Жителите на Дубровник велат дека засекогаш ќе го паметат лето 2020-та година кое што го дочекаа без туристи.
Улиците во Дубровник речиси се празни, а губитоците на угостителите, продавачите и луѓето кои што изнајмуваат апартмани, оваа година ќе бидат огромни.
Во текот на изминативе денови на социјалните мрежи се споделуваат фотографии од фискални сметки на кои што луѓето можат со свои очи да видат колку чинат одредени работи во Хрватска.
Во еден од најпознатите и најстари ресторани во градот, кој што дава неверојатен поглед кон тврдините, цените на пијалаците се навистина високи.
Таму за мало шише минерална вода треба да платите околу 200 денари, а за кафе околу 150 денари.
Запросувањето е важен момент во животот на секој маж и жена. Во повеќето ситуации, постапката е иста – момчето клекнува, предалага брак на девојката и таа е воодушевена.
Освен ако немате случаен минувач кој го менува текот на ситуацијата, како што беше случајот во ова запросување.
Оваа девојка имаше непоканет гостин во важен момент. Брендан од Вермонт, САД, ја запроси Кајли и таа полуде од среќа.
Сепак, нејзиниот љубопитен внук Тристан, имал други намери – да ѕирка во кутијата. Така, наместо видеово да биде романтично, стана смешно.
Претседателот на СДСМ, Зоран Заев во четвртокот беше во посета на Прилеп, но не најде време да го посети прилепскиот загубар Еурокомпозит и вработените кои изминатите неколку месеци се оставени на милост и немилост без средства за живот. Деновиве актуелна е kpивичната пријава на МВР кон поранешниот директор на претпријатието, кој се сомничи за предизвикана штета врз претпријатието во вредност од над 3 милиони денари.
Ова беше темата и на вчерашната прес конференција од ОК ВМРО-ДПМНЕ Прилеп, од каде порачаа:
– Во пресрет на изборите на 15-ти јули се редат kpивични приjaви и на површина излегува целиот kpиминал на кадрите на СДСМ во Прилеп. Гледајќи што се’ се правело во изминатите 3 години и на каков се начин се богателе челниците на СДСМ, граѓаните денеска веќе немаат сомнеж и со нетрпение чекаат да ja сpушат оваа ненародна власт – истакнаа Робертино Илиоски од ОК ВМРО-ДПМНЕ Прилеп.
“Најжална и најтрагична е судбината на вработените во прилепскиот загубар Еурокомпозит, каде власта во заминување цели три години си поигруваше со иднината и достоинството на овие луѓе.
МВР неодамна поднесе и кривична пријава за поранешниот директор на претпријатието, Зоран Граороски, кој заедно со неговиот стручен соработник од Струмица се осомничени за тешка злоупотреба на службената положба и овластување.
Имено, Граороски и неговиот советник, според пријавата на МВР, со намера да извлечат пари од сметката на фирмата, без консултација со службите во правното лице и одборот на директори пристапиле кон наводна реализација на договор во вредност од 1.725.000 евра за испорака на 15.000 рударски шлемови за фирма во Гана и по цена повеќекратно повисока од реалната.
Според МВР, штетата која ја нанеле двајцата осомничени врз буџетот на претпријатието се проценува на повеќе од 3 милиони денари.
Почитувани,
Ова се милионски суми со кои си играле директорите на СДСМ во Прилеп, а сето тоа пред очите на Зоран Заев и неговите локални послушници, Миле Талевски, градоначалникот Илија Јованоски и министерот Горан Сугарески.
Од друга страна, вработените во Еуркомпозит цели 6 месеци се оставени без ниту денар примања, без здравствено осигурување и без никаква надеж дека нешто би можело да се промени.
Власта на расипничкото СДСМ не најде начин како да им помогне на овие луѓе ниту во време на пандемија, иако крпат крај со крај и едвај преживуваат.
Денеска одново го повикуваме и Основното јавно обвинителство сериозно да се зафати со работа и целосно да ги разоткрија сите сомнежи за сторен криминал и богатење со пари на граѓаните.
После 15-ти јули ќе следува одговорност и правда за секого!
Македонија мора да се исправи и обнови!
Ова е последната шанса за расчистување со криминалците и нивно изведување пред очите на правдата!”
Револтирани членови на СДСМ јавно на социјалните мрежи ги палат членските книшки. Тие се разочарани од последните аудио и видео снимки на кои се гледа како порашешниот Директор на фондот за здравство прима мито и како говори дека ја има поддршката од Заев.
“Е Заев бе другар, сега Дон Дончев нека ти трча за избори. Оваа партија веќе не смее да победи, ова е зло за Македонија”, вели во јавното видео нивниот досегашен член кој на својот Фејсбук профил има фотографии со голем број функционери на СДСМ, со Зоран Заев, како и со прилепскиот градоначалник Илија Јованоски.
Силно невреме проследено со поројни дождови и грмежи го погоди пелагонискиот регион.
