Европската ракометна федерација (ЕХФ) ја објави најновата ранкинг листа по завршеното 29.Светско ракометно првенство.

За пласманот на оваа листа се земаат во предвид резултатите од последните четири години што подразбира две европски и две светски првенство, па така Македонија се најде на 19. место со 27.75 бода или поточно веднаш зад Србија (29 бода) и пред Италија (23) која ја заоркужува првата дваесетка.

На врвот сосема очекувано е Данска со 112 поени пред Франција со 105 и Германија со 82.

И кај дамите сме 19. европска сила со 23 поени. На оваа листа водечка е Норвешка со 115 бода пред Франција, Данска, Шведска, Холандија, Германија, Унгарија, Црна Гора, Шпанија и Словенија која ја комплетира најдобрата десетка.

Претставници на компанијата Фурлани од Словенија, денес ја посетија општина Битола и остварија средба со градоначалникот Тони Коњановски,
секретарот Борче Димитровски, советниците Бојан Бојкоски, Елена Кромидаровска, Борче Корлевски, Иван Чулаковски и раководителот на
Одделението за економски развој, Венцо Шишкин.

Оваа компанија е изведувач на изградба на гондоли на голем дел од скијачките зимски центри во државите на Балканот, меѓу кои и Србија,
Босна и Херцеговина, Словенија и други.

Главна цел на посетата на претставниците на компанијата Фурлани е изработката на физибилити студија за изградба на гондола на Пелистер,
проект кој што е изгласан во Советот на општина Битола.

Од страна на општината е потенцирано дека ќе се изработи проектна програма до крај на месец март, по што ќе биде објавена јавна набавка за
изработка на физибилити студија. По склучувањето на договорот со изведувачот на физибилити студијата, ќе бидат потребни 6 месеци за
нејзина квалитетна изработка, која меѓу другото, ќе ја опфаќа вкупната цена за изградба на гондолата, финансиската исплатливост на овој проект, локацијата, или можните локации каде што таа би била изградена, должината на трасата итн.

По состанокот, присутните беа на терен во Ски центарот Ниже Поле, каде што се сретнаа со раководителот на овој скијачки центар. На терен се
запознаа со постоечката структура и со можностите на овој дел од планината, по што го посетија и скијачкиот центар Копанки, каде што исто
така имаа можност да ја видат постоечката структура на жичарата и ски лифтот. Делегацијата оствари средба и со директорот на хотелот „Молика“. Горан Исков, кој ги запозна со хотелските капацитети и натамошниот развој.

Денешната посета со експертите од Словенија, доаѓа како резултат од остварените средби и контакти кои битолската делегација ги оствари при
посетата на општина Чаетина, ЈП „Голдгондол“ од оваа општина и Златибор во Република Србија.

Заменик министерот за економија и труд, Марјан Ристески во гостувањето на поткастот „ВМРО-ДПМНЕ Зборува’’, говореше за транспарентноста и чесното работење на Владата, во однос на договорот за минимална плата, каде што е оставена на работниците и работодавачите да се договорат околу износот на истата.

„Се даде можност на двете спротивставени страни, а тоа се Организацијата на работодавачите во Македонија и синдикатите да седнат и да се договорат и она што ќе го договорат оваа Влада на чело со ВМРО-ДПМНЕ ќе го прифати. Тоа јасно и гласно го кажа премиерот Христијан Мицкоски’’, истакна Ристески.

Ристески го оправдува револтот на граѓаните околу цените во маркетите и ги повикува маркетите да се вразумат околу цените, за да нема потреба од ургенции на Владата.

„Треба да се вразумат, имаат период да се вразумат и доколку ги симнат цените на едно нормално ниво, ние не велиме да немаат профит маркетите, кој би работел без профит, ние треба да внимаваме и на таа страна, значи производители, добавувачи, маркетите, не треба да работат со загуби, како што било во претходната власт, нормално тие вработуваат луѓе, влијаат на економскиот раст, меѓутоа да имаат едно стабилно ниво на цени кое што одговара на економските прилики и состојби и во Македонија и во регионот“, појасни Ристески.

Околу Законот за нефер трговски практики, заменик министерот за економија и труд нагласи за тоа дека Законот што го спроведувале, не бил докомплетиран поради тоа што немало формирање на Комисија за заштита на конкуренцијата.

„Сега е се комплетирано, излезени се луѓето на терен и КЗК треба комплетно да ги проверува овие договори и доколку постојат нефер трговски практики да ги казнува. Казните се големи до 20 илјади евра, се надевам дека во текот на овој месец, доколку се утврдат вакви неправилности, ќе ги слушнеме и првите казни за маркетите или добавувачите“, потенцираше тој.

Ристески на крајот напомена и за унгарскиот кредит, кој според него, е еден од најповолните кредити до сега, со кој ќе се вбризга финансиски средства во бизнисите и општините.

