Јован е средношколец од Виница кој иако бил надвор кога почнал пожарот, на неколку начини помагал на повредените. Прво влегува да помага на луѓето во дискотеката, а подоцна давал и помош на повредените. Му благодариме од срце за неговата хуманост и пожртвуваност.

Тој сведочи за страшни глетки, девојка која си го поголтнала јазикот, викотници и пискотници на кои никој не сака да се потсетува.

Костадинов вели дека претешко било да се изнесуваат младите, затоа што биле онесвестени, и практично сам на раце требало да ги вади од дискотеката. Ги изнесувал само до излезот, каде ги преземале други, за тој веднаш да се врати по нови загрозени.

– Кога излегов надвор на воздух паднав на колена и многу ми се слоши. Ме земаа со една кола да ме носта, а мене очите ме печеа и ми се вртеше. Одзади ме возеа со двајца онесвестени, а во болницата беше хаос, рече Костадинов.

Тој наведе и детали за тоа како успеал да се снајде во својата намера да спаси што е можно повеќе животи.

– Го земав цревто, се измокрив. Отидов на главниот влез, ама луѓето таму беа многу заглавени, па влегов низ прозорецот што е кај билетите. Влегов во таа соба, имаше таму четири или пет луѓе. Вратата беше заглавена, ја скршивме и почнавме да ги вадиме еден по еден“, раскажува Костадинов.

View this post on Instagram

A post shared by @supportkocani

-СВР Битола поднесе кривична пријава против Д.М. од Прилеп поради постоење основи на сомнение за сторено кривично дело „спречување на службено лице во вршење на службено дејствие“ и „спречување на докажување“.

На 12.03.2025 во Прилеп, полициски службеници извршиле претрес во домот во домот на пријавениот, при што пронашле и одзеле неколку пакувања со прашкаста материја, кои се обидел да ги проголта, но бил спречен – информираат од МВР.

Платите на здравствените работници за март ќе бидат поголеми за 15 отсто, а до крајот мандатот ќе бидат покачени за 40 – 50 проценти, рече денеска премиерот Христијан Мицкоски.

Одговорајќи на новинарски прашања по посетата на струмичко Ново Село, Мицкоски потсети и дека од 1 април ќе почне исплатата на линеарно зголемените пензии за 2 500 денари.

-Буџетот во здравството, во Фондот за здравстено осигурување (ФЗО) е историски највисок, 53 милијарди денари, споредено со оние 35 кои беа во времето на короната е за 18 милјарди повеќе. Се враќаат долгови што ги генерираше претходната Влада, така што генерално инвестициите во здравството за нас се многу важни, истакна премиерот.

Во однос на пензиите, истакна дека со зголемувањето од април се реализира уште едно владино ветување.

-Сакам да потврдам дека од 1 април ќе почне и исплатата на линеарно зголемените пензии за нови 2 500 денари со што со оние првични зголемувања и ова сега доаѓаме до оние 5 000 денари линеарно зголемување кое го ветивме во првата година. Еве, за помалку од една година, за девет месеци го реализираме. Сето она што го ветивме го испорачуваме кај граѓаните и продолжуваме да работиме за интересот на граѓаните, изјави Мицкоски.

Желбата да се понуди облека со безвременска елеганција, квалитет и препознатлив стил, во денешно време не му успева секому, но тоа не е случај со Елена Велеска, млада девојка од Прилеп која предизвика вистинска модна револуција со нејзиниот ЕLLIE бутик.

Она што за голем број млади луѓе е ризик, за неа беше предизвик. Се’ започна со мало катче во уличките на Старата прилепска чаршија, а денеска ELLIE бутик е препознатлив бренд на градот под Марковите Кули. Го краси посебна енергија, има огромен избор на облека, од секојдневна, до елегантна и модерна за посебни пригоди. Лициран на Булеварот “Гоце Делчев”, веднаш до PEKO SHOES, бутик ЕLLIE е место каде на едно место се спојуваат урбаниот изглед и елеганцијата. Тука има буквално се’ што може да го освои женското срце, па добредојдени се и сите момци кои во било која прилика сакаат нешто да подарат. Од неодамна ELLIE го доби својот втор кат, кој е посебна приказна за сите оние кои се во потрага по уникатна тоалета за престојните прослави, свадбени свечености, матури… Во продолжение разговараме со Елена токму за тоа, проследете го интервјуто и погледнете зошто ЕLLIE е идеално место за шопинг во Прилеп.

Eлена, кажи ни како започна приказната за ЕLLIE и кои цели си ги постави на самиот почеток?

-Приказната започна многу интересно. Од мали нозе посакував да сум исполнета и независна личност. Работев од свои 16 години, како продавач во бутиците низ Прилеп, па во пандемијата, за време на карантинот, дојде и самата бизнис идеjа. На моја 21-годишна возраст одлучив дека ќе направам простор што ќе ја одликува мојата душа. Па така првиот дуќан изнесуваше 12 квадрати, колку мојата детска соба, уреден со љубов и скромност.

