Група ентузијасти кои имаат за цел да им ги разубават Новогодишните празници на прилепчани, и оваа година по трет пат го повикаа во Прилеп дедото со бела брада, а тој овој пат се спушти со јаже по Градскиот Саат во центарот на градот.
Дедо Мраз донесе колетчиња за дечиња од ООУ “Добре Јованоски” и дечиња од социјално загрозени семејства, но и за голем број други дечиња кои случајно поминаа во центарот на градот.
Еден убав настан кој заслужува пофалби, а се надеваме дека ваквата иницијатива во иднина ќе биде поддржана од голем број компании, со цел да Дедо Мраз да израдува што поголем број дечиња.
Со голем балон на топол воздух, Дедо Мраз денес слета во паркот во Кисела Вода и донесе пакетчиња за преку 3000 дечиња. Ова беше финалето на новогодишниот настан кој го организираше Општина Кисела Вода и кој за најмладите овозможи двочасовна забава-театарска претстава од општинските градинки и концерт на изведувачите од детскиот фестивал „Поточиња“.
Градоначалникот Ѓорѓиевски ја истакна желбата на локалната самоуправа да им ги разубави празниците на сите граѓани и да им овозможи на најмладите со подарок и со спектакуларен настан кој ќе го паметат да ја испратат старата и дочекаат Новата 2023 година.
-Новогодишниот период е време кога ja прославуваме радоста, кога еден на друг си посветуваме повеќе внимание, кога со возбуда го очекуваме новиот почеток кој треба да донесе здравје, среќа, успех и други убави нешта за нашите најсакани. Се чини дека најважни за сите нас, сепак, се децата чии желби се најискрени и најтопли. Општина Кисела Вода одлучи да им ги разубави празниците на сите најмлади, да направи нешто несекојдневно за нив и силно верувам дека денешниот настан ќе го паметат долго време. Нашата честитка годинава изгледа вака- со театарска претстава, со концерт на омилените “Поточиња” и со новогодишни пакетчиња за сите дечиња кои се тука присутни. Нив ги донесе Дедо Мраз, а тој, како никаде и никогаш досега, само за децата од Кисела Вода, пристигна со балон. Со настан за паметење да започнеме нова година за паметење-истакна градоначалникот Ѓорѓиевски, честитајќи ја уште еднаш Новата 2023-та година и додавајќи дека овој настан ќе премине во традиционален.
Со сечење на црвената лента и богата музичка програма синоќа свечено беше отворен СН Мото Центарот – нова и современа станица за технички преглед во скопскиот регион, која ги задоволува највисоките европски стандарди во функција на поголема безбедност во сообраќајот.
СН Мото центарот е инвестиција на СН Осигурителен Брокер АД Битола, тешка 2,4 милиони евра. Центарот е мултифункционален објект кој се простира на 6.000 метри квадратни, лоциран на улица Калош Дани број 22, Момин Поток-Карпош во Скопје. СН Мото Центарот располага со 1.847 метри корисна површина, како и со најсовремена опрема и стручни кадри. Во неговото функционирање се вложени искуството и традицијата на квалитет по кои СН Групацијата е препознатлива.
Црвената лента ја пресекоа првите луѓе на СН Групацијата, Христо Кондовски, Претседател на Одборот на директори на СН Осигурителен Брокер АД Битола и Зоран Пејчиновски, Главен извршен директор на СН Осигурителен Брокер АД Битола.
На свеченото отворање тие порачаа дека визијата е СН Мото Центарот да прерасне во синоним за квалитетна и ефикасна услуга на задоволство на возачите во скопскиот регион во функција на поголема безбедност во сообраќајот.
Покрај технички преглед, возачите можат да ги добијат сите услуги поврзани со регистрација на возила, А-тест, Цемт сертификати, Хомологација, ПТЕУ, Меѓународна возачка дозвола, Полномошно и Пошта. Преку шалтер на СН Осигурителен Брокер АД Битола се нудат и сите видови осигурување, вклучително автоодговорност, зелен картон, патничко и здравствено осигурување.
Тука се нудат и услугите на Центарот за обука на професионални возачи, односно обука и полагање со кои се добиваат сертификати за управител, АДР возач, советник за безбедност и професионален возач. Во СН Мото центарот е сместен и шалтер за издавање на тахографски картички, како и тир карнети и Т1.