„Владата зеде еден од најповолните кредити со 3,25% каматна стапка што навистина е во оваа пазарна економија и можност на пазарот за кредитирање на една држава е еден од најниските проценти на каматна стапка. Исто така, условот за да користат кредити е уште пониска каматна стапка 1,95% што досега не се случило во Република Македонија на корисниците. Тие ќе имаат можност 20% учество со свои финансии остатокот ќе биде од кредит обезбеден од комерцијалните банки преку развојната банка на Република Македонија, што навистина сето тоа е подготвено и спремно. Јас ги повикувам сите претпријатија и бизнис секторот, сите правни субјекти во Македонија да го искористат проектот“, заклучи Ристески.

Вицепремиерот и министар за транспорт, Александар Николоски објави дека денеска од Скопје кон Куманово ќе се обрати првиот воз, со што ќе биде олеснета комуникацијата меѓу овие два града.

-Денеска сме во Македонски железници Транспорт за да соопштиме една убава вест, нештои што го ветивме денеска ќе се реализира. Денеска тргнува првиот воз од Скопје за Куманово, тоа го ветивме на отварањето на железничката прга Куманово-Бељаковце, и еве од денеска е вистина. Во 16:30 часот ќе тргне првиот воз од Скопје за Куманово, патувањето ќе трае 41 минута, двапати дневно ќе оперира, наутро во 06:30 ќе тргнува од Куманово, за да можат сите оние кои им е потребно за да дојдат во главниот град, дали е за работа, дали е за други потреби кои што ги имаат и истиот воз во 16:30 ќе се враќа назад кон Куманово и секако во обратна насока кон Скопје, изјави вицепремиерот НИколоски и додаде:

-Ќе имаме четири воза дневно кои што ќе оперираат за 41 минута, ќе се согласите сите навистина брзо. Од центар на Скопје до центар на Куманово ќе се патува за 41 минута, што многу ќе ја олесни комуникацијата помеѓу овие два града, ќе олесни комуникација за сите жители на сСкопје кои што имаат потреба, работа или сакаат да го посетат Куманово, и секако ќе помногне на многу кумановци кои што доаѓаат тука, дали за работа, дали за образование, дали за здравствени потреби, административни потреби или едноставно доаѓат да поминат дел од своето слободно време, така што овој воз навистина многу ќе помогне во комуникацијата меѓу Скопје и Куманово, ќе го намали загадувањето, затоа што ќе се намали сообраќајот, се се намали и гужват во сообраќајот и најбитно точно ќе знат луќето кога треба да пристигнат, со цел точно да можат да ги завршуваат своите работи, изјави додаде Николоски.

Општествено одговорната компанија АД Витаминка – Прилеп донираше комбинирана машина за перење на медицинска постелнина.

Одделението за хирургија и хируршки заболувања и одделот за урологија при ЈЗУ Општа болница со проширена дејност – Прилеп изразува јавна благодарност.

Голема компанија влегува и во голем износ на задолжување. Таков е примерот со Тутунски комбинат од Прилеп, кој ќе земе кредит од 13 милиони евра од две моќни македонски банки. Станува збор за Комерцијална и за НЛБ Банка, кои ќе го кредитираат Тутунски комбинат од Прилеп со суми од по 6,5 милиони евра, но притоа треба да се напомене дека не станува за класично кредитирање, туку за кредитни рамки кои ќе се користат во период кога компанијата ќе има потреба од средства – oбјави “ФАКТОР”.

Таква одлука деновиве донело Собранието на акционери на компанијата, а како што е познато, доминантен акционер во оваа компанија е токму Владата, која поседува дури 82,66 отсто од капиталот, додека, пак, 6,78 отсто од обичните акции на ова друштво поседува исто така државна институција, односно Фондот за пензиско и инвалидско осигурување на Македонија.

На оваа зделка е потпишан генералниот извршен директор на Тутунски комбинат Прилеп, Александар Алексовски.

Целиот текст прочитајте го ТУКА

290 милиони долари завршиле во Македонија, а милијарди долари се дадени на левичарски невладини организации за спроведување на политиките во други земји, објави Ричард Гренел, пратеник на американскиот претседател Доналд Трамп за специјални мисии.

Гренел на мрежата Х ја пренесува објавата на локален медиуми за тоа колку пари потрошила американската Агенција за меѓународен развој (УСАИД) во земјите од Западен Балкан, нарекувајќи го „непромислено трошење“.

Градоначалникот на општина Битола, Тони Коњановски, заедно со директорката на Основното училиште „Коле Канински“, Дијана Христовска, денес извршија увид на локацијата во населбата Буковски ливади, каде ќе биде реконструиран објектот кој ќе претставува нова училишна зграда во населбата.

