-Коференцијата претставува платформа каде што студентите од сите насоки електротехника, сообраќај, мехатроника и машинство не само што можат да ги покажат своите идеи, туку и да се запознаат со реална примена на знаењата и да воспостават врски со идните можности во реалниот сектор.

Конференцијата ТУР – Техниката и Урбаниот Развој, која се одржува традиционално по петти пат како студентска конференција во чест на Светскиот ден на науката, уште еднаш ја потврди својата клучна врска во поврзувањето на академската средина со реалниот бизнис сектор. Конференцијата започна од ентузијастичка идеја пред пет години на група студенти од Техничкиот факултет во Битола, а денес претставува платформа каде што студентите од сите насоки електротехника, сообраќај, мехатроника и машинство не само што можат да ги покажат своите идеи, туку и да се запознаат со реална примена на знаењата и да воспостават врски со идните можности во реалниот сектор.

Во тој контекст беа излагањата на претставници од Sigre – Мако Сигре и СН Групација со акцент на професионалните искуства на СН Сообраќаен Центар, кои преку сесијата одблиску ги запознаа студентите со техничките и деловните предизвици, како и на кој начин може да се поврзат научените достигнувања со праксата.

„Горда сум што го гледам растот и успехот на ТУР. Како еден од основачите на оваа конференција, која започна со презентирање на неколку различни трудови за да се создаде настан кој ќе го спои академскиот и деловниот свет, кое ќе биде вистинско место да ги покажеме нашите знаења и вештини. Како дел од бизнис секторот и како електроинженер во СН Сообраќаен Центар, со задоволство сведочам за важноста на оваа конференција.“– изјави Билјана Велјановска, како претставник на СН Групација и електро инженер во СН Сообраќаен центар во Битола.

Оваа конференција секоја година инспирира се повеќе млади, поттикнувајќи ги да ги развијат своите вештини и да придонесат за општествен напредок. ТУР е настан кој расте повеќе и добива на значење. Тој е вистински пример за важноста на соработката помеѓу образованието и индустријата, создавајќи можности за новите генерации инженери за да го применат теоретското знаење во пракса.

„Денес во својата работа, ја користам основата од знаењето кое го стекнав во предавалните на Техничкиот факултет. Во СН Сообраќајниот Центар не само што се вршиме технички преглед на возила, туку и издавање на Согласност на регистрација на возила од странство по извршена хомологација. Во текот на излагањето имав можност да ги запознаам студентите со историјата на хомологацијата во Македонија, која започна уште во 1991 година и која денес е во чекор новите светски регулативи за автономни и електрични возила.“– посочи Велјановска.

Како дел од конференцијата се организираше и онлајн сесија со студентите од Факултетот за електротехника во Скопје и предавање на професори од средното стручно училиште „Таки Даскало“ во Битола.

На овогодинешниот настан, организиран на денот што симболизира почит кон науката, 11. Ноември – Светскиот ден на науката, учествуваа студенти од Техничкиот Факултет во Битола со импресивни откритија како што се апликација за мерење на загаденоста на воздухот и зачувување на енергијата добиена од обновливи ресурси.

Фудбалерите на Победа го забележаа вториот есенски триумф во Втората футсал лига на Македонија. Во спортската сала на СОУ “Ристе Ристески-Ричко”, победашите триумфираа со 6:4 над Каршијака, екипа од Студеничани.

Головите за прилепчани ги постигнаа: Андреј Паскоски, два гола постигна Стефан Спиркоски, а три пати прецизен беше Кристи Крајоски.

Победа сега има шест бода и е на делба на петтото место на табелата, каде дури шест екипи имаат исто бодовно салдо.

Во наредното коло, прилепчани гостуваат во Струга кај Енхалон.

-На 11.11.2024 во 18.45 часот во с.Маково, општина Новаци, полициски службеници од СВР Битола ги лишиле од слобода А.Ј.(35), И.П.(32) и Ф.К.(39), сите од Битола.

При преглед на патничко возило „рено” со прилепски регистарски ознаки, сопственост на Ф.К., биле пронајдени и одземени две пушки, околу 50 куршуми со различен калибар, како и делови за оружје и други метални предмети за кои постои сомнение дека потекнуваат од кривично дело.

Лицата се приведени во Полициска станица Битола и по документирање на настанот, против нив ќе следуваат соодветни поднесоци – информираат од МВР.

Новоизбраниот американски претседател Доналд Трамп, наводно, ја назначил гувернерката на Јужна Дакота, Кристи Ноем за нов секретар за внатрешна безбедност, јавува денеска Си-Ен-Ен, повикувајќи се на неименувани извори.

Ноем, за која претходно се сметаше дека би можела да биде потпретседателка на Трамп, моментално го отслужува својот втор четиригодишен мандат како гувернер на Јужна Дакота по убедливата победа на изборите во 2022 година.

