Претседателот Стево Пендаровски, во рамки на своите уставни надлежности, денеска потпиша укази за поставување на должноста вонреден и ополномоштен амбасадор на Република Македонија во Словачката Република, во Канада, во Кралството Норвешка, во Кралството Белгија и во Република Бугарија.

За амбасадор во Словачката Република е поставена Евгенија Илиева, во Канада за амбасадор е поставен Агрон Буџаку, додека во Кралството Норвешка за амбасадор е поставен Дритон Кучи.

Методија Белевски е поставен за амбасадор во Кралството Белгија, додека за амбасадор во Република Бугарија е поставена Агнеза Руси Поповска.

-На 09.09.2022 полициски службеници од полициска станица Битола на ул ” Прилепска” во Битола го лишиле од слобода О.Б.(20) од Битола. При преглед кај истиот пронајдена и одземена е марихуана.

По документирање на настанот ќе следува сооодветна пријава. – информираат од СВР Битола.

Одделот за сузбивање на организиран и сериозен криминал, Сектор за криминалистички истраги – Националната единица за сузбивање на криумчарење мигранти и трговија до Основно јавно обвинителство за гонење на организиран криминал и корупција на 07.09.2022 поднесе кривична пријава против С.Ш.(25) од Скопје, Ф.А.(46) и М.Б.(51) двајцата од Р. Србија и Б.А.(49) од Скопје поради постоење основано сомнение за сторено кривично дело „трговија со дете“ казниво по член 418-г став 1 и 2 од Кривичен законик.

Имено, првопријавениот С.Ш., брат на девојчето, заради стекнување противправна материјална корист од 3000 евра преземал дејствија за склучување на присилен брак на дететo со лице од Србија, чии родители се второпријавената Ф.А. и третопријавениот М.Б., кои договориле и дале пари за склучување на присилниот брак.

Четвртопријавениот Б.А. ја имал улогата на посредник меѓу С.Ш. и Ф.А. и М.Б. за надомест од 200 евра. Лицата се лишени од слобода, а од Судија на претходна постапка им е одредена мерка притвор во траење од по 30 дена.

Големо мнозинство од народот не би го поддржал предложениот референдум од ВМРО-ДПМНЕ за поништување на договорот со Бугарија, убеден е екс-премиерот Зоран Заев, кој го потпиша во име на Македонија во 2017 година.

Тој и денес вели дека е исклучително горд на потпишанито договор, бидејќи смета дека градењето добрососедски односи меѓу двете земји е единствениот правилен пат, значаен и во евроинтеграциите…

-Тоа е препознаено од сите граѓани, над 75 проценти се против ваквата иницијатива за референдум, а другите 25 отсто ги има бидејќи тоа се членовите на ВМРО-ДПМНЕ. Во светот нема да најдете никаде некој кој би бил против пријателство, добрососедство, соработка. Нашиот македонски народ и сите етнички заедници во Македонија нема да го поддржат тоа,изјава – Зоран Заев – Поранешен премиер.

Заев е горд како што рече, не само на Договорот со Бугарија туку и на Преспанскиот договор со Грција бидејќи повторно го воспоставиле пријателството со двете соседни земји и додаде дека како поранешен премиер стои на располагање да пружи помош во градењето на добрите односи меѓу Скопје и Софија… Очекува и сега, како во 2019 година, да се направат потребни уставни измени и да се продолжи патот кон ЕУ..

Сметам дека тоа прашање, кое треба да се реши час поскоро. Хрватска која е земја членка на ЕУ на пример во нејзиниот Устав има 24 етнички заедници. Ние го разбираме бугарскиот Устав, тој е поразличен од нашиот Устав, е по линијата на Франција, САД и други, а ние сме мултиетничка земја и верувам дека тоа наскоро ќе го сториме и ќе чекориме кон отворање на поглавјата со ЕУ./ јас го сакам бугарскиот народ исто како што сакам македонскито народ,изјава – Зоран Заев – Поранешен премиер.

Поранешниот премиер, заедно со актулениот премиер Ковачевски, неколку министри и претседателот на Собранието Џафери, присуствуваше на Конференција на ФОН каде на европратеникот и известувач во ЕП за Македонија Илхан Ќучук му беше доделена титулата почесен доктор на науки, кој уште еднаш порача дека местото на сите земји од Западен Балкан е во Унијата.

-. Македонија оди по патот на НАТО и Европската Унија. Ја реализиравте големата цел, да бидете дел од НАТО и на тоа сите се гордееме, затоа што тоа означува пространство на сигурност, на заеднички вредности, сега следува уште еден голем чекор, а тоа е Европската Унија. Сите треба да помагаме со големи напори – и Бугарија и Грција и Хрватска и Романија, тие држави имаат преголемо искуство во пристапниот процес и во секој еден детал на членство во ЕУ. Западен Балкан треба да се врати во својот дом, а тоа е Европа,изјава – Илхан Ќучук – Европратеник и известувач во ЕП за Македонија.

