Од ноќеска на полноќ, дел од горивата ќе се продаваат по нови, повисоки цени. Вака одлучи денеска Регулаторната комисија за енергетика (РКЕ). Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 0,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 08.11.2024 година и со тоа малопродажната цена на ЕУРОСУПЕР БС-95 изнесува 76,00 ден/лит, додека малопродажната цена на ЕУРОСУПЕР БС-98 изнесува 78,00 ден/лит.

Малопродажната цена на ЕУРОДИЗЕЛ (Д-Е V), не се менува, односно останува на исто ниво како што била утврдена со одлуката за утврдување на највисоки малопродажни цени на нафтените деривати и горива за транспорт од 08.11.2024 година и со тоа, малопродажната цена на ЕУРОДИЗЕЛ (Д-Е V) изнесува 70,50 ден/лит.

Малопродажната цена на Екстра лесното масло за домаќинство на (ЕЛ-1), се зголемува за 1,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 08.11.2024 година и со тоа, малопродажната цена на Екстра лесното масло за домаќинство на (ЕЛ-1) изнесува 69,50 ден/лит.

Малопродажната цена на Мазутот М-1 НС, се зголемува за 0,859 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 08.11.2024 година и со тоа малопродажната цена на Мазутот М-1 НС изнесува 43,844 ден/кг.

Моторен бензин ЕУРОСУПЕР БС – 95 76,00 (денари/литар)
Моторен бензин ЕУРОСУПЕР БС – 98 78,00 (денари/литар)
Дизел гориво ЕУРОДИЗЕЛ БС (Д-Е V) 70,50 (денари/литар)
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 43,844 (денари/килограм)

Новите зголемени цени на горивата, според РКЕ, се должат на зголемувањето на референтните цени на нафтените деривати на светскиот пазар во однос на претходната пресметка.

Ќе ја искористам оваа прилика да се заблагодарам на раководството на Тутунски комбинат АД Прилеп овде на пречекот. Слушнавте и самите од тука се извезува на 9 пазари. Да се заблагодарам на пратениците од Прилеп коишто доаѓаат во македонското Собрание, коишто се борат секогаш и приоритет им се тутунопроизводителите од овој регион, Министерството за земјоделие, на министерот се разбира којшто е исто така врвен приоритет му се тутунопроизводителите како и впрочем сите земјоделци.

Ова го истакна претседателот на Владата на Република Македонија, Христијан Мицкоски по денешната посета на Тутунски комбинат АД Прилеп.

-Очекувам овој период на консолидирање на тутунскиот комбинат Прилеп да е веќе позади нас. Состојбата од тоа што можев да видам е консолидирана и очекувам во годините коишто следат повеќе внимание да посветиме на развојот, на нови инвестиции, на зголемување на производството зошто да не овие 9 пазари да не бидат 18 пазари за некоја година од денеска. Тоа е она на коешто сите ние треба заедно да работиме и тоа е она за коешто оваа Влада ќе даде безусловна поддршка и очекувам овие услови да бидат дел од нашата заедничка соработка и во иднина.

Многу е направено и многу е постигнато во овие години, состојбата е консолидирана ајде сега сите заедно да работиме на развојот, тоа е она што е наш приоритет, подвлекува Мицкоски.

Дами, време е да ја прославите вашата внатрешна и надворешна убавина! Со задоволство ве покануваме на She Shines, ексклузивен настан во живо посветен на омоќувањето на жените преку насоки за имиџ, самогрижа и радост.

Што да очекувате:

Час по Зумба: Ослободете ја вашата енергија и вашиот дух со жива сесија на Зумба. Почувствувајте го ритамот и танцувајте од срце!

Изведба во живо од кубанска пејачка: Уживајте во пленителната музика, која ќе ве однесе до живописните улици на Хавана.

Специјален гостин од Скопࠣје: Добијте нови увидувања и инспирација од нашиот ценет гостин кој ќе го сподели своето патување и советите за омоќување.