Во присуство на голем број гости, соработници и партнери на компанијата, како и вработени во СН Групацијата по повод свеченото отворање беше организирана богата музичка програма во чии рамки настапи камерното дуо во состав на Марија Вршкова, пијано и Владимир Костов, виолина – годинашни добитници на СОКОМ наградата, кои неодамна настапија на Менхетн во Њујорк.
Свеченото отворање на СН Мото Центарот беше заокружено со перформанс на трите музички и визуелни магионичарки од триото „Тринити Стрингс“, Ирена Стојановска и Александра Мирсинова на виолина и Марта Куч на виолочело, трите дел од ансамблот на Македонска Опера и Балет. Гостите ги забавуваше и DJ BRUS.
– Повеќе од 200 милиони луѓе во САД се засегнати од студот и невремето проследено со мраз и снежни виулици што го зафати континентот во деновите пред престојните празници.
Мразот и опасните услови го пореметија одвивањето на сообраќајот во поголемиот дел од земјата, со откажани илјадници летови.
Во многу сојузни држави условите се премногу опасни за возење, предупредуваат властите, бидејќи милиони Американци излегуваат на патиштата и се упатуваат кон аеродромите за да ги прослават престојните божикни и новогодишни празници.
Со денеска на пладне се регистрирани повеќе од четири илјади откажани летови, а најпогодени се аеродромите во Сиетл на северозапад, Њујорк, Чикаго на север и Детроит.
Во округот Ири во американската сојузна држава Њујорк беше прогласен и полициски час.
Повеќе од милион Американци денеска напладне останаа без струја во сојузните држави Северна и Јужна Каролина, Конектикат и Тексас.
Проценките на Американското здружение на возачи се дека околу 112 милиони луѓе треба да поминат најмалку 80 километри во периодот од денеска до 2 јануари.
Неколку држави прогласија вонредна состојба, како што се Њујорк, Оклахома, Кентаки, Џорџија и Северна Каролина.
Интензивни врнежи од снег се регистрирани во северните делови на САД, особено во регионот на Големите езера.
Во Ликовната галерија синоќа, 23.12.2022, беше отворена изложбата на слики “Моите соништа на монументалните платна”од нашиот уметник Кирил Гегоски-Гегата.
Уметникот се претставува со две големи платна и повеќе студии акрил на платно создавајќи кохерентна ликовна целина.
Според Викторија Димеска, историчар на уметност, Гегоски создал нови апстрактно асоцијативни конотации и донесува нова концептуална свежина.
-Со промислено и внимателно распоредување на асиметричните форми уметникот создал хармонични и обединети композиции.Вметнувајќи ги кривите и динамични линии ја разигрува конструкцијата и ги дефинира асоцијативните форми.
Со вибрантната колоритна звучност и тонската одѕвонувачка чистина Гегоски го поедноставил сложениот катактер на материјата и ја усовршил функцијата на бојата – рече на отворањето на изложбата Викторија Димеска.
Лукот е една од најздравите намирници чии чудесни лековити својства се неверојатни за општото здравје на организмот.
Луѓето уште многу одамна го користеле за лекување на бројни здравствени тегоби.
Содржи околу 400 активни состојки, а богат е со витамини и минерали како што се аденозин, алицин, аминокиселини, растителни влакна, растителни масти, витамин А, витамин Б1 и Б2, витамин Ц, железо, ензими, етерични масла, јод, калиум, калциум, селен, сулфур и фосфор.
Но, и покрај сите овие лековити својства, сепак постојат 5 типа на луѓе кои не смеат да го консумираат.
Пациенти пред операција
Доколку се подготвувате во скоро време да се подложите на хируршки зафат, се препорачува да не консумирате лук најмалку две седмици претходно, за да не дојде до продолжено крвавење.
Лица со низок притисок
Оваа чудесна намирница го намалува крвниот притисок, па ако патите од низок притисок, може себеси да си нанесете повеќе штета отколку корист со негова консумација.
Луѓе кои имаат проблем со црниот дроб
Иако лукот има антибактериско и антивирусно дејство и може да ги елиминира бактериите и вирусите, не треба да се користи во спречување на вирусот хепатитис.
Имено, некои соединенија кои се содржат во лукот може да предизвикаат стимулации во желудникот и цревата, што може да ја инхибира секрецијата на дигестивниот сок во дигестивниот тракт. На тој начин влијае врз варењето на храната и влошува многу симптоми на хепатитисот, како што е мачнината.