Македонија следната недела ќе го започне т.н. скрининг процес како воведна фаза од преговорите за членство во ЕУ, а кога иницијативата за уставни измени, со која е условено отоврањето на поглавјата, ќе се најде во Собранието, се уште не е познато.

Старо-нов тренер на македонскиот првак Шкупи ќе биде Гоце Седлоски. Откако со клубот не успеа да избори место во европските натпреварувања, а запиша и реми со Победа во ПМФЛ, стручњакот реши да си поднесе оставка која му беше прифатена

Но, и после оставката на Седлоски проблемите во клубот продолжија, па така Шкупи забележа два порази во дуелите со Тиквеш и Брегалница. Поради тоа Шкупи се одлучи да го врати стратегот од Прилеп на челната позиција.

„Гоце Седлоски се врати!

Драги фанови, сакаме да ве информираме дека прв тренер на Шкупи ќе биде Седлоски, додека за прв асистент е поставена клупската легенда Арбен Нухиу. Заедно со нив, на позицијата претседател се враќа Суат Алија“, стои во соопштението.

На 08.09.2022 полициски службеници од СВР Битола – ОВР Прилеп во близина на поштата во Прилеп лишиле од cлобода малолетник од Битола при вршење на кpaжба на мотоцикл.

Сторителот е приведен во полициcка cтаница и пpoтив него ќе биде поднесена соодветна пpиjaва, а yкpaденото е вратено на сопственикот – информираат од СВР Битола.

Од ново лице на банкнотите и поштенските марки до текстот на националната химна, Британија ќе претрпи одредени промени по смртта на кралицата Елизабета Втора и стапувањето на тронот на нејзиниот син Чарлс Трети.

Зборовите на британската национална химна, која потекнува од 18 век, ќе се сменат од „Боже чувај ја кралицата“ во „Боже чувај го кралот“.

Според веб-страницата на кралското семејство, химната била напишана во екот на патриотскиот занес по победата на принцот Чарлс Едвард Стјуарт над војската на кралот Џорџ Втори во септември 1745 година во Шкотска.

„Боже чувај го кралот“ била патриотска песна за првпат јавно изведена во Лондон во 1745 година, а станала позната како Национална химна на почетокот на деветнаесеттиот век.

Вообичаено се пее само првата строфа која сега ќе гласи: „Боже чувај го нашиот милостив крал! Да живее нашиот благороден крал! Боже чувај го кралот! Дарувај го со победа, среќа и слава, долго нека владее над нас, Боже чувај го кралот!“.

На новите монети и банкноти ќе биде ликот на кралот. Старите монети и банкноти ќе останат во оптек додека со време не бидат заменети.

Кога монархијата била обновена во 1660 година по десетгодишната република на Оливер Кромвел, станало вообичаено монархот да го врти лицето во спротивна насока од неговиот претходник.

Кралицата Елизабета гледала десно, па Чарлс Трети ќе гледа лево. За време на долгото владеење на Елизабета, на монетите се користени пет нејзини различни портрети.

Ќе се менуваат и поштенските марки, така што на нив ќе биде прикажан портретот на новиот крал.

Промени ќе претрпи и кралската „шифра“, монограмот што го користи монархот и кој моментално се состои од печат на кој пишува „EIIR“ под круната на Свети Едвард.

Овој монограм може да се најде низ Британија и се појавува на сè, од црвени поштенски сандачиња до полициски униформи. Според традицијата, со новиот крал се менуваат и монограмот и кралскиот грб.

Сепак, ова наиде на голем проблем во Британија, па така монограмите ќе се појавуваат само на новите поштенски сандачиња, така што тие на кралицата ќе останат илјадници ширум земјата, исто како што останаа многу од претходните монарси кои беа поставени пред нејзиното крунисување.

Ќе се сменат и титулите. Угледни пратеници ќе станат членови на Советот на кралот наместо на Советот на кралицата, а титулите што користат „на кралицата“ ќе се променат во „на кралот“.

Премиерката Лиз Трас објави изјава за смртта на кралицата, опишувајќи ја како „голем шок за нацијата и светот“.

„Сите сме уништени“, рече таа пред собраните луѓе пред Даунинг стрит.

Трас ја опишува кралицата како „карпата на која е изградена модерната Британија“ и „самиот дух на Велика Британија“. Таа се сеќава дека отишла во Балморал пред само два дена за да се сретне со кралицата за да положи заклетва како премиер и вели дека кралицата била „лична инспирација“ за неа.

На 07.09.2022 во 19.00 часот во СВР Битола било пpиjaвено дека на 06.09.2022 околу 21.00 часот и на 07.09.2022 во двор на основно училиште во Битола двајца малолетници биле физички нападнати од неколку нивни соученици.

Се преземаат мерки за pacчиcтyвање на cлyчajoт – информираат од СВР Битола.