Разговор за Јога: Откријте го патот кон внатрешен мир и баланс со суштински јога сознанија кои се наменети и за почетници и за ентузијасти.

Демонстрација на масажа на лице: Научете ги тајните за подмладена и сјајна кожа со професионална демонстрација на масажа на лице.

Не ја пропуштајте оваа шанса да се поврзете, учите и сјаете меѓу жени со слични интереси.

Соберете ги вашите пријателки и придружете ни се за еден незаборавен ден посветен на ВАС!

Локација: Aura Прилеп

Датум и време : 24-ти ноември, 11 часот претпладне. Влез – бесплатен!

И за да почнете да се инспирирате, преземете го бесплатниот весник, The New Femmes Times, со кликнување на линкот подолу:

https://www.womenempowerment.site/newspaper-mkd

Запознајте ја Луцијана, извршен директор и креатор на списанието Women Empowerment

Со задоволство ви ја претставуваме Луцијана, визионерката зад списанието Women Empowerment и организаторка на настанот She Shines, првиот настан за омоќување и коучинг за имиџ во Прилеп, Македонија. Како извршен директор и креаторка, Луцијана ја посвети целата своја кариера на инспирирање и омоќување на жени од сите краишта на светот преку инспиративни приказни, практични совети и вредна содржина која ја
слави женската сила и издржливост.

На настанот She Shines, Луцијана гордо ќе го претстави лансирањето на списанието Women Empowerment во неговата македонска верзија. Ова ново издание ветува дека ќе им понуди на читателките во Македонија исто ниво на инспирација и омоќување што го карактеризира списанието од неговите почетоци.

Луцијана се обврзала да ги стави во центарот гласовите и приказните на извонредни жени, промовирајќи простор каде сите можат да се чувствуваат видени, слушнати и ценети. Не пропуштајте ја оваа можност да ја запознаете Луцијана лично и да бидете дел од возбудливото лансирање на списанието.

Придружете ни се на овој специјален настан и откријте како списанието Women Empowerment продолжува да прави значајна разлика во животот на жените ширум светот.

Запознајте го нашиот специјален гостин од Скопје, Ксенија Николова.

Ксенија е писател и автор на 7 книги, а неࠣзините романи се издадени на неколку јазици. Таа е основач на платформата Better Women Better World што има за цел да ги зајакнува жените и девојките ширум светот и паралелно работи и како ментор за жени со цел да им помогне да го пронајдат својот пат кон зајакнувањето. Работи и како дигитален креатор и ги користи социјалните мрежи за презентирање на своࠣата работа, но и за соработки и проекти со брендови и луѓе во чии вредности верува.

Доживејте ја моќта на јогата со Александра на She Shines

Придружете ни се на She Shines за да ја истражите трансформативната моќ на јогата со нашата експертка-инструкторка, Александра. Со нејзиното обемно знаење и нежно водство, Александра носи богатство на искуство во помагање на жените да се поврзат со своето
внатрешно јас преку јогата.

Придобивки од Јогата:

Физичко здравје: Јогата ја подобрува флексибилноста, силата и рамнотежата. Различните пози и секвенции ја зголемуваат мускулната маса, ја подобруваат циркулацијата и ја поддржуваат целокупната функционалност на системите на телото. Редовната практика може да помогне во ублажување на болката, да го подобри држењето и да ги зголеми енергетските нивоа.

Ментална јасност: Преку практиката на свесно дишење и медитација, јогата го подобрува фокусот, го намалува стресот и промовира ментална јасност. Ги учи практикантите да бидат присутни во моментот, што води до подобра емоционална отпорност и посмирен ум.

Емоционална рамнотежа: Јогата охрабрува на саморазмислување и освестеност. Може да биде моќна алатка за ослободување на емоционалната напнатост и деблокирање на енергијата. Практикувањето јога создава чувство на мир и задоволство, што го прави полесно справувањето со животните предизвици со грациозност.

