Храмот Св. Петка во населбата Точила во Прилеп, ги известува верниците дека во Четвртата недела по Педесетница, на 28 јуни, храмот ќе има особена чест и радост да го пречека својот духовен отец и архипастир, Неговото Високопреосвештенство, Митрополитот Преспанско-пелагониски г. Петар, кој ќе чиноначалствува со Светата Архиерејска Литургија.

-Присусвтото на нашиот владика меѓу нас е секогаш благослов и потсетник дека Црквата е едно живо тело, собрано околу Христа и предводено од своите пастири. Затоа, ве покануваме сите заедно да се собереме во молитва, да го примиме архипастирскиот благослов и да го посведочиме единството на нашата црковна заедница. Нека ова неделно литургиско собрание биде можност за духовно укрепување, за заедничка молитва и за средба со Господа во Светата Евхаристија. Добредојдени сте сите во нашиот храм – стои во соопштението од храмот.

⛪ Храм „Св. Петка“ – Прилеп
📅 Недела, 28 јуни 2026 година
🕘 Света Архиерејска Литургија – 08:00 часот

Кривична пријава за продолжено кривично дело во врска со „злоупотреба на службена положба“, „фалсификување службена исправа“ и „фалсификување или уништување деловни книги“

ОВР Прилеп поднесе кривична пријава против Г.К. (46) и Л.К. (54), двајцата од Прилеп за сторено продолжено кривично дело во врска со кривичните дела „злоупотреба на службената положба и овластувања“, „фалсификување службена исправа“ и „фалсификување или уништување деловни книги“ и правно лице од Прилеп за продолжено кривично дело во врска со „фалсификување или уништување деловни книги“.

Првопријавениот во својство на финансов директор во АД „Тутунски комбинат Прилеп“ – акционерско друштво со доминантен државен капитал, искористувајќи ја својата службена положба и овластувањето, со намера да се стекне со противправна имотна корист за себе и за второпријавениот и правното лице на кое второпријавениот е управител, во периодот од 2021 до крајот на 2024 година во договор со второпријавениот, вршел прием на невистинити фактури/испратници од правното лице од Прилеп – изготвени и заверени со печат на друштвото од страна на второпријавениот, за наводно извршени услуги – без потпис за прием на извршената услуга од страна на вработени од АД „Тутунски комбинат Прилеп“, ги задолжувал вработените во сметководство да ги евидентираат како обврски во книговодствената евиденција на АД „Тутунски комбинат Прилеп“, по што ги повлекувал од книговодството на друштвото и ги одобрувал за исплата, без притоа наведените услуги да бидат извршени ниту пак потребата од истите да биде евидентирана во интерниот систем на нарачки на АД „Тутунски комбинат Прилеп“.

Дополнително, во периодот од 31.05.2023 првопријавениот ја вршел исплатата на спорните фактури преку сметка на друштвото на која тој бил единствен потписник, а која сметка и начин на исплата со единечен потписник согласно статутот на друштвото било предвидено за интервентни ситуации.

На ваков начин противправно исплатил парични средства во вкупен износ од 1.439.573 денари во корист на правното лице од Прилеп – од кои само преку сметката каде бил назначен за единствен потписник од 31.05.2023 по основ на спорните фактури извршил исплата во вкупен износ од 874.540 денари.

Беранци е поголемо село сместено помеѓу планинската падина на Древеник на запад и рамнината Пелагонија на исток. Околни села се: Долно Српци, Вашарејца и Могила.

Беранци е македонско село, а за тие што не знаат, над селото се наоѓа преубавиот манастир Свети Јован Крстител, или познат како Беранечки манастир. Манастирската црква, која е осветена на 2 август 1879 година, е прекрасно светилиште кое во изминатите години собира голем број верници и гости, а еден од деновите кога тука е највесело, е празникот кога слави раѓањето на Свети Јован Претеча и Крстител Господов – Иванден.

И оваа година портите на храмот ќе бидат отворени за сите верници и добронамерници. По повод празникот на 06.07.2026 ќе се одржи вечерната служба, а после службата гостите ќе ги забавува Музичката група “ОСКАР”.

На 07.07. на сам ден Иванден, по утринската богослужба ќе следува уште едно дружење со овие музички имиња и секако посен празничен ручек.

