Четириесет и петгодишниот Македонец, Васко Саздовски е меѓу четиринаесете жртви во вчерашната несреќа во Нови Сад. Саздовски бил од Свети Николе, а работел како професор во Институт за роботика во Нови Сад.

„Македонија синоќа изгуби. Една прекрасна жена и двајца алтани останаа можеби без еден од најпрекрасните сопрузи и татковци. Изгубија планините, останаа без голем заљубеник во ридовите, врвовите, камповите, изгуби тркачката дружина исклучителен пријател и спортист. Изгуби Свети Николе, можеби најголемиот научник што некогаш се родил во градот. Македонија изгуби, еднаш кога дозволи таков мозок како Васко да си замине од тука. И синоќа повторно. Овој пат неповратно“, ова е еден од постовите на Фејсбук во кој се опишува личноста на Васко Саздовски.

Саздовски бил сопруг и татко на две деца.

-Денес е посебен ден за Пелагонија и цела Централна Македонија!

Ќе имаме ОДЛИЧНИ вести, почеток на проект кој се чека со децении!

Изградба на АВТОПАТ Прилеп – Битола!

Следете не од 12:00 часот – напиша на ФБ вицепремиерот и министер за транспорт и врски Александар Николоски.

Синоќа во Прилеп на 71-годишна возраст почина Јове Магдески, мајстор на фудбалската игра и еден од најдобрите фубалери кои ги дал градот под Марковите кули.

Јове Магде, како што го викаа прилепчани, беше уметник со фудбалската топка, фудбалер со префинет стил и техника за кого во „најважната споредна работа на светот“ немаше тајни.

Покрај фудбалска умешност и мајсторство, дресот со број 8 на спортската гордост на Прилеп, ФК „Победа“, беше неговиот заштитен знак. Не за бадијала се велеше оти пасовите на Јове „имаа очи“, а слободните удари беа „половина гол“.

Јове Магде ја имаше среќата, заедно со Живко Ѓорѓиоски, Глигороски, Истатов, Мечев, Манески, Дрвошанов… да биде дел од, веројатно, најдобрата генерација на прилепска „Победа“.

Неговиот вонсериски талент и фудбалското мајсторство не останаа незапазени: Јове беше член на аматерската репрезентација на некогашната СФРЈ, за која настапуваа најдобрите играчи од Втората југословенска лига. За репрезентацијата одигра 30 натпревари, при што се закити со златен медал на Балканијадата во Грција.

Иако на негова адреса стасуваа понуди да го облече дресот на некоја од екипите од југословенската „голема четворка“, заради љубовта кон Прилеп, кон „Победа“ и, неретко, 20-илјадната публика на Градскиот стадион „Гоце Делчев“, Јове и’ остана верен на својата прва и единствена фудбалска љубов.

И покрај заминувањето од овоземниот свет, ѕвездата на Јове уште долго ќе сјае на фудбалското небо.

Погребот на Јове Магдески ќе се изврши денеска, сабота 2 ноември во 13:00 часот, на Новите гробишта во Прилеп.

Нека почива во мир!

Паркот кај судот во ново руво и со пригодна програма од најмладите, а по повод 3- ти Ноември, Денот на ослободувањето на Прилеп
На иницијатива на градоначалникот Борче Јовчески и претседателот на Советот на Општина Прилеп, Ирена Стерјовска, а со донација од нашиот сограѓанин Димитри Катароски, кој живее во Њу Џерси, се поставија нови детски реквизити за најмладите и корпи за отпадоци, се изврши хортикултурно уредување на паркот, како и поставување на бел украсен камен. Воедно, постојните реквизити, клупите и летниковците се обновени од страна на ЈКП,, Комуналец,,- Прилеп.

Денеска најмладите од Детските градинки ,,Наша иднина,, имаа богата забавна и ликовна програма во паркот, а по повод 3- ти Ноември денот на ослободувањето на градот. Ликовната тема на намладите е убавините на парковите и детските игралишта и како најмладите, но и повозрасните треба да се однесуваат кон нив.