Духовен раст: Надвор од физичките и менталните придобивки, јогата промовира духовен раст, помагајќи им на луѓето да се поврзат со своето внатрешно јас. Охрабрува истражување на подлабоките аспекти на животот, води до зголемено саморазбирање и поисполнет живот.

Заедница и поврзување: Јогата создава чувство на заедница меѓу практикантите. Дали се практикува во студио или како дел од групна сесија, поттикнува поврзаност и поддршка, создавајќи чувство на припадност и заедничко искуство.

Вкупно, јогата е трансформативна практика која го негува телото и душата. Ги омоќува луѓето да водат поздрави, побалансирани животи и развива длабоко чувство на внатрешна среќа и мир.

Запознајте ја нашата Зумба инструкторка: Фиорела Гоиќочеа

Подгответе се да се движите и се забавувате со нашата неверојатна Зумба инструкторка, Фиорела Гоиќочеа. Со години искуство и страст кон фитнесот преку танц, Фиорела носи енергија, ентузијазам и експертиза во секоја сесија. Позната по својата инспиративна енергија и
мотивациски стил на предавање, таа се грижи секој, почетник или искусен танчер, да се чувствува добредојден и инспириран.

Омоќувањето преку Зумба

Зумба не е само вежбање; тоа е движење кое го трансформира умот, телото и духот. Преку динамични и возбудливи танцови рутини, Зумба ги омоќува жените да ги прифатат своите тела, да ја зголемат својата самодоверба и да ја ослободат својата внатрешна сила.

Ритмичките движења на Зумба поттикнуваат самоизразување и радост, овозможувајќи им на учесничките да го отфрлат стресот и грижите. Секој тренинг е прослава на животот и виталноста, промовирајќи кардиоваскуларно здравје, подобрување на координацијата и зголемување на енергетските нивоа.

Учествувајќи во Зумба, жените се поврзуваат со заедница која ја слави разновидноста и инклузивноста, создавајќи средина каде секоја жена може да сјае. Се работи за чувствување фантастично, останување во форма и да се бидеш без извинение ти самата.

Придружете ни се на енергична сесија на Зумба со Фиорела Гоиќочеа и доживејте ги омоќувачките придобивки од прва рака. Нека музиката ве води и откријте ја моќната, самоуверена жена во вас!

Откријте ја уметноста на енергично природно подигнување на лице со специјалистот Менче

На She Shines, сме возбудени да ви го претставиме трансформативното искуство на масажа на лице со нашиот реномиран специјалист, Менче. Со години експертиза во подобрување на природната убавина, Менче ги користи нејзините вешти техники за да ја подмлади и ревитализира вашата кожа, оставајќи ве свежи и сјајни.

Зошто е важна масажата на лице:

1. Зголемување на циркулацијата: Техниките на масажа на лице на Менче помагаат да се подобрување на тоновираната кожа: Преку нежни и прецизни движења, масажата на лице стимулира производство на колаген, помага во подобрувањето на еластичноста на кожата и намалувањето на појавата на фините линии и брчки.

2. Намалување на напнатост и стрес: Масажата на лице не е само корисна за кожата, туку и за умот. Пристапот на Менче во смирување ја олеснува напнатоста на лицето, го намалува стресот и промовира вкупно опуштање.

3. Детоксификација и деконгестија: Со стимулирање на лимфниот систем, масажата на Менче помага во детоксификацијата на кожата, отстранувањето на токсините и намалувањето на подуеноста. Ова ја остава вашата кожа да изгледа посветла и помлада.

4. Постигнување на природен сјај: Редовните масажи на лице може да ви помогнат во одржувањето на природно здрав сјај. Сесиите на Менче се дизајнирани да ја зголемат вашата самодоверба и подобрат вашата природна убавина, правејќи ве да се чувствувате омоќени одвнатре.

