Претставата „Девојките на Марко“ во режија на Синиша Ефтимов, на театарот „Војдан Чернодрински“ на 26 август /среда/ од 20.00 часот ќе биде изведена во Кривогаштани, на отворено, во дворот на училиштето, a во рамките на Културно спортското лето Кривогаштани.
Жителите на општината ќе имаат можност да присуствуваат на изведбата на претставата (првпат на отворено), во која се говори за асимилација на ликовите и топонимите, а дејствието се пренесува во современ и модерен Прилеп од иднината или подобро кажано, Прилеп од паралелен универзум.
Воедно посетителите ќе можат да се насмеат затоа што има заплет, и претставата е за ведрата страна на животот. Играат Димитар Ѓоргиевски, Илија Волчески, Јасмина Мицовска – Станкоска, Марија Спиркоска Илијеска, Наташа Ачански и Лора Штарго.