Покрај тоа, некои од неговите компоненти ги намалуваат црвените крвни зрнца и хемоглобинот, што значи дека претераната употреба на лукот може да доведе до анемија.
Лица кои боледуваат од очни болести
Пациентите кои боледуваат од очни болести, особено оние со лошо здравје, исто така треба да го одбегнуваат лукот.
Традиционалната кинеска медицина промовира дека редовното консумирање на лукот во големи количини, во подолг временски период може да ги оштети очите и црниот дроб, но исто така и да предизвика губиток на памтењето, зуење во ушите и други здравствени проблеми.
Луѓе кои ги мачи дијареа
Пациентите кои патат од дијареа треба да го одбегнуваат сировиот лук, бидејќи неговиот состав може да ги стимулира цревата и да доведе до хронично воспаление и влошување на едемот.
Со засадување на 40 000 садници заокружена е големата акција Сончева Гора. Заедно со акцијата ГЕНЕРАЛКА ВИКЕНД 2022, Министерството за земјоделство, шумарство и водостопанство и Национални шуми во соработка со Мен енд Маунтен заедно со Пивара Скопје, Пакомак и Министерството за животна средина и просторно планирање успешно ја заокружија соработката потсетувајќи ги граѓаните и институцииите дека само со заеднично делување може да се подобри квалитетот на животот и да се допринесе кон одржлива животна средина
Во изминатите два месеци, се реализираше акцијата за пошумување на шумските насади наречена „СОНЧЕВА ГОРА“ во чии рамки Министерството за земјоделство, шумарство и водостопанство заедно со Национални шуми, волонтерите на Пивара Скопје и локалното население засадија околу 40.000 дрва – 10.000 дрвја во Ќојлија (Петровец) и 30.000 дрвја во Велес, во близина на езерото Младост. Со оваа акција се реализираше ветувањето што беше дадено оваа пролет од Пивара Скопје, Мен енд Маунтен, и Пакомак поддржани од Министерството за животна средина и просторно планирање, по акцијата за чистење на отпад – „ГЕНЕРАЛКА ВИКЕНД 2022“ – за секои 10 килограми отпад што ќе се соберат, да се посади по едно дрво. Еко-акцијата беше спроведена во 26 општини ширум земјата, а во неа учествуваа над 8000 волонтери, со што заслужено го доби приматот – најмасовна еколошка акција коja досега била спроведена во нашата земја.
Министерот за земјоделство, шумарство и водостопанство ја поздрави акцијата и ја истакна важноста на ваквите акции и заложбата за заеднички придонес кон подобрување на квалитетот на живот во нашата држава. „Драго ми е што после ГЕНЕРАЛКА ВИКЕНД, ова е прва од десетте вакви акции кои ќе следат. Тука сме да дадеме максимална поддршка, но воедно и да ги поттикнеме сите заедно да се приклучат. Зелената транзиција е еден од петте приоритети на Министерството, нашата цел и фокус е да го промениме начинот на размислување, навиките, но и да дадеме поддршка на она што значи живот. Секое едно дрво значи живот!“ изјави министерот Љупчо Николовски.
Генералниот директор на Пивара Скопје, Горан Сладиќ го изрази своето задоволство за неверојатниот успех и позитивни резултати од оваа акција и повика на уште поголема масовност во акциите што следат. „Горд сум на сите волонтери и Пиварци кои беа дел од оваа акција и им честитам од срце за постигнатиот успех! Заедно со нашите партнери посадивме 40.000 дрвја. За Пивара Скопје, ова е исклучително важно бидејќи ни помага да ги споиме двете најважни стратешки иницијативи – „Свет без отпад“ и сета посветеност која ја имаме за намалување на CO2. Ја користам оваа прилика да ги повикам сите наши партнери да ни се придружат и заедно да ја направиме нашата земја уште подобро место за живеење,“ вели генералниот директор Горан Сладиќ.
Поздравувајќи ја иницијативата Министерот за животна средина и просторно планирање Насер Нуредини, им го честита успехот на организаторите на големата еко акција: „Трансформација на приближно 400 тони собран отпад во дрвни насади и со тоа создавање на „СОНЧЕВА ГОРА“ е видлив бенефит за сите! Ова е одличен пример како правилниот однос кон отпадот, волјата да се собира и рециклира, вклучувајќи иновативен пристап и креативност, од отпадот од минатото може да се гради зелена иднина“ истакна министерот Нуредини.