Од црковниот одбор упатуваат покана до сите кои сакаат да го посетат прекрасниот манастир да дојдат за Иванден, да запалат свеќа и да се помолат за своето и здравјето на своите најблиски.

Eве како беше минатата година, кога пред илјадниците посетители настапи естрадниот уметник, Благоја Грујовски.

Прилеп добива нова културна приказна, ќе се одржи првиот Меѓународен „Итар Пејо Фестивал“, настан кој ќе ги обедини хуморот, сатирата, народната мудрост, фолклорот и препознатливиот дух на градот под Марковите Кули.

-Инспириран од најпознатиот македонски шегобиец и симбол на снаодливоста и мудроста – Итар Пејо, фестивалот ќе има за цел да ја оживее традицијата, но и да донесе нова енергија, смеа и дружење за сите генерации, стои во најавата на социјалните мрежи.

Со многу содржини, интересна програма и изненадувања, Прилеп наскоро ќе стане место каде што итрината, добриот хумор и македонскиот дух ќе бидат главни ѕвезди.

Следете ја Фејсбук страната Меѓународен Фолклорен Фестивал „Итар Пејо“

Претседателот на Владата Христијан Мицкоски денес на седницата во Собранието, одговарајќи на пратеничкото прашање на претседателот на опозицијата Венко Филипче му порача дека причината поради која граѓаните планираат да ја напуштат Македонија, не е недостаток на перспектива, туку недоверба во правдата и институциите, бидејќи како што рече го гледаат токму Филипче и поранешните функционери од СДСМ како уживаат на Харис Џиновиќ во Дубаи и на јахти, наместо да се најдат позади решетки и да одговараат.

„Велите секој трет човек планира да ја напушти Македонија, но знаете ли зошто? Затоа што ве гледаат вас во Дубаи како уживате на Харис Џиновиќ, а не сте во затвор. Затоа што гледаат таму како уживаат поранешни функционери на јахти, а не се во затвор и да дадат одговор зошто се таму. Е затоа се разочарани луѓето кога ќе ве видат како се смеете позади решетки, тогаш ќе бидат среќни и задоволни затоа што правдата дошла“, рече Мицкоски и додаде:

„И последно тука ќе завршам. Јас признавам дека сум виновен, тоа што поминаа две години, а вие уште уживате на јахтите во Паљури, наместо на друго место. Признавам дека сум виновен. Но, исто така ве гледам во очи и ви ветувам дека нема повеќе да ги разочаруваме македонските граѓани како поранешни функционери уживаат на јахти и во мелосот на Харис Џиновиќ. Ете тоа е желбата на народот“.

PR објава

Плановите за викенд најчесто почнуваат со едно „Ајде да одиме!“

Еден телефонски повик од пријателите. Сончев викенд што не бил во прогнозата. Понуда за сместување што изгледа предобро за да се пропушти. А потоа следува реалноста: резервации, гориво, ручеци, кафе покрај езеро, некој непланиран шопинг… и уште неколку трошоци што не биле во план.

Но, добрите моменти не треба да чекаат следна плата.

Со Аванс до плата од Минт Кредит (ФД Минт СН), можеш да ги реализираш плановите кога ти одговара тебе, а не кога ќе покаже календарот.

✔ До 40.000 денари
✔ 0% камата
✔ 0% трошоци
✔Брзаиедноставнаапликација

Затоа што летото не трае вечно, викендите поминуваат брзо, а најубавите спомени најчесто се создаваат спонтано.

Не ги одложувај малите бегства, семејните прошетки или викенд авантурите што те полнат со енергија.

Аплицирај денес за дополнителни финансиска поддршка кога ти е најпотребна.За повеќе информации за Аванс до плата, јавете се на 15 007 или посетете ја нашата веб-страна.

Аванс до плата – кога летните планови не треба да чекаат.

*Оваа понуда важи за првиот земен кредит од ваков тип.

Вечерва на Кеј Македонија во Охрид започнува Ohrid Wine Festival Vol. 5, тридневен настан кој од 25 до 27 јуни ќе ги обедини македонските вина, домашната музичка програма, гастро понудата и летната атмосфера покрај езерото. Фестивалското дружење започнува во 19:00 часот, додека музичките настапи стартуваат еден час подоцна.

Првата фестивалска вечер носи настапи на Група Сарај, Дани Димитровска и Меморија, со програма наменета за различни генерации и публика која сака музика, дружење и вечерно излегување во Охрид.

