Поради случени сообраќајни несреќи затворен за сообраќај патот Велес – Градско.

– Од 08:30 часот, поради сообраќајни незгоди, за сообраќај затворен регионалниот пат Велес – Градско, стои во соопштението од АМСМ.

Министерот за здравство Беким Сали вечерва во дебатниот магазин „Click Plus“ на ТВ21 истакна дека платите на лекарите во Македонија не се лоши.

Тој вели дека според стандардот, тие се добри.

„Платите на лекарите во Македонија не се лоши. Според стандардот на државата, платите се добри. Има и такви лекари што бегаат за повеќе пари, но кога ќе имаме поорганизирани институции, лекарите нема да бегаат. Апсурдно е да си задоволен кога како доктор работиш во канцеларија од 2 квадрати“, вели Сали.

Стотици вработени во компанијата газирани пијалаци „Кока-Кола“ во северозападните германски градови Дортмунд и Линебург денеска стапија во штрајк барајќи зголемување на месечната плата за 400 евра, како и повисока почетна плата за нововработените лица.

Слични штрајкови неодамна имаше и во други делови од државата. Во декември, американската корпорација им понуди на германски работници зголемување на платите за 100 евра и еднократен бонус од 1.000 евра за да го неутрализира влијанието на високата инфлација.

Преговарачот на германскиот Синдикат на работници за храна, пијалаци и угостителство (НГГ), Фреди Ајан тогаш го опиша предлогот како „шлаканица во лице“. Според него, важно е платите да се зголемуваат согласно инфлацијата.

Се очекува преговорите да продолжат на 8 февруари.

На 01.02.2023 во 19.30 часот во СВР Скопје било пријавено дека на 16.01.2023 околу 04.30 часот три лица со употреба на сила влегле во стан на подрачјето на Аеродром, каде престојувале Х.М.(23) од Прилеп, С.Ј.(22) од Струмица и Д.А.(21) од Велес, физички го нападнале Х.М. и со закана од тројцата одзеле мобилни телефони.

Се работи на расчистување на случајот – информираат од МВР.

“Беше 5 – ти јануари кога се преселив во Тирана, тој ден врнеше топол медитерански дожд. Живеев во хотел, барав стан, барав простор за нашиот Културно информативен центар. Тргнав од нула. На 29-ти април 2021 година на мое големо задоволство, ја закачив таблата на која пишува ,,Амбасада на Република Северна Македонија,, – Културно информативен центар”.

Од навидум далечна визија и речиси невозможна мисија, денес модерната македонска култура вибрира во Тирина. Со децении, иако не раздвојуваше една езерска географска граница, едночасовно возење од Охрид до Албанија, културолошката размена беше милји далеку. Тој многугодишен културно информативен јаз секако не може да се надомести преку ноќ, но интезивната работа на македонскиот Културно информативен центар во албанската престолнина за неполни две години вртоглаво не доближи истовремено и со политичкиот прогрес во билатералните односи на двете земји. Центарот уште еднаш покажа дека затвореноста и недостигот на информации создаваат стереотипи, додека уметноста и културната промоција отвораат хоризонти во духот на космополитизмот.

Овој софиситицирано уреден ентериер во објектот на КИЦ Тирана, со илустрации од уметникот Зоран Кардула е местото каде што во годинава што изминува беше  промовиран и македонски ајвар, крушевски локум, музиката на „Љубојна“, сликите на Зоран Кардула , изведба на пијанистката Ивана Мазнејкова а за прв пат во Албанија концерт одржа Влатко Стефановски.

Во Центарот во изминатиот период поминале многу луѓе, десетици министри, двајца премиери, музичари, сликари, писатели, градоначалникот на Тирана господинот Ерион Велиај, министерката за култура Елвита Маргарити, министерот за внатрешни Бледар Чучи, амбасадори и дипломати од различни земји.

Кога се наоѓаш во друга земја и непознат град, за да стасаш до овие нешта, бара многу работа, вели во разговорот за НоваТВ, директорот Златко Ориѓански.

„Беше 5 – ти јануари кога се преселив во Тирана, тој ден врнеше топол медитерански дожд. Живеев во хотел, барав стан, барав простор за нашиот Културно информативен центар. Тргнав од нула. На 29-ти април 2021 година на мое големо задоволство, ја закачив таблата на која пишува ,,Амбасада на Република Северна Македонија,, – Културно информативен центар. Направивме нова, наша институција во Република Албанија. На 10-ти јуни се случи свечено отворање, пред многубројни гости од политичкиот и културен живот на оваа прекрасна земја. Од тука натаму, започнав со програма и претставување на нашата земја и нејзината култура. Направивме добри работи, ова место веке е познато меѓу тиранчаните и Албанците воопшто, овде, та дури и на Косово“, раскажува Ориѓански.

