Изјавата на рускиот претседател Владимир Путин ја покажа залудноста на надежите на западните земји дека Москва ќе попушти, а исто така покажа дека Русија е подготвена за секаквo сценарио, вели експерт од Меѓународниот клуб за дискусија „Валдаи“.

„Тоа беше исклучително силна изјава, јасен сигнал до западните земји дека подобро е да застанат, да ја преиспитаат својата одлука за нападите со долг дострел длабоко на руската територија и да спречат понатамошна ескалација, на која Русија е подготвена и на која Русија ќе одговори“, вели Дмитриј Суслов, коментирајќи ја изјавата на рускиот претседател.

„Изјавата на Путин носеше многу важна порака: Русија е подготвена за понатамошна ескалација од страна на Западот. Ако некој на Запад верува дека Русија ќе се поколеба, грешат. Русија е подготвена за секој развој на настаните“, додаде експертот.

Суслов посочи на клучната порака во говорот на Путин: „Русија цврсто верува дека Западот премина од прокси војна во директна војна“ и дека страните веќе се „во состојба на глобален конфликт“.

Суслов објасни дека нивниот опсег им овозможува „сигурно да стигнат“ до која било европска цел.

„Овде, за да се избегне ова, најдобро е Западот да деескалира и да ја преиспита својата одлука за удар на руска територија и запирање на какви било идни напади“, заклучи Суслов.

Во четвртокот вечерта, рускиот претседател Владимир Путин објави изјава во која ја обзнани употребата на најновата хиперсонична балистичка ракета со среден дострел Орешник со ненуклеарна боева глава, врз локација од одбранбената индустрија во Украина, Днепар (порано позната како Днепропетровск). Според него, ова е одговор на нападите на руската територија со американско и британско оружје со долг дострел.

Путин ја нарече клучна грешка одлуката на САД за еднострано повлекување од Договорот за нуклеарни сили со среден дострел. Тој исто така нагласи дека Русија има право да користи оружје против воените објекти на оние земји кои го користат своето оружје против Русија. Во исто време, Путин посочи дека во случај на натамошна одмаздничка употреба на ракети како што е ракетата Орешник на украинска територија, Русија ќе ги предупреди навреме цивилите да ги напуштат опасните зони.

Македонската јавност е ставена во тешка дилема откако поранешниот министер за транспорт и врски, Благој Бочварски, изјави дека власта на СДСМ била подобра од ВМРО-ДПМНЕ и реализирала неверојатни 80 до 90% од капиталните инвестиции во текот на своето владеење. Главното прашање и дилема на јавноста е за кои, побогу, инвестиции зборува Бочварски?

„Имавме сериозен процент на реализирани капитални инвестиции некаде 80-90%“, рече Благој Бочварски, екс министер за транспорт и врски во „Дејли Клик“ на ТВ21.

Тој кажа дека кога СДСМ бил на власт, имало прогрес во работата на сите полиња во капиталните и инфраструктурините проекти.

„Зголемивме прогрес на работа и во коридорите, и на локалните патишта, во железничката пруга, во гасоводите до Гостивар и до Битола, во изградбата на социјалните станбени згради имавме прогрес, водоводи и канализации, потоа во делот на министерството за труд и социјална политика на детски градинки, училишта… Еден сериозен и силен прогрес имаше владата на СДСМ“, изјави Бочварски.

На социјалните мрежи граѓаните „на ангро“ го тролаат и се ругаат со изјавата на Бочварски, прашуваат „на што е Баже“, „трепни два пати ако си киднапиран“, дали мисли можеби на двата преместени камења на автопатот Скопје – Охрид за седумтте години власт и прашуваат дали екс министерот можеби во градби и капитални проекти го сместил и подземниот тунел кој затворениците го копаа под затворот Идризово.

Бочварски не даде објaснување на јавноста, зошто не даде оставка на министерската позиција како морален чин кога 46 луѓе, меѓу нив 17 деца, загинаа во Бугарија со нелиценциран автобус од Македонија додека тој беше на оваа позиција.

Другото, најлогично објаснување за „реализирани 80-90% капитални инвестиции“ е дека е лесно да реализираш 80 до 90 насто од ништо…

„Ветување“ e изложбата од Маја Ралева Миладиновски отворена синоќа, 21.11.2024, во Ликовната од ЦК „Марко Цепенков“.

Изложбата е работена од 2016 со мали надополнувања во 2022 година, при што се создадени 20 мал формат слики 10 х 10 см, и 15 слики на картон, сите се поделени на пет препарирани платна каде композициски се распоредени како една голема слика.

Уметницата Маја Ралева Миладиновски вели дека изложбата „Ветување“ е приказна од деценија ипол, исполнета со многу раскажани случувања на мал сликарски формат, преточена во сликарска инсталација од пет големи платна на кои се поставени мал формат сликарски секвенци кои раскажуваат приказна на сеќавање.

Изложбата ја отвори Елена Оровчанец, која посочи дека делата од Маја ги исполнуваат дадените ветувања и споделуваат.

– Споделуваат преку боја, форма, композиција, поставеност на фрагментите. Маја не би била Маја доколку и во сликарството не внесе тродимензионалност, не ја доближи сликата до гледачот со сите можни расположливи средства. Впрочем тоа е и нејзината вокација, вајарството. А, изложбата е посветена на големиот човек Јован Ристов, кој целиот свој живот го посвети на заштитата на културното наследство – рече Оровчанец.

На академската уметница Маја Ралева Миладиновски, ова и е 12 самостојна изложба.

Унифицирањето на албанската азбука не е само акт на јазична реформа, туку и симбол на стремежот за еманципација и просветување, пишува претседателката Гордана Сиљановска Давкова во честитката по повод 22 Ноември – Денот на aлбанската азбука.