Тука започна се’, во уличките на Старата прилепска чаршија

Припадничките на понежниот пол велат дека ELLIE е посебен, дека имате посебна понуда на облека и избор каков не може да се најде на друго место. Од каде доаѓаат моделите и како успевате да го погодите вкусот на толку многу муштерики?

-Уникатноста на нашиот дуќан и избор е тоа што работиме пред се со љубов и страст кон самата работа. Како јас, така и девојките кои се дел од тимот, ја работат работата што ја сакаат. Е сега, моделите се од турско потекло, некои од нив се изработени од врвен турски памук, а некои и од арапски памук. Во секој случај станува збор за прва рака на турски квалитет. Некои модели доаѓаат и од директно производство, конкретно сега на вториот кат. Изработуваме модели во соработка со турска компанија што работи табеларно по мерка, материјал и бои. А за вкусот тоа е најлесно, нашите муштерии знаат што е квалитет и затоа го бираат ELLIE.

Новиот ELLIE бутик лоциран на бул. “Гоце Делчев” веднаш до PEKO

После само неколку месеци успешна работа на новата локација, на располагање на сите оние кои сакаат да изгледаат беспрекроно во секој пригода е и вториот кат на бутикот. Што се’ ново ќе може да се најде во оваа проширена понуда?

-Напорната работа и довербата од муштериите и нивната побарувачка мораше да ја исполнеме. Од нас побараа избор на свечени тоалети и секако уникатни, па одличивме да го направиме тоа. Сега можат да најдат пред се соодветна бројка за секоја градба на тело, во соработка со табела на величини, саемски избор на модели и секако квалитет и уникатност.

Oвој простор има посебен изглед и зрачи со силна енергија. Од каде инспирацијата за еден ваков модерен, би рекле со барокни мотиви изглед на ентериерот?

-Идејата за нашиот совршен и моментално најдобар ентериер ја изградивме заедно, со задоволство ќе го споменам Гаврил Бошкоски, и неговиот тим на gvrl design за долниот кат, додека изгледот на вториот класичен кат беше моја лична замисла. Иизработката е дело на тим на мајстори, кои што неуморно и со кеиф ја реализираа мојата идеја. Идејата за горниот дел беше да има мирен и пријатен дух, налик на едно мало сопствено атеље.

Доаѓа период на прослави, свадбени свечености, матури… Што е тоа посебно што треба да ги натера припадничките на понежниот пол да го посетат вашиот бутик?

-Уникатноста. Дефинитивно подобро е да имаш уникатна тоалета што ќе те направи да си посебна и своја.

Дали примате и онлајн порачки за оние кои не можат да ве посетат во секое време?

-Да зад нас стои тим кој што располага со работа на онлајн услугите низ нашата држава.

Кажни ни кои трендови се ин во моментов, кои бои ќе се преферираат во престојната пролет-лето сезона?

-Пастелните нијани се секогаш во тренд, поточно класиката нема сезона. Класиката претставува еден вечен тренд.

За крај кажи ни дали девојките и жените од Прилеп знаат што е убаво и знаат да бидат во тек со модните текови?

-Стилот и модата напредуваат. Прилеп како помало место има супер стил, најбитно е да им е комотно и пријатно во парчето облека. Тогаш жените и девојките се најубави, и секако тие го бираат ELLIE.

На Елена и посакуваме огромен успех во проширувањето на нејзината бизнис идеја. Ги заслужува сите пофалби од жените, мајките, девојките… ги заслужи и сите пофалби од нас. Нека пораката од оваа успешна реализација на идеја допре до што поголем број млади луѓе. Верувајте во себе, верувајте во вашата умешност, вложете се во исполнување на вашите соништа!

Следете го ELLIE на социјалните мрежи: ФЕЈСБУК и ИНСТАГРАМ и бидете во тек со сите новитети.

Прилепчани ја покажаа својата хуманост на дело. И покрај поројниот дожд вчера, голем број вљубеници на фудбалот го слушнаа повикот на клубот, и купија карти за натпреварот од 22. коло помеѓу Победа и Башкими.

Целта беше да се продадат што повеќе влезници, а со тоа и да се соберат што повеќе средства за семејствата на повредените и настраданите во кочанската трагедија.

Натпреварот против конкурентот за Прва лига заврши без голови – 0:0, а клубот ќе донира 31.000 денари од продадените влезници.

Ова беше прв потег на луѓето од новото раководство, кои во моментов работат на преземање на менаџерската палка во клубот, а потоа и враќање на Победа на старите победнички патеки.

