дома блог страница 2510

Др. Мapjaн Жежocки: “Гpaѓаните ќе бидат безбедни за глacaњето на избopите co почитyвање на мepките за лична зaштита” (Видео)

Доктор Жежоски за мерките за заштита од кopoнавиpycoт и изборите на 15-ти јули

Разговаравме со Доктор Марјан Жежоски, специјалист инфектолог во Инфективното одделение на градската општа болница “Борка Талески” во Прилеп, за тоа како да се однесуваат граѓаните во овие услови на олабавени мерки во ек на пандемиjaта предизвикана од кopoнавиpycoт и дали граѓаните ќе бидат безбедни доколку излезат на гласање на предвремените парламентарни избори на 15-ти јули.

Според Жежоски граѓаните треба да носат заштитна опрема и да држат растојание при обавување на сите секојдневни обврски, при одење во банка, на пазар и слично.

Во поглед на изборите, Др. Жежоски вели дека граѓаните ќе бидат безбедни и можат да излезат на гласање, секако со преземени мерки на лична заштита, носење на заштитна маска.

Во поглед на моменталната бројка на зapaзени и xocпитализирани лица во Прилеп Др. Жежоски вели:

“Во нашиот град најголем број на заболени имавме во април, додека пак оттогаш бројот на заболени постепено опаѓа, со мал скок од пред две недели кога попуштија мерките донесени од Владата. Затоа уште еднаш ве замолувам, постојано и секаде да ги користите мерките за лична заштита. Во моментов на одделението за инфективни болести има хоспитализирано 12 пациенти, а останатите десетици пациенти е во услови на домашна самоизолација и карантин”, вели Жежоски.

(Видео) Оваа икона на Мајката Божја три пати ја спасила Русија: Денес Русите и сите православни христијани ја прославуваат Богородица Владимирска

Иконата Богородица Владимирска e eдна од најпочитуваните и најсветите икони на Православната црква и најпознат пример за византиска уметност.

Ова е една од најкопираните икони, а многу од нејзините коипии се сметаат за свети и чудотворни, секоја на свој начин.

Иконата Богородица Владимирска се смета за заштитничка на Русија и рускиот народ од непријателите. Таа се слави три пати во годината- 3 јуни, 6 јули и 8 септември, по новиот календар.

Се смета дека историскиот, социјалниот и политичкиот напредок на Русија на светската сцена, настапил откако иконата е донесена во Русија.

Иконата е насликана со темпера и злато на дрво и претставува верзија од Елеуса или “Нежна Богородица” со Исус во рацете.

Се смета дека иконата е насликана од Апостол Лука. До 5 век се наоѓала во Ерусалим, а во време на Теодосиј Помладиот била пренесена во Цариград.

(Фото) Невреме доаѓа кон Прилеп: На небото се формираше облак во форма на тopнадо

Kaко што најавија од УХМР и вечерва Македонија ќе ја зафати невреме проследено со дожд и грмежи

Во Пелагонискиот регион веќе се готви ново невреме, а на небото се формираше облак во форма на торнадо.

Oваа форма се задржа некое време и изгледаше како торнадо да пустоши во далечините.

Го нарекуваат малиот Нејмар од Скопје: 10-годишниот Јован Ефтимовски изобилува со врвен фудбалски талент (Видео)

Joван Ефтимовски има 10 години, а веќе е препознатлив неговиот огромен талент за фудбал.

Малиот Јован тренира во школата “New stars” во Скопје, а негов тренер е Данчо Милошески, човек низ чии “раце” поминале многу генерации фудбалери.

Јован ги обожава Нејмар и Роналдињо и од нив учи за фудбалот, со желба и тој да биде одличен фудбалер во иднина и да заигра за некој познат европски клуб.

Малиот Јован игра фудбал од својата шестта година, а негова најголема поддршка се дедо му, тренерот и целото семејство.

Погледнете дел од неговите фудбалски вештини:

Цената на ЕУРОСУПЕР-95 се намали за цел половина денар, другите цени остануваат исти

Регулаторната комисија за енергетика ги соопшти новите цени на горивата кои ќе важат од полноќ.

Малопродажната цена на бензинот ЕУРОСУПЕР БС-95 се намалува за 0,50 денар/литар, во однос на малопродажната цена утврдена со Одлуката од 29.06.2020 година и со тоа малопродажната цена на ЕУРОСУПЕР БС-95 изнесува 60,50 ден/лит.

Малопродажните цени на бензинот ЕУРОСУПЕР БС-98 и на ЕУРОДИЗЕЛ (Д-Е V) , не се менуваат, односно остануваат на исто ниво како што биле утврдени со Одлуката од 29.06.2020 година и со тоа малопродажната цена на ЕУРОСУПЕР БС-98 изнесува 63,00 ден/лит, додека малопродажната цена на дизелот ЕУРОДИЗЕЛ (Д-Е V) изнесува 52,50 ден/лит.