Во текот на трите вечери, посетителите ќе имаат можност да дегустираат исклучиво македонски вина од домашни винарии и производители. Со тоа, фестивалот го става во фокус домашното винско производство и создава простор за промоција на македонскиот квалитет пред охриѓани, туристите и посетителите кои во овој период престојуваат во градот.

Програмата продолжува на 26 јуни со Брос Марама, Ѓоко Ѓорчев со Кате Танева, Куку Леле и Пауза за ракија. На 27 јуни, завршната вечер ќе настапат Солзи и Смеа, DJ Fic, Битолски камерен оркестар и Суперхикс.

Ohrid Wine Festival Vol. 5 ќе се одржува на Кеј Македонија, каде што посетителите во следните три вечери ќе можат да уживаат во вино, музика, храна и дружење во отворен летен амбиент покрај езерото.

Организаторите упатуваат покана до охриѓани, туристите, посетителите и сите љубители на виното, музиката и летната атмосфера да бидат дел од фестивалот кој вечерва започнува во Охрид.

Претседателот на Владата, Христијан Мицкоски на денешната собраниска седница за пратенички прашања, истакна дека со проектот Чебрен и Галиште драматично ќе се зајакне стратешката позиција на државата, односно дека проектот стратешки може да ја зајакне позицијата на државата која за жал не излегува на море и тој ќе биде таа предност која ја имаме, имајќи ги предвид климатските промени, потребата за вода, но и туризмот и производството на електрична енергија.

„Јас сум убеден дека овој проект Чебрен и Галиште има стратешко значење, не само заради производство на електрична енергија, туку и за други намени. Да споменам дека во април месец оваа година, за прв пат после не знам колку време, производството на електрична енергија покрива 88,8% од вкупниот конзум кај нас, значи ние се приближуваме веќе до целосно да можеме да го покриваме она кое што го трошиме од аспект на електрична енергија, а рековме цел на оваа влада е во мандатот да имаме година кога ќе бидеме нето извозник, на крај на годината кога ќе се сумираат билансите, тоа што сме го произвеле и тоа што сме го консумирале и тоа што сме го извезле да биде споредливо, односно да извезуваме електрична енергија, тоа беше целта како влада и ценам дека тоа го правиме“, посочи премиерот Мицкоски.

Премиерот Мицкоски воедно додаде дека состојбата во ЕЛЕМ е консолидирана од 7-8% акумулации и минус 150 милиони евра сега ќе оди во плус десетина и околу 80% состојба на акумулации и тоа во ек на сезона на наводнување, што значи се работи посветено, а на тоа се додава и фактот дека следната година ќе заврши гасниот интерконектор со Грција, објавен е тендерот за интерконекторот со Србија, пуштен е продуктиводот од солунското пристаниште со ОКТА, а ги заживуваат Штип-Велес гасоводот, гасоводот до Кичево, отсечката за влез до Косово, и го рестартиравме далноводот со Албанија, за да буквално бидеме раскрсница на Балканот.

„Кога ќе се анализира целокупната слика дојдовме до една фаза кога можеме да бидеме горди на тоа што го правиме. Она кое што за нас преставува вистински предизвик и се спремаме, тоа е проектот Чебрен и Галиште и тука имаме два концепти кои се спротивставени од правна гледна точка инаку во суштина не се, тоа е првиот да ние направиме синдикат на заемодаватели, меѓународни финансиски институции кои ќе обезбедат пари со доволен грејс период додека трае градбата, и потоа во одреден период да почнеме со поврат, односно АД ЕСМ. И вториот концепт е да одиме со јавно приватно партнерство. Лично и како човек од фелата и универзитетски професор, а сега и претседател на македонската Влада, ценам дека за првиот концепт треба да ги исцрпиме сите можности за да го реализираме, имајќи ги предвид климатските промени ценам дека не само на нас како држава и на регионот ни се потребни два вакви сериозни проекти кои ќе обезбедат дополнителни количини на вода, не само за производство на електрична енергија, туку и за наводнување да речеме на Тиквешко Поле. Ценам дека еден ваков проект повеќенаменски може да допринесе многу, трето да го заживее тој крај, Мариово, може да се развива како туристички центар. Така што овој проект Чебрен и Галиште треба да се гледа како стратешки проект, а не како проект за енергетика и производство на електрична енергија, тоа е така се сложувам ќе биде драјвер на економијата, допринесе во БДП, една милијарда и 300 милиони до 500 милиони отприлика очекуваме да чини, ќе го подобри капацитетот на електроенергетскиот систем“, потенцираше премиерот Мицкоски.