Во предлог решението кое се ревидира, предвидени се 5 училници, влезен хол со пропратни содржини, рампа за лица со попреченост, санитарни, помошни простории, заеднички простории за социјализација и мала библиотека. Вкупната површина на објектот изнесува 500 м², а во моментот во тек е изработката на проектот, по што ќе следува одобрение за реконструкција.

Градоначалникот Коњановски, нагласи дека, општинската администрација, активно работи на комплетирање на проектната документација, се со цел обезбедување на современи и адекватни услови за образование на учениците од оваа населба.

Русија објави револуционерно достигнување во областа на лекувањето на рак, откривајќи ја својата прва вакцина за рак базирана на мРНА, која се очекува да биде достапна за пациентите оваа година.

За разлика од традиционалните вакцини кои се фокусираат на превенција на ракот, оваа револуционерна вакцина е дизајнирана да лекува пациенти кои веќе заболеле. Андреј Каприн, раководител на Радиолошкиот медицински истражувачки центар во Русија, потврди дека вакцината ќе биде давана бесплатно, со што ќе се обезбеди широка пристапност до оваа животно спасувачка иновација ширум светот.

Раните испитувања покажаа ветувачки резултати, покажувајќи дека вакцината може ефикасно да го забави растот на туморот и да спречи ширење. Александар Гинтсбург, директор на Националниот истражувачки центар Гамалеја, откри дека вештачката интелигенција (АИ) во здравството игра клучна улога во персонализирањето на третманот на рак, овозможувајќи вакцината да биде прилагодена за пациентите за помалку од еден час.

Иако ова претставува голем чекор напред во лекувањето на канцерот, некои критични детали, како специфичните видови на рак кои вакцината ќе ги таргетира и нејзиното официјално име, остануваат неоткриени.

Сепак, со оваа иновација, Русија се приклучува на глобалните лидери како САД и Германија, кои исто така напредуваат во персонализирана имунотерапија на рак.

Ако биде успешна, оваа вакцина за рак што ја менува играта би можела да ја револуционизира модерната грижа за болните од рак, нудејќи нова надеж замилиони луѓе ширум светот.

Во рамки на музичката програма при НУ Центар за култура „Марко Цепенков“ – Прилеп, на 11.02.2025 година, со почеток во 19:00 часот, публиката ќе има можност да проследи целовечерен концерт на оперскиот тенор Илија Белистојаноски во пијано придружба на Дарко Мариновски и да ужива во серија светски познати оперски арии.

Програмата на концертот ги опфаќа следните музички дела:

1. Amarilli – Џулио Качини – стари мајстори
2. Sento nel core – Алесандро Скарлати– стари мајстори
3. Caro mio ben – Џузепе Џордани – стари мајстор
4. O del mio dolce ardor – Кристоф Вилибалд Глук – арија од операта “Paride ed Elena” („Париде
и Елена“)
5. Un aura amorosa – Волфганг Амадеус Моцарт – арија од операта “Cosi fan tutte” („Така прават сите“)
6. Malinconia, ninfa gentile – Винченцо Белини – Sei ariette (од циклусот 6 мали арии)
7. Pourquoi me reveiller – Жил Масне – арија од операта “Werther” („Вертер“)
пауза
8. Che gelida manina – Џакомо Пучини – арија од операта “La bohème” („Боем“)
9. La donna e mobile – Џузепе Верди – арија од операта “Rigoletto” („Риголето“)
10. E lucevan le stelle – Џакомо Пучини – арија од операта “Tosca” („Тоска“)
11. Nessun Dorma – Џакомо Пучини – арија од операта “Turandot” („Турандот“)
12. „Кога падна на Пирина“ – македонска народна песна

Илија Белистојаноски е роден во Прилеп каде го завршил своето основно образование. Потоа се запишува во Државното музичко училиште во Битола, отсек теорија на музика.

Во текот на неговото школување беше забележан како исклучително талентиран пејач и го претставува училиштето на натпреварот за камерна музика во Скопје каде ја освојува првата награда.

Откако ги откри сопствените вокални способности, Илија решава своето понатамошно образование да го продолжи на Музичката Академија во Штип, во класата на реномираниот оперски пејач проф. Борис Трајанов.

Во склопот на академијата изучува правилно пеење и однесување на сцена (глума, движење и став). Учествува редовно на сите концерти во чест на проф. Коста Трпков заедно со оркестарот на Националната опера и балет.

Дебитира на сцената на Националната опера и балет во операта “Macbeth” од Џузепе Верди, во улогата Малколм, заедно со италијански кастинг.
Редовно одржува концерти низ сите градови во Македонија. Непосредно по дипломирањето, освојува прво место од стручното жири на натпреварот „Лазар Јованович” во Белград, Србија.