-Дваесет и втори ноември е историски важен датум за Албанците, но и за македонската држава. Пред 116 години во Битола е унифицирана албанската азбука, чин којшто ја зацврстил јазичната самосвест на албанскиот народ и создал темел за понатамошен културен и цивилизациски прогрес, посочува претседателката.

Јазикот, како што истакнува Сиљановска Давкова, создава простор за разбирање, за соработка и за обединување околу идентитетските вредности. Преку него, различностите стануваат богатство, а иднината – можност за индивидуален и колективен раст.

-Албанскиот јазик и култура се вградени во нашето социјално ткиво и отвораат простор за меѓусебно разбирање и соживот. Почитувањето на јазичните разлики нѐ прави демократско мултикултурно општество. Бевме и остануваме пример на посветеност кон зачувување и унапредување на етничката, јазичната, културната и верската разноликост, овозможувајќи образование на мајчиниот јазик во сите степени, како и слободно и достоинствено изразување на колективната меморија и духовност, посочува во честитката претседателката на државата.

Управата за јавни приходи излезе со известување за корисниците на МојДДВ врзано со ажурирање на податоците.

Ажурирање треба да направат само оние корисници кои во изминатиот период направиле промена на својата банка или трансакциска сметка, потенцираат од УЈП.

Според евиденцијата на Управата, 5.487 лица немаат точни податоци за своите трансакциски сметки и мора да ги ажурираат своите податоци за да ја добијат исплатата.

Корисниците на МојДДВ кои не правеле промени на банка и имаат точни податоци не треба да менуваат или ажурираат ништо! Вашите податоци се точни и исплатата се реализирана автоматски. Исплатата на повратот на МојДДВ за третиот квартал 2024 година е при крај. Законскиот рок за исплата е 30.11.2024 година, соопшти Управата.

По завршувањето на редовната исплата за третиот квартал, УЈП најави дека ќе започне со исплатата и за корисниците кои имале неажурирани податоци во претходните квартали.

Во нови современи простории, лоцирани на улица “Партизанска” бр. 16, музичкото училиште “Матрикс” од Прилеп ја продолжува својата мисија за градење на бројни музички таленти. Во нивните училници досега блеснале голем број инструменталисти и одлични вокали, а сега поради големиот интерес, “Матрикс” воведува нова насока наменета за најмалите – МАТRIX KIDS.

Станува збор за група каде можат да се пијават дечиња од 4 до 7-годишна возраст, а ќе изучуваат теорија на музика, солфеж и хорско пеење. Низ тајните и убавините на музичките ноти ќе ги води Викторија Георгиоска, дипломиран соло пејач на Музичката академија во Скопје.

Наставата е предвидено да се одвива во групи по пет деца, програмата е забавна и освен што вашите најмали ќе научат многу за музичките правци, ќе започнат да го развиваат својот музички талент и сигурно да чекорат кон музичките скалила.

Целта е да се создаде модерен детски хор кој ќе настапува и ќе го претставува Прилеп на бројни манифестации и концерти.

Побрзајте, бројот е ограничен на три групи. Овозможете им на вашите најмали најсовремени услови за музички раст, развој и секако одлична забава и другарување.

Пријавувањата се во тек на телефонскиот број: 078278541 или во порака на ФЕЈСБУК СТРАНАТА НА УЧИЛИШТЕТО МАТРИКС: https://www.facebook.com/matrixmuzickouciliste

На 14.11.2024 во просториите на Природно – математичкиот факултет во Скопје, во организација на друштвото на физичари, се одржа XLVI Школа „Млади физичари“, на која учениците се натпреваруваа во областа на експериментална физика.

Покрај натпреварот, се одржаа и предавања од различни области од физиката.

На настанот, заедно со професорките по физика, учествуваа четири ученици од гимназијата “Мирче Ацев” од Прилеп.

Под менторство на професорките по физика, со интересни експерименти од областа на физиката и изработени, оригинални поставки за експериментите, тројца ученици зедоа учество на натпреварот и постигнаа одлични резултати:

-Георги Николски III-4 – прва награда, ментор проф.Ивана Златевска

– Мила Вршкоска I-6 -трета награда, ментор проф.Марина Попоска

-Андреј Вршкоски II-7 – успешно учество, ментор проф.Соња Димовска

-СВР Битола поднесе кривична пријава против И.Ќ.(26) од Прилеп поради постоење основи на сомнение за сторено кривично дело „напад врз службено лице при вршење на работи на безбедноста“.

На 08.10.2024 на место викано Поводеници, пријавениот физички нападнал полициски службеник кој извршувал службени дејствија – информираат од МВР.

Д-р Елена Јорданоска Бисероска, специјалист по радиодијагностика, која ја продолжува традицијата на Прилеп како град од кој потекнуваат врвни радиолози. Со нејзината исклучителна експертиза, таа го продолжува делото на почитуваниот Прим. д-р Александар Ристески, кој остави значајна трага во областа на радиологијата, напишаа од болницата “Плодност” од Битола, од каде и’ посакаа добредојде на Д-р Јорданоска Бисеркоска во нивниот тим.

-Услугите што ќе бидат достапни во нашиот оддел вклучуваат:

Среќни сме што д-р Јорданоска Бисероска е дел од нашиот тим и со нетрпение очекуваме заедно да постигнеме уште поголеми успеси – стои во соопштението од болницата “Плодност”.

-На 20.11.2024 во 09.00 часот на патниот правец Градско-Прилеп, кај с.Беловодица, полициски службеници од ОВР Прилеп ги лишиле од слобода Е.Б.(35) и Н.А.(33) од Прилеп поради сомнение за сторено кривично дело „кражба“.

По документирање на настанот против нив ќе следуваат соодветни пријави – стои во соопштението од МВР.