Невремето направи вистински xaoс во прилепско Канатларци. Според фотографиите кои стигнаа до нашата редакција, може да се забележи дека поплавени се поголем дел од дворовите и причинета е материјална штета.
Сеуште не е утврдена штетата врз земјоделските посеви.
Прес конференција на претседателот на ОО СДСМ Прилеп и кандидат за пратеник, Миле Талевски
“Ја кренавме минималната плата на 14.500 денари. Покажавме на дело, а не со празни зборови и ветувања, дека водиме искрена грижа за секој работник во државата.
Замислете каква ќе беше егзистенцијата на граѓаните за време на кризата со вирусот КОВИД-19, доколку минималната плата останеше на оние 9.000 денари од времето на ВМРО-ДПМНЕ.
Нека објасни Мицкоски како може некој да преживее со 9.000 денари, да ги школува децата, да ги нахрани и облече.
За разлика од нив, ние знаеме дека минималната плата не е само бројка. Знаеме дека прагот на минималната значи живот, сигурност и стабилност во домот и семејството”, истакна Талевски.
Христијан Мицкоски, претседател на ВМРО-ДПМНЕ при неговата посета денеска во Неготино им се заблагодари на оние кои пред многу години до денес ставаа цигла по цигла, штица по штица за да може да стојат пред најголемата и најорганизираната политичка сила во Македонија, а тоа се основачите и ветераните на ВМРО-ДПМНЕ овде во Неготино.
-Изминативе денови започна кампањата за предвремените парламентарни избори и започна во едни специфични услови од тоа што беше во минатото, затоа што ние сме единствената држава во Европа која никако да излезе од овој прв бран кој не зафати со оваа пандемија. Не можеме да излеземе затоа што за жал имаме некадарни политичари, имаме политиколози наместо инфектолози во Комисијата за заразни болести кои што за жал мерките кои што ги спроведуваат не само што не вродија со плод, не донесоа резултати туку напротив ја влошија состојбата. Она што е важно е почитувајќи ги мерките на 15 јули да излеземе масовно како што тоа знае да го направи патриотско Неготино и да го казнат ова раководство на СДСМ и Зоран Заев, истакна Мицкоски.
Мицкоски при неговото обраќање пред неготинчани посочи дека доста е веќе граѓаните да се чувствуваат како граѓани од втор ред во сопствената држава, да шетаат со наведнати глави, обесправени и кажа дека на сето тоа ќе му се стави крај на 15 јули кога ќе се порази ова раководство на СДСМ и Заев.
-Можеа да направат повеќе работи, само требаше повеќе да работат, наместо да уживаат фино залегнати во нивните кожни фотелји, да ги газат оние персиски килими во институциите. Наместо да ги уживаат тие привилегии требаше да се симнат овде со народот и да разговара што го мачи. Можеа да го направат подостоинствен македонскиот земјоделец наместо да чека предизборни ветувања за субвенции, за загарантиран откуп, тоа да го добива навремено како што тоа го ветуваа во 2016 овде во Неготино.
Наместо да направат горди лозари тие направија засрамени лозари кои денеска не се чувствуваат достоинствено за маката која што ја вложуваат во своите лозја, потенцираше Мицкоски.
Претседателот на ВМРО-ДПМНЕ при својата посета со граѓаните рече дека програмата на ВМРО-ДПМНЕ е многу внимателно напишана со поддршка на луѓето експерти од структурите на ВМРО-ДПМНЕ, луѓе од коалицијата За обнова на Македонија и уште многу луѓе кои имаа придонес во неа.
-Доаѓаат убави времиња, доаѓаат најубавите години затоа што се обврзуваме да исполниме се што сме напишале во нашата изборна програма. Нема да направиме чуда, но ќе оствариме се што сме ветиле. Се обврзуваме да работиме деноноќно за доброто на граѓаните. Одете слободно низ Неготино и околината и кажете им на сите што ВМРО-ДПМНЕ ќе направи за вашиот град и за сите граѓани. Јас стојам на зборот и нема да се засрамите за се она што ќе ветите од изборната програма, бидејќи се ќе се исполни, вели тој.
Мицкоски укажа на една важна работа од една лидерска средба каде понудил сите политички партии да потпишат декларација во која ќе се согласат дека Гоце Делчев е херојот на Македонија и дека за него нема преговарање.
-Се обврзуваме на 25% поголема просечна плата во еден мандат. Се обврзуваме на 20% поголеми пензии во еден мандат од четири години. Се обврзуваме на минимум 1000 километри реконструирани регионални и локални патишта. Се обврзуваме на невработеност под 10%. За претприемачите се обврзуваме на најнискиот рамен данок во Европа од 8% и за секое вработено лице до 29 години да нема данок. Да ги сочуваме нашите деца овде во Македонија, не ни треба празна држава, туку полна со нашите деца. Се обврзуваме на капитални инвестиции со 90% реализација. Реновирани болници, еден универзитет во првите 1000 според Шангајската листа, достоинствени услови за студентите со реновирани студентски домови и најмалку еден студентски град. За земјоделците најмалку 640 милиони евра субвенции во еден мандат и загарантиран откуп на произведеното. Нема да дозволиме да се фрлаат во коритото ресенските јаболка, да се истураат сливите од Пијанец и Малешевијата, нема да ја гледаме Пелагонија неожнеана. Да не се истураат праските од Росоман, да не се истура грозјето, да не стојат необрани нивите. Мора да имаме загарантиран откуп за сите земјоделци, додаде Мицкоски.