Потоа освојува Гранд При на натпреварот „Руска Романсијада” во Софија, Бугарија, и со тоа влегува во 12-те финалисти на финалниот натпревар во Москва, каде што ја освојува втората награда од стручното жири. Следи покана за концерт и настап во една од најголемите сали во светот „Кремлинскиот дворец” во Москва.

Учествува на натпреварот за „Руска вокална музика” во Скопје, каде што го освојува второто место при што во жири беше еден од најголемите басови во Русија, проф. Леонид Сметаников.

Влегува во финалните рунди на светскиот натпревар “Belvedere” во Рига-Латвија.

Илија соработувал со познати педагози од музичкиот свет како: Михаел Пабст и Линда Плех (Виена, Австрија), Дануса Лукнисова и Мигел Гомез Паез (Пезаро,Италија) Елда Ларо (диригент, Германија), Паола Мариоти (Италија) инаку последна и лична пијанистка на Лучиано Павароти, Николас Клептон (Англија) и др.

Редовен учесник на мастер-класите на една од најголемите примадони во Италија, Проф. Капучине Киаудани. 3 концерти во Југоисточна Македонија во месец мај 2022 год. 2 концерт за дуо клавири, труба и глас во Кавадарци и Скопје во септември и настап по повод 78 годишнина од ослободувањето на Куманово, месец ноември. Настап на Охридско лето по повод Денот на македонскиот јазик, 5-ти мај, во црквата ,,Св. Софија”, 2023 година. Концерт во Прилеп за тенор, сопран и пијано поддржан од македонското Министерство за култура во јули. Учество на фестивалот „Златна лира“ со изведба на преработени македонски народни песни во октомври, 2023. Во 2024 година се реализираа два семинари и настапи на ЗАМ – Здружение на академиски музичари, на коишто учествуваа музичари од целиот балкан меѓу кои и Белистојаноски. Исто така, има учествувано на светскиот натпревар по пеење “Byulbyul” во Баку, Азербејџан во јуни, 2024.

Дарко Мариновски – пијанист

Роден е во Скопје 1974 год. Основно и средно музичко образование завршува во МБУЦ ,,Илија Николовски Луј,, во Скопје. Дипломира на ФМУ- Скопје 1997 год. во класата на реномираниот професор Борис Романов. Магистерските студии ги завршува 2000 год. под менторство на проф. Јасминка Чакар.

За време на студиите одржува бројни настапи и концерти во Македонија во рамките на Скопско и Охридско лето како и концерти во Р.Бугарија.
Од завршувањето на студиите до летото 2013 работи како професор по пијано и корепетиција во МБУЦ ,,И. Н. Луј,, во Скопје. Неговите ученици бележат значајни резултати како награди на државни и мегународни натпревари.

Исто така учествуваше во работилниците по композиција во класите напроф. Илија Пејовски и проф. Томислав Зографски кај кои и редовно ги посетуваше часовите по модална хармонија.

Од јануари 2009 година е декан на Факултетот за применета музика на Универзитетот за аудиовизуелни уметности ЕСРА Париз-Скопје-Њујорк, функција која ја извршува до 2019 год.

На овој факултет ги предава предметите композиција на филмска и театарска музика, пијано, модална хармонија и музички стилови. Неговите студенти по композиција на филмска музика бележат значајни остварувања на разни манифестации низ земјава како и на мегународни филмски работилници и фестивали во БиХ, Бугарија, Хрватска, САД и други
земји.

Во април 2016 год. е избран во звање редовен професор од наставно-научниот совет на ЕСРА.

Автор е на музика на неколку краткометражни филмови кои земаа учество на повеќе филмски фестивали во земјава и странство. Автор е на музиката на театарската претстава „Косара“ од Загорка Поп Антовска чиишто 4 изведби беа реализирани во ноември 2013 год. во МОБ. Како член на квартетот „Коскаров“ го снима ЦД-то “The best of Jazz and

Blues” со музика од светската џез литература, издадено во 2011.

Автор е на оркестарските аранжмани на 5 македонски родољубиви народни песни кои премиерно беа изведени на 24.12.2015 год. на гала концертот во салонот на МОБ по повод 30 години од кариерата на маестро Борис Трајанов, под диригентската палка на маестро Џорџе Павловиќ од
Белград.

Од септември 2013 работи на Музичката академија при УГД – Штип со студентите во класата на проф. Борис Трајанов како пијано соработник, како и во оперското студио при истата академија.

Од септември 2015 работи и на Филмската академија при УГД – Штип каде ги предава предметите Звук на филм и Акустика со психоакустика, перцепција и анализа. Мариновски работи и како уметнички соработник со повеќе истакнати македонски уметници со кои настапува во Македонија, како и во концертните сали во Рим, Париз, Вашингтон, Истанбул и др.