Таа стана позната на пошироката американска јавност откако одби да наметне задолжителна употреба на маски во Јужна Каролина за време на пандемијата на Ковид-19.

Секторот за внатрешни работи Битола во текот на вчерашниот ден (10.11.) реализирашe превентивни активности под мотото – „Слави со срце, не со оружје“.

Притоа, во централното подрачје на Крушево, полициски службеници со месното население разговараа околу опасностите од неовластено пукање со огнено оружје на разни свечености, како и за казнените мерки кои се предвидени за тие што неовластено ракуваат со огнено оружје, а исто така, им беше укажано и на опасностите кои произлегуваат од користењето на пиротехнички средства.

Исто така, за таа цел полициските службеници од ОВР Крушево при СВР Битола ги посетија и местата, односно локациите каде има поголеми собирања и разговараа со граѓаните, а беа поделени и летоци со едукативна содржина. Во централното градско подрачје на Битола, пак, полициските службеници од СВР Битола вчера и денеска продолжуваат со реализирањето на превентивни активности за побезбеден сообраќај.

Во секојдневието, честопати се среќаваме со луѓе кои се концентрирани само на себе, на својот живот и на своите цели. Поради оваа причина, луѓето кои ја имаат себичноста како карактерна особина не се способни да изградат квалитетни односи со луѓето околу нив.

Но, кои хороскопски знаци имаат склоност да бидат посебични од останатите? Прочитајте во продолжение.

Овен

Кога станува збор за задоволување на сопственото его, Овенот ќе направи сѐ за тоа да се случи. Едноставно, тие не се двоумат да ја покажат својата себична страна ако имаат корист од тоа.

Девица

Тие бараат корист во сè. Доколку забележите ненадејна промена во однесувањето на припадниците на овој хороскопски знак кон вас, бидете внимателни бидејќи може да бидете во загуба и без да сте свесни за тоа.

Рак

Иако ретко ги користат блиските луѓе за да добијат нешто во нивна корист, тоа не значи дека секогаш се добри и несебични. Ги користат другите во своја полза, но тоа го прават на најбезболен можен начин.

Близнаци

Дефинитивно, Близнаците се најлоши од сите. Тие ќе бидат добри кон вас, но без проблем ќе го променат своето однесување ако тоа им донесе корист. Без разлика дали станува збор за подобра работна позиција или стекнување суштински познанства, тие лесно ќе ве изневерат.

Дамјан Ристески од Прилеп кој има 27 години, долгогодишен каратист и инструктор во карате (втор дан) од карате клуб ,, Бонсаи”, положи за балкански судија во карате и тоа во две дисциплини – кати и борби во Сараево, Босна и Херцеговина. Натпреварот се одржал од осми до десети ноември.

Вели дека е презадоволен од резултатот, судел сите дена на натпреварот на натпреварувачи од Балканот и тестовите ги поминал солидно.

Ова за него е еден од големите достигнувања во судењето и животот.

Jавното комунално претпријатие Водовод и канализација Прилеп објави тендер за набавка на ДВЕ ТОВАРНИ ПОЛОВНИ ВОЗИЛА.

Во условите пишува дека на тендерот можат да учествуваат сите заинтересирани физички и правни лица, а потребно е понудените возила да не бидат постари од 13 години.

Исто така, од Водовод бараат заедно со возилата да биде испорачана соодветна опрема, како резервно тркало, дигалка, резервни сијалички…

Потенцирано е и тоа возилата да не бидат ХАВАРИСАНИ и да немаат КОРОЗИЈА.

Па доколку имате постаро товарно возило кое ги исполнува условите, а ви е за продавање, среќно!

Ова е некогашниот Општествен дом во прилепски Варош. Оставен на забот од времето, руиниран и обвиен во дебели пајажини, стокмен веднаш наспроти Амфитеатарот, гордо и’ пркоси на сеопштата негрижа – пишува на ФБ новинарката Каролина Дурло.

-Изграден во време на СФРЈ, како еден од многуте ДОМОВИ кои ги имаше речиси во секое маало и служеа за сите потреби на локалните граѓани, од културно-забавни дружби, до свадби, сега е ругло на средновековен Варош и никого мува не го лази оти едно вакво здание пропаѓа на очиглед на сите… Штета и срамота! – стои во објавата на новинарката Дурло.

Времето утре променливо облачно и студено, попладне и во текот на ноќта во јужните делови со повремени врнежи од дожд, а на планините со повремен снег. По котлините ќе има услови за појава на магла. Ќе дува слаб до умерен ветер претежно од северен правец, соопшти УХМР.

Минималната температура утре ќе се движи во интервал од -5 до 4, а максималната од 7 до 14 степени.

Во Скопје променливо облачно и магливо со слаб ветер од северен правец.

Следните денови ќе се задржи променливо облачно и постудено време со повремени врнежи од дожд со променлив интензитет, а на планините и на некои повисоки места од снег. По котлините ќе има услови за појава на магла.