштитништво се покажало многупати и пред овој настан. Тој е потврда, пред се, за нејзиното молитвено застапништво за нас луѓето пред престолот на Троичниот Бог.

Инаку, празникот е познат под името Покров, Богородични покров и Женски празник.

Го слават жените за полесно да раѓаат и одгледуваат деца. Тие кои немаат деца на овој ден се молат да добијат.

На локација на улица “Кеј 1-ви Мај”, во непосредна близина на основното училиште “Кочо Рацин”, во правец кон старата автобуска станица, “ЕЛЕКТРО ЕЛЕМЕНТИ – ИД” е местото каде ќе најдете буквално сe’ од електро материјали и лед расвета.

Во изминатите 365 дена откако постои, “ЕЛЕКТРО ЕЛЕМЕНТИ – ИД” се наметна како главна дестинација за сите граѓани, тука пред се’ поради широката палета на производи и услужниот тим на вработени, кои се тука да излезат во пресрет на сите ваши барања и потреби.

Нудат се’ од програмите на VIKO и PANASONIC, за кои се овластени дистрибутери, а застапници се и за ЕТI осигурувачи, како и за висококвалитетната палетна на производи од ЕXEN.

Покрај тоа во нивниот продажен салон ќе најдете избор на секакви видови на подземни и воздушни кабли, КОИ ВО НИВНИОТ ПРОДАЖЕН САЛОН СЕ ПО НАЈНИСКИ ЦЕНИ ВО ГРАДОТ! Тоа го кажуваат граѓните, но и сите изведувачи кои материјали набавуваат токму од “ЕЛЕКТРО ЕЛЕМЕНТИ-ИД”.

Oсобено интерес предизвикува широкиот избор на ЛЕД светилки – и тоа од модерни LED светила, кои штедат енергија и нудат прекрасна осветленост, до класични дизајни кои никогаш не излегуваат од мода.

Покрај широкиот избор на електро материјали, за кој можете да се уверите од фотографиите во прилог, “ЕЛЕКТРО МАТЕРИЈАЛИ” ви стојат на располагање и за изведба на секаков вид електрични инсталации, а вршат и техничка документација за приклучоци во ЕВН.

Сe’ на се, oва е единствениот дуќан од ваков тип во Прилеп кој ќе ги задоволи сите ваши потреби, а притоа и ќе заштедите.

Посетете ги и уверете се и самите!

-Денеска (13.10.2024) во 04.50 часот во СВР Скопје било пријавено дека на подрачјето на општина Аердором во Скопје бил нарушен јавниот ред и мир со физичка пресметка помеѓу Д.П.(21) од село Сопиште, скопско и К.М.(25) од Прилеп, со престој во Скопје, кој употребил и тврд предмет.

По целосно докуменирање на случајот ќе следуваат соодветни поднесоци – информираат од МВР.

Иако изненадувањето беше во последен план, ракометните вљубеници во Прилеп очекуваа многу повеќе од нивниот тим во дуелот со поранешниот европски шампион Вардар, особено ако земе во предвид дека црвено-црните се далеку од нивото и квалитетот од пред неколку години.

Вардар синоќа во спортската сала на СОУ “Ристе Ристески-Ричко” имаше лесна задача и со 10 гола разлика триумфираше над Прилеп.

Крајниот резултат на семафорот беше 27:37 (12:19 на полувремето). Ова беше четврти пораз за прилепчани сезонава и втор последователен, после оној од минатонеделното гостување кај Бутел.

Прилеп мака мачи да пронајде соодветна замена за поранешниот капитен Филип Велески во одбраната, па токму затоа нивниот гол беше одново торпедиран. Во редовите на домаќинот синоќа најдобар поединец беше Никола Јеремиќ со 7 постигнати гола, а кај вардарци исто толку постигна Стефан Петриќ.

Во наредното коло Прилеп ја пречекува екипата на Тиквеш.

На 1 ноември 2024 година, љубителите на фолк музиката ќе имаат можност да уживаат во деветтото издание на реномираниот фестивал „Прилеп Фест 2024“, кој традиционално ќе се одржи во домот на културата „Марко Цепенков“ во Прилеп. Фестивалот оваа година ќе собере некои од најголемите имиња од македонската фолк сцена, како Наум и Зуица, Анета Љумаковска, Перо Христов, Татијана Стефановска, Спасен Сиљановски, Елена Велевска, Чеде Спасиќ, Стојне Николова, Дамјан Димевски, Адријана Ацевска, Ташко Карафиловски, Лилија Семкова, Бојан Палиќ, Сања Барбика, Суад Усеин Цуле, Вукица Челебиева, Мики Тра ла ла, Жаклина Маркоски и Група Фортуна.

Освен што ќе донесе добро познати музички ѕвезди, фестивалот останува верен на својата традиција да им даде простор и на новите музички надежи, овозможувајќи им афирмација пред широката публика и љубителите на фолк музиката. Организаторите ветуваат вечер исполнета со нови композиции, одлична музика и неповторлива атмосфера, при што се очекува фестивалот да привлече гости и од соседните земји.

На 1 ноември, домот на културата „Марко Цепенков“ ќе биде центар на фолк музиката и забавата – резервирајте го датумот и подгответе се за незаборавно доживување на „Прилеп Фест 2024“.