Во однос на чекорите за реализација, премиерот Мицкоски на крај појасни дека се развива концептот, да се ажурираат физибилити студиите во една, како и тоа дека веќе сме во сериозни разговори и АД ЕСМ и ние како влада со потенцијални големи светски финансиски институции, од типот на Светска Банка, Европска инвестициска банка коишто би требало да направат своевиден синдикат, да обезбедат буџет и на тој начин сето тоа ние да го развиваме.

На станарите од зградите на улица „Васко Карангелески“ бр. 125, кај Касарните во Прилеп, им дојде преку глава секојдневно да гледаат купишта отпад и да го чувствуваат непријатниот мирис кој доаѓаше од импровизираниот пункт за фрлање ѓубре.

Наместо само да се жалат, тие одлучија да преземат иницијатива и сами да го разубават просторот пред своите згради.

Со добра организација, волја и малку креативност, за помалку од една седмица никна вистинско еколошко острово – уреден простор со наменски поставени контејнери, кој освен што ќе овозможи полесно собирање на отпадот, ќе придонесе и за почиста и поуредна околина.

Станарите беа информирани од КОМУНАЛЕЦ дека отпадот повеќе нема да се остава на стариот пункт кај мостот, кој со години беше претворен во дива депонија и место каде несовесни граѓани оставаа секаков вид отпад, а комуналците не успеваа да се справат.

За жителите од овие згради се обезбедени посебни контејнери за мешан комунален отпад, како и за селекција на отпад.

Секоја чест за станарите кои покажаа дека промените понекогаш почнуваат од самите нас.

Ќе има ротација на ресори во Владата меѓу коалициските партнери, а нови имиња се очекува да има барем во седум или осум министерства – пишува “ФОКУС”.

Извори за “ФОКУС” од владеачката партија информираат дека меѓу партнерите постои начелен договор околу распределбата на министерските ресори во рамки на најавената реконструкција на Владата.

Според овие информации, ВЛЕН треба да ги отстапи ресорите Здравство и Социјална политика, демографија и млади, а за возврат од ВМРО-ДПМНЕ да ги преземе Министерството за култура и туризам, Министерството за политички систем и односи меѓу заедниците, како и ресорот спорт.

Доколку договорот биде потврден во финалната верзија за реконструкцијата, тоа би значело дека албанскиот партнер во власта би имал еден ресор повеќе во новата распределба.

Според истите извори, од министерските позиции би заминале Зоран Љутков, Борко Ристовски, Иван Стоиљковиќ, како и Фатмир Лимани, за кого веќе подолг период се шпекулираше дека нема да биде дел од новиот состав на Владата.

Интересно е што меѓу имињата на министрите кои НЕОФИЦИЈАЛНО ја напуштаат Владата е и поранешниот репрезентативец и легендарна ракометна икона, Борко Ристоски, човекот во кој особено Прилеп имаше големи надежи и очекувања.

Имено по неговото назначување на министерската позиција во новоформираното министерство, меѓу првите посети на Ристовски беше Прилеп, каде вети за најбрзо време враќање во функција на Универзалната сала, спортскиот храм на прилепчани кој со години не работи.

Оттогаш поминаа две години, а Универзална продолжува да скапува, спортските клубови во Прилеп играат во училишни сали кои не исполнуваат услови за меѓународни натпревари, ниту пак имаат капацитет да ги соберат сите заинтересирани кои сакаат да проследат спортски натпревар.

Ветувањето беше Универзална од ПУИГ да дојде во владение на Министерството за спорт, а потоа да се даде на користење на компанијата „Комфи Ангел“. При посетата на Прилеп на 05.03.2025, Ристовски даде ветување и за сала “Македонија”, за која вети раскинување на договорот за концесија и реконструирање, а вети и дека Министерството ќе го земе под свое стопанисување и комплексот “Маркови Кули” или Градски базен, и ќе бара начин преку јавно-приватно партнерство да го даде на инвеститор.

Дали доколку и официјално Ристовски ја напушти министерската функција, и ветувањата за спортската инфраструктура во Прилеп ќе се заборават…. останува да видеме во периодот кој претстои….