Со донација од ВИК привршува и целосното обновување на Спортско рекретивните игралишта и детски паркови на Могилата, и на Рид до подрачното училиште,, Кочо Рацин,,

На веќе добро познатата локација, на влезот во Прилеп од страната за Скопје, во непосредна близина на бензиската пумпа “Макпетрол”, се наоѓа ресторан “Beer ti & ja” – најмераклиското место во градот под Марковите Кули.

Ресторанот е вистински хит и број еден дестинација во изминатите неколку месеци, за сите гурмани и вљубеници во гурманската трпеза.

Ресторанот располага со простор за 40-50 гости и одлично место за раат дружба со вашите најблиски, семејство, пријатели.

На влезот во Прилеп се наоѓа најмераклиското место: Еве зошто ресторан “Beer ti & ja” стана главна дестинација за сите гурмани и боеми (ФОТО ГАЛЕРИЈА)

Го имаат едно од најбогатите менија за умот да ви зајде. Разно-разни предјадења и вкусна прилепска скара, специјалитети од месо, богата винска карта и богат избор на пијалоци, a главните специјалитети на кујна се вкусните чорби, гулашот, печена коленица и прочуениот прилепски ширден.

Oд утро до пладне тука во Прилеп “тропа лајца” на секоја маса, а ЗОШТО?! Затоа што тука ја има најдобрата чорба во градот

Во интерес на своите ценети гости, ресторанот редовно има специјални, неодоливи понуди кои одговараат за сечиј џеб, а најново, отсега ресторан Beer ti & ja е достапен за организирање на сите ваши помали веселби и свечености.

Сопствениците и маестралниот тим во кујната, подготвија врвни менија по најниски цени во градот.

За потсетување, ресторанот располага со широк паркинг простор, па не мора да се грижите каде вашите гости ќе ги остават автомобилите.

Вашата доверба препуштете ја во сигурни раце! Тимот на ресторан BEER TI & JA ве очекува!

На 2 ноември /сабота/ од 18.30 ч. во Ликовната галерија од ЦК „Марко Цепенков“, ќе биде отворена изложба на дела од уметници, членови на ДЛУП. Ова е годишна изложба на која со свои дела ќе се претстават 20 уметници, членови на ДЛУП.

-Уметниците ќе презентираат дела изработени во најразлични техники, материјали и форми. Публиката ќе има можност да види слики, скулптури, графики, односно творби кои се создадени во текот на годинава. Изложбата е традиционална и е дел од годишната програма на друштвото и е поддржана од Министерството за култура и туризам – вели Методи Исков, претседател на ДЛУП.

Изложбата е во рамките на одбележувањето на 3 – ти Ноември, Денот на ослободувањето на Прилеп.

На 30.10.2024 во 01.30 часот, полициски службеници од ОВР Прилеп во казино лоцирано во катната гаража во Прилеп го лишиле од слобода Б.И. (26) од Скопје. Имено, истиот го нарушувал јавниот ред и мир со оддавање на пијанство.

По документирање на настанот против истиот ќе следува соодветна пријава – информираат од ОВР Прилеп.

-Кога имате осигурување тоа значи дека можете да сметате на финансиска поддршка во тешките моменти, вели по повод меѓународниот ден на осигурувањето, Даниел Паришко – раководител на сектор Прием во осигурување во СН Осигурителен Брокер АД Битола.

Меѓународниот ден на осигурувањето, на 1 ноември е повод да се потенцира значењето на осигурувањето како иструмент кој заштитува од финансиски издатоци во непредвидени и неочекувани ситуации. Осигурувањето претставува управување со ризик, првенствено насочен кон намалување на финансиските загуби, вели Даниел Паришко, Раководител на сектор Прием во осигурување во СН Осигурителен Брокер АД Битола.

„Осигурувањето најефикасно штити од непредвидени финансиски загуби и тоа во моментите кога тоа ни е најпотребно, затоа што всушност таквите загуби не биле ниту очекувани, ниту планирани. Всушност, осигурувањето е пренос на ризикот од осигуреникот врз осигурително друштво, со плаќање на премија за осигурување. Тоа практично значи дека без осигурување во таквите случаи сте препуштени сами на себе. Но, кога имате осигурување тоа значи дека имате партнер кој ви овозможува финансиска поддршка во тешките моменти.“-вели Паришко.