За впечатоците од концерот на Влатко Стефановски, кој ќе остане запаметен како прв негов настап во соседна Албанија, и потсетување колку сме пропуштиле во културната размена на двете земји низ годините, Ориѓански вели:

„Влатко е врвен професионалец, меѓутоа, ете, никогаш не свирел во ниту еден град во Република Албанија, зошто, како, искрено не знам, меѓутоа со голем напор, тој концерт се случи на взаемно задоволство и помина многу убаво. Имајте предвид, оваа работа овде јас ја работам потполно сам, немам секретарка, шофер, ниту некој помошник. Оваа работа бара постојани контакти со разно разни луѓе. Овде изминатиов период поминаа многу луѓе, десетици министри, двајца премиери, музичари, сликари, писатели, градоначалникот на Тирана господинот Ерион Велиај, министерката за култура Елвита Маргарити, министерот за внатрешни Бледар Чучи, мнозина амбасадори и дипломати од разни земји. Кога се наоѓаш во друга земја и непознат град, за да стасаш до овие нешта, бара многу работа.“, вели тој.

На својот фејсбук профил Ориѓански често објавува видеа од настаните, од кои се добива впечаток дека посетителите со голема возбуда присуствуваат на секој од нив. И според Ориѓански, не може да се издвои ниту еден и сите му се подеднакво важни.

„На секој настан му пристапувам со еднакво внимание, сеедно дали промовираме македонски ајвар, крушевски локум, сликите од Зоран Кардула или концертот на Љубојна, Влатко, пијанистката Мазнејкова, писателот Јордан Плевнеш. Денови и месеци пред нешто да правам, размислувам како тоа да се склопи, да биде убаво и видено. Ние сме мала земја, имам мал буџет, тоа бара вештини хаха да се направи и да изгледа светски. Мислам дека ова е наш прв Центар, кој успеал да внесе пари однадвор, преку бизнисмени и фирми, да го надополни државниот буџет.“, вели Ориѓански.

Сепак, тој се согласува дека реципроцитетно на нашата промоција на културата во Тирана, модерната албанска култура не доволно промовирана во Македонија.

„За жал, албанската модерна култура е непозната во нашата земја, меѓутоа, ние имаме склучено меѓудржавен договор со Република Албанија, ратификуван во нашите парламенти, каде јасно пишува, дека Република Албанија, под истите услови како што ние отворивме културен центар во Тирана, може да отвори свој културен центар кај нас. Дали ова ке се случи, искрено, не знам, тоа не зависи од нас, иако јас со нетрпение очекувам такво нешто.“, вели тој.

Настап на „Фолтин“, прва изведба на театарска претстава на македонски јазик во Албанија се само дел од замислите за прогрмата на КИЦ Тирана за идната година.

„Следната година сакам да ја започнам со една голема претстава на Битолскиот театар, тоа ке биде прва македонска театарска претстава изведена во Албанија на македонски јазик (се разбира ке има и превод на албански јазик). Овде имам намера да настапат ,,Фолтин,, веројатно ќе правам еден интересен концерт со оние наши, струмичко малешевски дувачи, сместен во воз кој патува..И уште многу други работи. Допрва ќе има добри работи. Најважно е дека сме овде и дека ова место, ова наше место во оваа благородна земја и прекрасни луѓе, на некој начин стана ,,свето место“. Мнозина луѓе што доаѓаат во Тирана, независно од етничка припадност, доаѓаат да го посетат. Ова е голем комплимент за мене и мојата работа овде.“, вели Ориѓански.

Албанскиот парламент ја ратификуваше Спогодбата за отворање македонски КИЦ во Тирана на 3 февруари 2020 година.

На седницата на 3 февруари 2020 година кога беше ратификувана Спогодбата за отворање на македонски КИЦ во Тирана зборуваше Васил Стерјовски, пратеник од партијата Македонска алијанса за европска интеграција, кој од име на партијата и од сите Македонци во Албанија ја изнесе целосната поддршка за отворање вакви центри.

„Отворањето на овие културно-информативни центри во Тирана и Скопје ќе ги интензивира културните односи меѓу двете земји, ќе го зајакне понатамошниот развој на односите меѓу Албанија и Македонија, ќе се развие и зајакне меѓукултурната соработка и ќе се создадат услови за уметници од двете држави да ја претстават својата работа во двете држави“, рече тогаш Стерјовски.