5. Придружете се на Менче на She Shines за сесија која не само што ја негува вашата кожа, туку и го осветлува вашиот дух. Доживејте ја подмладувачката моќ на масажата на лице и прифаќајте ја убавината што зрачи одвнатре.

И за да почнете да се инспирирате, преземете го бесплатниот весник, The New Femmes Times, со кликнување на линкот подолу:

https://www.womenempowerment.site/newspaper-mkd

Ограничен простор, резервирајте го вашето место со порака на WhatsApp или Viber на телефонскиот број: 070665814.

Запомнете дека влезот е бесплатен!

Инсталациите на СДСМ и ДУИ се жилави и ќе биде жестока борбата со нив, не очекувам дека ќе биде лесна и во обвинителството и во судството. Нивната цел да дадат се од себе за да го уништат обвинителството и судството за да можат нивните вистински стопани, тие малкумина судии и обвинии да ги заштитат, добива епски размери. Ова го зборував и на последната собраниска седница кога одговарав на пратенички прашања, истакна премиерот Христијан Мицкоски по реакцијата на ДКСК за именување на членови од Судскиот совет и Советот на јавни обвинители во Академијата за судии и обвинители.

Според Мицкоски, во изминатите пет месеци од владеењето на новата Влада, често се случува некои од обвинителите да имаат стомачни проблеми, главоболки и температура, во момент кога треба да се преземе акција против криминалци кои биле симбол на, како што вели, минато седумгодишно владеење кое не треба да се повтори.

-Не верувам дека оваа борба ќе биде кратка, ќе биде долга и исцрпувачка. Малкумина се во судството и Обвинителството, но можам да кажам дека ќе победиме. Тие ќе бидат поразени, а македонските граѓани ќе добијат правда каква што заслужуваат, а не неправда од страна на опструирани послушници на минатата власт, рече Мицкоски при посетата на Тутунски комбинат АД Прилеп.

Во рамки на кампањата „Користи зимска опрема“, Републичкиот совет за безбедност во сообраќајот на патиштата (РСБСП) ги потсетува возачите на моторни возила на законската обврска за поседување на зимска опрема во возилото (независно на тоа дали се вклучени во сообраќајот во населено место или надвор од населено место) од 15 ноември оваа година до 15 март следната година.

Неповолните временски услови на патиштата (влажни коловози, пониски температури, врнежи на дожд и снег, намалена видливост) може да го зголемат времето на реакција на возачите, да ги деконцентрираат, да го продолжат сопирачкиот пат на возилото и сл. Затоа РСБСП советува да се провери возилото и да се подготви за зимските услови, да се почитува законската обврска за носење на зимска опрема и да се придонесе за побезбедно учество во сообраќајот на патиштата.

РСБСП упатува апел до возачите на моторни возила:

• бидете внимателни и возете одговорно,
• следете ги информациите за временските услови на патиштата,
• прилагодете го возењето според условите на патот,
• почитувајте ги сообраќајните правила и прописи и патната сигнализација,
• носете зимска опрема во возилото и користете ја соодветно,
• направете зимска проверка на возилото односно проверка на антифризот, маслото во моторот, течноста за бришачите на ветробранското стакло, проверете го акумулаторот и притисокот на пневматиците, обезбедете течност или спреј за одмрзнување на стакло, брави и сл.,
• одржувајте поголемо растојанието меѓу возилата,
• избегнувајте нагло сопирање на возилото,
• избегнувајте нагло намалување или зголемување на брзината на возилото.

РСБСП апелира: Проверете ја подготвеноста на возилото за зимски услови на патиштата! Да придонесеме за намалување на несаканите последици и зголемување на личната и безбедноста на другите учесници во сообраќајот.

Маркукуле дознава дека утрово околу 08:00 часот пријавена е голема кражба во наплатен центар на ЈКП “Комуналец” Прилеп.

Според засега неофицијални информации, oд сефот одземена е сума помеѓу 5-6.000 евра.

Очекуваме повеќе информации од ОВР Прилеп.

