На 26.06.2022 во Солун, Грција се одржа Меѓународен турнир во Џудо “Матсура Куп” за сениори-ки и Ветерани, во организација на ЏК Ираклис.

ЏК Сеишин Прилеп на овој турнир зеде учество со вкупно 4 такмичари, при што се освоени 4 медали (3 златни и 1 бронзен).

Сениорки: 1. Магдалена Најдоска 1 во место, 2. Избаела Кузева 1 во место

Сениори: 3. Марио Цинцароски 3 то место

Ветерани: 4. Киро Здравески 1 во место кој е прогласен и за најуспешен во ветеранска конкуренција.

ЏК Сеишин Прилеп пак е прогласен за најуспешен странски клуб на турнирот за што е освоен и пехар.

На овој Турнир екипата успешно ја предводеше и дебитираше во оваа улога помошник тренерот и асистент во клубот Теодора Димеска, која моментално не се натпреварува поради рехабилитација на повреда.

Турската полиција спречи стотици луѓе да се соберат на годишната Парада на гордоста во Истанбул и уапси десетици откако локалните власти ја забранија парадата и оваа година. Илјадници луѓе некогаш учествуваа на парадите долж улицата Истиклал во Истанбул, но во последниве години владата предводена од претседателот Тајип Ердоган и неговата АК Партија од исламистички корени го заостри својот став за слободата на ЛГБТК + луѓето.

Хомосексуалноста не е кривично дело во Турција, но има сè поголема одбивност кон неа, додека полициското сузбивање на поворките станува се пожестоко секоја година. Полицијата со опрема за немири упадна на собирот, отстранувајќи стотици демонстранти со камиони. Јавниот превоз во областа исто така е суспендиран.

Локалните власти во областа Бејоглу ги забранија сите настани за време на Неделата на гордоста, помеѓу 20 и 26 јуни, со образложение дека чувствителноста на општеството може да доведе до немири.

Префинетоста, елеганцијата, хемијата меѓу идејата и остварувањето отсекогаш биле главни протагонисти во развојот на битолската култура. Токму тие придонеле за воздигнувањето на градот Битола како голем културен центар, како на Балканот, така и на европско тло.

„Фото Реал“ во почетокот

Ризницата на овој град не само што плени со неповторливи дела од сферата на уметноста, музиката, театарот, туку плени и со делата на најголемите мајстори на фотографијата. Во редот на овие големи имиња, почнувајќи од Линара, браќата Манаки, Пинза и Папакоч се наоѓа и Иван Ќурчиевски, мајстор за црно – бела фотографија во помодерната битолска фотографска ера.

„Фото Реал“ во почетокот

Прв е од својот род што развил љубов и желба кон овој вид на уметност, а подоцна истата му станува секојдневно хоби. Покрај неговата кариера како прочуен битолски електропроектант, нова кариера почнува да гради со своето хоби кон крајот на шеесеттите години на минатиот век.

Иван Ќурчиевски во своето фото – студио

Иван Ќурчиевски во своето фото – студио

Долгогодишната љубов кон фотографијата ја реализира со отворањето на неговото прво фото – студио „Фото Реал“,во 1967 година. Поради еминентните квалитет и понуда, Ќурчиевски го проширува својот бизнис и во Скопје, каде ја отвора експозитурата на „Фото Реал“ во близина на ГТЦ во 1980 година.

Иван Ќурчиевски во своето фото – студио

Долгогодишните искуство и труд на Ќурчиевски придонесе фотографијата да премине во традиција и заштитен симбол на фамилијата. Нивната уникатност не само што почива врз високата професионалност, искуство и посветеност, ами почива и врз генерациското наследување и учење.

Иван Ќурчиевски со своите синови,Зоран и Митко

Иван Ќурчиевски во своето фото – студио

Фотографските техники кои ги нуди ова фото – студио произлегуваат од самото негово име – „Реал“, што значи „реално, вистинско, без ретуширање“, или нешто што е оригинално и чисто, во кое доаѓа до спој меѓу традиционалното и модерното.

„Фото Реал“

„Фото Реал“ во Скопје

Денес, „Фото Реал“ е тука каде што е – исполнет сон и успешна бизнис идеја на голем човек, кои траат веќе 55 години и ќе продолжат да создаваат нови успешни приказни во новото студио, со софистициран изглед и опрема по највисоки стандарди, нудејќи огромен квалитет.