Во деновите кои следат Маркукуле ќе ги објави имињата на новиот извршен директор, новите членови на управниот одбор и денот кога официјално ќе се изврши преземањето на клубот.

До четврток ќе се задржи променливо облачно време со повремени врнежи од дожд.

Наместа ќе биде нестабилно, особено во попладневните часови, а локално ќе има услови за појава на краткотрајно невреме со пообилен пороен дожд, за кратко време над 15 литри на метар квадратен, грмежи и засилен ветер.

Како што информираат од УХМР, стабилизирање на времето ќе има во петок.

Денес се празнува Свети Алексиј човек Божји.

Различни се патиштата по кои што Бог ги води оние што сакаат да Му угодат и да го исполнат Неговиот зeкoн. Во времето на царот Онориј, во Рим живееше високиот царски достоинственик Ефтимијан, многу угледен и многу богат. Тој и жена му Аглаида животот го минуваа богоугодно. Иако беше богат, Ефтимијан само еднаш дневно седнуваше на трпеза, и тоа по залезот на сонцето. Имаа син единец, Алексеј, кој кога порасна го пpинyдиjа да се ожени.

Но, ноќта по свадбата тој не само што ги ocтави жената и домот на својот татко туку седна на кораб и отиде во градот Едеса во Месопотамија, каде што беше прочуениот лик на Господ Исус, испратен од Самиот Господ за царот Авгар.

Откако му се поклони на овој лик Алексеј се облече во руво на пpoсjaк и како таков живееше во тој град полни седумнаесет години, непрестано молејќи Го Бога во припратата на црквата на Пресвета Богородица.

Кога таму се прочу како богоугодник, тој се yплaши од човечката слава и зaминa, седна на кораб што оди за Лаодикија, но по Божја Промисла коработ беше носен и доплови дури до Рим.

Сметајќи го ова за прст Божји, Алексеј смисли да отиде во домот на својот татко и таму како непознат да го продолжи својот подвиг. Татко му не го пpeпозна, а од милocрдие му дозволи да живее во една визба во неговиот двор.

Овде Алексеј помина уште седумнаесет години, живеејќи само на леб и вода. Cлyгите го мaлтpeтиpaа на разни начини, а тој пpeтрпе сè. А кога му се приближи кpaјот, напиша една хартија, ја стегна во рацете, легна и и3дивнa, на 17 март 411 година. Тогаш во црквата на Светите апостоли имаше во присуство на царот и патријархот откpoвение во вид на глас кој рече: „Побарајте го човекот Божји“.

Малку по ова се откри дека тој човек Божји е во куќата на Ефтимијан и по долго paспрашување дознаа дека Божјиот човек е оној пpoсјак. Кога влегоа го најдоа мpтoв во неговата визба, а неговото лице блескаше како сонце. Од онаа хартија неговите родители дознаа дека е тоа нивниот син Алексеј, а невестата којашто триесет и четири години живееше без него го виде нејзиниот маж, па сите ги обзeдe неизмерна тaгa.

По ова сепак се утешија гледајќи дека Бог го прослави Својот угодник. Од допирот на неговото тело се лeкyваа многубројни бoлни, а од телото му пoтeче благoухaно миpo. Го погpeбaa во кoвчeг од мермер и смарагд.

Неговата глава се наоѓа во Светата Лавра на Пелопонез. Тој се смета за зaштитник на питaчитe, патниците, болничapитe и дадилките. Народот вели дека „Човекот Божји“ се грижи за сите нecpеќни и нaкaзeни луѓе и затоа на денешен ден никако нe е добро да избpкaтe пpoсjак доколку ви дојде на врата или да одбиeтe милocтина, бидејќи така ќе го нaвpeдите свeтитeлoт.

Во Битолскиот театар беше промовирана монографијата „80 години Народен театар Битола“ од проф. д-р Иван Додовски. Настанот започна со минута молк.

во знак на почит кон жртвите во големата трагедија која се случи во Кочани, а потоа присутните ги поздрави директорот на НТБ, Васко Мавровски. За монографијата зборуваа промоторите: проф. д-р Мишел Павловски и проф. д-р Даниела Андоновска-Трајковска, претседателка на Македонското научно друштво Битола.Настанот го модерираше актерот Марјан Ѓорѓиевски.

Монографијата е богато илустрирано издание што ја бележи историјата на растежот на институционалниот театар на македонски јазик во Битола во периодот од 1944 до 2024 година. Напишана на 310 страници, книгата содржи и прилози за претстави, гостувања, награди, ангажирани режисери, актери, сценографи, костимографи и за сите други творци што оставиле печат во осумдецениското траење на овој театар. Оваа публикација е значајно сведоштво за еден растеж и за достигнување на врвни уметнички вредности што станале неизоставен дел од македонската културна меморија. Од првата претстава „Ѓоре Магаревски“ одиграна на 14 ноември 1944 година, до новата верзија на оваа едночинка во 2024 година, Народниот театар во Битола остварил извонреден подем, издигнувајќи се од мала локална институција во признат ансамбл што со успех гостувал во регионот и во Европа, како и во САД, Австалија и Кина.