По добрата серија резултати во изминатите кола, фудбалерите на Победа доживеаја нов катастрофален пораз вчера на гостувањето во Кочани кај Осогово.

Црвено-белите беа поразени со 4:1, и тоа од екипа која во пресрет на ова коло имаше само 5 освоени бода.

Победа која во изминатите четири кола забележа 3 триумфи над: Вардар Неготино, Вардарски и Новаци, веруваше во нови три бода и на овој натпревар, и со одличниот погодок на Матеј Ѓурчиноски поведе уште на стартот од натпреварот.

Но, Осогово веднаш се врати, и со погодоците на Марио Симоски и Драган Паунов направи пресврт уште на полувремето.

Во вториот дел одново Паунов беше прецизен за зголемување на водството, а гол постигна и Фикрет Љиварека.

Во наредното коло, на 23.ноември, Победа го пречекува Скопје.

Според календарот на МПЦ (Јулијанскиот календар) денеска е 29 октомври.

Денеска е Преподобна маченичка Анастасија Римјанка и св. мач. Кирил.

Света Анастасија се роди во Рим од благочестиви родители. На тригодишна возраст остана сираче и ја прибра еден манастир, во кој игуманија беше некоја Софија. Поминаа 17 години и света Анастасија се прочу меѓу христијаните по доблесниот живот, а меѓу паганите по убавината.

Кога тогашниот градоначалник слушна за неа, испрати луѓе да му ја доведат. На судот, света Анастасија изјави дека е христијанка и беше ставена на маки. Додека ја измачуваа, таа два пати побара вода.

Некој христијанин, по име Кирил, и пристапи и ја напои. Заради тоа му ја отсекоа главата. Најпосле, и света Анастасија ја изведоа надвор од градот и ја погубија, а Софија го најде нејзиното тело и чесно го погреба. Света Анастасија и свети Кирил пострадаа за Христа за време на Декиј (249-251).

На 12.11.2024 / вторник/ од 20.00ч. во фоајето од ЦК „Марко Цепенков“ ќе се одржи целовечерен концерт на Александар Јовевски, композитор, аранжер, инструменталист (кавал, тамбура) и музички лидер на етно составот “Монистра” и дел од речиси сите етно проекти во државата. Концертот е поддржан од Министерството за култура.

**************************

,,Од колено на колено” e нов музички етно проект (албум) на Александар Јовевски на кој базата е македонскиот фолклор, традиција и
идентитет, и е проект од национален интерес за РСМ. Во составот на проектот има повеќе професионални музичари и се застапени народните
инструменти: кавал, тамбура, канон, женски вокали, и е збогатено со клавијатури. На носачот на звук ,,Од колено на колено” се застапени 4
обработки на стари македонски изворни песни како што се Бај Никола, Изникнало криво крувче, Сношти го видов мамо мори убавото Стојне, Ајде
мала Стана болна лега, меѓутоа има и авторска музика, 6 авторски композиции творени во духот на македонската традиција но со нов музички израз и тоа : Tамбурски вез, Кавал гали, Игра на инструментите, Длабочина, ЈовАнина и Александров танц.

Пијанечко-Малешевскиот регион утрово е под снежна покривка која е најизразена на повисоките места. Во градот Делчево и околните села снежната покривка е минимална, додека врнежи од снег утрово има и во општините Македонска Каменица, Берово и Пехчево.

-Патиштата се проодни, а сообраќајот засега се одвива без проблеми. Апелираме да се почитува сообраќајната сигнализација и да се почитуваат условите на патот, истакнаа од подружницата на Македонија Пат.

Од делчевските воспитно образовни установи известија дека превозниците кои сообраќаат до училиштата во руралните средини навреме ја извршиле својата обврска.

Во моментот во делчевско најмногу снег има наврнато на планината Голак, во с.Тработивиште, како и на подрачјето на с.Ѕвегор во близина на Граничен премин Делчево.