„Фото Реал“ во Скопје

Преточете ги вашите спомени и важни моменти од животот во уметноста на фотографијата,што ја нуди студио „Фото Реал“. Препуштете ја вашата фантазија во нивните вредни раце и креативни идеи.

Забава по повод јубилејни 55 години постоење

„Многу фотографи мислат дека поседувањето подобра камера ќе им донесе подобра фотографија. Камерата нема да направи ништо за Вас ако немате идеја во својата глава и пасија во своето срце.“

 „Фото Реал“ во своето ново руво

Текст: Магдалена Петровска

На 25.06.2022 година, во шумски појас на планината Караорман, во атарот на струшкото село Мислодежда, преземени се координирани мерки од страна на полициски службеници од Единицата за брзо распоредување, Регионален центар за гранични работи – Запад, СВР Охрид, Шумска полиција и ЈП,,Национални шуми“ при што лишени од слобода се 12 лица на возраст од 23 до 49 години, од кои од кои осум албански и четири државјани на Македонија.

Тие биле затекнати при нелегална сеча на огревно дрво, при што на лице место биле пронајдени повеќе кубни метри исечена дрвна маса, теренски возила, камиони, трактори, моторни пили и секири.

Лицата се приведени во полициска станица, возилата со нелегално исечените дрва се одземени и предадени на Шумската полиција, а по целосно документирање на случајот против лицата ќе биде поднесена соодветна пријава.

Регулаторната комисија за енергетика утре ќе ги објави новите тарифни блокови за потрошувачката на електрична енергија, дознава Алсат.

Според извори од регулаторна, од првично најавените нивоа на промени, зголемени ќе бидат вториот и третиот тарифен блок. Тие првично беа најавувани дека ќе бидат до 420 односно 630 потрошени киловат часови, но со планираните измени тие ќе бидат над 420, односно 630 киловати.

Надлежните уверуваат дека над 80 отсто од домаќинствата ќе имаат пониски или идентични сметки за струја како и досега. Но, оние кои ќе влезат во третиот блок или ќе го надминат, би можеле да имаат сметки повисоки и за 50 отсто од сегашните, објави Алсат.

Северномакедонци станавме и за источниот сосед Бугарија, поточно за нивниот премиер во заминување Кирил Петков. Објаснувајќи дека одредени партии во Македонија се бунеле против францускиот предлог, кажа дека тие партии биле северномакедонски, наместо македонски.

Северномакедонските партии протестирале против францускиот предлог кој е голем успех за бугарската влада. Ако Северна Македонија се согласи со францускиот предлог, во Уставот на Северна Македонија ќе влезат Бугарите пред да почне преговарачкиот процес. Второ, имаме јасни контролни механизми за говорот на омраза и за дискриминацијата. Трето, имаме многу јасни дефиниции за историските факти и образованието во училиштата во Северна Македонија, изјави.

Петков потврди дека тој повторно ќе биде кандидат за премиер на Бугарија, откако претходно најави дека ќе се обиде да формира ново владино мнозинство со независни пратеници.Ова го соопшти и еден од неговите најблиски соработници, Мирослав Иванов.

-Господинот Петков беше исклучително активен премиер, кој што кажа дека нема да прави компромиси со своите принципи, со просечноста, со тоа да има нула толерантност кон корупцијата. Тој ги исполни тие негови цели, изјави Иванов.

Се поставува прашањето што ова може да значи за Македонија, ако се знае дека Петков во интервјуто за БНР, го повтори она што го кажа во Брисел. Ги соопшти бугарските позиции, кои остануваат исти, а тие се внесени во францускиот предлог, кој беше изгласан од бугарскиот Парламент, но одбиен од македонската Влада, барем според Ковачевски. Бугарскиот премиер изрази големо задоволство што бугарските услови, сега станале услови и на Европската унија.

–Тие ги разбраа условите кои што се важни за Бугарија и тие услови всушност се европски. Многу е важно правата на Бугарите да се заштитени во Македонија. Тоа е европско видување и европска обврска, тоа да се случува не само за нив, туку за сите луѓе кои сакаат да членуваат во оваа унија. Така што бугарските барања всушност тие се реално европски, изјави Петков.

Иако, првичните најави од партијата на Петков беа одење на избори во септември, сепак ова сценарио станува се помалку веројатно. Претседателката на партијата БСП, Корнелија Нинова, потенцираше дека избори и евентуална техничка Влада се најлошата можна опција за Бугарија во овој момент.