Малопродажната цена на Екстра лесното масло за домаќинство (ЕЛ-1), се зголемува за 0,50 денар/литар, во однос на малопродажната цена утврдена со Одлуката од 29.06.2020 година и со тоа малопродажната цена на Екстра лесното масло за домаќинство (ЕЛ-1) изнесува 52,50 ден/лит.

Малопродажната цена на мазутот М-1 НС се зголемува за 0,156 ден/кг во однос на цената утврдена со Одлуката од 29.06.2020 година и со тоа малопродажната цена на мазутот М-1 НС изнесува 25,980 ден/кг.

Сите лаги за Прилеп на Миле, градоначалникот и Заев сумирани на едно место? Ќе ги поддржите ли пак? (Видео)

Она што пред три години СДСМ и Зоран Заев го најавија како нов живот во Македонија, за Прилеп и прилепчани беа само еден куп лаги, кои останаа само празни зборови на хартија. Денеска одново истиот тој Зоран Заев и истите тие луѓе од СДСМ ја бараат вашата поддршка и одново со истите лаги сакаат да ве убедат дека можеле повеќе и подобро. За среќа тие се веќе завршена приказна и на нивните лаги им доаѓа крајот на 15-ти јули – истакна на денешната прес конференција, Наташа Петкоска, од ОК ВМРО-ДПМНЕ Прилеп.

Прес конференцијата во целост ја пренесуваме во продолжение:

“Денеска ќе ги потсетиме граѓаните што се’ се ветуваше во програмата “За живот”, во пресрет на парламентарите избори во 2016 година.

Ветуваа изградба на нов пат Велес-Прилеп-Битола до граничниот премин Меџитлија, а ја прекинаа изградбата на експресниот пат Прилеп-Градско кој го започна претходната Влада на ВМРО-ДПМНЕ.
Ветуваа соларни железнички станици, изградба на затворен базен, како и реконструкција на градскиот стадион “Гоце Делчев”.

Во предизборните лаги во 2016 година беше и ветувањето за изградба на хидроакумулации и целосна урбанизација на населените места во Прилеп, а сведоци сме дека во 21 век имаме села без канализација и села каде има недостиг на вода за пиење.

Заев и СДСМ лажеа дека ќе донесат нови странски инвестиции и дека ќе создадат услови младите да останат во Република Македонија, а 500.000 иселени Македонци да се вратат дома.

Заев заедно со кандидатот за пратеник Миле Талевски и градоначалникот Илија Јованоски, во Прилеп ветија и изградба на две обиколници, ново училиште, нова спортска сала во ООУ “Кире Гаврилоски”, реконструкција на Старата чаршија, изградба на нов театар, целосна гасификација на градот, спортско рекреативен центар кај вештачкото езеро, две нови градинки, и најголемата мегаломанска лага, намалување на сметките за вода за 20%, иако граѓаните денеска плаќаат за 60% повисоки сметки.

Така наречениот “нов живот” на СДСМ од денешна гледна точка е вистинска фарса, па затоа граѓаните едвај чекаат да им пресудат зад избирачките паравани.

После 15-ти јули ставаме крај на сите овие лаги и лажни ветувања! Идната Влада на ВМРО-ДПМНЕ ќе го врати достоинството на Прилеп кој во наредните 4 години ќе се развива во секој поглед.

Се обврзуваме дека целосно ќе ги реализираме сите предвидени проекти за Прилеп со програмата “Обнова на Македонија”.

Времето на лажните политичари и политичари од кариера заврши!

На 15-ти јули заокружете број 14 за ВМРО-ДПМНЕ и за целосна обнова на Македонија и обнова на Прилеп”.

Mицкоски и Заев вечерва на втор ТВ предизборен дуел

Лидерите на ВМРО-ДПМНЕ и на СДСМ, Христијан Мицкоски и Зоран Заев вечерва ќе имаат ТВ дуел на МРТ во 20:15 часот.

(Видео) Плажите во Хрватска веќе не се безбедни? Кит снимен во близина на задарска плажа

Kaпачите снимиле несекојдневна глетка на плажата Бокулја во Сливница, Задарска жупанија.

Во Велебитскиот канал се појавил огромен кит кој се појави на површина во непосредна близина на пливачите, кои, ако судиме според видеото, воопшто не беа исплашени.

Пред неколку дена китот е снимен и во Оребица, а во Велебитскиот канал за последен пат е виден пред две години.

(Фото) Канје Вест и Ким Кардашијан сакаат да живеат во Белата куќа: Раперот се кандидира за претседател – Елон Маск ќе го поддржува во кампањата

Американскиот рапер Канје Вест на Твитер најави дека пранира да се кандидира за претседател на САД на овогодинешните избори во ноември.

“Мора да го исполниме ветувањето на Американците, со верба во Бог, со обединувње во нашата визија да ја изградиме иднината. Се кандидирам за претседател на САД”, напиша раперот.

Меѓутоа, не е познато дали Вест навистина планира да влезе во трката со актулениот претседател Доналд Tpaмп и демократот Џо Бајден.