Додаде дека овие културно-информативни центри ќе ја шират и презентираат албанската култура во Македонија и македонската култура во Албанија преку организирање разни настани, изложби, литературни и научни предавања, филмски проекции, промоција во медиумите и обезбедување информативни услуги за заинтересираните граѓани на двете страни.

Тогаш, тој нагласи дека двете држави заедно се движат по европскиот пат и оти голема е надежта дека во март оваа година ќе започнат преговори за членство во ЕУ.

Извор: Нова ТВ

Првиот вицепремиер Артан Груби пред симпатизерите и партиските членови на ДУИ во Врапчиште зборуваше за Коридорот 8 и дека ќе започне неговата изградба.

– Денес, конечно италијанската компанија „ИРД“ достави банкарска гаранција и го потпиша договорот за надзорен консултант за проектот Коридор 8. Во четврток во 09:00 часот ќе го потпишеме договорот со избраната компанија и ќе започнеме со работа со „Бехтел Енка“ за Коридорот 8 , автопат со три ленти со кој ќе ја поврземе нашата држава со Албанија, рече тој.

Додаде дека тоа е супер голем проект за кој се издвоени 300 милиони евра.

Од сите капитални инвестиции, од општиот буџет од 800 милиони евра, 300 милиони наменети се само за овој проект. Дали некогаш сме биле помоќни во Владата? Никогаш!, истакна Груби.

Пингпонгарскиот клуб Младост 96 активен е на повеќе полина. Во периодот на преодниот рок кој траеше од 15-25 февруари, клубот се засили со неколку играчи во женската екипа.

Имено во клубот пристапија Софија Хасану и Емилија Маркоска кои преминаа од ППК Крушево. Софија Хасану е една од најперспективните играчи во Македонија во женска конкуренција.

Како големо засилување за натпреварите од лигата клубот ја доведе Шега Хасану, една од најдобрите играчи од Косово. Со тоа тимот на Младост96 ќе биде тешка пречка за сите останати екипи.

Машката екипа на Младост96 останува со истата екипа како и во есенскиот дел на првенството, каде е на делба на првото место со екипата на Телеком Нец, со по еден пораз, и девет победи. Целта на екипата е да се врати шампионскиот трофеј во Прилеп.

На 11-12 февруари во спортската сала на ООУ “Добре Јованоски”, ППК Младост96 е организатор на вториот Меморијален меѓународен турнир “Илија Карески”. Подготовките се одвиваат според планот, a на турнирот се очекува да се натпреваруваат околу 150 учесници од 8 држави.

Изминатиот викенд во Врање-Србија учествуваа тројца играчи од младите категории на меѓународен турнир. Трајче Маркоски во силна конкуренција го освои 3-то место и бронзениот медал. Во 1/4 финале се пласира Мартин Ристески и Давид Јоноски.

Пролетната сезона почнува на 18-19 февруари со Телеком Мастерсите во млади категории, каде Прилеп ќе биди домаќин на тие турнири.

Супер лигата во машка и женска конкуренција започнува на 5. март, каде машката екипа ќе игра со ППК Крива Паланка, додека женската екипа игра со екипата на Шампиони ФА и Берово.

Едно лице е повредено во сообраќајната несреќа која утринава околу 8:30 часот се случи на магистралниот пат Гостивар-Кичево, на околу два километри до Стража.

Портпаролот на СВР Тетово, Марјан Јосифоски за Курир информира дека во несреќата учествувале се три товарни моторни возила (комбиња)

-„Ивеко“ со прилепски регистарски ознаки управувано од 46-годишниот Р.Б. од Прилеп, „фиат“ со скопски ознаки што го управувал 39-годишниот скопјанец Ц.М. и „пежо“, исто така, со скопски регистарски ознаки управувано од 38-годишниот скопјанец И.А. Во незгодата со телесни повреди се здобил возачот на „пежото“ И.А., кој бил пренесен во гостиварската Општа болница „Ферид Мурад“ за укажување на лекарска помош, истакнува Јосифоски.

На местото на несреќата увид извршиле Јавен обвинител и екипа од Одделението за внатрешни работи Гостивар.

Поради сообраќајната несреќа од 9 до 10 часот сообраќајот бил во прекин во двете насоки.