Унгарија повика на итни мировни преговори за ставање крај на војната меѓу Украина и Русија, предупредувајќи дека продолжениот конфликт ќе предизвика економска криза што ќе им се заканува на владите ширум Европа, пишува Фајненшл тајмс.

„Брзиот прекин на огнот е единствената шанса на Европа да избегне рецесија“, рече Балаш Орбан, политички директор на унгарскиот премиер Виктор Орбан, предвидувајќи дека другите влади на ЕУ ќе престанат да даваат воена поддршка за Украина и ќе инсистираат на брз прекин на конфликтот во следните неколку месеци.

Будимпешта долго време беше најблискиот партнер на Москва во ЕУ и предизвика фрустрација во Брисел од почетокот на војната, бидејќи не сакаше да ги прекине сите врски со Русија и да обезбеди недвосмислена поддршка на украинскиот претседател Володимир Зеленски.

– Некои од унгарските партнери во ЕУ беа премногу желни да се борат со рускиот претседател Владимир Путин, што го вовлекува континентот во криза, рече Балаш Орбан, предупредувајќи дека треба да се откажат од таа стратегија.

Украина ќе ги врати сите градови што ги зазедоа Русите, вклучително и Северодоњецк, изјави украинскиот претседател, Володимир Зеленски.

Како што објави претседателот, Украина била погодена од 45 руски проектили во последните 24 часа.

Зеленски ги опиша нападите како циничен обид да се скрши духот на украинскиот народ. Зеленски повторно побара повеќе оружје од Западот, коментирајќи дека немилосрдните ракетни напади потврдиле дека санкциите против Русија не се доволни за да и’ се помогне на Украина.

Северодоњецк падна во рацете на руските сили по неколкунеделните борби.

Н.К. е приведен во прилепската полиција, изведен е пред судија на предходна постапка при што му е одреден притвор во траење од осум дена во КПУ Затвор Битола.

Прилепската полиција до Основното јавно обвинителство поднесе кривична пријава против 53-годишниот ресенчанец со иницијали Н.К. поради основано сомнение дека сторил кривично дело загрозување на сигурноста по чл. 143 ст 3 од КЗ и две кривични дела напад врз службено лице при вршење работи на безбедноста по чл. 383 од КЗ.

Имено, вчера на 25 јуни осомничениот е уапсен зашто претходно со неговото возило комбе „мерцедес спринтер” се обидел да прегази комунални инспектори и полициски службеник кои вршеле службени дејства во центарот на Прилеп околу пладне.

За да го запре, полицаецот пукаше во гумите од возилото. Целата ситуација беше шок за граѓаните кои во тоа време се најдоа пред градскиот пазар.

„За овој свет“ е пораката испратена преку песна. Ќерката на светски познатиот пијанист, Симон Трпчески, Лара, отпеа преработка на песната на Тоше Проески, која како што вели музичарот, е песна која ни припаѓа на сите.

-ЛАРА И ПРИЈАТЕЛИТЕ – „За овој свет“. Моја долгоочекувана желба, откако почна катастрофата на човештвото пред 2 години (корона пандемијата што се’ уште не е стопирана…), со мојата ќерка и колегите од МАКЕДОНИСИМО, во форма на музичка порака од децата и младината – до децата, младината и најважно – возрасните, за мудрост преку која ќе процвета подобар свет! Уживајте во уште еднаш испеаната „За овој свет“ – песната што ни припаѓа на сите! – објави Трпчески.

Музиката е на Младен Марковиќ, а зад текстот стои името на Весна Малинова. Аранжманот е на Симон Трпчески и Влатко Нушев. Покрај Лара која е солист, учествува Детски хор подготвен од Тоше Митрев, Симон Трпчески и Влатко Нушев, како и Младински хор – од хорот „Про Арс“ и Хорот на Младинскиот културен центар, под раководство на диригентот Сашо Татарчевски.

Елементите од проектот МАКЕДОНИСИМО во аранжманот ги доловија пијанистот Симон Трпчески, виолинистот Владимир Крстев, виолончелистите Паскал Краповски (аудио) и Мартина Јаневска (видео), кларинетистите Хидан Мамудов (аудио) и Александар Ангелов (видео) и на удиралки Влатко Нушев. Режисер на спотот е Владимир Митревски-Ѓуле, Фокус филм, кои се појавуваат и како продукција на истиот, а продуцент е Симон Трпчески.

Песната има и англиска верзија.