Целта на „ГЕНЕРАЛКА ВИКЕНД“ и „СОНЧЕВА ГОРА“ е да се исчисти земјата од отпадот на минатото и да се рециклираат во зелена иднина во следните десет години – од 30-ти до 40-тиот роденден на нашата земја. „Сите слоеви на општеството надвор од сите етнички, социјални и политички граници ги здружуваат силите за да направат одржлива промена во начинот на кој постапуваме со нашата животна средина и управувањето со отпадот. Горди сме на сите луѓе во нашата земја, кои избраа да ја направат вистинската работа: чување и грижа за нашата земја со цел градење иднина за нас и за генерациите што доаѓаат“, споделија Гордана Софија и Ханес Јаецкл од Мен енд Маунтен.
Целокупната неопходна инфраструктура за собирање, селекција и соодветен третман на отпадот ја обезбеди Пакомак.
„Денешната акција е добар пример визуелно да се прикаже циркуларноста на отпадот. На секои 10 килограми отпад што ги собравме изминатиот период, Министерството за земјоделство, шумарство и водостопанство донираше по едно дрво кое денеска го садиме. Ова е уште еден доказ дека со селекција на отпад и правилно управување со истиот можеме да придонесеме за позелена планета, “ вели Филип Ивановски, Извршен директор на Пакомак.
ГЕНЕРАЛКА ВИКЕНД 22 се заокружува со пошумување на “СОНЧЕВА ГОРА 2022“ со приближно 40.000 садници, еквивалент на вкупниот отпад од приближно 400 тони, собран во 2021 и 2022 година. Организаторите изразија огромна благодарност до волонтерите кои несебично одвоија дел од своето време, ги „засукаа“ ракавите и ги извалкаа рацете, сè со цел да покажат дека чистата животна средина зависи од секој поединец!
Со нови сили и уште поголема мотивација организаторите продолжуваат кон остварување на целта, а тоа е 2031 – чиста и зелена земја.
Семејството Мишески од прилепско Мало Коњари и оваа година го украсија својот семеен дом во различни бои во пресрет на Новогодишните и Божикните празници.
Човек треба да има желба и малку креативност и да направи нешто вака посебно, а со тоа да ги израдува своите најмали и да биде пример за сите останати.
Секоја чест! Нека Новогодишната магија во вашиот дом ги исполни сите желби на вашето семејство!
Фудбалска легенда, голем човек и борец, како на теренот така и надвор од него. Синиша Михајќовиќ ја загуби битката со тешката болест, но зад себе остави големо семејство предводено од неговата сопруга Аријана.
Миха беше погребан пред неколку дена во Рим со сите почести. Семејството, пријателите и многубројните обожаватели го испратија во вечниот дом, како што доликува на еден толку голем човек, а кога емоциите и шокот од овој трагичен настан стивнаа, во фокусот дојде поделбата на имотот.
Како човек кој во текот на својот живот важеше за еден од најдобрите фудбалери во италијанската лига, а беше успешен и како тренер, познато е дека во текот на кариерата стекнал и значително богатство, а како што објавија медиумите поседува луксузен стан во Рим, вила во Порто Черво, планинска куќа во регионот Абруцо…
-Без разлика на тестаментот, наследството на Михајловиќ ќе мора да го подели со неговиот вонбрачен син Марко. Тоа го бара Граѓанскиот законик. Тука е секако неговата сопруга Аријана, со која ги има ќерките Викторија и Вирџинија и синовите Мирослав, Душан и Николас – се вели во текстот на италијанскиот весник „Кориере Адријатико“.
На иницијатива на неговата сопруга Аријана, таткото и синот стапиле во контакт претходно, што се покажало како вистинска одлука.
– Признав татковство и ја презедов обврската да го издржувам и воспитувам. Тешко ми беше, срцето ми се кршеше секогаш кога ќе помислам на него. Морав да бидам цврст и да истраам во намерата да не се гледаме додека не стане полнолетен, за потоа како возрасни да разговараме за се, да изградиме цврста врска без недоразбирања кои произлегуваат од незрели младешки постапки – изјави Синиша на времето без да ги прикрие своите емоции.