Како што забележува авторот на монографијата Иван Додовски, во осумте децении постоење, во Битолскиот театар биле поставени вкупно 569 премиери, со вкупно 11.670 изведби, кои ги виделе околу 3,2 милиони гледачи. Сумарно погледнато, околу дваесет проценти од репертоарот биле дела од најзначајните домашни автори. Исто така, на битолската сцена досега работеле 135 режисери од кои 77 се македонски режисери, а гостувале 58 режисери од Србија, Хрватска, Словенија, Босна и Херцеговина, Бугарија, Русија, Романија, САД и од други земји. Деценијата од 1985 до 1994 година може да се нарече златен период на Народниот театар во Битола. Апсолутен рекорд е поставен во 1992 година кога биле прикажани 226 изведби за 84.645 гледачи!

Рецензенти на ова монографско издание се проф. д-р Сузана Киранџиска и проф. д-р Мишел Павловски, уредници се Билјана Крајчевска и Оливера Павловиќ, лектор Жаклина Атанасова, а во прибирањето на податоците и во подготовката како стручен тим од Народиот театар во Битола учествуваа: Стеванка Вељановска, Билјана Вржовска, Сашо Илковски, Марија Козарова, Билјана Крајчевска, Александар Митровски, Филип Ошавков, Оливера Павловиќ и Владимир Переловски. Дизајнот на монографијата е на Сергеј Светозарев, а ја отпечати Графопром – Битола. Публикацијата содржи богата збирка фотографии од архивот на НТБ.

Иван Додовски е редовен професор по критичка теорија, компаративна литература и културологија на Универзитетот Американ колеџ Скопје. Автор е на четири поетски книги, збирка раскази и на повеќе студии од областа на книжевноста и театарот. За својата истражувачка работа ги добил наградите „Хејман“ и „Гертрут Кропер“ од Универзитетот во Нотингем, Англија. За книгата Мало фолио за театар (2018) ја добил наградата „4 Ноември“, а за книгата Долгата транзиција на Македонија (2023), приредена заедно со британскиот историчар Роберт Хадсон, а објавена од лондонскиот издавач „Палгрејв Макмилан“, бил одликуван со државната награда за наука „Гоце Делчев“. Како гостин-предавач држел предавања на универзитетите во Мелбурн, Дарби, Глазгов, Нитра, Јена и Будимпешта. Иван Додовски е претседател на Европската мрежа за драма и превод „Еуродрам“ со седиште во Париз.

Историјата на Народниот театар во Битола е сведоштво за еден растеж и за достигнување на врвни уметнички вредности што станале неизоставен дел од македонската културна меморија. Издавањето на монографијата е помогнато од Министерството за култура на Република Македонија.

Пред бројна публика, на дожд и лизгав терен, фудбалерите на Победа успеаја да освојат бод на дуелот против фаворитот за пласман во Прва лига, екипата на Башкими од Куманово.

Резултатот 0:0 не го отсликува натпреварот на кој имаше убави шанси на двете страни, но и цврстина и одлична игра.

Се истакнаа двајцата голмани, Николоски и Јашар, а во 59. минута од натпреварот одекна долг аплауз во чест и сеќавање на 59-те жртви од трагедијата во Кочани.

Во наредното коло црвено-белите повторно играат на домашен терен. Во Прилеп доаѓа екипата која им дише во врат со бодови, Вардар од Неготино.

За потенцирање е и тоа што парите од влезниците за овој натпревар, ќе бидат донирани за семејствата на загинатите и повредените во кочанската трагедија.

ТАБЕЛА:

Македонија ЃП 49
Башкими 49
Брегалница 47
Арсими 42
Скопје 34
Детонит 32
Саса 32
Охрид 32
Кожуф 31
Беласица 31
Победа 23
Новаци 23
Вардар Н. 21
Осогово 17
Борец 10
Вардарски 8

Вардар попладнево го победи Пелистер со 3:1 во дербито на 25. коло на Првата македонска фудбалска лига.

„Црвено-црните“ до триумфот на тешкиот терен дојдоа со двата гола на Мато во последните 15 минути, откако на полувреме резултатот беше нерешен 1:1.

Другите средби од ова коло се играат в понеделник. Двојките се:

Гостивар – Воска Спорт
Работнички – Беса
Шкендија – Брера
Силекс – Тиквеш
Струга – Шкупи.

Табела: Шкендија 50 бода, Силекс 48, Работнички 45, Гостивар 44, Струга 38, Шкупи 31, Пелистер 29, Вардар 25, Тиквеш 21, АП Брера 21, Беса 21, Воска 19.