Мицкоски на самиот крај побара од граѓаните на 15 јули да излезат и да гласаат за ВМРО-ДПМНЕ и Коалицијата За Обнова на Македонија.
Апсолутно сме поразлични од СДСМ тоа е прво и едноставно, секој ден можете да видите различни ветувања од СДСМ, но да не заборавиме што ветија минатите избори, ветија дека никогаш нема да постои човек кој ќе го промени името,но изгледа Зоран Заев е тој човек. Велеа дека ќе изградат 500 километри автопати, но тие ги нема не постојат. Велеа дека ќе има 100 илјади денари плата за докторите, но тоа е уште една измама, велеа дека ќе има капитални инвестиции тука во Ѓорче Петров како и изградба на клинички центар, но сето тоа е лага, ова денеска како гостив во вестите на телевизија Сител го кажа носителот на изборна единица 2 Владо Мисајловски.
-ВМРО-ДПМНЕ се што ќе вети се ќе исполни и тоа го прави прецизно, бидејќи утре ќе треба повторно да дојде тука во Волково, треба на сите оние места каде ја бараме поддршката да се вратиме и да им кажеме на граѓаните кога ќе биде тоа реализирано и кога тоа ќе го исполниме. Бренд на ВМРО-ДПМНЕ се проектите, ние се обидуваме да имаме позитивна кампања и да разговараме со сите граѓани за да им кажеме што понудуваме, се разбира понудуваме повисоки плати, пензии, но граѓаните најмногу ги интересира што е она што се случуваше овие три години и што ќе се случува во наредниот период во врска со националното, македонското, историското. Ако се даде глас повторно за СДСМ, оваа власт сега може да тргува со националните интереси, може да се откаже од Гоце Делчев како Македонец, може да се откаже од македонскиот јазик, а јас и ВМРО-ДПМНЕ тоа никогаш нема да го дозволи, рече Мисајловски.
Тој додава дека добро е граѓаните да им ја дадат поддршката иако се тешки избори пред нас и вирусот е насекаде меѓу нас.
-Нека излезат сите со маски и нека ни го дадат гласот за да победи народот, за да може после тоа народот да ги носи сите одлуки. Ние како ВМРО-ДПМНЕ постојано сме на терен и тоа нас ни е рутина што ќе ја правиме и во иднина. Јас лично тоа ќе го правам постојано меѓу улиците, сокаците што и да се случува, колку и да тераат црни кампањи и црни црнила во нивните умови јас ќе бидат тука до граѓаните и кога ќе завршат овие избори јас повторно ќе дојдам независно од резултатите. Овие луѓе тука имаат проблеми тие проблеми ако само збориме со демагогија никогаш нема да ги решиме, затоа ги оправдувам граѓаните да излезат и да го дадат нашиот глас, истакна Мисајловски.
Тој на крајот вели дека граѓаните мора да излезат да гласаат се со цел формирање на легитимна влада.
Министерството за здравство информира дека во последните 24 часа се направени 1074 тестирања, а регистрирани се 163 нови случаи на koвид-19 во: Скопје-70, Куманово-2, Дебар-6, Штип-14, Прилеп-2, Тетово-25, Струга-4, Велес-2, Битола-1, Охрид-9, Кавадарци-3, Гостивар-11, Струмица-1, Крива Паланка-2, Кочани-3, Свети Николе-4, Ресен-4.
Во ГОБ „8 септември“ починаа три лица, пациент од Ресен (42г) xocпитализиран на 13 јуни и двајца пациенти од Скопје (71г) xocпитализиран на 15 јуни и пациентка (83г) xocпитализирана на 23 јуни.
Вкупната бројка на ковид дијагностицирани во нашата земја од почетокот на епидемијата изнесува 5758, бројката на оздравени пациенти е 2206, на починати е 268, а во моментов бројот на активни случаи во земјата изнесува 3284.
Поради епидемиолошката состојба, од денеска е воведен полициски час во црногорската општина Рожае.
Националното координативно тело донесе одлука да им забрани на сите жители на таа општина да ги напуштат домовите од 18:00 до 05:00 часот, јавува ЦДМ.
Работењето со угостителските објекти во Рожаје е дозволено до 17 часот.
Од вчерашниот последен пресек, лабораториите на Институтот за јавно здравје на Црна Гора ја завршија анализата на уште 94 примероци, од кои десет беа позитивни за новиот виpyc на кopoна.
Сите контакти се претходно потврдени случаи, пренесува Подгорица уз. Во моментов во Црна Гора има 100 активни слуачи на кopoнавиpycoт.