Условна казна му е изречена на гинекологот Мухамед Асани, затоа што во нелегална ординација во неговата куќа, давал здравствени услуги, а меѓу клиентите беше и родилката Јалдз Веапоска, која подоцна остана без органи. Ова е исходот од првата кривична пријава која ја поднесе Државниот санитарен и здравствен инспекторат, а Веапоска во изјава за „Макфакс“ вели дека е задоволна од пресудата. Сега, гинекологот не смее да направи ново кривично дело во наредните четири години, во спротивно, ќе треба да лежи затвор од две години. Пресудата е изречена во струшкиот Основен суд.

„Задоволна сум од исходот на случајот за нелегалната ординација, бидејќи му ја најдоа и го казнија за тоа што нелегално ме прегледуваше мене и сите жени во таа ординација. Таму имаше и други жени кои беа прегледувани. Верувам дека сум заштитила и други жени кои би отишле таму да се прегледуваат“, вели Веапоска за „Макфакс“.

Пресудата доаѓа две години откако ДСЗИ изврши вонреден надзор во нелегалната ординација. Тогашната директорка на инспекторатот, Ирина Сотирова – Бухова, констатираше дека гинекологот Асани имал комплетна ординација, која не била регистрирана и поднесе кривична пријава. Веапоска за „Макфакс“ додава дека ова е само почеток.

„Тоа е почеток, казната што ја доби од судот. Тоа му е прва пресуда. Дај Боже на пресудата за вадењето на моите органи, да се казни со затвор. Сакам повеќе да не е доктор. Да не осакатува други жени. Затоа и тргнав во оваа работа“, додава родилката.

Мухамед Асани беше директор на струшката болница. По јавното обелоденување на случајот со Ваепоска, тој беше разрешен. Според родилката, тој и натаму работи во болницата и обавува обврски како доктор. Со оваа пресуда не му е изречена забрана за вршење дејност.

Ваепоска води уште една битка пред струшкиот суд. Тој се гони затоа што по породување со царски рез во струшката болница, и извадил три органи на Веапоска.

фотографија – Шлакески Маринко „ДРЖАВНА БОЛНИЦА“ (2010) – Маринко Шлакески (драмски текст – извадок)

ДОКТОРОТ: (со манир на голем оратор, зборува во огледало; свечено) Јас сум… Наполеон! Јас сум Цезар и Сципион Африканецот заедно! Јас го имам Светиот Грал и во мене тече крвта на јунаците од Спарта! За мене! За мене плачеше Клеопатра… и Елена од Троја. Јас сум… (стои уште извесно време, го гаси грамофонот, внимателно ја остава грамофонската плоча во нејзината футрола и полека се приближува кон аквариумот; го милува по рабовите, го потпира лицето на стаклените ѕидови, става храна во аквариумот) Изабела… Изабела… Моја Изабела… Мое утро, мој ден, моја ноќ… Добро утро, Изабела… Спиеше добро, нели? Да, и јас, благодарам.. (ја набљудува рибата уште некое време; станува, ја отвора вратата, гласно) Сестро!

(влегува сестрата, крупна, несмасна млада жена; незаинтересирана, неуредна, смачено од секојдневна работна рутина; во едната рака носи стара парталава тетратка, во другата носи филџан)

СЕСТРАТА: Добро утро… докторе.

ДОКТОРОТ: Добро утро… молам? (го зема филџанот)

СЕСТРАТА: (во војнички став мирно, потенцира) Добро утро, господине… докторе!

ДОКТОРОТ: Моја драга мадам… Хелга… (отпива од филџанот)

СЕСТРАТА: Хилда… докторе.

ДОКТОРОТ: Ах… мадам… зарем пак?

СЕСТРАТА: Веќе четиринаесет години господине…

ДОКТОРОТ: Четиринаесет лета цели… Верна моја мадам… Вилма…

СЕСТРАТА: Но… (се откажува)

ДОКТОРОТ: Денес сме кај оние кутри души од соба број пет, нели?

СЕСТРАТА: Соба број четири, господине.

ДОКТОРОТ: Како да не, како да не… Се разбира… Соба број четири. Вечност една како не сум ги видел. Прекрасни суштества… тие нивни прости души… Кажете сестро, уште ли мочаат… (се закашлува) пардон, уринираат во нивната соба?

СЕСТРАТА: Тие се од соба број седум, господине. Сега мочаат во ходникот!

ДОКТОРОТ: Соба број седум… да… прекрасно.

СЕСТРАТА: Да докторе… прекрасно. Многу прекрасно..

„ДРЖАВНА БОЛНИЦА“ (2010) – Маринко Шлакески
(драмски текст – извадок)