Веќе со години наназад осигурителниот пазар во Македонија бележи позитивен тренд на пораст, вели тој, појаснувајќи дека растот се должи на два фактори. Првиот фактор е растечката свест на граѓаните за предностите и бенефитите кои ги носи поседувањето на полиса за осигурување, додека втор фактор е богатата понуда на доброволните видови осигурување, покрај задолжителното осигурување.

„Брзото животно темпо во динамичното време во кое живееме носи и бројни ризици во различни области од секојдневното делување на човекот. Неговата желба да се заштити и свеста дека на најдобар начин тоа може да го направи преку осигурување се пресликува во се поголемиот интерес на граѓаните да се осигураат и со тоа да бидат поспокојни дека во моментите кога ќе се случат непредвидени финансиски загуби тие нема да бидат сами и нема сами да го поднесат финасискиот товар.“-вели Паришко.

Посочува дека предноста од обезбедувањето на полиса за осигурување од Осигурителен Брокер АД Битола е во тоа што компанијата ги нуди сите типови на осигурување од сите осигурителени компании во државата на едно место.

„Знаеме дека времето е скапоцен ресурс, особено за секој динамичен деловен човек со бројни обврски и на приватен и на професионален план. Во случајот со СН Осигурителен брокер АД Битола не мора да губите време да одите од една до друга осигурителна компанија, да ги споредувате условите и цените. Ние ги нудиме сите типови полиси од сите осигурителени компании. Доволно е само да направите консултација за вашите индивидуални потреби и во соработка со вас нашите брокери ќе ви помогнат да ја изберете вистинската полиса за вас. Тоа значи дека ќе биде избран пакет кој најдобро ќе ги задоволи вашите барања, а истовремено ќе биде избрана понуда која одговара на вашиот планиран буџет. И она што е најважно, таа консултација ја добивате сосема бесплатно. Услугата воопшто нема да влијае на подигнување на цената на полисата за осигурување, туку полисата ќе ја добиете по иста цена како и кога би отишле да ја купите во осигурителна компанија. Но, кај нас добивате професионална консултација која ќе ви помогне да го направите вистинскиот избор согласно со вашите индивидуални потреби.“-вели Паришко.

Појаснува дека сите тековни понуди и акции граѓаните може да ги следат на веб страната на СН Осигурителен Брокер АД Битола www.snbroker.mk како и на телефонот 15 770.

Воспитувањето инспирира вредности – е главното мото на ООУ “Климент Охридски” од Прилеп, училиште кое во изминатите години прерасна во врвна образовна институција, која како ретко каде во целата држава ги исполнува сите услови за квалитетен образовен процес.

Под водство на младиот и амбициозен директор, Ахил Јаков, ова училиште прерасна во бренд на Прилеп и често родителите и учениците знаат да кажат дека улилиштето им е налинк на американските колеџи.

Со многу труд, посветена работа и деноноќно залагање, училиштето доби услови кои за жал се нешто непознато и со кое не можат да се пофалат голем број други основни и средни училишта.

Од средена фасада, игралишта, прекрасни паркови површини, до нови подови, ѕидови, прекрасна и опремена спортска сала…. буквално се уредуваше секое со години заборавено ќоше.

Учениците се горди на нивното училиште, а тоа им е и мотив да постигнуваат високи резултати на сите натпревари каде ќе се појават.

Директорот Јаков важи за човек кој знае да менаџира, човек кој постави цврсти темели во оваа образовна институција, строг педагог, но истовремено и голем пријател како со вработените, така и со учениците.

Важи за чаршиски човек, кој умее искуството и менаџирањето во приватниот сектор во минатото, да го примени и во јавниот сектор. Успешните соработки со стопанствениците во минатото, сега ги преточкува во донации и помош за институцијата со која раководи.

Неговата работа и успешност оваа година ја препозна и Комисијата за одбележување значајни настани, личности и празници при Советот на општина Прилеп, од каде ООУ “Климент Охридски” Прилеп ќе биде наградено со плакета по повод „3-ти Ноември“ – Денот на ослободувањето на Прилеп.

Нам ни останува да му честитаме на директорот, на целиот колектив и на учениците за сите успеси, и да им посакаме уште поголеми достигнувања во иднина.