Канје Вест е една од ретките познати личности кои го поддржуваат претседателот Tpaмп и тоа јавно го изразува на социјалните мрежи.

Цела Германија пишува за сестрите близначки од Македонија: Кај нас работеле во МВР, а сега ги освојуваат Германците со прекрасни благи задоволства (Фото галерија)

Марија и Магдалена Гаврилови (29) се две сестри близначки кои потекнуваат од Кочани, а речиси две години живеат во Германија. До својата 27 година, Марија и Магдалена биле вработени во Министерството за внатрешни работи во Скопје, но разочарани од меѓучовечките односи и целокупната ситуација во Македонија, ги спакувале куферите и дале отказ од државата работа, а среќата си ја побарале надвор од татковината.

Таму морале да започнат се’ од почеток, па најпрво запишале курс по Германски јазик. На почетокот било многу тешко, но сепак не се откажале.

Неодамна овие исклучително талентирани и креативни девојки започнаа свој бизнис во германскиот град Визбаден и досега одлично функционираат. Се работи за продавницата за слатки задоволства која го носи името “Тwisted Twins”. Таму се кријат еден куп прекрасни благи нешта на кои никој не би останал рамнодушен.

Како дојде идејата за Twisted Twins?

– Идејата за Twisted Twins е уште пред околу 3 години, кога се враќавме назад од Виена каде учествувавме на една од нашите повеќетп “Спартан” трки, (планинска трка со многу препреки во која има различни нивоа кои се одржуваат во многу земји). На границата помеѓу Србија и Унгарија за прв пат пробавме “Baumstrizel”, на македонски не знаеме како би се викало, зaтоа што се’ уште не постои такво нешто кај нас, но еве според нас нека биде Твистед твинс колач Хаха. Тоа беше љубов на прв залак, но сериозно кога го пробавме за прв пат нешто послатко немавме претходно пробано и целата случка беше интересна.

Еден повозрасен човек со машина од дрво на јаглен го продаваше колачот. Ние бевме толку восхитени од цела глетка, што сите луѓе што чекаа за колачот не’ забележаа и се потсмевнуваа, па дури еден млад пар ни го плати колачот, бидејќи човекот не примаше евра. Така возејќи кон Македонија, размислувавме како интересно би било да се донесе овој колач кај нас. Првично, сакавме локалот “Twisted Twins” да го отвориме во Скопје, но тогаш поради други причини ја одолговекувавме идејата, и така после три години осмислување, модернизирање и идеализирање, ја остваривме идејата. Исто така додадовме сладолед и многу интересни и декоративни слатки задоволства, за сето тоа да биде единствено и ново.

На фотографиите гледаме еден куп слатки задоволства кои можат да се најдат во вашиот локал. Како доаѓате до вакви креативни идеи?

– Се што нудиме не може да се опише и долови со зборови, туку на лице место се доживува, бидејќи имаме толку многу различни комбинации – солени со сирење и сланина, исто како и благи цимет, кокос, лешник кои можат да бидат наполнети со нутела, мармалад и сладолед. Превкуууусно.

Како реагираат Германците и другите ваши муштерии на оваа шаренолика понуда на слатки задоволства?

– Во Германија не е многу познат овој рецепт, а може да се најде на некои Божиќни штандови, но само класичниот колач, затоа и овде не’ прашуваат многу често што всушност продаваме во “Twisted Twins” и од каде оваа идеја. Не’ имаше и во германски весник поради оваа идеја. Овде луѓето се презадоволни и изненадени, а добиваме често пофални зборови за идејата.

Забележавме дека сте популарни на социјалните мрежи, особено на Инстаграм, кажете ни што друго правите во слободно време, дали имате некои други хобија и интереси.

– Оние што не’ познаваат, веќе добро знаат дека фитнесот и вежбањето е нешто од кое исто никогаш не се откажуваме, како и патувањето низ различни места и запознавање на нови култури.

Дали некогаш би се вратиле назад во Македонија?

– За наше враќање во Македонија сега за сега не би можеле да одговориме. Никогаш ништо не може човек да предвиди. Може да планира, но често плановите одат во друга насока, па затоа ова прашање ќе го оставиме за иднината сама да го одговори.

Каде точно се наоѓате?

– Нашиот локал се наоѓа во Визбаден (Wiesbaden) Straße der Republik 8. Тоа е нашата адреса, па кој има можност, или кој се наоѓа овде во близина, може слободно да не посети и да го угостиме како Македонец во Германија. На социјалните мрежи Инстаграм и Фејсбук може да се види нешто од она што го правиме во “Twisted Twins”.

Повеќе за “Тwisted Twins” можете да погледнете ТУКА

Во продолжение уште неколку фотографии од Марија и Магдалена каде учестуваат во трките “Спартан”.

Секоја чест за нивната талентираност и креативност. Жално е тоа што како држава пропуштаме вакви млади луѓе и истите заминуваат и својата иднина ја бараат во странство.